Kulturë

MKRS dhe komuna e Prishtinës dakordohen të luftojnë për trashëgiminë kulturore

Published

4 years ago

May 14, 2021

Betim Gashi

Ministri i Kulturës, Rinisë dhe Sportit, Hajrulla Çeku ka mbajtur takim me kryetarin e Prishtinës, Shpend Ahmeti, me ç’rast janë dakorduar të vazhdojnë bashkëpunimin për avancimin e agjendës së zhvillimit kulturor, me fokus kryeqytetin.

Në kuadër të këtij takimi, Çeku dhe Ahmeti u dakorduan që të bashkëpunojnë edhe në luftën për ruajtjen e trashëgimisë kulturore.

Ministri Hajrulla Çeku tha se është e rëndësishme që bashkëpunimi me komunën e Prishtinës po vazhdon dhe se bashkë me Ahmetin janë dakorduar që të vazhdojnë realizimin e punëve në drejtim të avancimit të agjendës së zhvillimit kulturor në vend, me fokus Prishtinën.

“U fokusuam në çështje të kulturës, infrastrukturës kulturore, bashkëpunimit për ta avancuar agjendën e zhvillimit kulturor në Kosovë, në fokus kryeqytetin e Kosovës dhe tema tjera të interesit të përbashkët. Besoj që në fillim të bashkëpunimit, qeveri qendrore dhe komunë, do të vazhdojmë të realizojmë punët që na presin”, tha ai.

I pari i Prishtinës, Shpend Ahemti tha se janë disa projekte të përbashkëta, që janë edhe në interes të Ministrisë së Kulturës, Rinisë dhe Sportit.

“Janë disa gjëra që kësaj radhe i ndajmë si mendime të përbashkëta, që është lufta për trashëgiminë kulturore, që nuk është aspak luftë e lehtë. E di edhe ministri sa ka luftuar për këtë, për shkak se nuk është aspak luftë e lehtë për shkak të presioneve që na vijnë për të rrëzuar të vjetrën për të ndërtuar diçka të re. Këtu jemi në përputhje, do t’i koordinojmë shumë shpejt punët. Por, diskutuam edhe për infrastrukturën kulturore, teatrot, sallën koncentrale, këto synojmë t’i funksonializojmë sa më shumë… Shumë shpejt i përmbyllim stadiumin e Prishtinës, i cili tash përdoret prej përfaqësues së kombëtares… Vazhdon bashkëpunimi jonë për Bienalen, ku do të kemi mbi 200 mijë vizitorë në nj periudhë 6 mujore dhe vazhdon bashkëpunimi i ngushtë me ministrinë në mënyrë që të jemi sa më të përgatitur”, u shpreh ai.

Related Topics:Ministria e Kultures prishtina

Up Next

Historia e artistes amerikane që kujdeset për “elefantin më të vetmuar në botë”

Don't Miss

Paris Hilton rikthehet në TV me një reality show

Kulturë

Panairi i 25-të i librit në Prishtinë, nis javën e ardhshme

Published

5 hours ago

June 2, 2025

Albina Zeneli

Me moton “Inteligjenca rrjedh nga libri” edicioni i 25-të i panairit mbarëkombëtar të librit “Prishtina 2025”, do të mbahet më 11-15 qershor 2025.

Ceremonia e hapjes fillon më 11 qershor në orën 12:00, ndërsa do të jetë i hapur për vizitorë çdo ditë nga ora 9:00-21:00.

Panairi do të mbyllet më 15 qershor në orën 19:00.

Në këtë ngjarje marrin pjesë rreth 100 botues nga Kosova, Shqipëria, Maqedonia e Veriut dhe diaspora.

Numri i titujve të rinj do të jetë rreth 2000, derisa numri i titujve të viteve të fundit është rreth 6000.

Magazinë

Netflix gjen një tjetër hit britanik “Dept Q” – fansat e adhurojnë dhe kërkojnë sezonin e dytë

Published

5 hours ago

June 2, 2025

Albina Zeneli

Drama kriminale britanike “Dept Q” po përshëndetet si një nga më të mirat në Netflix, duke ngjitur shpejt majat e listave dhe duke fituar lavdërime masive nga publiku.

Shumë shikues e kanë cilësuar serialin si “madhështi e pastër” dhe e kanë ndjekur me maratonë menjëherë pas publikimit.

Seriali përqendrohet te detektivi i mprehtë por i trazuar Carl Morck (i luajtur nga Matthew Goode), i cili punon për të zgjidhur raste të pazgjidhura në Edinburg.

Përkrah tij janë Chloe Pirrie nga “The Queen’s Gambit” dhe Jamie Sives nga “Guilt”, shkruan DailyMail.

Me një vlerësim prej 81% në Rotten Tomatoes dhe komente pozitive në rrjet, “Dept Q” është kthyer në fenomen për adhuruesit e trillerëve kriminalë. Një përdorues në X shkroi: “Dept Q është një thriller krimi i mirë. Matthew Goode është në një nivel tjetër!” – ndërsa të tjerë e krahasuan me “True Detective” dhe kërkuan menjëherë sezonin e dytë.

