

Lajmet
Haradinaj thirrje Kurtit: Ndale mashtrimin me dialogun
Published
4 years agoon
By
Betim GashiKryetari i Aleancës për Ardhmërinë e Kosovës (AAK), Ramush Haradinaj i ka kërkuar kryeministrit Albin Kurti të ndalë “mashtrimin” në procesin e dialogut Kosovë-Serbi me ndërmjetësimin e Bashkimit Evropian në Bruksel.
Gjatë seancës së sotme plenare të Kuvendit të Kosovës, ish-kryeministri Haradinaj kërkoi edhe sqarime nga kreu i ekzekutivit për asociacionin e komunave serbe në Kosovë.
“I kërkoj kryeministrit të ndalë mashtrimin me dialogun, të paktën në komunikim më palët e brendshme të jetë më i saktë”, tha Haradinaj.
Në kuadër të pyetjeve parlamentare, deputeti Haradinaj tha se kryeministri Kurti duhet të tregoj saktë a është pro, apo kundër asociacionit në përputhje me aktgjykimin e Gjykatës Kushtetuese.
“A është kryeministri kundër Asociacionit? Dëgjojmë nganjëherë kryeministrin të përmend lloje të asociacionit. Për këtë i bëjë pyetje në start, trego nëse je ose jo? Pyetja vazhdon, a je kundër asociacionit në bazë të marrëveshjes së Brukselit, po ashtu edhe në bazë të gjeturave të Gjykatës Kushtetuese të Kosovës. A je kundër një asociacioni në përputhje me Kushtetutën e Kosovës? Po jep shumë versione, nuk e kuptojmë pse po ndodh ashtu. A je për asociacion gjeografik, sepse diku e ka përmend dhe është mirë të na tregojë çka nënkupton. Kur e përmend një version të asociacionit, për kënd e ka në mendje dhe pse ne duhet të hapim versione të reja të asociacionit?”, tha Haradinaj.
Në prill të vitit 2013, Kosova dhe Serbia, në kuadër të dialogut të ndërmjetësuar nga Brukseli, patën arritur Marrëveshjen e parë të Brukselit, ku në bazë të kësaj marrëveshjeje parashihej krijimi i një asociacioni të komunave me shumicë serbe.
Më 2015, po në kuadër të dialogut të Brukselit, palët arritën Marrëveshjen mbi parimet për krijimin e këtij asociacioni, marrëveshje e cila ende nuk është jetësuar, përkundër insistimit të Beogradit zyrtar. Në tetor të vitit 2015, kjo marrëveshje u dërgua për interpretim në Gjykatën Kushtetuese të Kosovës nga presidentja e atëhershme e Kosovës, Atifete Jahjaga.
Gjykata Kushtetuese, në aktgjykimin e nxjerrë në dhjetor të vitit 2015, tha se marrëveshja për asociacionin në 23 pika të saj, nuk është në harmoni me Kushtetutën e Kosovës dhe që akti juridik i Qeverisë së Kosovës dhe statuti që zbaton parimet, për të qenë në pajtueshmëri me frymën e Kushtetutës, duhet të plotësojë standardet kushtetuese.
Lajmet
Kontrabandë me migrantë, arrestohen dy persona të dyshuar në Prizren
Published
46 minutes agoon
September 24, 2025By
UBTnews
Policia e Kosovës ka arrestuar dy persona në Prizren nën dyshimin se kanë tentuar të bëjnë kontrabandë me emigrant me qëllim përfitimi pasuror.
Policia e këtë rast e ka cilësuar kontrabandë me migrantë, ku të dyshuarit kanë deklaruar se destinacion kanë pasur Mitrovicën.
“Fsh. Shkozë, Prizren 23.09.2025 – 01:50. Janë arrestuar dy të dyshuar meshkuj kosovarë, të cilët janë takuar nga policia kufitare me veturën e tyre duke tentuar të bëjnë kontrabandë me emigrant me qellim përfitimi pasuror. Të dyshuarit kanë deklaruar se destinacionin kanë pasur Mitrovicën”, thuhet në raportin 24 orësh të Policisë.
Më tej thuhet se është njoftuar prokurori dhe është iniciuar rasti./D.B/KP
Lajmet
LVV-ja thotë se nuk merr pjesë në seancën për buxhetin në Prishtinë
Published
