Ukraina nuk është e gatshme të bëjë kompromis me Rusinë dhe të heqë dorë nga çdo territor për t’i dhënë fund luftës, tha një zyrtar i lartë ukrainas të martën kur u pyet në lidhje me deklaratën e kandidatit për president të SHBA-së, Donald Trump, se ai mund t’i japë fund shpejt konfliktit.

Shefi i shtabit të presidentit ukrainas Volodymyr Zelensky, Andriy Yermak, u tha gazetarëve gjatë një vizite në Uashington se Kievi do të dëgjonte çdo këshillë se si të arrihet një “paqe e drejtë” në luftë. Rusia pushtoi Ukrainën në shkurt 2022.

“Por ne (jemi) nuk jemi gati të shkojmë në kompromis për gjërat dhe vlerat shumë të rëndësishme … pavarësinë, lirinë, demokracinë, integritetin territorial, sovranitetin”, tha ai, raporton Reuters.

Vizita e Yermak erdhi përpara samitit të NATO-s të javës së ardhshme në kryeqytetin amerikan, ku Ukraina pritet të jetë tema kryesore e diskutimit.

Trump, kandidati republikan që sfidon presidentin Joe Biden, tha gjatë një debati mes dyshit javën e kaluar se nëse ai rizgjohej në nëntor, ai do ta zgjidhte shpejt luftën në Ukrainë përpara se të merrte detyrën në janar.

Ai nuk ka ofruar detaje se si do ta bënte këtë, por Reuters raportoi javën e kaluar se dy këshilltarë kryesorë të Trumpit i kishin paraqitur atij një plan që do të përfshinte kërcënimin për të shkurtuar ndihmën e SHBA-së nëse Kievi nuk hynte në negociata me Moskën.

Vlora, qyteti i tretë më i madh në Shqipëri, ka shumë për të ofruar. Zbuloni plazhet e tij të mrekullueshme, historinë spektakolare dhe kompleksin e ri të Marinës, shkruan Joseph Reaney në një artikull të botuar në “National Geographic”.

E rrethuar nga ujërat blu dhe peizazhi i gjelbër, me detin Adriatik të pabesueshëm të kaltër në njërën anë dhe Malet e Vetëtimës të mbështjellë me pisha nga ana tjetër, Vlora ka magjepsur vizitorët vendas që nga ditët e Homerit.

Por vetëm tani – pasi Shqipëria po bëhet një nga destinacionet me rritjen më të shpejtë turistike në Evropë – më në fund po fiton një vëmendje më të gjerë.

Me motin e saj të mrekullueshëm, brigjet e gjata me rërë, historinë e lashtë dhe atraksionet e reja emocionuese – duke përfshirë projektin modern bregdetar që po ndërtohet -Vlora ka të gjithë elementët e nevojshëm për t’u bërë arratisja tjetër e madhe mesdhetare.

Më poshtë vijojnë pesë arsyet pse duhet të vizitoni Vlorën:

1. Eksploroni bregdetin mahnitës

Ndiqni shëtitoren nga Marina e Vlorës dhe shumë shpejt do ta gjeni veten në zonën e plazhit. Kjo shtrirje e gjatë e rërës së artë është një atraksion për vizitorët në zonë. Ju do të mahniteni me panoramën e saj, pasi qyteti gëzon më shumë se 300 ditë me diell në vit.

Merrni një kajak ose skaf në gji për të eksploruar brigjet mahnitëse shkëmbore dhe shpellat misterioze të Gadishullit të Karaburunit dhe ishullit të Sazanit. Eksploroni zonën më të gjerë të Vlorës, që është shtëpia e shumë plazheve të bukura, si Dhërmiu, Gjipeja, Radhima, Jala apo Palasa — të gjitha lehtësisht të arritshme në një udhëtim ditor nga qyteti.

