Asociacioni i Komunave të Kosovës ka reaguar pas raportimeve nga kryetarët e komunave se llogaritë bankare të tyre janë bllokuar për shkak të vendimeve gjyqësore që lidhen me kontratat kolektive.

Drejtori ekzekutiv i AKK-së, Sazan Ibrahimi, tha se nga viti 2022 deri në mesin e këtij viti komunave u janë marrë mbi 210 milionë euro përmes përmbaruesve gjyqësorë, duke i pamundësuar realizimin e projekteve kapitale.

“Sot në mëngjes kemi pranuar informata nga komunat e Kosovës, përkatësisht kryetarët e komunave, ku kanë kërkuar që AKK-ja të bëjë një reagim ndaj veprimit të Ministrisë së Financave sepse gjirrollogaritë e tyre bankare janë bllokuar. Pasojat e bllokimit të gjirrollogarive bankare po janë vendimet e gjykatave përmes përmbaruesve, ku komunave padrejtësisht po u merren mjetet financiare për zbatimin e kontratave kolektive”, tha ai.

Gjithashtu, sipas Ibrahimit në kalkulimet që i kanë si AKK, që nga viti 2022 deri në mesin e këtij viti, komunave u janë marrë mbi 210 milionë euro për shkak të vendimeve gjyqësore dhe shumica absolute e këtyre mjeteve janë marrë për shkak të zbatimit të kontratave kolektive.

“Kjo është një dëm i jashtëzakonshëm që po ju shkaktohet komunave të Kosovës sepse shumë projekte për investime kapitale nuk po mund të zbatohen”, tha Ibrahimi.

Ai tha se mungon gatishmëria e nivelit qendror për të bashkëpunuar me komunat dhe për të gjetur një zgjidhje.

Ai përmendi konkretisht komunat më të prekura nga këto bllokime gjatë këtij viti.

“Është Ferizaji, që gjatë këtij viti në shumicën absolute të rasteve ka pasur pothuajse të bllokuar, sepse Ferizajit faturat i kanë shkuar mbi 10 milionë euro që duhet paguar vendime që kanë ardhur nga Gjykata përmes përmbaruesve. Komuna e Lipjanit gjithashtu, komuna e Drenasit, po ka pasur edhe komuna të tjera të cilat i përmenda, si Vitia, Rahoveci, Deçani, Suhareka e të tjera”, tha ai./Ekonomia Online

Grupi për Siguri dhe Barazi Gjinore (SGG) u bën thirrje të gjitha partive politike në Kosovë që të respektojnë obligimet e tyre sipas Ligjit për Barazi Gjinore dhe të ndërmarrin hapa konkretë për të rritur emërimin, fuqizimin dhe përkrahjen e kandidateve gra, veçanërisht për pozitat e kryetareve të komunave në zgjedhjet e ardhshme lokale.

Në reagimin e tyre thuhet se “edhe pse korniza ligjore zgjedhore në fuqi parasheh vetëm një kuotë gjinore prej 30% për listat zgjedhore, ne u bëjmë thirrje udhëheqësve të partive politike që të udhëhiqen nga fryma e Kushtetutës dhe Ligjit për Barazi Gjinore dhe të paraqesin lista kandidatësh të bazuara në barazinë gjinore”.

“Megjithatë, në zgjedhjet lokale të vitit 2021, vetëm 2 nga 38 kryetarë komunash të zgjedhur ishin gra, ndërsa gratë përbëjnë vetëm 16% të anëtarëve të kuvendeve komunale, duke theksuar barrierat strukturore të vazhdueshme për udhëheqjen dhe pjesëmarrjen e grave në vendimmarrje politike. Ky nën-përfaqësim jo vetëm që bie ndesh me frymën e Kushtetutës dhe Ligjit për Barazi Gjinore, por paraqet edhe një mundësi të humbur për zhvillim demokratik dhe gjithëpërfshirës të Kosovës”, vijon reagimi.

Sipas tyre gratë sjellin perspektiva thelbësore, udhëheqje dhe zgjidhje për sfidat me të cilat përballen komunat nga siguria në komunitet tek arsimi, shëndetësia dhe zhvillimi ekonomik.

Mes tjerash, thuhet se Grupi për Siguri dhe Barazi Gjinore u bën thirrje të gjitha partive politike që të shkojnë përtej kërkesave minimale ligjore dhe të nominojnë në mënyrë proaktive, të promovojnë dhe fuqizojnë gratë si kandidate në nivel lokal./Telegrafi

Instituti i Kosovës për Drejtësi (IKD) publikoi raportin: “Ndikimi i bashkimit të Ministrisë së Punës dhe Mirëqenies Sociale me Ministrinë e Financave”, duke ngritur shqetësime serioze mbi pasojat e këtij vendimi institucional.

Naim Jakaj, hulumtues i lartë në IKD, kërkoi nga Qeveria dhe Kuvendi i Kosovës rikthimin e kësaj ministrie si institucion i pavarur, duke theksuar se 85% e shteteve të Bashkimit Evropian e kanë një ministri të veçantë për këtë fushë.

“Ky veprim nuk ka qenë reformë, por margjinalizim i mirëqenies sociale. Pas këtij vendimi, Kosova është ndër të paktat vende në rajon dhe Evropë pa një ministri të dedikuar për punë dhe mirëqenie sociale. Sot, 85% e shteteve te Bashkimit Evropian e kanë një ministri të veçantë për punë dhe mirëqenie sociale. Vetëm Kosova dhe pjesërisht Shqipëria kanë zgjedhur ta fusin këtë fushë jetike brenda ministrive me portofol financiar, duke e humbur fokusin strategjik dhe përgjegjësine institucionale për të drejtat sociale. Kjo nuk ëshë çështje teknike, por politike dhe sociale me ndikim të drejtpërdrejtë në jetën e qytetarëve”.

Pas këtij vendimi, është dështuar tërësisht agjenda legjislative në fushën sociale dhe ligje të rëndësishme, si ai për Punën dhe për Sigurinë në Punë, janë tërhequr ose kanë mbetur të bllokuara.

Po ashtu, Kosova nuk ka arritur të harmonizojë legjislacionin me direktivat e Bashkimit Evropian, gjë që ndikon negativisht në procesin e integrimit evropian”, tha Jakaj./ Ekonomia Online

Presidentja e vendit, Vjosa Osmani tha se Serbia është shndërruar në shtet satelit të Rusisë e cila synon të krijojë efekt destabilizues në rajon. Por, Osmani tha se Kosova do të punojë ngushtë me NATO-n dhe Bashkimin Evropian, që taktikat destabilizuese të mos kenë sukses.

Këto deklarata Osmani i bëri gjatë vizitës së saj në Letoni si një president i parë nga Kosovës në këtë shtet, tha se zëri i Letonisë ka qenë vendimtar në përkrahjen e anëtarësimit të Kosovës në organizatat ndërkombëtare. Ndërkaq, presidenti i Letonisë theksoi se “dita kur Kosova do të bëhet vend kandidat në BE është afër, edhe pse kërkohet ende punë dhe angazhim”.

Presidentja Osmani tha se vizita në Riga shënon vazhdimësinë e një partneriteti të fortë ndërmjet të dy vendeve duke treguar se poshtu  kanë diskutuar edhe për “qëllimet imperialiste të rrezikshme të Rusisë”.

Duke folur për influencën ruse, presidentja e Kosovës ka thënë se “influence e Rusisë në Kosovë është zero”./Kosovapress