Në këtë sukses kontribuon edhe roli karizmatik i Goode, i njohur për performanca të spikatura në “Downton Abbey”, “The Crown”, “The Imitation Game” dhe “A Discovery of Witches”.

Duke kombinuar tensionin klasik britanik me aktrim të shkëlqyer, Dept Q është shndërruar në serial që s’duhet humbur.

Magazinë

Ylli i “Shtëpiake të Dëshpëruara” ndërron jetë në moshën 71-vjeçare

Published

9 hours ago

June 2, 2025

Albina Zeneli

Aktorja e njohur, Valerie Mahaffey, ka ndërruar jetë në moshën 71-vjeçare pas një beteje me kancerin. Lajmin e bëri të ditur familja e saj.

Mahaffey la pas një karrierë të mrekullueshme në aktrim, duke u bërë një ndër figurat më të dashura për publikun me rolet e saj, përfshirë Alma Hodge në “Desperate Housewives”, ish-bashkëshortja e personazhit të Kyle McLaughlin, si dhe mësuesja e Sheldon, MacElroy, në serialin “Young Sheldon”.

Ajo u vlerësua me çmimin Emmy më 1992 për rolin e Eve në serialin “Northern Exposure”, një nga personazhet më të preferuara të saj.

Ndër rolet e tjera të njohura përfshihen edhe tri episode në “Glee” dhe pjesëmarrja në serialin “Dead to Me”.

Mahaffey la pas bashkëshortin e saj, aktorin Joseph Kell, dhe vajzën e tyre, Alice.

“Kam humbur dashurinë e jetës sime, ndërsa Amerika ka humbur një nga aktoret më të dashura,” tha Kell në një deklaratë për Variety.

Magazinë

Princi Harry donte ta ndryshonte mbiemrin në Spencer, përçarja vazhdon në Pallatin Mbretëror

Published

11 hours ago

June 2, 2025

Albina Zeneli

Princi Harry kishte ndërmend të ndryshonte mbiemrin, ai ishte konsultuar me vëllain e Princeshës Diana për këtë çështje.

Duka i Sussex ka qenë duke eksploruar mënyra për të marrë mbiemrin e nënës, Spencer, veprim që do të thoshte se ai do duhej të hiqte dorë nga Mountbatten-Windsor, të cilin e mbajnë fëmijët, Princi Archie dhe Princesha Lilibet.

Raportet thonë se e diskutoi çështjen me dajen e tij, Earl Spencer, gjatë një vizite të rrallë në Britani, por u informua se procesi është i ndërlikuar dhe pengesat ligjore janë të pakapërcyeshme.

“Ata patën një bisedë shumë miqësore dhe Spencer e këshilloi të mos ndërmerrte një hap të tillë”, tha një mik i Harry-t.

Fakti që ai u konsultua me kontin për këtë çështje, sugjerim që do ta kishte zhgënjyer vëllanë dhe babanë është provë e qartë se përçarja me familjen e tij është e thellë. Mountbatten-Windsor është mbiemri që mbajnë pasardhësit e Mbretëreshës së ndjerë Elizabeth dhe Princit Philip. Ai kombinon emrin e familjes mbretërore Windsor dhe mbiemrin e adoptuar të Dukës së Edinburgut.

Në certifikatat e tyre të lindjes, fëmijët e Dukës dhe Dukeshës së Sussex janë Archie Harrison Mountbatten-Windsor dhe Lilibet Diana Mountbatten-Windsor.

Autori Tom Bower ka argumentuar se “Meghan vendosi që qëllimi i vërtetë në jetë ishte të ishte Diana e ardhshme”. Nëse ndryshimi i emrit do ishte bërë, vajza e Meghan, e cila thuhet se e ka takuar gjyshin Charles vetëm një herë, quhej Lilibet Diana Spencer dhe do të ishte homazh për nënën e ndjerë të Harry-t.

Ky veprim do të ishte veçanërisht i dëmshëm për Mbretin Charles, i cili e do emrin Mountbatten njësoj si babai i tij. Një mentor i Princit Philip, Konti i Parë Mountbatten i Burmës ushtroi gjithashtu një ndikim të fortë te stërnipi i tij, Mbreti i ardhshëm Charles.

Filipi e mori emrin Mountbatten kur u bë shtetas britanik i natyralizuar dhe hoqi dorë nga titujt mbretërorë grekë dhe danezë në vitin 1947.

Mbretëresha dhe Filipi vendosën në vitin 1960 se do të donin që pasardhësit e tyre të drejtpërdrejtë të njiheshin si Mountbatten-Windsor.

Emrat dhe titujt janë temë e ndjeshme për Dukën dhe Dukeshën e Sussex . I’u dhanë titujt Sussex nga Mbretëresha Elizabeth në ditën e dasmës së më 2018.

Meghan këmbënguli së fundmi se mbiemri i saj është Sussex, duke korrigjuar një të ftuar në emisionin e gatimit dhe stilit të jetesës në Netflix.