Kronikë e zezë

Një muaj paraburgim për policin që dyshohet se vrau kolegun e tij

Pesë zyrtarëve policorë u është caktuar masa e arrestit shtëpiak.

Published

4 years ago

February 20, 2022

Betim Gashi

Gjykata Themelore në Prishtinë ka caktuar 30 ditë paraburgim për zyrtarin policor F.M, i cili dyshohet se në orët e vona të së premtes ka qëlluar me armë kolegun e tij Lirim Haxholli, i cili nuk ka mundur t’u mbijetojë plagëve të marra.

Zëdhënësja e Gjykatës Themelore në Prishtinë, Mirlinda Gashi konfirmoi për KosovaPress se Gjykata ka caktuar 30 ditë paraburgim për F.M, i dyshuar për vrasje, ndërsa pesë zyrtarëve policorë u ka caktuar masën e arrestit shtëpiak. Këta të fundit dyshohen për shkaktim të rrezikut të përgjithshëm dhe përdorimi i armës apo mjetit të rrezikshëm.

Ndryshe, të premten vonë në një ndejë në Zllatar të Prishtinës nga të shtënat me armë ka vdekur polici Lirim Haxholli.

Një person është arrestuar për vrasje, pesë të tjerë për shkaktim të rrezikut të përgjithshëm ndërsa 9 zyrtarë policor të pranishëm në ndejë janë suspenduar nga puna.

Polici Lirim Haxholli është varrosur sot pasdite në varrezat e Prishtinës.

Related Topics:paraburgim kronika e zeze

Up Next

Iu gjet arma pa leje, arrestohet një 27-vjeçar në Suharekë

Don't Miss

Bleu lokale në Fushë Kosovë me paratë e prostitucionit

Kronikë e zezë

Arrestohen dy persona për dhunim në Vushtrri

Published

12 hours ago

February 25, 2026

UBTNews

Dy burra janë arrestuar në Vushtrri nën dyshimin për dhunim, njofton Policia e Kosovës.

Sipas policisë, të dyshuarit dyshohet se kanë dhunuar një grua, e cila është dërguar për trajtim mjekësor.

Pas intervistimit me vendim të prokurorit, të dyshuarit janë dërguar në mbajtje për procedura të mëtejme.

Rasti është raportuar më 24 dhe 25 shkurt 2026

Kronikë e zezë

Dy raste të falsifikimit të parave, policia nis hetimet

Published

12 hours ago

February 25, 2026

UBTNews

Dy raste të dyshuara për falsifikim të parasë janë raportuar në Graçanicë dhe Lipjan, sipas raportit të Policisë se Kosovës.

Në Graçanicë, një zyrtar banke ka njoftuar se një klient ka deponuar rreth 766.50 euro, të cilat dyshohet të jenë të falsifikuara. Monedhat janë sekuestruar dhe rasti është duke u hetuar.

Ndërkaq, në Lipjan, gjithashtu një zyrtar banke ka raportuar se një klient ka deponuar një monedhë prej 500 euro, që dyshohet të jetë e falsifikuar. Monedha është sekuestruar dhe autoritetet po vazhdojnë hetimet.

Kronikë e zezë

Tri raste të dhunës në familje brenda një dite në Kosovë

Published

12 hours ago

February 25, 2026

UBTNews

Tri raste të ndara të dhunës në familje janë raportuar në Gjilan, Pejë dhe Skenderaj, sipas raportit 24-orësh të Policisë se Kosovës.

Në Gjilan, dy vëllezër janë arrestuar pasi, pas një mosmarrëveshjeje, janë përleshur fizikisht mes vete. Gjatë kontrollit policor, tek ta është gjetur dhe sekuestruar një revole me leje. Me vendim të prokurorit, pas intervistimit, të dyshuarit janë dërguar në mbajtje.

Në një rast tjetër në Pejë, është arrestuar një grua e dyshuar se ka ushtruar dhunë psikike dhe ka tentuar ta sulmojë vëllain e saj. Pas intervistimit, me vendim të prokurorit, palët janë liruar dhe rasti ka shkuar në procedurë të rregullt.

Ndërkaq, në Skenderaj është raportuar se një grua ka pësuar dhunë nga i dyshuari burrë, me të cilin kishte bashkëjetuar. Për rastin është njoftuar prokurori dhe hetimet janë në zhvillim.

Rastet janë raportuar më 24 shkurt 2026.

Kronikë e zezë

Vrasje në tentativë në Pejë, arrestohet një i mitur

Published

13 hours ago

February 25, 2026

UBTNews

Një i mitur është arrestuar në Pejë nën dyshimin për veprën penale “vrasje në tentativë”, sipas raportit 24-orësh të Policisë se Kosovës.

Sipas njoftimit, rasti ka ndodhur dje rreth orës 13:10, pas një mosmarrëveshjeje mes dy të miturve. I dyshuari dyshohet se ka therur me thikë viktimën, po ashtu të mitur.

Viktima ka marrë trajtim mjekësor në Spitali i Pejës, ndërsa me vendim të prokurorit, i dyshuari është dërguar në mbajtje për procedura të tjera.