Sport

Zyrtare: Ozil pensionohet nga futbolli

Problemet me shpinën kanë bërë që Ozil të luajë vetëm 187 minuta futboll këtë sezon.

Published

3 years ago

March 22, 2023

UBT news

Mesut Ozil e ka konfirmuar pensionimin nga futbolli në moshën 34-vjeçare.

Ish-mesfushori i Arsenalit dhe Kombëtares së Gjermanisë së fundmi luante për skuadrën turke, Istanbul Basaksehir që prej se iu bashkua gjatë verës së kaluar.

Por që nga ajo kohë, Ozil ka arritur të bëjë vetëm tetë paraqitje për skuadrën turke, për shkak të problemeve të shumta me lëndime.

Problemet me shpinën kanë bërë që Ozil të luajë vetëm 187 minuta futboll këtë sezon, pasi u largua nga Fenerbahce pas 18 muajsh në klub.

Ozil e bëri të ditur lajmin në përmes një komunikate në Facebook.

“Përshëndetje të gjithëve, pas shqyrtimit të kujdesshëm, po njoftoj tërheqjen time të menjëhershme nga futbolli profesionist.

Unë kam pasur privilegjin të jem një futbollist profesionist për gati 17 vjet tani, dhe ndihem jashtëzakonisht mirënjohës për mundësinë. Por javët dhe muajt e fundit, pasi kam pësuar edhe disa lëndime, po bëhet gjithnjë e më e qartë se ka ardhur koha të largohem nga skena e madhe e futbollit.

Ka qenë një udhëtim mahnitës i mbushur me momente dhe emocione të paharrueshme. Dua të falënderoj klubet e mia, Schalke, Werder Bremen, Real Madrid, Arsenal, Fenerbahce, Basaksehir dhe trajnerët që më mbështetën, plus bashkëlojtarët që janë bërë miq.

Falënderime të veçanta duhet të shkojnë për anëtarët e familjes sime dhe miqtë e mi më të ngushtë. Ata kanë qenë pjesë e rrugëtimit tim që nga dita e parë dhe më kanë dhënë kaq shumë dashuri dhe mbështetje, në kohët e mira dhe të këqija.

Faleminderit të gjithë tifozëve të mi që më kanë treguar kaq shumë dashuri pa marrë parasysh rrethanat dhe pavarësisht se cilin klub përfaqësoja.

Tani po pres me padurim gjithçka që kam përpara me gruan time të bukur, Amine, dhe dy vajzat e mia të bukura, Eda dhe Ela – por ju mund të jeni i sigurt që do të dëgjoni nga unë herë pas here në rrjetet sociale dhe kanalet mediatike. Shihemi së shpejti, Mesut”, shkroi Ozil në Facebook.

Mesut Ozil ka arritur të bëjë 645 paraqitje përgjatë 17 viteve si futbollist, duke regjistruar 114 gola dhe 222 asistime mbi emrin e tij.

Sport

Champions League, City dhe Chelsea luftojnë për rikthim

Published

6 hours ago

March 17, 2026

UBTNews

Manchester City dhe Chelsea, përballen me një mision shumë të vështirë për të siguruar kualifikimin në çerekfinale të UEFA Champions League.

Të dy skuadrat pësuan humbje të thella në ndeshjet e para, City u mposht 3:0 nga Real Madrid në “Santiago Bernabeu”, ndërsa Chelsea humbi 5:2 ndaj Paris Saint-Germain në Paris. Ndeshjet e kthimit zhvillohen sot nga ora 21:00.

Përmbysja e disavantazheve të tilla ndaj skuadrave si Real Madridi dhe PSG konsiderohet shumë e vështirë, duke pasur parasysh cilësinë dhe përvojën e tyre në garat evropiane. Megjithatë, te City mbizotëron besimi. Kapiteni Bernardo Silva theksoi se skuadra do të luftojë deri në fund, pavarësisht rezultatit të parë negativ.

Nga ana tjetër, Chelsea synon reagim në shtëpi, edhe pse përballet me mungesën e kapitenit Reece James për shkak të lëndimit. Trajneri Liam Rosenior ka kërkuar përqendrim maksimal dhe shmangie të gabimeve ndaj kampionit në fuqi.