57 minutes agoon
September 24, 2025By
UBTnews
Lëvizja Vetëvendosje në Komunën e Prishtinës ka njoftuar se nuk do të marrë pjesë në seancën e jashtëzakonshme që sipas tyre është thirrur të mbahet sot për miratimin e buxhetit për vitin 2026.
Sipas Vetëvendosjes, kryetar i Kryeqytetit, Përparim Rama, “e ka sjellë për votim buxhetin në mënyrë të njëanshme, pa asnjë konsultim paraprak dhe duke i anashkaluar anëtarët e Kuvendit Komunal e qytetarët e Prishtinës”.
“Mungesë totale e transparencës. Dokumenti më i rëndësishëm i Kuvendit, buxheti për vitin pasues, nuk mund të trajtohet si pronë personale e tij”, thuhet në njoftimin e Lëvizjes Vetëvendosje.
Sipas kësaj partie, në këtë projektbuxhet janë përfshirë edhe projekte që “tashmë janë objekt hetimesh nga organet e drejtësisë, por edhe projekte të tjera të fryra, të paarsyetuara dhe të hartuara vetëm për të mbuluar gjurmët e keqpërdorimeve të deritanishme”.
Në komunikatën e LVV-së thuhet se ky është një buxhet që tenton të fshehë “skandalet e vjetra dhe të prodhojë skandale të reja”.
“Ne nuk kemi votë për të legalizuar mashtrimet politike të Përparim Ramës dhe drejtorëve të tij”, tha LVV-ja.
Sipas Vetëvendosjes, buxheti i Prishtinës duhet të jetë instrument zhvillimi për qytetarët, “jo mjet për mbijetesën politike të Përparim Ramës”./D.B/KP
Botë
Një 59 vjeçar dënohet për tentativë të vrasjes ndaj Trump gjatë fushatës së vitit 2024
Published
1 hour agoon
September 24, 2025By
UBT News
Një juri federale dënoi Ryan Wesley Routh, 59 vjeç, nga Hawaii, për përpjekjen për të vrarë Donald Trump, atëherë kandidat presidencial, gjatë fushatës zgjedhore të vitit 2024.
Dënimi rrjedh nga një incident i 15 shtatorit 2024 në një klub golfi në pronësi të Trump në West Palm Beach, Florida, ku Routh u zbulua i fshehur në shkurre me një pushkë të drejtuar nga rojet e sigurisë së Trump.
Routh u shpall fajtor për pesë akuza, duke përfshirë tentativën e vrasjes së një kandidati të rëndësishëm presidencial, posedimin e një arme zjarri për të çuar përpara një krim dhune, sulmin ndaj një agjenti të Shërbimit Sekret dhe posedimin e një arme zjarri me numër serial të fshirë.
Akuzat mbartin dënime maksimale që variojnë nga pesë vjet deri në burgim të përjetshëm.
Një gjyqtar federal do të përcaktojë dënimin pasi të marrë në konsideratë udhëzimet dhe faktorët statutorë.
“Vendimi i sotëm për shpalljen fajtor kundër vrasësit të mundshëm të Trump, Ryan Routh, ilustron angazhimin e Departamentit të Drejtësisë për të ndëshkuar ata që përfshihen në dhunë politike”, tha Prokurorja e Përgjithshme Pamela Bondi, duke aluduar qartë në të shtënat fatale në fillim të këtij muaji të Charlie Kirk, një aktivist konservator.
Ajo e përshkroi përpjekjen si jo vetëm një sulm ndaj Presidentit tonë, por një fyerje ndaj vetë kombit tonë.
Gjatë incidentit, një agjent i Shërbimit Sekret qëlloi Routh, i cili iku, por u kap pak më vonë.
Sulmi ndodhi disa javë para zgjedhjeve të nëntorit 2024, të cilat i fitoi Trump, duke rimarrë Shtëpinë e Bardhë pas katër vitesh si qytetar privat./S.K/KP/
Botë
Evropa kritikon ashpër Trumpin: Përdorimi i paracetamolit mbetet i pandryshuar
Published
1 hour agoon
September 24, 2025By
UBT News
Vetëm disa orë pasi Presidenti i SHBA-së, Donald Trump, njoftoi se qetësuesi i dhimbjeve dhe ulësi i temperaturës së zakonshme ishte ndër shkaqet e rritjes së rasteve të autizmit në SHBA, komuniteti shkencor reagoi ashpër kundër kësaj.
