Lajmet

​Bimët që dëbojnë insektet nga shtëpia juaj

Nëse jeni duke kërkuar mënyra për t’i mbajtur larg, këto bimë janë ideale në luftën kundër insekteve.

Published

5 years ago

on

dhe pse shumë prej nesh shijojnë shtatorin dhe ndryshimin e stinëve, kjo është koha e vitit kur insektet hyjnë intensivisht në shtëpinë tonë.

Në muajt e verës u pëlqen të jenë jashtë, por kur moti ndryshon dhe bëhet ftohtë ato hyjnë menjëherë brenda, ku janë më të ngrohtë.

Nëse jeni duke kërkuar mënyra për t’i mbajtur larg, këto bimë janë ideale në luftën kundër insekteve.

Evie Lane, eksperte e kopshtarisë në Primrose, vuri në dukje se shumica e bimëve që insektet i urrejnë kanë aroma të forta që i shqetësojnë.

“Përveç masave parandaluese brenda shtëpisë, ju duhet të pastroni oborrin – grumbuj gjethesh ose disa tufa që janë një vend i fshehtë i mundshëm për insektet. Në kohën e çiftëzimit, ato kërkojnë vende të fshehura, kështu që çdo turmë ose grup është i mirëpritur, “shpjegon Evie.

1. Nenexhik

Insektet nuk e pëlqejnë nenexhikun. Por për të hequr qafe prej tyre nuk keni pse të keni bimë të panumërta nenexhiku rreth shtëpisë.

Nuk është keq ta keni këtë bimë në kavanoza në shtëpi, sepse përveçse do të zmbrapsni insektet e bezdisshme, gjithmonë do të keni në dorë disa degëza çaji të freskët.

Ju gjithashtu mund të vendosni disa gjethe nenexhiku në ujë në një shishe llak dhe spërkatni pikat e hyrjes të shtëpisë tuaj.

2. Borziloku

Borziloku jo vetëm që është i dobishëm në gatim, por është gjithashtu i dobishëm për largimin e insekteve si mushkonjat, milingonat, mizat dhe merimangat.

Ekspertët nga Primrose thonë se borzilokut i pëlqen të marrë rrezet e diellit direkte katër deri në pesë orë në ditë, kështu që është një vend i mrekullueshëm për ta pranë dritares.

3. Rozmarinë

Mushkonjat, mizat dhe disa lloje të molave nuk e tolerojnë erën e rozmarinës, prandaj sigurohuni që ta mbani në shtëpi. Përveç kësaj, do të jetë gjithmonë pranë nëse keni nevojë për të si shtesë në një pjatë me mish.

4. Livando

Përveç qetësimit dhe relaksimit, aroma e tij është e shkëlqyeshme për largimin e mushkonjave, merimangave dhe insekteve të tjera. Mbajeni pranë dritares.

5. Krizantemë

Kjo bimë e bukur është fantastike sepse nuk e duan milingonat apo buburrecat, merimangat, insektet, rriqrat dhe peshqit e argjendtë – zvarranikët që duan të qëndrojnë në banjë dhe më shpesh dalin natën.

6. Eukalipt

Eukalipti është një bimë tjetër që funksionon mirë kur degëzat e saj varen rreth shtëpisë tuaj. Meqenëse është praktike dhe ka shumë përfitime, kohët e fundit shumë njerëz e varin në banjë ku aroma e tij përzihet me avull.

7. Marigold

Shumë kopshtarë janë të vetëdijshëm se kjo bimë bën mrekulli në largimin e insekteve. Mushkonjat urrejnë erën e saj. Por është e rëndësishme të theksohet se era e marigoldit adhurohet nga kërmijtë, shkruan Metro.

Related Topics:
Continue Reading

Lajmet

Policia dhe Dogana parandalojnë kontrabandimin e mallrave nga Serbia, sekuestrohen dy automjete

Published

34 minutes ago

on

July 31, 2026

By

Policia e Kosovës, në bashkëpunim me Doganën e Kosovës, ka parandaluar dy raste të kontrabandimit me mallra në zonën e Korminjanit.

Sipas njoftimit të Policisë, më 30 korrik 2026, gjatë zbatimit të një plani taktik operacional në rrugët malore të këtij fshati, janë identifikuar dy automjete që kishin hyrë në territorin e Kosovës përmes rrugëve ilegale malore nga territori i Serbisë.

Gjatë kontrollit të automjeteve janë gjetur dhe sekuestruar mallra të ndryshme pa dokumentacion përcjellës, të cilat dyshohet se janë futur në mënyrë të kundërligjshme në Kosovë.

Nga verifikimet e kryera është konstatuar se mallrat nuk posedonin dokumentacion për prejardhjen apo procedurat doganore, ndërsa sipas mbishkrimeve rezultonin të ishin prodhim i Serbisë.

Me autorizim të prokurorit kujdestar në Gjilan, automjetet dhe mallrat janë sekuestruar dhe janë dërguar në terminalin doganor për procedura të mëtejme të vlerësimit dhe ruajtjes.

Policia ka bërë të ditur se lidhur me rastin janë iniciuar procedurat ligjore, ndërsa hetimet do të vazhdojnë nga njësitë kompetente në bashkëpunim me Doganën e Kosovës.

