Sport

Zyrtare: Bayerni transferon shokun e Myrto Uzunit

Published

3 years ago

December 6, 2023

UBT news

Bayern Munichu e ka konfirmuar marrëveshjen e arritur me Granadan për transferimin e Bryan Zaragozas.

Zaragoza do t’i bashkohet Bayernit për sezonin 2024/25, ndërsa do të nënshkruajë një kontratë pesë vjeçare me kampionin gjerman.

“Bryan Zaragoza është një anësor shpërthyes, shumë i shpejtë dhe jashtëzakonisht i shkathët, i cili mund të luajë në të dyja anët. Ai është i paparashikueshëm, mund të shënojë dhe është shumë i mirë një kundër një. Ai ka bërë tashmë debutimin e tij për Spanjën këtë vit dhe ka shumë potencial. Bryan është një nga lojtarët e ardhshëm të Spanjës dhe ka qenë në radarin tonë për një kohë. Ai do të rrisë opsionet tona sulmuese. I urojmë atij fat të mirë për pjesën tjetër të sezonit me Granadan dhe mezi presim që ai të na bashkohet gjatë verës”, tha Christoph Freund, drejtori sportiv i Bayernit.

Zaragoza iu bashkua Granada U19 nga klubi i Conejito de Malaga në vitin 2019 para se të kalonte një sezon në huazim te skuadra e Ejido. Deri tani, Bryan ka arritur të bëjë 51 paraqitje në të gjitha garat për Granadan, duke shënuar 10 gola dhe duke regjistruar tre asistime.

Gjithashtu, Zaragoza është bashkëlojtar me yllin shqiptar, Myrto Uzuni te Granada.

Related Topics:Bayern Munich Myrto Uzuni

Up Next

Guardiola: Jemi duke vuajtur, është përgjegjësi e imja

Don't Miss

Kuka pret përkrahje për kampionët tanë në Evropianin e xhudos në Prishtinë

Vendi

Akil Gjakova mbyll garën pa medalje në Abu Dhabi

Published

12 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

13 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

14 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/