

Lajmet
Në Ditën e Tokës kërkohet më shumë kujdes për mjedisin
Published
4 years agoon
By
Betim GashiMe rastin e shënimit të 22 Prillit, Ditës Ndërkombëtare të Tokës Ministria e Mjedisit, Planifikimit Hapësinor dhe Infrastrukturës së bashku me ministrinë e Arsimit dhe atë të Kulturës, Rinisë dhe Sportit, kanë organizuar një varg aktivitetesh.
Njëra nga ta ishte mbjellja e fidanëve në oborrin e shkollës fillore “Hasan Prishtina”, në kryeqytet, ku edhe u ekspozuan disa vizatime të nxënësve të kësaj shkolle që synim kishin rritjen e vetëdijes për mbrojtjen e ambientit.
Ministria e Arsimit, Shkencës, Teknologjisë dhe Inovacionit, Arbërie Nagavci kërkoi që sa më shumë të organizohen aktivitete për ruajtjen e mjedisit që ndikon pastaj edhe në ruajtje të shëndetit. Sipas saj, pandemia ka treguar se sa është e rëndësishme të kujdesemi për higjienën dhe mjedisin.
“Jam shumë e vetëdijshme për rolin dhe rëndësinë e mësimdhënësve andaj iu inkurajoj të gjithëve që të vazhdoni me aktivitetet që po i bëni. Në përvojën time kam pasur rast që shoh në shkolla të ndryshme komuna të ndryshme punën e mësimdhënësve dhe fëmijëve përmes aktivitete me klube të gjelbra e ekspozitave dhe vizatimeve si këto ku arrihet edhe vetëdijësimi për rëndësinë e ruajtjes së planit. Ju inkurajoj që të vazhdoni angazhimin në këtë drejtim duke shfrytëzuar sa më shumë mundësinë që e kemi të punoni në vetëdijesim dhe qëndrueshmëri të aktiviteteve për ruajtjen e tokës dhe mjedisit dhe në fund të kësaj për shëndetin e secilit prej nesh. Viti që shkoi situata me pandeminë na ktheu edhe njëherë në vëmendje se sa shumë është e rëndësishme që të kujdesemi për higjienën për shëndetin dhe mjedisin dhe njëri tjetrin”, theksoi ajo.
Ndërsa, shefja e kabinetit të ministrit të Ministrisë së Mjedisit, Planifikimit Hapësinor dhe Infrastrukturës, Rineta Jashari u shpreh se për tokën duhet të jemi të kujdesshëm çdo ditë e jo vetëm në Ditën Ndërkombëtare të saj.
“Unë kam vetëm një mesazh sot për këtë ditë, që Dita e Tokës është çdo ditë, ne duhet të kujdesemi për tokën çdo ditë jo vetëm në Ditën Ndërkombëtare të Tokës, andaj duhet të veprojmë tani ta ripërtërijmë tokën tonë”, tha ajo.
E drejtoresha e shkollës fillore “Hasan Prishtina”, Sofie Bunjaku tha se shënimi i kësaj dite simbolizon ngritjen e vetëdijes për mosshkatërrim të tokës.
“Shënimi i kësaj ngjarje është një mundësi që njerëzit anekënd botës të mendojnë rreth efekteve negative dhe shkatërrimit të mjedisit si në nivel lokal ashtu edhe global. Ekzistojnë shumë çështje që kanë nevojë për ndërhyrje urgjente, shfrytëzimi racional i resurseve natyrore, ndotja e mjedisit, ndryshimet, menaxhimi i tokës, faktorët që po ndikojnë në kërcënimin e planetit tokë, humbjen e biodiversitetit dhe vetë ekzistencën e njerëzimit. Ndërkaq, në nivelin lokal problemet mjedisore janë më të shumta dhe drejtpërdrejt prekin kualitetin e jetesës së njeriut”, u shpreh ajo.
Në Ditën Ndërkombëtare të Tokës sot me qëllim të ngritjes së vetëdijes për mbrojtje të mjedisit nëpër komunat e Kosovës janë organizuar aktivitete të shumta.
Bota
Trump tërhiqet përkohësisht mes Rusisë dhe Ukrainës: Në fillim të takohen Putin e Zelensky
Published
26 minutes agoon
August 21, 2025By
UBT News
Donald Trump synon t’ua lërë Rusisë dhe Ukrainës organizimin e një takimi mes liderëve të tyre pa luajtur vetë një rol direkt për momentin, sipas zyrtarëve të administratës të njohur me situatën, duke bërë një hap prapa nga negociatat për t’i dhënë fund pushtimit rus të Ukrainës.
Hapi i radhës, sipas Trump-it, për t’i dhënë fund luftës në Ukrainë mbetet një takim dypalësh mes presidentit rus, Vladimir Putin, dhe presidentit ukrainas, Volodymyr Zelensky, thanë zyrtarët.
Trump u ka thënë këshilltarëve ditët e fundit se ai synon të organizojë një takim trepalësh me dy liderët vetëm pasi ata të kenë zhvilluar fillimisht një takim mes tyre, megjithëse mbetet e paqartë nëse ky takim fillestar do të ndodhë dhe Trump nuk ka ndërmend të përfshihet në atë përpjekje.
Në një intervistë telefonike me drejtuesin e talk-show Mark Levin në WABC të martën, Trump tha gjithashtu se mendonte se do të ishte më mirë që Putin dhe Zelenskyy të takoheshin pa të në fillim. “Unë thjesht dua të shoh se çfarë do të ndodhë në takim. Pra, ata janë në proces e sipër për ta organizuar dhe ne do të shohim se çfarë do të ndodhë.”
