Lajmet

​Kryeministrja e Estonisë: Putin nuk duhet ta fitojë luftën në Ukrainë

Kallas tha se së pari duhet të arrihet paqja dhe se Rusia nuk po tregon ndonjë synim për arritjen e saj.

Published

on

Kryeministrja e Estonisë, Kaja Kallas, deklaroi sot se presidenti rus, Vladimir Putin, nuk duhet ta fitojë luftën në Ukrainë, duke shtuar se ishte “zemërthyese” të shihje se çfarë po bën Rusia në Ukrainë.

“Ne po përpiqemi të bëjmë gjithçka që mundemi për të mbështetur dhe ndihmuar Ukrainën për të luftuar këtë luftë. Putini nuk duhet ta fitojë këtë luftë”, tha Kallas për CNN.

Kallas, e cila do të merr pjesë në samitin e ardhshëm të NATO-s, tha se strategjia e NATO-s duhet të fokusohet në përfundimin e luftës duke përdorur “përmbajtje inteligjente”, që do të thotë se NATO duhet të kalojë nga një “qëndrim parandalues” në një “qëndrim mbrojtës” të sigurt.

“Ka disa aftësi që janë shumë të shtrenjta për çdo shtet individual, por nëse i bëjmë ato së bashku këtu në Evropë për të mbrojtur territoret tona, ne jemi më të fortë”, tha ajo, duke shtuar se vendet duhet të lëvizin për të izoluar Rusinë në të gjitha nivelet politike që është e mundur.

E pyetur mbi propozimin e Polonisë për të dërguar paqeruajtës në Ukrainë, Kallas tha se së pari duhet të arrihet paqja dhe se Rusia nuk po tregon ndonjë synim për arritjen e saj.

“Ne mund të kemi një mision paqeruajtës vetëm nëse kemi paqe, por ju e dini, nëse shikoni se çfarë po ndodh në Ukrainë, paqja nuk është asgjë që shohim atje. Është një luftë që po vazhdon dhe nuk shoh se Rusia ka ndonjë qëllim të bëjë ndonjë gjë për të arritur paqen. Së pari duhet të kemi paqe, pastaj ta ruajmë atë. Ndonjëherë për të arritur paqen, ne duhet të kemi vullnetin për të përdorur fuqinë ushtarake”, tha ajo.

Kallas tha se nuk e shohin mundësinë e një lufte të tretë botërore dhe se përpjekja duhet të jetë për t’i dhënë fund kësaj lufte. Ajo tha se Putin po ushqehet me narrativën e krahut të djathtë në Evropë dhe SHBA duke krijuar një krizë refugjatësh.

“Ai po krijon këtë presion të madh migracioni në Evropë dhe atë që ne shohim në vende të ndryshme, ne gjithashtu shohim se e djathta ekstreme tani po merr tonin” dhe nuk i ndihmon refugjatët që vijnë nga Ukraina. Armiku është Rusia dhe jo refugjatët”, tha Kallas.

Aktualitet

Regjistrohu tani në Gjuha Angleze në UBT dhe përfito bursë 20%

Published

on

UBT njofton se kanë mbetur edhe pak vende të lira për regjistrim në programin Bachelor Gjuha Angleze, një drejtim studimor që hap mundësi të shumta karriere në arsim, përkthim, diplomaci, media dhe organizata ndërkombëtare.

Përmes këtij programi, studentët përgatiten jo vetëm në aspektin gjuhësor dhe kulturor, por edhe në atë profesional, duke u bërë të aftë të kontribuojnë në tregun vendor dhe global.

UBT ofron bursë prej 20% për të gjithë ata që regjistrohen në këtë program, duke i dhënë mundësinë studentëve të sigurojnë arsimim cilësor dhe të përballueshëm financiarisht.

Studentët e interesuar mund të aplikojnë online përmes platformës: APLIKO TANI ONLINE!

Continue Reading

Aktualitet

Në zyrën e Ivica Daçiqit mbërrin një zarf me tre plumba

Published

on

Në Qeverinë e Serbisë ka mbërritur një zarf i adresuar për ministrin e Brendshëm, Ivica Daçiq, brenda të cilit janë gjetur tre plumba, njoftoi më 29 gusht Ministria e Punëve të Brendshme (MUP).

Sipas njoftimit, zarfi është vërejtur të enjten gjatë procesit të rregullt të ndarjes së postës.

“Gjatë kontrollit të sigurisë me pajisje me rreze X, në zarf u gjetën tre plumba”, thuhet në komunikatën e MUP-it.

