Lajmet

​Mjekët me “karton të kuq” e vlerësojnë menaxhimin e pandemisë, kërkojnë miratimin e ligjit për paga

Published

4 years ago

on

Federata e Sindikatave të Shëndetësisë së Kosovës ka protestuar sot para Qeverisë së Kosovës duke kërkuar që deri në fund të vitit të miratohet ligji për pagat. Ndërsa me “karton të kuq” e kanë vlerësuar menaxhimin e pandemisë dhe trajtimin e profesionistëve shëndetësorë në këtë periudhe krize shëndetësore.

Kryetari i FSSHK-së, Blerim Syla tha se kanë dy kërkesa kyçe e që janë miratimi i ligjit të pagave këtë vit, dhe zbatimi për shtesat mbi pagë të bazuar në Ligjin për luftimin dhe parandalimin e pandemisë në territorin e Kosovës.

“Pa vullnetin tonë, por me provokimin e skajshëm të institucioneve më të larta të shtetit jemi detyruar të dalim me mantel të bardh në rrugë… Dy kërkesat sublime kanë të bëjnë me implemtimet e ligjit. Ka disa muaj që iu kemi adresuar presidentes, kryeparlamentarit dhe kryeministrit, por asnjë përgjigje nuk kemi marrë. Kërkesa janë zbatimi i ligjit të pagave dhe jo të jepen lëmosh. Ne nuk jemi për lëmosh, andaj urgjentisht kërkojmë të merret vendimi që ligji antipandemi të vazhdojë deri në miratimin e ligjit të pagave ndërsa, kërkesa kryesore ku mund të flasë lirisht edhe në emër të shërbyes civilë dhe policisë, të cilët shumë shpejt do t’i shihni me reagimet e tyre. Kërkojmë që sivjet të miratohet ligji i pagave në bashkëpunim me sindikatat, që viti 2022, pikërisht janari të na gjejë me barazi ashtu siç e kanë premtuar kjo qeveri, në të kundërtën jemi të detyruar të përshkallëzojmë veprimet tona”, tha ai.

Duke i dhënë ultimatum Qeverisë që deri më 26 shtator të reagojnë karshi kërkesave të tyre, Syla tha se kjo sjellje e qeverisë karshi punëtorëve shëndetësorë do të rritet numri i mjekëve që do të ikin nga Kosova.

“Me veprimet e fundit kundër mantel-bardhëve, vetëm sa do të thelloj krizën e largimit të mjekëve nga Kosova. Zotëri kryeministër, ndoshta sot iu dukemi pak, por ju lutemi mbani premtimet për barazi, ligji i pagave është jetik për ne dhe për të gjithë shërbyesit publikë… Ne do të jemi me popullin vazhdimisht, por deri më datën 26 do të presim se çka do të veprojë qeveria, por ju lutem mos na detyroni të vijmë më masovikisht këtu”, theksoi Syla.

Lidhur me menaxhimin e pandemisë COVID-19, Federata Sindikale e Shëndetësisë së Kosovë ka vlerësim negativ.

“Sa i përket menaxhimit të pandemisë dhe trajtimit të punëtorëve shëndetësor ja ku e keni”, u shpreh ai.

Federata Sindikale e Shëndetësisë së Kosovës ka protestuar edhe para Ministrisë së Shëndetësisë ku kërkuan vazhdim të dialogut social, si dhe nxjerrjen e udhëzimit administrativ për shtesat mbi pagë të bazuar në Ligjin për luftimin dhe parandalimin e pandemisë.

Related Topics:
Continue Reading

Bota

Protestë në Ukrainë, Zelensky nënshkruan projektligjin që dobëson agjencitë anti-korrupsion

Published

1 hour ago

on

July 23, 2025

By

Agjencia e sigurisë së brendshme e Ukrainës arrestoi dy zyrtarë të NABU-së me dyshimin për lidhje me Rusinë dhe kontrolloi punonjës të tjerë të agjencisë për akuza të palidhura.

Mijëra ukrainas u mblodhën në Kiev dhe qytete të tjera të martën, duke i kërkuar Presidentit ukrainas Volodymyr Zelenskyy të vërteton ndaj legjislacionit që kritikët thonë se minon infrastrukturën antikorrupsion të vendit.

Protesta shënoi tubimin e parë të madh kundër qeverisë në më shumë se tre vjet të pushtimit të plotë të Rusisë.

Parlamenti i Ukrainës kishte miratuar një projektligj që shtrëngonte mbikëqyrjen e dy organeve kryesore antikorrupsion, Byrosë Kombëtare Antikorrupsion të Ukrainës (NABU) dhe Zyrës së Prokurorit të Specializuar Antikorrupsion (SAPO).

Kundërshtarët paralajmërojnë se masa mund të dobësojë pavarësinë e agjencive dhe të rrisë ndikimin politik mbi hetimet.

Pavarësisht protestave publike, Zelenskyy thuhet se e nënshkroi projektligjin të martën.

Continue Reading

Lajmet

​Formacionet e mundshme të miqësores Arsenal – Milan

Published

2 hours ago

on

July 23, 2025

By

Pas ndeshjes së tyre të parë në shtëpi në Milanello kundër Milan Futuro, Rossonerët do të përballen me Arsenalin e Mikel Artetas në miqësoren e parë të Turneut të tyre Para-Sezoni 2025 në rajonin Azi-Paqësor.

Ndeshja kundër “Gunners” është pjesë e “Festivalit të Futbollit në Singapor”, i cili, përveç AC Milan dhe Arsenal, do të përfshijë edhe Newcastle.

Kjo ndeshje zhvillohet nga ora 13:30 dhe këto janë formacionet e mundshme:

ARSENAL (4-3-3) : Raya; Lëndë drusore, Saliba, Gabriel, Calafiori; Odegaard, Zubimendi, Rajs; Saka, Havertz, Trossard.

MILAN (4-3-3) : Maignan; Saelemaekers, Tomori, Gabbia, Jimenez; Fofana, Ricci, Loftus-Cheek; Pulisic, Okafor, Leao.

 

Continue Reading

Lajmet

​Pas 30 korrikut, KEK ndal furnizimin me energji për konsumatorët që nuk kanë gjetur furnizues në treg të hapur

Published

2 hours ago

on

July 23, 2025

By

30 korriku është data e fundit që do të furnizojë me energji elektrike të gjithë konsumatorët që nuk kanë gjetur furnizues në treg të hapur, ka njoftuar Korporata Energjetike e Kosovës (KEK).

Në një njoftim në Facebook thuhet se Korporata Energjetike e Kosovës, në përputhje me vendimin e Zyrës së Rregullatorit për Energji (ZRRE), sipas Ligjit për Energjinë Elektrike si dhe Rregullës për Furnizuesin e Mundësisë së Fundit (FMF), nga data 1 qershor 2025 ka filluar furnizimin me energji elektrike si FMF, për një periudhë maksimale prej 60 ditësh, e cila përfundon më 30 korrik 2025.

“Ky furnizim është i përkohshëm dhe rrjedh nga detyrimet dhe të drejtat ligjore të përcaktuara me Ligjin për Energjinë Elektrike dhe Rregulloren për FMF dhe ka për qëllim të ofrojë kohë të mjaftueshme për konsumatorët që të gjejnë një furnizues afatgjatë të licencuar nga ZRRE”.

Duke bërë thirrje për kujdes, KEK thotë se pas datës 30 korrik 2025, të gjithë konsumatorët që nuk kanë lidhur marrëveshje me ndonjë furnizues të licencuar, do të mbesin automatikisht pa furnizim me energji elektrike nga FMF, pasi që pas këtij afati përfundon e drejta ligjore për furnizim.

KEK kërkon që sa më shpejt të kontaktojnë një furnizues të licencuar nga ZRRE dhe të nënshkruajnë një marrëveshje komerciale për furnizim me energji elektrike, në mënyrë që të siguroheni që pas datës 30 korrik 2025 të mos ketë ndërprerje në furnizim.

“Lista e furnizuesve të licencuar mund të gjendet në faqen zyrtare të ZRRE-së: www.ero-ks.org Faleminderit për bashkëpunimin dhe mirëkuptimin tuaj”.

Continue Reading

Lajmet

Deputetja e LVV-së: Jemi optimist për përgjigje pozitive nga Nisma

Published

2 hours ago

on

July 23, 2025

By

Deputetja e Lëvizjes Vetëvendosje, Arbëreshë Kryeziu-Hyseni, është shprehur optimiste në një përgjigje pozitive nga Nisma Socialdemokrate për koalicion qeverisës.

Ajo pas dështimit të 51-të të konstituimit të Kuvendit, tha se janë në pritje të Nisma-s, derisa shtoi se një gjë e tillë duhet të ndodh para datës 26 korrik, afat i paraparë në aktgjykimin e Gjykatës Kushtetuese, ku obligon deputetët të konstituojnë legjislaturën e nëntë.

“Ne po presim një përgjigje prej këtij subjekti politik. Jemi optimist se do të kemi një përgjigje pozitive të paktën deri në fund të kësaj jave, pasi po i afrohemi datës 26 korrik, kur edhe konsumohet 30-ditëshi në aktgjykimin e Kushtetueses. Një gjë e tillë duhet të ndodh para këtij afati sepse e kemi obligim dhe përgjegjësi secili prej deputetëve, pa marrë parasysh subjektet politike që të kontribuojë në konstatimin e Kuvendit”, theksoi ajo.

Krahas kësaj, deputetja Kryeziu kritikoi deputetët e partive që deri tani ishin në opozitë, siç tha për bllokimin e Kuvendit, rrjedhimisht edhe formimit të qeverisë së re.

Continue Reading

Të kërkuara