Policia e Kosovës ka theksuar se mbetet e përkushtuar në luftimin e kontrabandës dhe aktiviteteve të tjera të kundërligjshme në zonën kufitare, me qëllim mbrojtjen e rendit juridik, ekonomisë së vendit dhe sigurisë së qytetarëve./A.K/

Continue Reading

Lajmet

Përparim Rama: Dyert e Kryeqytetit janë të hapura për drejtësinë, do të bashkëpunojmë me Prokurorinë

Published

1 hour ago

on

July 31, 2026

By

Kryetari i Prishtinës, Përparim Rama, ka reaguar pas publikimit të materialeve që përmbajnë pretendime për parregullsi të mundshme në procesin e legalizimit të objekteve në kryeqytet, duke thënë se Komuna do të bashkëpunojë plotësisht me organet e drejtësisë.

Përmes një reagimi në rrjetet sociale, Rama ka mirëpritur faktin që çështja është dërguar në Prokurori, ndërsa ka kërkuar që edhe kryeministri të përgjigjet ndaj kërkesave të institucioneve të drejtësisë.

“Mirëmëngjesi. E para, po më vjen mirë që më në fund po i drejtoheni Prokurorisë. Është lajm i mirë. Tash udhëzojeni edhe Kryeministrin t’i përgjigjet Prokurorisë, sepse ka më shumë se dy vjet që nuk i përgjigjet ftesës për intervistim”, ka shkruar Rama.

Ai ka theksuar se dyert e Komunës së Prishtinës kanë qenë dhe mbeten të hapura për organet e drejtësisë, duke garantuar bashkëpunim të plotë, transparent dhe institucional për çdo kërkesë të Prokurorisë.

“Pas vendimit të Prokurorisë, do t’i ndërmarrim pa asnjë hezitim të gjitha veprimet dhe procedurat ligjore ndaj kujtdo që rezulton se ka shkelur ligjin”, ka deklaruar Rama.

Reagimi i kryetarit të Prishtinës vjen pasi këshilltarët komunalë të Lëvizjes Vetëvendosje kanë njoftuar se kanë dorëzuar kallëzim penal ndaj Ramës dhe zyrtarëve të kabinetit të tij, duke ngritur pretendime për parregullsi të mundshme në procesin e legalizimit të objekteve në kryeqytet./A.K/

Continue Reading

Lajmet

Kryeqyteti reagon pas pretendimeve ndaj shefit të kabinetit të Përparim Ramës, kërkon trajtim nga drejtësia

Published

1 hour ago

on

July 31, 2026

By

Komuna e Prishtinës ka reaguar lidhur me materialet e publikuara që përmbajnë pretendime për parregullsi të mundshme në procesin e legalizimit të objekteve në kryeqytet, ku përmendet edhe shefi i kabinetit të kryetarit të Prishtinës, Florent Maliqi.

Në reagimin e saj, Komuna ka bërë të ditur se pret trajtimin e rastit nga Prokuroria dhe institucionet kompetente të drejtësisë, duke theksuar se do të ofrojë bashkëpunim të plotë gjatë gjithë procesit.

“Kryeqyteti do të ofrojë bashkëpunim të plotë me organet e drejtësisë”, thuhet në reagimin e Komunës së Prishtinës.

Po ashtu, Komuna ka theksuar se pas vendimit të Prokurorisë do të ndërmarrë të gjitha veprimet dhe procedurat ligjore ndaj çdo personi që rezulton se ka shkelur ligjin.

“Pas vendimit të Prokurorisë, do t’i ndërmarrim pa asnjë hezitim të gjitha veprimet dhe procedurat ligjore ndaj kujtdo që rezulton se ka shkelur ligjin”, thuhet në reagim./A.K/

Continue Reading

Lajmet

Prizreni po formon gjeneratën e re të programuesve me Gjimnazin TIK

Published

2 hours ago

on

July 31, 2026

By

Për vite me radhë, zgjedhja e një shkolle të mesme është parë si vendimi që përcakton të ardhmen e një të riu. Sot, gjithnjë e më shumë nxënës po kërkojnë diçka më shumë se një diplomë – kërkojnë aftësi që i përgatisin për profesionet që po ndryshojnë botën.

Kjo është arsyeja pse Gjimnazi TIK i UBT International Smart Schools në Prizren, po zgjon interes të madh tek të rinjtë jo vetëm nga Prizreni, por edhe nga Theranda, Malisheva, Dragashi dhe Kukësi.

Në vend të modelit tradicional të mësimit, nxënësit punojnë me programim, inteligjencë artificiale, robotikë dhe teknologji moderne, duke zhvilluar projekte që lidhen me sfidat reale të teknologjisë.

Një tjetër element që po ndikon në këtë interesim është akreditimi nga Cambridge International Education, i cili u ofron nxënësve një arsimim të ndërtuar mbi standarde ndërkombëtare dhe i përgatit për studime universitare brenda dhe jashtë vendit.

Me laboratorë modernë, konceptin Classroom 4.0 dhe integrimin e inteligjencës artificiale në procesin mësimor, Gjimnazi TIK po ndërton një mjedis ku teknologjia nuk mësohet vetëm si teori, por përdoret çdo ditë si mjet për të krijuar, eksperimentuar dhe inovuar.

Në një kohë kur profesionet e së ardhmes kërkojnë njohuri digjitale dhe kreativitet, gjithnjë e më shumë familje po e shohin këtë drejtim si një investim afatgjatë për suksesin e fëmijëve të tyre.

Për aplikim online klikoni në këtë link: APLIKIMI ONLINE

Continue Reading

Të kërkuara