Në kampin e PSG-së, Ousmane Dembele theksoi se skuadra e tij do të hyjë në fushë për fitore, duke paralajmëruar një tjetër ndeshje të fortë ndaj londinezëve.

Në takimet e tjera, Sporting CP përballet me Bodo/Glimt, ku norvegjezët kanë epërsi 3:0 nga ndeshja e parë. Ndërkohë, Arsenal FC dhe Bayer Leverkusen nisin nga barazimi 1:1, duke lënë gjithçka të hapur për kualifikim.

Sport

Sfida e fortë në Romë për karatistët kosovarë

Published

10 hours ago

March 17, 2026

UBTNews

Ka përfunduar gara prestigjioze Karate 1 Premier League Rome 2026, e mbajtur në Romë, Itali, ku morën pjesë edhe përfaqësuesit e Federatës të Karatesë së Kosovës.

Në këtë turne të nivelit më të lartë botëror, ku garojnë vetëm 32 sportistët më të mirë në secilën kategori, Kosovën e përfaqësuan Islam Selmani në kategorinë -60 kg dhe Betim Maliqi në kategorinë -75 kg.

Selmani nuk arriti të vazhdojë garën për shkak të një lëndimi që pësoi gjatë fazës së grupeve, ndërsa Maliqi pati paraqitje solide, por nuk arriti të kalojë këtë fazë të garës.

Për të dy garuesit, kjo ishte hera e parë që merrnin pjesë në një kompeticion të këtij niveli. Në këtë aktivitet, ata u shoqëruan nga trajneri i përfaqësueses, Agron Tosuni.

Federata e Karatesë e Kosovës u ka uruar sportistëve suksese në garat e ardhshme dhe rezultate edhe më të mira në skenën ndërkombëtare.

Sport

Humbje për Agnesa Veselin në “Montenegro Cup”

Published

10 hours ago

March 17, 2026

UBTNews

Në kuadër të turneut ndërkombëtar Montenegro Cup, që po zhvillohet në Budva, Mali i Zi, boksierja Agnesa Veseli u paraqit në kategorinë 51 kg.

Ajo u përball me ukrainasen Sofia Turbnina, por nuk arriti të sigurojë fitore në këtë duel.

Turneu po mbledh boksierë të rinj nga vende të ndryshme të Evropës dhe shërben si një mundësi e rëndësishme për fitimin e përvojës ndërkombëtare dhe zhvillimin e tyre në arenën sportive.

Sport

Goditje për Neymarin, mbetet jashtë Brazilit

Published

10 hours ago

March 17, 2026

UBTNews

Neymar Jr ka reaguar me zhgënjim pasi nuk është përfshirë në listën e fundit të Kombëtarja e Brazilit.

Sulmuesi i Santos FC pranoi se ndihet i mërzitur dhe i trishtuar për këtë vendim, por theksoi se do të vazhdojë të punojë për t’u rikthyer në formën më të mirë.

Ish-lojtari i FC Barcelona dhe Paris Saint-Germain ndau një mesazh emocional, ku nënvizoi se përjashtimi nuk e ndryshon fokusin e tij. Ai u shpreh se do të vazhdojë të përqendrohet në përmirësimin e përditshëm përmes stërvitjes dhe ndeshjeve.

“Jam i mërzitur dhe i trishtuar që nuk jam thirrur, por fokusi mbetet i njëjtë: ditë pas dite, stërvitje pas stërvitjeje, ndeshje pas ndeshjeje,” është shprehur Neymar.

Mungesa e tij në listë lidhet kryesisht me problemet e fundit fizike dhe periudhën e gjatë të rikuperimit, të cilat kanë ndikuar në ritmin dhe formën e tij në fushë. Për këtë arsye, stafi teknik i Brazilit ka vendosur të mbështetet te lojtarët që aktualisht janë në formë optimale.

Ndërkohë, në përfaqësuesen braziliane po zhvillohet edhe një proces rinovimi, ku gjithnjë e më shumë hapësirë po u jepet futbollistëve të rinj, në funksion të ndërtimit të skuadrës për sfidat e ardhshme madhore.