Lajmet

​Dëgjohet dëshmitari i katërt në rastin e Salih Mustafës

Dëshmitari pretendon se është keqtrajtuar në një ahur.

Published

4 years ago

on

Në Dhomat e Specializuara në Hagë po dëgjohet dëshmitari i katërt i Zyrës së Prokurorit të Specializuar në rastin e Salih Mustafës i cili akuzohet për krime lufte. Dëshmitari i mbrojtur ka thënë se është mbajtur në një objekt në Zllashë prej darës katër deri më 18 apo 19 prill, duke shtuar se nuk e mban mend datën e daljes nga aty.

Dëshmitari i katërt i cili po dëshmon nën masa mbrojtëse të sigurisë duke ju fshehur identiteti dhe mban kodin W03594 ka thënë se dy persona me maska e kanë dërguar në një ahur në Zllashë dhe të njëjtit ka thënë se kanë qenë të veshur me rroba të UCK-së.

Në ahur ku pretendon se është mbajtur e keqtrajtuar, dëshmitari ka thënë se i ka gjetur edhe katër persona të tjerë.

“Unë nuk i kam parë (rojet) por kur na anë sjell bukën ose ujin mendoj që ajo ka qenë roja, brenda ditës dy herë na kanë sjell edhe ushqim edhe ujë, ujë na kanë sjellë sa kemi dasht edhe ushqimi ka qenë i mjaftueshëm, mendoj i mjaftueshëm për kohën e luftës çfarë ka qenë. Ajo ka qenë kohë lufte dhe e them me bindje të vërtetë se atë ushqim që e kanë ngrënë ata vetë na e kanë sjell të njëjtin edhe neve brenda aty”, ka thënë dëshmitari i katërt.

Dëshmitari i katërt po u përgjigjet pyetjeve të prokurorit të ZPS-së.

“Kam ndejt prej 4 diku deri 18-19 nuk më kujtohet dita e saktë e daljes, më duket se ka qenë 19 prill”, ka thënë dëshmitari.

Ai është pyetur për kushtet në të cilat ka qëndruar aty.

“(Kushtet) Kanë qenë çnjerëzore, kur individi hyn brenda aty trajtohet nuk e ka më ndjenjën e njeriut por barazohet me kafshë. Nuk di si mund ta përshkruaj kur njeriut papritur prej një që nuk e pret gjendet në një ahur që nuk e ka parë as ëndërr ndonjëherë në jetë”, ka thënë dëshmitari i katërt.

Në fillim të seancës, avokati i Salih Mustafës, avokati Julius Von Bone ka kërkuar që të bëhet më shumë kujdes në trajtimin e të dhënave siç janë fotografitë, që siç ka thënë ai publikohen pastaj në media.

Von Bone ka thënë se diçka e tillë mund të ndikojë në gjykimin publik që mund t’i bëhet Mustafës në Kosovë.

Ndërsa kryetarja e trupit gjykues, Mappie Veldt-Foglia ka thënë se janë të vetëdijshëm për të gjitha procedurat që duhet ndjekur.

Në Hagë po dëgjohet dëshmitari i katërt i ZPS-së, seancë në të cilën po merr pjesë fizikisht edhe Salih Mustafa. Një pjesë e dëshmisë po vijon e mbyllur për publikun.

Ky është gjykimi i parë që ka filluar në Dhomat e Specializuara të Kosovës në Hagë e Salih Mustafa është i arrestuari i parë nga Specialja.

Aktakuza ndaj Mustafës është konfirmuar më 12 qershor të vitit 2020 ndërsa ai u arrestua më 24 shtator të vitit të kaluar, me pretendimin për krime lufte.

Në deklarimin e tij para trupit gjykues, Salih Mustafa është deklaruar i pafajshëm.

Related Topics:
Continue Reading

Lajmet

Rama nga Londra: Kosova s’duhet të merret me Serbinë, por të përmbushë detyrimet ndaj BE-së

Published

7 hours ago

on

October 21, 2025

By

Në Londër po zhvillohet një tryezë me temën “Ballkani Perëndimor dhe Bashkimi Europian”, ku ndër folësit kryesorë është edhe kryeministri i Shqipërisë, Edi Rama.

I pyetur për pozicionin e Kosovës në rajon dhe për ecurinë e saj drejt anëtarësimit në Bashkimin Europian, Rama u shpreh se Prishtina duhet të fokusohet tek përmbushja e detyrimeve që burojnë nga dialogu me Serbinë dhe jo tek vetë raportet dypalëshe.

