Aktualitet

​Homazhe tek sheshi “Adem Demaçi”, Hyseni: Demaçi, sinonim i vlerave më të mira njerëzore

Hydajet Hyseni tha se Adem Demaçi është sinonim i vlerave më të mira njerëzore.

Published

on

Me rastin e katër vjetorit të vdekjes së Adem Demaçit sot janë bërë nderime tek gurthemeli i shtatores së tij.

Përfaqësues të Shoqatës së të Burgosurve Politikë të Kosovës kanë bërë homazhe tek sheshi “Adem Demaçi”, duke vendosur buqeta lulesh në gurthemelin e shtatores së Adem Demaçit.

Kryetari i shoqatës, Hydajet Hyseni me këtë rast tha se Mandelën e Kosovës do ta kujtojnë gjithmonë si një njëri frymëzues dhe se vepra e tij do të mbetet gjithmonë rrezatuese.

Deputeti Hyseni tha se Adem Demaçi është sinonim i vlerave më të mira njerëzore.

Vitet po lëvizin shpejt por emri dhe vepra e Adem Demaçit mbetet gjithmonë rrezatuese, obliguese dhe gjithmonë frymëzuese. Adem Demaçi ka qenë frymëzues i brezave dhe është sinonim i qëndresës, parimësisë, i ndershmërisë, i përkushtimit dhe vlerave më të mira njerëzore, atdhetare. Si të tillë do ta kujtojmë gjithmonë”, tha ai.

Edhe Behram Krasniqi e kujton Demaçin si një luftëtar të denjë, derisa tha se ai do të mbetet inspirues për të gjitha gjeneratat e tashme.

Në kohën e luftës çlirimtare të UÇK-së në Kosovë, baca Adem Demaçi pranoi të ishte përfaqësues i përgjithshëm politik i UÇK-së, në mes të Prishtinës… Jam i bindur që do të jetë vepra tij edhe mbas vdekjes së tij, do të jetë inspirues i madh për gjeneratat e tashme se si duhet të luftohet dhe ndërtohet shteti i Kosovës dhe shteti i përbashkët shqiptar në Ballkan, Shqipëria etnike”, tha ai.

Po ashtu në nderim të jetës dhe veprës së veprimtarit të çështjes kombëtare, Adem Demaçi, sot është përuruar libri “Libri i burgosur – gjarpinjtë e gjakut”, i autorit Selatin Novosella.

Aktualitet

FSK-ja realizon ushtrimin fushor “Ujku shigjetë” pesë ditë

Published

on

Trupat e Forcës së Sigurisë së Kosovës do të realizojnë ushtrimin fushor “Ujku Shigjetë” për pesë ditë.

FSK-ja ka njoftuar se gjatë këtyre ditëve do të ketë lëvizje të konvojeve nga bazat në drejtim të rajonit të Gjakovës, ndërkohë ka kërkuar mirëkuptimin e qytetarëve.

“Njoftojmë gjithë qytetarët e Republikës së Kosovës, se nga data 31 gusht deri më 05 shtator 2025 Forca e Sigurisë së Kosovës do të realizojë ushtrimin fushorë ‘Ujku Shigjetë’, në kuadër të përgatitjeve për validimin e Regjimentit të tretë.

Gjatë kësaj periudhe do ketë lëvizje të konvojeve nga vendbanimet e Forcës së Sigurisë së Kosovës në drejtim të rajonit të Gjakovës, saktësisht Aeroportit të Gjakovës dhe Poligonit ushtarak në Babaj të Bokës”, thuhet në njoftimin e FSK-së

Continue Reading

Aktualitet

Hoti: Janë gjetur mbetjet mortore të nëntë personave të zhdukur, pesë lokacione pritën të hapen

Published

on

Komisioni Qeveritar për Personat e Zhdukur, përmes një njoftimi ka bërë të ditur se sot nga ora 10:45, mbahen homazhe te Monumenti i Personave të Zhdukur. Kryesuesi i Komisionit Qeveritar për Personat e Zhdukur, Andin Hoti, ka bërë të ditur se deri më tani janë punuar 17 lokacione në Kosovë në kuadër të kërkimeve për personat e zhdukur.

Hoti tregoi se në 7 prej tyre janë zbuluar mbetje mortore.

“17 lokacione është punuar deri më tani në Kosovë, 7 prej tyre ka pasur gjetje të mbetjeve mortore (të cilat janë dërguar për analizë në Laborator të ICMP)”, u shpreh Hoti.

Sipas tij, aktualisht janë përfunduar disa gërmime, derisa pritën edhe 5 lokacione të gërmohet.

“Aktualisht i kemi përfunduar gërmimet në Vushtrri dhe Klinë në një lokacion. Janë edhe minimum 5 lokacione tjera që pritet të ndërmarrin veprim ekipet”, deklaroi Hoti.

Ai ka konfirmuar se mbetjet mortore të 9 individëve janë gjetur në lokacionet në Kosovë.

Në përpjekje për të ndriçuar fatin e të zhdukurve, lokacionet e gërmimeve mbeten pikë kyçe në procesin e kërkimit dhe identifikimit të mbetjeve mortore.

Continue Reading

Aktualitet

Një vdekje e dyshimtë në Skenderaj

Published

on

Një person është gjetur pa shenja jete në Skenderaj ditën e sotme ku policia po e heton si vdekje të dyshimtë.

“Është raportuar për një viktimë mashkull kosovar pa shenja jete. Në vendin e ngjarjes kanë dalë njësit relevante policore si dhe emergjenca ku mjeku kujdestar ka konstatuar vdekjen e viktimës”, thuhet në njoftim.

“Me vendim të prokurorit, trupi i pajetë është dërguar në IML për obduksion”, thuhet në raportin e PK-së.

Continue Reading

Aktualitet

Gucati: Së shpejti do të dalim me emrat e eksponentëve të VV-së që çuan dokumentacione në Hagë

Published

on

Kryetari i OVL-UÇK, Hysni Gucati ka deklaruar të enjten se brenda Lëvizjes Vetëvendosje ka dëshmitarë të Gjykatës Speciale.

Në një konferencë për media, ai përmendi emrin e ministres së Jashtme në detyrë, Donika Gërvalla, duke thënë se ajo ka dorëzuar dokumente në këtë gjykatë.

“Ne jemi bazuar gjithmonë në punimin shkencor duke parë Dimal Bashën që e ka bërë në vitin 2012, ku Dimal Basha thotë se në vitet e ’90-ta, Ushtria Çlirimtare e Kosovës është financuar nga dilerë të drogës, ku aty përfshihen të gjithë dëshmorët, ata që kanë rënë. Besoj e dini, që disa eksponentë të VV-së që janë aty sot, në Parlamentin e Kosovës kanë deponuar dokumentacione të Gjykatën Speciale në Hagë. Ministra Gërvalla gjithqysh, por ka edhe të tjerë”, u shpreh Gucati.

Sipas tij, janë disa këshilltarë të ministrave, ku paralajmëron se emrat e tyre do të dalin shumë shpejt.

“Shumë shpejt do të dalim me emra, ne nuk kemi nevojë t’i frikësohemi askujt. Ka ardhur koha ta ndajmë sharpin nga sheqeri, dhe të kuptohet një herë e mirë se kush e do vendin dhe kush nuk e do”, tha tutje kreu i OVL-UÇK-së.

Ai shton se i vjen turp për deputetët e Kosovës që votuan Dimal Bashën për kryetar të Kuvendit.

Continue Reading

Të kërkuara