Hezitimi i Trump-it për t’i shtyrë Putin-in dhe Zelensky-në drejt një takimi vjen ndërsa ai ka pranuar ditët e fundit se përfundimi i luftës në Ukrainë ka qenë më i vështirë sesa kishte parashikuar, pasi vitin e kaluar në fushatë kishte thënë se mund ta arrinte për 24 orë.
Që atëherë, ai ka kërkuar një marrëveshje të shpejtë paqeje pasi afati i vendosur prej tij për Rusinë që t’i jepte fund luftës skadoi këtë muaj dhe tha pas takimeve me Zelenskyy-në dhe liderët europianë në Shtëpinë e Bardhë të hënën se kishte ndërmarrë hapa për një takim dypalësh.
Aktualitet
Sekretari Parlamentar i Gjermanisë viziton Kosovën
Published
30 minutes agoon
August 21, 2025By
UBT News
Ambasada Gjermane në Prishtinë ka bërë të ditur vizitën zyrtare të Sekretarit Parlamentar të Shtetit, Johann Saathoff pranë Ministrit Federal për Bashkëpunim Ekonomik dhe Zhvillim të Gjermanisë, i cili do të qëndrojë në Kosovë më 22 dhe 23 gusht 2025.
Të premten sekretari Parlamentar i Shtetit do të vizitojë iniciativën kryesore Inovacion dhe Parkun e Trajnimeve në Prizren (ITP), një projekt model i përkushtuar ndaj ndërmarrësisë, inovacionit, zhvillimit të bizneseve dhe përmirësimit të aftësive.
Në program është planifikuar një sesion informues dhe një vizitë në kompani. Kjo vizitë thekson angazhimin e vazhdueshëm të Gjermanisë për të nxitur rritjen ekonomike gjithëpërfshirëse dhe bashkëpunimin bilateral.
Pas vizitës në terren, do të mbahet një konferencë për shtyp në hapësirat e projektit, gjatë së cilës Sekretari Parlamentar i Shtetit do të mbajë një deklaratë dhe do të jetë në dispozicion për të përgjigjur pyetjeve nga përfaqësuesit e mediave.
Aktualitet
Kapet shtetasi serb në Maqedoni të Veriut për kontrabandë
Published
32 minutes agoon
August 21, 2025By
UBT News
Drejtoria e Doganave e Maqedonisë së Veriut ka bërë të ditur se është kapur një shtetas serb gjatë tentativës për të kontrabanduar dy orë Rolex dhe një orë Omega.
Në njoftim thuhet se orët janë zbuluar në veturën e personit në fjalë, i cili po përpiqej të hynte në Maqedoni përmes pikës kufitare Tabanoc.
Rolex Submariner, Rolex Sky-Dëeller dhe Omega Speedmaster ishin orët që shtetasi serb tentoi të kontrabandonte sipas doganës maqedonase, vlera e të cilave është 38 mijë euro.
“Kundër personit është ngritur kallëzim penal për shkak të dyshimit të bazuar për kryerjen e veprës penale kontrabandë. Shoferi, me qëllim që të shmangë kontrollin doganor, vendosi orët në një kuti të vogël lëkure, të cilën e futi në çantën e tij të zezë së bashku me sende të tjera për përdorim personal.
Produktet e sekuestruara janë dorëzuar pranë Prokurorisë Themelore Publike në Kumanovë”, thonë nga Drejtoria e Doganave.
Aktualitet
Kufiri Kosovë-Shqipëri: I dyshuari drejton armën policëve, hedh çantën me 21 kg marihuanë dhe ik
Published
3 hours agoon
August 21, 2025By
UBT News
Policia e Kosovës ka noftuar se 21 kilogramë marihuanë janë gjetur brenda një çante që është hedhur nga një i dyshuar i cili ka ikur. I njëjti ishte i armatosur dhe me çantën në krah në vijën kufitare Kosovë-Shqipëri.
Policia njoftoi se i dyshuari ua ka drejtuar armën zyrtarëve dhe më pas e ka hedhur çantën e ka ikur në zonën malore në drejtim të Shqipërisë.
“Policia e Kosovës, respektivisht njësia hetimore nga Departamenti i Kufirit me datën 20.08.2025, rreth orës 20:30 gjatë veprimeve hetimore në zonën kufitare Kosovë-Shqipëri përgjatë vijës së gjelbër, ka hasur në një person të dyshuar i cili ishte duke e bartur një çantë dhe ishte i armatosur.
I njëjti në momentin që ka vërejtur zyrtarët policorë ka drejtuar armën e zjarrit në drejtim të zyrtarëve policorë, duke paraqitur rrezik të drejtpërdrejtë ndaj tyre.
Zyrtarët policorë kanë tentuar që ta ndalojnë të dyshuarin duke u prezantuar, mirëpo i njëjti ka hedhur çantën dhe ka arritur që të dalë në zonën malore në drejtim të Shqipërisë”, njoftoi Policia e Kosovës.

Sony rrit çmimet e PlayStation 5 në SHBA

Arsenal rivalizon Tottenhamin për transferimin e Eze

Trump tërhiqet përkohësisht mes Rusisë dhe Ukrainës: Në fillim të takohen Putin e Zelensky

“Nuk janë në komunikim të vazhdueshëm”, a ka mbaruar romanca e Katy Perryt me ish-kryeministrin kanadez?

Sekretari Parlamentar i Gjermanisë viziton Kosovën

Kapet shtetasi serb në Maqedoni të Veriut për kontrabandë

Interi ‘mbyll’ dy marrëveshje për 80 milionë euro, një mbrojtës dhe një mesfushor

E thotë shkenca: Ja si ndikon të lexuarit në shëndetin tonë

Këto janë 10 punët më stresuese në botë
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit