Lajmet

Elshani: Vuçiqi, porositës i sulmit terrorist – të sanksionohet

Ai apelon ndërkombëtarët për sanksionimin e tij.

Published

2 years ago

September 29, 2023

Betim Gashi

Sulmi terrorist në Banjskë të Zveçanit konsiderohet të ketë qenë skenar i Serbisë dhe presidentit të saj, Aleksandër Vuçiq. Për hulumtuesin e lartë në Institutin “Octopus”, Taulant Elshanin, ka prova të mjaftueshme për lidhshmërinë e terroristëve serbë dhe Vuçiqit. Prandaj apelon ndërkombëtarët për sanksionimin e tij.

Sulmi i 24 shtatorit ku mbet i vrarë rreshteri policor e u plagosën dy të tjerë, sipas Elshanit ishte tendencë e Serbisë për të testuar kapacitetet e të dy vendeve. Ai thekson se apetitet e Serbisë shkojnë deri aty sa të aneksojë veriun e Kosovës.

“Ky është një skenar i Serbisë që për mendimin tim i ka dy objektiva afatshkurtër, objektivi i parë është testimi i kapaciteteve institucionale të Republikës së Kosovës, pra forca dhe shpejtësia reaguese dhe sigurisht uniteti kombëtar në këtë rast. Për gjithçka që institucionet kanë bërë dhe nuk kanë bërë dikush në Beograd mendoj se ka mbajtur shënime për këto veprime dhe mosveprime të institucioneve të Kosovës. Objektivi tjetër afatshkurtër i Vuçiqt është testimi i vet kapaciteteve të veta dhe skenarëve të ndryshëm se si mund të paketojë rebelimin si po thotë ai të serbëve lokalë por në fakt nuk është rebelim por një orkestrim nga Beogradi. Në kuadër të këtij skenari unë mendoj që objektivi dhe qëllimi përfundimtar është që në rastet e ndryshimit të kontestuar ndërkombëtar dhe sidomos të ndryshimeve të mëdha dhe sintifikante në qendër të vendosjes politike atëherë do të konsideron një pushtim apo aneksim të asaj pjese të territorit të Kosovës”, thotë Elshani.

Për sulmin e së dielës, Elshani thotë se është një ndër situatat më të rrezikshme që Kosova është ballafaquar që nga pavarësia e Kosovës. Ndërsa meritat për aksionin ia jep Policisë së Kosovës.

“Kjo mund të cilësohet si një ndër situatat më të rrezikshme që nga shpallja e pavarësisë së Kosovës. Marrë parasysh përgatitjen, grupin, armët të cilat janë gjetur, kjo përbën një rrezikshmëri të lartë për sigurinë kombëtare dhe integritetin territorial të Republikës së Kosovës… Mund të themi që është një sukses i policisë sepse grupi nuk i ka arritur qëllimet e veta është neutralizuar dhe besoj që policia e Kosovës e ka menaxhuar me një profesionalizëm të lartë të gjithë operacionin”, vijon ai derisa shtoi se PK i treguar botës se Kosova është një shtet funksional dhe i aftë të mbrojë veten në çdo aspekt.

Sa i përket armatimit të madh që është gjetur në Manastirin e Banjskës ku u vendosën terroristët serbë, njohësi i sigurisë thotë se është dëshmi se Serbia ka gisht në gjithë këtë ndodhi. E sipas tij, ky manastir duhet të jetë subjekt kontrolli për Policinë e Kosovës.

“Mund të jetë sigurisht bashkëpunim por ne duhet të jemi të kujdesshëm t’i shohim deklaratat e tyre publike dhe çfarë ata bëjnë prapaskenave unë mendoj që ka aty elemente radikale që janë të gatshëm përveçse t’i fshehin armatimet në depot dhe hapësirat e tyre, t’i ofrojnë edhe ndihmë logjistike këtyre grupeve terroriste. Një gjë të tillë e ka bërë edhe më herët edhe deputetja britanike, në fillim është marrë si diçka e fryrë e pavërtetë por tani po del shumë e vërtetë dhe shumë e saktë… Definitivisht de-stabilizimi Kosovës unë e ceka që është pjesë e një shkence testimi i kapaciteteve të Kosovës në funksion të qëllimit përfundimtar të aneksimit të asaj pjese… Manastiri sikur se çdo objekt tjetër në Kosovë duhet të jenë subjekt kontrolli kur atëherë është nevoja nga institucionet zbatuese në Kosovë por nuk duhet të bëjnë ndonjë përjashtim. Policia duhet të ketë qasje në çdo hapësirë në çdo rekreacion ku ajo mendon që duhet të ushtrohet mandat kontrolli, nuk ka asnjë dyshim”, shton Elshani.

Ai thekson se terroristët serbë janë stërvitur dhe financuar nga vetë Serbia.

“Nëse marrim parasysh faktin se Aleksandër Vuçiqi, presidenti aktual i Serbisë kontrollon çdo pore të jetës në Serbi është e pamundur që ai të mos e dijë një grup të tillë prej 30 terroristësh, i cili mendohet se është një grup, një fraksion i vogël, i një grupi shumë më të madh të cilët stërviten mbështeten financiarisht logjistikisht nga instruktorë të specializuar të ushtrisë së Serbisë. Sigurisht që Vuçiqi jo vetëm që e din por ky grup terrorist është në funksion dhe vegël e interesave dhe politikës së Aleksandër Vuçiqit”, thotë Elshani.

Sipas tij, sulmi terrorist në veri duhet të shfrytëzohet edhe për çështje politike, duke filluar nga sanksionimi i presidentit aktual të Serbisë, pasi që vet ai është porositës i këtyre sulmeve ndaj Policisë së Kosovës.

“Unë mendoj që ky rast duhet të shërbejë për të ndryshuar kursin politik të perëndimit që të mos përkëdhelet më Vuçiqi siç e kemi parë muajt fundit, duhet të ndryshohet kursi politik duke sanksionuar vetë presidentin aktual të Serbisë si porositës kryesor të këtyre sulmeve dhe më një formë nxitësi kryesor të de-stabilizimit të Kosovës dhe te sanksionet e ashpra ndaj vetë shtetit të Serbisë…Ne kemi parë se qeveria e Republikës e Kosovës, përkatësisht institucionet sigurisë kanë bërë mbledhjen provave për këtë akt terrorist dhe janë provë e mjaftueshme për të treguar lidhshmërinë e këtij sulmi terrorist me Aleksandër Vuçiqin dhe këto prapa duhet të mjaftojnë që perëndimi të ndryshojë kushtin për sanksionet ndaj Serbisë”, thotë Elshani./ksp

Related Topics:Aleksander vuciq KOSOVA Veton Elshani

Up Next

AAK këmbëngul për hetim ndërkombëtar për sulmin terrorist në veri

Don't Miss

Aksioni i policisë në veri, konfiskohen dy Mercedesa dhe një katërçikletë

Aktualitet

Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën

Published

4 hours ago

September 6, 2025

Driton Iseni

UBT vazhdon të shënojë suksese në arenën ndërkombëtare të arsimit dhe inovacionit, duke hyrë edhe këtë vit në finalen e Triple E Awards me dy nominime të reja prestigjioze:

“University Leader of the Year – Global Award”

Rektori i UBT-së, Prof. Dr. Edmond Hajrizi, është nominuar si një nga liderët universitarë më me ndikim në botë, falë vizionit dhe punës së tij për të shndërruar UBT-në në qendër të inovacionit, sipërmarrjes dhe zhvillimit shoqëror.

“Engaged University of the Year”

UBT është vlerësuar si një universitet i angazhuar, që lidh ngushtë akademinë me komunitetin, duke krijuar mundësi për studentët, sipërmarrësit e rinj dhe projekte me ndikim të drejtpërdrejtë shoqëror.

Ky vlerësim është një dëshmi se Kosova po bëhet pjesë e hartës globale të arsimit cilësor dhe inovativ.

Vota juaj është vendimtare! Për të votuar për UBT-në duhet të klikoni në këtë link: LINKU PËR VOTIM, duke e dhënë fillimisht e-mail adresën tuaj.

Procesi i votimit është si në vijim: Klikoni në link, shkoni tek pjesa – |Have a say and vote for this entry to win the People’s Choice Award!|, shënoni emailin tuaj personal në hapësirën e votimit, klikoni VOTE, pastaj në email ju vjen një konfirmim së bashku me linkun që ju duhet të klikoni për të verifikuar votën tuaj.