“Që të jetë e suksesshme Kosova duhet të harrojë Serbinë, fjalë për fjalë dhe duhet të realizojë të gjitha pikat që kanë të bëjnë me dialogun e ndërmjetësuar nga BE-ja, pavarësisht nga Serbia, pra ata t’ia lënë topin në fushë Serbisë dhe të ecin para drejt Europës duke lënë Europën të merret me Serbinë dhe mos ta lënë çështjen e Serbisë të shndërrohet në çështje fajësimi midis të dyjave. Megjithatë, është mendimi im ky, unë respektoj atë që vendosin udhëheqësit e zgjedhur të Kosovës për vendin e tyre”, tha ai./EO

Continue Reading

Lajmet

Supremja: Pranohet ankesa e kandidatit të pavarur për kryetar të Kllokotit, rrëzohet vendimi i PZAP-së

Published

7 hours ago

on

October 21, 2025

By

Kolegji i Gjykatës Supreme e ka pranuar si të bazuar ankesën e kandidatit të pavarur për kryetar të Komunës së Kllokotit, Arber Emini, dhe ka prishur vendimin e Panelit Zgjedhor për Ankesa dhe Parashtresa (PZAP), të datës 15.10.2025.

Sipas Supremes, çështja është kthyer në rivendosje në PZAP.

“Bazuar në shkresat e lëndës, Arber Emini me datë 13.10.2025, është ankuar në PZAP, me pretendimin se “me datë 12.10.2025 në Zgjedhjet Lokale në Kllokot, Serbia ka ndërhyrë në sistemin zgjedhor në Komunën e Kllokotit, duke fabrikuar dëshmi mjekësore serbe të strukturave paralele për t’u shfrytëzuar votuesit me asistencë të përdorin këtë vërtetim mjekësor”, thuhet në komunikatë.

Më tej thuhet se Gjykata Supreme e Kosovës vlerëson se PZAP, gabimisht ka vendosur kur e ka hedhur poshtë ankesën e ankuesit, për faktin se nga pretendimet që dalin nga ankesa, i njëjti është ankuar për procesin dhe parregullsitë gjatë ditës së votimit dhe jo kundër rezultateve preliminare të tabuluara nga KQZ, ashtu siç ka pretenduar PZAP në vendimin e saj.

“Andaj, në rivendosje, PZAP, udhëzohet që t’i evitojë shkeljet e theksuara në Aktvendimin e Gjykatës Supreme, AA.nr.93/2025, dhe të vendos në mënyrë meritore lidhur me ankesën e kandidatit të pavarur për kryetar të Komunës së Kllokotit, Arber Emini”, thuhet në njoftim.

Zgjedhjet e rregullta komunale janë mbajtur më 12 tetor./KP

Continue Reading

Lajmet

Rrahje dhe gjuajtje me armë zjarri në qendër të Podujevës, policia jep detaje

Published

7 hours ago

on

October 21, 2025

By

Pak qaste më parë ka ndodhur një rrahje dhe gjuajtje me armë zjarri në Podujevë.

Lajmin e ka konfirmuar Flora Ahmeti zëdhënëse e Policisë së Kosovës për Rajonin e Prishtinës.

Sipas Ahmetit lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast.

Ajo tha se sot rreth orës 14:30 është pranuar informata për një rrahje dhe shkrepje të armës në Podujevë.

“Me të marrë informatën policia, ka dalë në vendin e ngjarjes nga ku jemi njoftuar se si pasojë e rrahjes nga një mjet i fortë (shkop) është lënduar një person i cili është dërguar për trajtimin e nevojshëm mjekësor. Lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast”, thuhet në përgjigjen e zëdhënëses Ahmeti.

Ajo ka shuar se aktualisht policia po vazhdon punën për zbardhjen e rrethanave dhe motiveve që karakterizojnë ngjarjen./KP

Continue Reading

Lajmet

​Vdes në moshën 29-vjeçare kampioni amerikan i shahut

Published

8 hours ago

on

October 21, 2025

By

Kampioni amerikan i shahut dhe komentatori online Daniel Naroditsky ka ndërruar jetë në moshën 29-vjeçare.

Sipas BBC, familja e tij e përshkroi vdekjen si të papritur, pa dhënë shkakun.

Naroditsky ishte një lojtar i talentuar, edukator dhe komentator, i njohur për kanalin e tij në YouTube me afro 500,000 abonentë dhe stream-et në Twitch me 340,000 ndjekës.

Ai luajti një rol kyç në popullarizimin e përmbajtjes së shahut online.

Ai filloi shahun në moshën 6 vjeç, fitoi Kampionatin Botëror të të Rinjve nën 12 vjeç në 2007, dhe në 2013 u bë Grandmaster i SHBA-së. Naroditsky u diplomua në Stanford dhe punoi si trajner shahu në Charlotte, Karolina e Veriut.

Shumë kolegë dhe fansa e përshkruan si një inspirim, historian të shahut dhe dikë që e bënte lojën argëtuese dhe të thjeshtë për të gjithë./S.K/KP/

Continue Reading

Të kërkuara