2. Zbuloni kulturën

Vlora dhe Shqipëria e Jugut janë të bekuara me disa objekte të pabesueshme trashëgimie. Pasi të vizitoni qytetin e vjetër të qytetit dhe Kalanë e Kaninës, drejtohuni në jug në Orikum, dikur një bastion i Jul Çezarit dhe tani një park arkeologjik.

Vizitorët mund të udhëtojnë gjithashtu në veri të Apolonisë, një qytet në majë të kodrës me rrënojat e lashta greke dhe romake. Më tej – ndodhen vendet e famshme të Trashëgimisë Botërore të UNESCO-s të Gjirokastrës dhe Beratit.

I pari është një qytet osman i ruajtur mirë, i shpërndarë në një kodër, dhe i dyti është një qytet me një ndërthurje ndikimesh ilire, romake dhe bizantine, shtëpia e kishave dhe xhamive të mbushura me murale.

3. Qëndroni në një Marinë krejtësisht të re

Bregu i detit të qytetit po shndërrohet aktualisht në Marinën e Vlorës, një projekt në zhvillim,

Zona do të ketë mundësi të shkëlqyera akomodimi, duke përfshirë një hotel me 5 yje dhe apartamente elegante me pamje nga deti. Në juglindje nga Marina e Vlorës ndodhet një shëtitore e gjatë – e cila do të jetë e mbushur me restorante, kafene, bare, dyqane dhe argëtime familjare.

Vizitorët do të jenë në gjendje të enden përgjatë pontoneve lundruese që ofrojnë ankorim për më shumë se 400 jahte dhe mega jahte – dhe shohin velat e tyre të gjata të bardha që lëkunden butësisht në erë, duke reflektuar mbi ujërat e kristalta.

Do të ketë shumë vende për të shjuar një kafe, akullore italiane – përpara se të pushoni në një nga spa-të luksoze të resortit ose në baret buzë detit.

4. Provoni kuzhinën mesdhetare

Ju mund ta shijoni “Mesdheun” në Vlorë. Rendi i ditës këtu janë ushqimet e detit, me çdo gjë, nga levreku dhe barbuni e deri te kallamari dhe sepjet në menu, të cilat më së miri shërbehen me limoni ose pak hudhër.

Mund të shijohen edhe ushqime të tjera shqiptare dhe ballkanike, si byreku, mishi i pjekur në skarë, qofte dhe tavë kosi.

Mos humbisni djathin kaçkavall, i cili është i pëlqyer nga vizitorët (djathë kaçkavall tradicional gjysëm i fortë shqiptar), dhe, si ëmbëlsirë – bakllavanë e shijshme.

Shoqëroni ushqimin tuaj me një gotë verë, raki (një pije alkoolike tradicionale e prodhuar në Shqipëri) apo edhe një dhallë.

5. Zbuloni habitatin natyror

Vlora është ideale për ata që kërkojnë të eksplorojnë natyrën, kodrat dhe malet e thepisura që përqafojnë qytetin. Për jetën e mahnitshme të shpendëve, shkoni në veri të Vlorës në Lagunën e Nartës, një zonë ligatinore e mbrojtur bregdetare e njohur për biodiversitetin e saj të pasur.

Nëse pyjet e gjelbra të dendura dhe faqet vertikale të shkëmbinjve ju tërheqin më shumë, drejtohuni 20 milje në jug të Vlorës për në Parkun Kombëtar të Llogorasë, ku bashkohen detet Adriatik dhe Jon. Gjithashtu, për një aventurë njëditore, udhëtoni drejt kufirit grek për në liqenet dhe kënetat e bukura të Parkut Kombëtar të Butrintit të listuar në UNESCO.

Presidentja e Kosovës, Vjosa Osmani ka marrë vendim që dita e mërkurë, 3 korrik 2024, të shpallet ditë zie shtetërore, në nderim të kolosit të letrave shqipe, shkrimtarit shqiptar me famë botërore, të ndjerit Ismail Kadare.