Tutje, për të dhënë votën tuaj edhe në platformat sociale, ju lusim të ndiqni procedurat e më poshtme:

Për Facebook, mund të bëni një postim me këtë përmbajtje:

I vote for UBT’s nomination for the “Engaged University of the Year” award by Triple E Awards 2025.

https://2025.triple-e-awards.com/finalist/id/1136

#ACEEUAWARDS2025

#2025Entry1136

ose të bëni share postimin e UBT-së: POSTIMI NË FACEBOOK

Për Platformën LinkedIn mund të bëni një postim me këtë përmbajtje:

I vote for UBT’s nomination for the “Engaged University of the Year” award by Triple E Awards 2025.

https://2025.triple-e-awards.com/finalist/id/1136

@ACEEU

#ACEEU_Awards

#2025Entry1136

ose të bëni repost postimin e UBT-së: POSTIMI NË LINKEDIN

Për Platformën Instagram mund të bëni një postim me këtë përmbajtje:

I vote for UBT’s nomination for the “Engaged University of the Year” award by Triple E Awards 2025.

https://2025.triple-e-awards.com/finalist/id/1136

@aceeu_live

#ACEEU_Awards

#2025Entry1136

Për Platformën TikTok mund të bëni një postim me këtë përmbajtje:

https://2025.triple-e-awards.com/finalist/id/1136

#ACEEU_Awards

#2025Entry1136

Për të votuar për Rektorin e UBT-së, Prof. Dr. Edmond Hajrizi në këto dy kategori, klikoni në linkun përkatës, vendosni e-mail-in tuaj dhe konfirmoni votën: LINKU PËR VOTIM

Tutje, për të dhënë votën tuaj edhe në platformat sociale, ju lusim të ndiqni procedurat e më poshtme:

Për Facebook, mund të bëni një postim me këtë përmbajtje:

I vote for Prof. Edmond Hajrizi’s nomination for the “University Leader of the Year” award by Triple E Awards 2025.

https://2025.triple-e-awards.com/finalist/id/1146

#ACEEUAWARDS2025

#2025Entry1146

ose të bëni share postimin e UBT-së: POSTIMI NË FACEBOOK

Për Platformën LinkedIn mund të bëni një postim me këtë përmbajtje:

https://2025.triple-e-awards.com/finalist/id/1146

@ACEEU

#ACEEU_Awards

#2025Entry1146

ose të bëni repost postimin e UBT-së: POSTIMI NË LINKEDIN

Për Platformën Instagram mund të bëni një postim me këtë përmbajtje:

https://2025.triple-e-awards.com/finalist/id/1146

@aceeu_live

#ACEEU_Awards

#2025Entry1146

Për Platformën TikTok mund të bëni një postim me këtë përmbajtje:

https://2025.triple-e-awards.com/finalist/id/1146

#ACEEU_Awards

#2025Entry1146

Lajmet

Irlanda e Veriut triumfon ndaj Maltës në kualifikuese të Botërorit 2026

Published

1 day ago

September 5, 2025

UBT News

Një fitore miqësore 3-0 ndaj Maltës erdhi nga Irlanda e Veriut në kualifikuese të Kupës së Botës 2026, ku Jordan Jones, Gavin Whyte dhe Ali McCann shënuan në Austri.

Pjesa më e madhe e ndeshjes u zhvillua në një mënyrë tipike miqësore të fundsezonit dhe nuk pati lojtarë që të spikasnin gjatë gjithë 90 minutave.

Dallasi arriti një fitore si kapiten i Irlandës së Veriut në mungesë të Steven Davis dhe kjo është një përvojë jetësore për lojtarin në formë të mirë të Leeds.

Jones shfrytëzoi mbrojtjen e dobët për të shënuar një gol të hershëm përpara se Josh Magennis të shihte penalltinë e tij të pritej nga portieri i Maltës, Henry Bonello, në një pjesë të parë kryesisht të çrregullt.

Irlanda e Veriut u përmirësua në pjesën e dytë me dy gola në tre minuta.

Fitorja në 90 minuta më në fund erdhi për trajnerin e Irlandës së Veriut, por ishte e pakëndshme ta shikoje në pjesën e parë pavarësisht golit të hershëm.

Pasimi i gabuar i Ferdinando Apap i dha mundësinë Jones dhe anësori i Rangers e shfrytëzoi me një gjuajtje të ulët që e rrëzoi Bonellon përpara se të fluturonte drejt portës.

Bonello u ul për të pritur penalltinë e Magennis në minutën e 21-të – e akorduar për faullin e Kurt Shaw ndaj Whyte – dhe humbja e penalltisë përmblodhi një fillim të vështirë prej 45 minutash nga Irlanda e Veriut.

