Kronika e zezë

Zvicër: I kishte torturuar fëmijët, burri nga Kosova dënohet me 16 vjet e gjysmë burgim

Ndërsa gruaja e tij zvicerane mori një dënim prej 10 vjet e gjysmë burgim.

Published

2 years ago

on

16 vjet e gjysmë burgim. Ky dënim u shqiptua ndaj një burri nga Kosova, nga Gjykata e Qarkut në Zurich.

Kjo pasi ai dhe gruaja e tij zvicerane për vite me radhë i kishin tortuar dy nga shtatë fëmijët e tyre. Ata akuzohen se i kanë mbyllur në dhomë viktimat edhe në bodrum të ftohtë. Kështu pa dënuar nuk shpëtoi as gruaja e cila mori një dënim prej 10 vjet e gjysmë burgim.

Sipas aktakuzës, fëmijët nuk ushqeheshin si duhet dhe ishin nënpeshë.

Atyre u duhej që të vidhnin ushqime nga fëmijet e tjerë në shkollë, e gjithashtu të merrnin fshehurazi ushqim në shtëpi, raportojnë mediat zvicerane përcjell Klankosova.tv.

Djali nëntëvjeçar peshonte vetëm 18.5 kilogramë derisa vajza 10-vjeçare diku më pak se 10 kilogramë.

Prindërit nuk i kushtonin fare rëndësi as higjienës personale e as shëndetit të fëmijëve. Fëmijët kishin këpucë shumë të vogla, kështu që u shkaktoheshin kallo në këmbë.

Ata ishin po ashtu të izoluar nga bota e jashtme duke mos pasur mundësi të kontaktonin shoqërinë e klasës e as të merrnin pjesë në ekskursione.

Sipas aktakuzës së ngritur ndaj çiftit bashkëshortor, maltretimet ndaj fëmijëve të tyre ishin tejet të rënda.

Madje, thuhet se gruaja zvicerane, e kishte detyruar vajzën që t’i hante të vjellat e saj e ndërkaq djali ishte detyruar të hante jashtëqitjen e tij.

Vuajtjet kanë përfunduar tek pasi djali dhe vajza u vendosën në sektorin e urgjencës të shtëpisë së fëmijëve në fund të vitit 2020 për shkak të abuzimit psikologjik dhe fizik./Klankosova.tv

Related Topics:
Continue Reading

Kronika e zezë

​Arrestohen tre persona për fajde në Prizren

Published

3 months ago

on

October 2, 2024

By

Policia e Kosovës ka arrestuar sot tre persona në Prizren nën dyshimet se janë të përfshirë në veprat penale fajde dhe detyrim.

Në vendbanimet e personave të dyshuar janë sekuestruar dy automjete, para dhe dëshmi të rëndësishme, të cilat do të përdorën si dëshmi në procedura të mëtutjeshme.

Dyshohet se këta persona duke kanosur viktimën, në vazhdimësi kanë tentuar ta detyrojnë që të veprojë kundër pasurisë së tij.

Të dyshuarit pas intervistimit, me aktvendim të prokurorit ndalohen për 48 orë.

Continue Reading

Kronika e zezë

​Një qytetar në veri të Mitrovicës sulmohet, fyhet në gjuhën shqipe dhe serbe

Published

3 months ago

on

October 1, 2024

By

Policia e Kosovës ka njoftuar se në Mitrovicë të Veriut është raportuar një rast sulm dhe fyerje.

Sipas policisë, ankuesi ka njoftuar se derisa ishte duke ecur në trotuar me tre persona, dy motorë skuter me nga dy persona të cilët kanë qenë duke lëvizur në rrugë i kanë fyer në gjuhen shqipe dhe në gjuhen serbe dhe të njëjtit i kanë gjuajtur me një shportë plastike duke e goditur viktimën.

“Viktima nuk ka pësuar lëndime trupore, ndërsa të dyshuarit janë larguar në drejtim të urës lindore”, thuhet në njoftim.

Continue Reading

Kronika e zezë

Aksident i rëndë trafiku në Lipjan, lëndohet një këmbësor

Published

3 months ago

on

October 1, 2024

By

Një këmbësor ka pësuar lëndime të rënda dje si pasojë e një aksidenti në Lipjan. Deri tek aksidenti ka ardhur pasi një burrë duke e drejtuar një motoçikletë e ka goditur këmbësorin viktimën mashkull kosovar.

“Rr. Avdi Kelmendi, Lipjan 30.09.2024-15:20. Raportohet se i dyshuari mashkull kosovar derisa ishte duke drejtuar një motoçikletë e ka goditur këmbësorin viktimën mashkull kosovar. Si pasojë e aksidentit viktima ka pësuar lëndime të rënda trupore. I dyshuari është arrestuar dhe me vendim të prokurorit dërgohet në mbajtje”, thuhet në njoftim.

Continue Reading

Kronika e zezë

Shpërthim në Podujevë, policia po e heton rastin

Published

3 months ago

on

September 30, 2024

By

Policia e Kosovës ka njoftuar se një shpërthim ka ndodhur në Podujevë në orët e para të së dielës. Rasti është trajtuar si shkaktim i rrezikut të përgjithshëm dhe është duke u hetuar.

“Ankuesi mashkull kosovar ka raportuar se ka dëgjuar një shpërthim. Në vendin e ngjarjes ku dyshohet se ka ndodhur shpërthimi kanë dalë njësitet përkatëse policore, me ç’rast është njoftuar edhe njësia për deminim dhe hetuesia”, thuhet në raportin 24-orësh të Policisë.

Lidhur me rastin thuhet se është njoftuar edhe prokurori dhe hetimet janë duke vazhduar.

Continue Reading

Të kërkuara