E para që e bëri këtë ishte Agjencia Rregullatore e Barnave dhe Produkteve të Kujdesit Shëndetësor (MHRA) e Mbretërisë së Bashkuar, e cila sqaroi se, kur përdoret sipas udhëzimeve, paracetamoli mbetet opsioni i rekomanduar për gratë shtatzëna për lehtësimin e dhimbjeve.
Pastaj Agjencia Italiane e Barnave (AIFA), Agjencia Evropiane e Barnave (EMA) sqaruan se aktualisht nuk ka prova të reja që do të kërkonin ndryshime në rekomandimet aktuale të BE-së për përdorimin e paracetamolit, shkruan ANSA.
President i Institutit Mario Negri për Kërkime Farmakologjike (IRCCS), Silvio Garattini tha se këtë front, të dhënat më të rëndësishme që kemi vijnë nga një studim i botuar vitin e kaluar në Journal of the American Medical Association.
“Studimi, i kryer në Suedi, shqyrtoi 2.5 milionë gra shtatzëna, duke rezultuar në 185,000 të porsalindur të ekspozuar ndaj paracetamolit, dhe nuk gjeti asnjë ndryshim midis marrjes së ilaçit dhe autizmit. Një studim tjetër në gusht arriti në përfundimin e kundërt. Megjithatë, sipas farmakologut, është më pak i besueshëm se ai suedez”, tha ai.
Nga ana tjetër, edhe Administrata Amerikane e Ushqimit dhe Barnave, ndërsa pohon mundësinë e një lidhjeje midis paracetamolit dhe autizmit, ka pranuar se nuk është vërtetuar një marrëdhënie shkakësore.
Ekspertët kanë frikë se fjalët e Presidentit Trump mund të shkaktojnë panik, duke i bërë gratë të heqin dorë nga marrja e ilaçit kur është e nevojshme, duke e ekspozuar fetusin e tyre ndaj rreziqeve të konsiderueshme.
Elisa Fazzi, presidente e Shoqatës Italiane të Neuropsikiatrisë së Fëmijëve dhe Adoleshentëve (Sinpia) deklaroi se kjo shkakton rrezik sepse gratë mund të zgjedhin ilaçe të tjera në dukje të ngjashme, por me një profil rreziku dukshëm më të keq gjatë shtatzënisë.
Administrata e Ushqimit dhe Barnave njoftoi se ka filluar procesin e miratimit, dhe kompania farmaceutike GSK ka konfirmuar angazhimin e saj për ta nxjerrë ilaçin në treg.
Në realitet, produkti nuk është i ri për komunitetin shkencor. Për gati pesëmbëdhjetë vjet, mundësia e përfitimit të tij është studiuar në një përqindje të vogël të njerëzve me autizëm, të cilët kanë një gjendje unike të lidhur me praninë e folatit në tru.
Deri më sot, nuk ka prova që marrja e paracetamolit gjatë shtatzënisë rrit rrezikun e autizmit tek fëmija i palindur, prandaj, indikacionet për përdorimin e ilaçit mbeten të pandryshuara thuhet nga shumë studiues të mjekësisë./S.K/KP/

Pse nuk duhet ta përdorni limonin për çdo pastrim?

Kontrabandë me migrantë, arrestohen dy persona të dyshuar në Prizren

LVV-ja thotë se nuk merr pjesë në seancën për buxhetin në Prishtinë

Miley Cyrus: Nuk frikësohem të largoj famën!

Një 59 vjeçar dënohet për tentativë të vrasjes ndaj Trump gjatë fushatës së vitit 2024

Evropa kritikon ashpër Trumpin: Përdorimi i paracetamolit mbetet i pandryshuar

Prezantohen dy mega jahtet luksoze të projektuara nga Giorgio Armani

Ushtarët amerikane të KFOR-it me stërvitje të vështira kundër trazirave

Osmani takon zyrtarin e lartë të DASH: Aleanca me SHBA-në, themel i sigurisë sonë
Të kërkuara
-
Aktualitet4 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Lajmet nga UBT3 months ago
UBT shpall konkurs për pranimin e studentëve të rinj për vitin akademik 2025/26
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës