Prokuroria Speciale e Kosovës ka dorëzuar aktakuzë në Gjykatën Themelore në Prishtinë ndaj K.M për veprën penale “Nxitje e përçarjes dhe mosdurimit”.

Sipas aktakuzës, më 23 janar 2025, në qytetin e Klinës, i pandehuri K.M. ka ndërmarrë veprime që dyshohet se kanë pasur për qëllim nxitjen e urrejtjes, përçarjes dhe mosdurimit mes grupeve me bindje të ndryshme politike.

“Prokuroria Speciale i ka propozuar Gjykatës Themelore në Prishtinë që, pas shqyrtimit gjyqësor, i pandehurit të shpallet fajtorë, dhe ndaj tij të shqiptohet dënim konform ligjeve në fuqi”, thuhet në njoftim.

Gjykatësi mbikëqyrës i Gjykatës Themelore Mitrovicë Dega Skenderaj, Avdullah Mecinaj është gjetur pa shenja jete sot në vendbanimin e tij në një fshat të Skenderajt.

“Sot, me datë 28.08.2025, policia në Skenderaj ka pranuar njoftimin se dyshohej për një person pa shenja jete në vendbanimin e tij, në një fshat të Skenderajt. Njësitë policore menjëherë kanë shkuar në vendin e ngjarjes dhe gjithashtu është njoftuar edhe emergjenca e QKMF në Skenderaj. Mjeku ka konfirmuar se personi ishte pa shenja jete. Të gjitha njësitë kompetente kanë dalë në vendin në ngjarjes ndërkaq hetuesit policor me autorizim të prokurorit kanë nisur hetimet për zbardhjen e rrethanave të këtij rasti.”

Trupi i pajetë i 65 vjeçarit është dërguar për obduksion në IML, derisa rasti po hetohet si “Vdekje e dyshimtë”.

“Pas përfundimit të procedurave në vendin e ngjarjes, me urdhër të prokurorit të rastit, trupi i pajetë i viktimës mashkull, i moshës 65 vjeçare, është dërguar në Institutin e Mjekësisë Ligjore për obduksion ndërsa sipas rrethanave të gjetura në vendin e ngjarjes, rasti është iniciuar si ,,Vdekje e dyshimtë”.”, thuhet më tutje.

Kryetari i Organizatës së Veteranëve të Luftës së UÇK-së, Hysni Gucati, në një konferencë për media ka kërkuar nga deputetët e Kuvendit të Kosovës shkarkimin e menjëhershëm të kryetarit të Kuvendit, Dimal Basha, si dhe nisjen e hetimeve nga prokuroria.

“Kategoritë e dala nga lufta e UÇK kërkojnë nga deputetë shkarkimin e menjëhershëm të Dimal Bashës dhe nisjen e hetimeve nga Prokuroria e Kosovës. Arsyeja për fillimin e hetimeve dihet, pjesëmarrja në luftë speciale propagandistike kundër UÇK-së dhe Kosovës dhe nën dy, lidhja personale dhe bashkëpunimi me persona të dyshimtë, përfshirë bashkëpunëtorë nga Maqedonia e Veriut të cilët ndikojnë negativisht në integritetin e vendit tonë. Nëse nuk përfillen kërkesat tona, ne si kategori të dala nga lufta obligohemi të ndërmarrim veprime të tjera për të cilat do të njoftoheni me kohë,” ka deklaruar Gucati.

Ai ka përmendur edhe një punim shkencor të Bashës, duke e akuzuar atë për fyerje ndaj UÇK-së.

“Dimla Basha në vitin 2012 me një punim shkencor të tij e quajti UÇK që ka bashkëpunuar me dilerë të drogës. Ashtu siç e ka zakon VV. Nga VV ne e dimë që ka edhe dëshmitarë në Gjykatën Speciale, duke filluar nga Donika Gërvalla e cila ka dorëzuar dokumentacione në atë kohë që vet e ka pranu. Të tjerët që do të dalin me emra, sepse nuk kemi frikë nga askush.” ka shtuar ai.

Edhe pse grupet parlamentare ende nuk janë zyrtarizuar, Time Kadrijaj nga Aleanca për Ardhmërinë e Kosovës konfirmoi se deputeti goran, Adem Hoxha, nuk do të jetë pjesë e këtij grupi, ndryshe nga sa ishte raportuar më herët.

Arsyeja është se ai votoi sot kundër qëndrimit të grupit, duke i dhënë votën një kandidati nga Lista Serbe për nënkryetar të Kuvendit.

Adem Hoxha më herët ka qenë pjesë e grupit parlamentar të Listës Serbe.

Nëse i bashkohet sërish kësaj liste, ajo do të ketë gjithsej 10 deputetë në Kuvendin e Kosovës.