Malta hyri në ndeshje 127 vende poshtë kundërshtarëve të saj në renditjen botërore, por ata e kaluan pjesën e parë me Joseph Mbong dhe Luke Montebello që u afruan shumë.

Irlanda e Veriut kishte më shumë shpejtësi dhe vendosmëri në rifillimin e ndeshjes dhe Whyte shënoi me shpejtësi nga një pasim i Stuart Dallas për ta bërë rezultatin 2-0 pas 53 minutash.

Pastaj u pasua shpejt nga numri tre, pasi McCann u kap nga Paddy McNair dhe ai dha një gjuajtje të shkathët përtej Bonellos për ta çuar ndeshjen përtej një skuadre të Maltës që po shkatërrohej./S.K/BBC/

Lajmet

Sulm në parkingun e kopshtit në Vushtrri dhe arsenal armësh në shtëpi, një muaj paraburgim për dy persona

Published

1 day ago

September 5, 2025

UBTnews

Prokuroria Themelore në Mitrovicë ka paraqitur kërkesë për caktimin e masës së paraburgimit në Gjykatën Themelore në Mitrovicë – Dega në Vushtrri, ndaj të dyshuarve K.M. dhe K.M., për shkak të dyshimit të bazuar se kanë kryer disa vepra penale.

Të dyshuarit ngarkohen me veprat penale: “Mbajtja në pronësi, kontroll ose posedim të paautorizuar të armëve”, si dhe “Përdorimi i armës apo mjetit të rrezikshëm”, ndërsa njëri prej tyre, K.M., dyshohet gjithashtu për veprën penale “Lëndimi i rëndë trupor”.

Sipas Prokurorisë, ngjarja ka ndodhur më 20 maj 2025, rreth orës 08:55, në parkingun e një kopshti fëmijësh në Vushtrri, ku i dyshuari K.M., së bashku me persona të tjerë, e kanë sulmuar fizikisht të dëmtuarin L.O., në momentin që ai po zbriste nga automjeti për të shoqëruar vajzën në kopsht.

Sipa sprokurorisë, sulmi është kryer me një shufër metalike, duke i shkaktuar viktimës lëndime të rënda në kokë, këmbë dhe pjesë të tjera të trupit.

Pas sulmit, të dyshuarit janë larguar nga vendi i ngjarjes me motoçikleta.

Gjatë bastisjes së shtëpisë së të dyshuarve në fshatin Ropicë të Vushtrrisë, janë sekuestruar elektroshokë, sprej, telefona mobil, si dhe një sasi e konsiderueshme armësh dhe municioni, përfshirë armë të gjata dhe të shkurtra, snajperë, pistoleta me silenciatorë. Në telefonat e të dyshuarve janë gjetur video dhe fotografi ku ata shihen duke përdorur armë, përfshirë edhe një imazh ku njëri prej tyre shihet duke shënjestruar një automjet të policisë me revole.

Gjykata Themelore në Mitrovicë – Dega në Vushtrri ka aprovuar kërkesën e Prokurorisë dhe ka caktuar masën e paraburgimit prej një muaji ndaj të dyshuarve K.M. dhe K.M./D.B/KP

Lajmet

Lautaro tejkalon Maradonën me gola për Argjentinën

Published

1 day ago

September 5, 2025

UBT News

Kapiteni i Interit, Lautaro Martinez, shënoi si zëvendësues për Argjentinën në fitoren 3-0 ndaj Venezuelës mbrëmë, duke tejkaluar Diego Armando Maradonën dhe duke u bërë golashënuesi i pestë më i mirë me ekipin kombëtar.

Lautaro Martinez kontribuoi në fitoren 3-0 të Argjentinës ndaj Venezuelës mbrëmë, duke shënuar vetëm dy minuta pas futjes së tij nga stoli në pjesën e dytë.

Kapiteni i Nerazzurrëve gjeti rrjetën me një gjuajtje me kokë, duke shënuar golin e tij të 33-të ndërkombëtar dhe duke tejkaluar legjendën e Argjentinës dhe Napolit , Maradonën, i cili kishte shënuar 32 gola.

Siç e vuri në dukje me krenari Interi në faqen e tyre të internetit, vetëm Lionel Messi (114 gola), Gabriel Omar Batistuta (55), Sergio Agüero (41) dhe Hernan Crespo (35) kanë shënuar më shumë gola për Argjentinën sesa Lautaro./S.K/KP/