“Zija shtetërore do të jetë gjatë ditës së mërkurë, ditën kur edhe varroset i ndjeri Ismail Kadare, ndërkaq Protokolli i Shtetit ngarkohet që t’i ndërmarrë të gjitha veprimet e nevojshme për zbatimin e këtij vendimi”, thuhet në njoftim.

Presidentja Osmani, në qershor të vitit të kaluar, e ka dekoruar shkrimtarin Ismail Kadare me Urdhrin “Hasan Prishtina”, ndër Urdhrat më të lartë të cilin e jep Republika e Kosovës për personalitetet më të shquara të kombit. Ndërsa, në gusht, Presidentja shpalli dekretin me të cilin shkrimtarit shqiptar me famë botërore, Ismail Kadare, i është dhënë nënshtetësia e Republikës së Kosovës.

Më 1 korrik 2024 është ndarë nga jeta shkrimtari Ismail Kadare. Shqipëria dje e sot ka shpallur ditë zie. Ndërkohë, sot Akademia e Shkencave dhe Arteve të Kosovës mban mbledhje komemorative në respekt të veprës së shkrimtarit, Ismail Kadare.

Kurse, sot zhvillohet edhe ceremoni shtetërore lamtumirëse në Tiranë në nderim të personalitetit të shquar të letrave shqipe, Ismail Kadare.

Qeveria e Kosovës ka dhënë detaje lidhur me takimin që u zhvillua në Bruksel në nivel të kryenegociatorëve në kuadër të procesit të dialogut Kosovë-Serbi.

Sipas një komunikate të Qeverisë, në takimet në nivel të kryenegociatorëve, ku delegacioni i Kosovës kryesohej nga zëvendëskryeministri i parë për Integrim Evropian, Zhvillim dhe Dialog, Besnik Bislimi, u diskutua mbi formalizimin e Marrëveshjes Bazike, si element kryesor dhe i parë për zbatim të sekuencuar të marrëveshjes, bashkë me aneksin e Ohrit, mbi Planin e Sekuencimit, zbatimin e Marrëveshjes së Energjisë, rreth mungesës së përparimit në zbatimin e Deklaratës për personat e zhdukur me dhunë, si dhe zbatimin e një numri marrëveshjesh të tjera, përfshirë IBM, si dhe atë për vizitat e zyrtarëve.

“Nga diskutimet, sidomos në dy pikat e para, u ekspozua sërish fakti tashmë i konfirmuar disa herë dhe publikisht që Serbia refuzon të pranojë Marrëveshjen Bazike në tërësi dhe nuk pranon të zbatojë pjesë të saj. Pala serbe refuzoi të përfshihet në diskutim për dakordimin e planit të sekuencimit, si dhe në arritjen e formalizimit të marrëveshjes, bazuar në garancat e kërkuara në takimin e liderëve javën e kaluar. Diskutimi rreth çështjes së personave të zhdukur ekspozoi sërish që pala serbe është duke e sabotuar procesin, duke nxjerrë vazhdimisht kërkesa të reja me qëllim të bllokimit të procesit. Ndërkohë, zvarritje në zbatim nga ana e Serbisë janë evidentuar nga kryenegociatori i Kosovës edhe në Marrëveshjen e Energjisë”, thuhet në komunikatë.

Aty theksohet se takimi që zgjati më shumë se 6 orë, nisi me takime bilaterale, ndërsa u përmbyll me atë trilateral.

“Vazhdimi i procesit mbetet tek përpjekja për të gjetur rrugën përpara në arritjen e dakordimit rreth formalizimit dhe planit të sekuencimit për zbatimin e plotë të Marrëveshjes Bazike të cilën BE-ja e ka shpallur si ligjërisht të obligueshme në tërësinë e saj dhe aneksit të zbatimit, që pikë filletare duhet ta ketë formalizimin e marrëveshjes mes palëve”, thuhet në komunikatë.