Sport

Kuka pret përkrahje për kampionët tanë në Evropianin e xhudos në Prishtinë

Kuka tha se kjo është hera e parë që kemi një nivel kaq të lartë të një gare në vendin tonë.

Published

3 years ago

December 6, 2023

Betim Gashi

Kampionati Evropian i Xhudos “Prishtina 2023” po afron, ku kanë mbetur edhe 10 ditë deri te dita kur yje të shumtë të xhudos nga e gjithë bota do të zbarkojnë në Kosovë. E për Evropianin e xhudos “Prishtina 2023”, trajneri i ekipit kosovar, Driton Kuka tha se kjo është hera e parë që kemi një nivel kaq të lartë të një gare në vendin tonë.

“Evropiani Absolut po vjen në Kosovë! Në kryeqytetin tonë javën tjetër po zbarkojnë Elita e xhudos Botërore. Kampionati Evropian absolut deri 73 kg për meshkuj dhe deri 57 kg për femra mbahet më 16 dhjetor në Prishtinë! Hera parë të kemi nivel kaq të lartë në shtetin tonë”, shkroi Kuka në Facebook.

Më tej, Kuka bëri të ditur edhe që emra të njohur si Azeri Hajdarov (i pari i ranglistës botërore të xhudos), do të vijnë në Kosovë.

“I pari i Ranglistës Botërore Azeri Hajdarov, legjenda e xhudos Kampion Olimpik Shavdatuashvili, nënkampioni Olimpik Italiani Lombardo do vijnë në Kosovë e për ne garojnë Akil Gjakova dhe Dardan Cena që do jenë të motivuar si kurrë më parë! Kategoria e femrave deri 57 kg përveç dy Kampioneve tona Olimpike do marrin pjesë nga Elita Botërore edhe shumë medaliste Botërore e Evropiane!”, tha Kuka.

Më tej, trajneri i ekipit kosovar të xhudos tha se pret përkrahje nga tribunat për kampionët tonë.

“Pallati i Rinisë me datë 16 dhjetor do shoh yjet e sportit të xhudos! Presim përkrahje nga tribunat për Kampionët tonë! Foto nga përgatitjet finale për Evropianin Absolut!”, shkroi Kuka në Facebook.

Related Topics:xhudo Driton Kuka Evropian

Up Next

Zyrtare: Bayerni transferon shokun e Myrto Uzunit

Don't Miss

De Gea te Newcastle?

Vendi

Akil Gjakova mbyll garën pa medalje në Abu Dhabi

Published

11 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

12 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

13 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/