Autoritetet shtuan se policia ka identifikuar dhe gjetur personin që më 26 gusht kishte dorëzuar dërgesën në një degë të Postës së Serbisë në Pozharevc.

Nuk është bërë i ditur identiteti i të dyshuarit.

Continue Reading

Aktualitet

U përurua çerdhja e re për 60 fëmijë në Fushë Kosovë

Published

on

Në Fushë Kosovë u përurua një çerdhe e fëmijëve në Fushë Kosovë, investim ky i Ministrisë së Arsimit , në vlerë prej rreth 415 mijë euro.

Kjo çerdhe për 60 fëmijë me një hapësirë prej 750 m² u tha është e pajisur me të gjitha mjetet e nevojshme për kujdesin dhe zhvillimin e fëmijëve tanë të gjithë hapësirat në këtë çerdhe të re.

Kryeministri në detyrë, Albin Kurti, tha se vetëm gjatë këtij mandati qeverisës në komunën e Fushë Kosovës, në fushën e arsimit janë bërë investime kapitale me vlerë prej 5.6 milionë euro, duke shtuar se treguan kështu përkushtimin për gjeneratat e reja, të cilat duhet të kenë arsim cilësor dhe mirëqenie të garantuar.

“Të investosh në çerdhe për fëmijë dhe edukim të hershëm, do të thotë të investosh në të ardhmen e shtetit. Pikërisht në vitet e para të jetës aty ku hidhen themelet për zhvillimin, lumturinë dhe suksesin e fëmijëve të Kosovës, nesër profesionistë e kuadro, që do të udhëheqin institucionet, ekonominë, shoqërinë, politikën e kështu me radhë”, tha Kurti.

Në përurim mori pjesë edhe ministrja në detyrë e Arsimit, Arbërie Nagavci.

Kurti njoftoi se për ndërtimin edhe të një çerdhe tjetër publike, me vlerë mbi 1.2 milionë euro, po në Fushë Kosovë.

Pas përurimit të Çerdhes së fëmijëvë, kryeministri në detyrë Kurti vizitën e tij e vazhdoi me vënien e gurthemelit të Shkollës Fillore dhe të Mesme të Ulët, po ashtu në Fushë Kosovë, investim i Ministrisë së Arsimit, me një sipërfaqe prej 8,000 metra katror, për 1500 nxënës, me vlerë të investimit prej 3.8 milionë euro.

Continue Reading

Aktualitet

Kurti për akuzat ndaj UÇK-së: Manipulohet një kapitull për të cilin Basha s’ka faj

Published

on

Kryeministri në detyrë, Albin Kurti, foli lidhur me zhurmën publike rreth artikullit ku bashkautor është kryetari i zgjedhur i Kuvendit të Kosovës, Dimal Basha kundër UÇK-së.

Ai kritikoi qeveritë e kaluara, duke thënë se janë vendimet e atyre qeverive i kanë shkaktuar probleme Kosovës dhe se të tilla s’po i shkakton artikulli me bashkautor Bashën.

“Unë besoj që problemet që i kemi sot në Kosovë nuk i kemi nga një deformim e keqinterpretim i një artikulli me bashkautorësi ku ky nuk është autor i atij kapitulli të para më shumë se një dekade. Problemet i kemi kur është nënshkruar ‘Zajednica’ në 2013-tën, problemet i kemi kur janë amnistuar kriminelët serbë në veri, po astu në 2013-tën, problemet i kemi kur është votuar Gjykata Speciale në 2015-n, problemet i kemi kur është themeluar Lista Serbe në bashkëpunim me Beogradin në vitin 2013, problemet i kemi politikanët e Kosovës kanë bërë qeveri duke u varur nga Lista Serbe, problemet i kemi kur kanë hyrë në pazare për ndarje të Kosovës – jo te ky farë artikulli ku manipulohet një kre, në të cilin ky s’ka fare autorësi”, tha Kurti .

Kryeministri në detyrë tha se buja që bëri ky shkrim është keqinterpretim dhe deformim.

“Dimal Basha e ka dhënë sqarimin për atë publikim që është bërë para më shumë se një dekade. Ai ka thënë se kapitulli që e ka shkruar nuk ka të bëjë me UÇK-në. Edhe në fjalimin e tij pas zgjedhjes si kryetar Kuvendi, ai shprehu vlerësimet më të larta për këtë vlerë të kombit shqiptar”, tha Kurti.

Kryeministri në detyrë këto deklarata i bëri në komunikim me gazetarë në Fushë Kosovë, ku mori pjesë në përurimin e një Çerdheje për fëmijë.

Continue Reading

Të kërkuara