Lajmet

Zjarri në Prevallë, AME tregon për gjendjen aktuale

Published

on

Zjarri në Prevallë vazhdon të jetë aktiv, por është lokalizuar dhe në vend të ngjarjes janë pjesëtarët e Forcës së Sigurisë së Kosovës. Përveç në Prevallë, gjatë ditës së sotme aktiv është edhe një zjarr malor në Shtërpcë, dhe një tjetër në Istog ku janë djegur ushqime bagëtie. Kjo është situatë aktuale me zjarret e raportuar nga Agjencia e Menaxhimit të Emergjencave, ku zëdhënësi Nehat Koqinaj thotë se mbrëmë vonë ka pasur zjarr edhe në afërsi të sipërfaqes së KEK-ut.

Ai shton se hapësira e përfshirë nga zjarri në Prevallë është nën kontroll të plot dhe nuk paraqet rrezik për jetë.

“Kryesisht Kosova krahasuar me rajonin është dukshëm më pak e goditur, e rrezikuar prej zjarreve, përjashtimisht zonave të caktuara të cilat ditëve të fundit sidomos të cilat ishin të atakuara. Këtu e nxjerr në pah sigurisht situatën me Prevallë, ku njësitë vendore, zjarrfikësit me gjithë strukturat e tjera ishin në përpjekje të pandalshme 24/7 që nga data 8 gusht 2024 dhe tek dje ajo vatër zjarri ose ai rrezik u vendos nën kontroll të plot dhe nuk paraqet rrezik në asnjë mënyrë as për jetë, as për pasuri në kuptimin e lagjes dhe vendbanimit në Prevallë. Derisa flora dhe fauna, biodiversiteti në atë zonë u rrezikua rëndë dhe është dëmtuar rëndë për fat të keq”, thotë ai.

Zjarri në Prevallë është aktiv, por sipas Koqinajt është vënë nën kontroll mbi 95 për qind dhe se nuk ka rrezik të shtrirjes.

“Në terrenin ku është shfaqur zjarri në Prevallë është ekstrem i rëndë, i pa përshtatshëm dhe i pa qasshëm nga forcat tokësore. Ku njësia përkatëse e komunës së Prizrenit që nga data 8,9 dhe 10 kanë qenë me kujdestari dhe me reagim 24/7. Derisa para tri dite kërkuan ndihmë përmes agjencisë të aktivizohen komunat fqinje ose komunat tjera për të asistuar dhe dje, nga data 13 dhe 14 u kërkua dhe reagimi i Forcës së Sigurisë së Kosovës, të cilët aktualisht janë aty dhe KFOR-i në mbështetje nga ajri i cili u realizua tek dje. I gjithë ky reagim i integruar nga gjitha kapacitetet vendor, të nivelit lokal, të komunave, komunës bartëse të këtij incidenti dhe komunave fqinje dje u arrit të lokalizohet në masë sipas komandantit të incidentit ku ishim edhe ne. Është vënë nën kontroll mbi 95 për qind që do të thotë se nuk paraqet rrezik të mëtutjeshëm të shtrirjes”, shton ai.

Përveç në hapësirat e Prevallës, zëdhënësi i Agjencisë e Menaxhimit të Emergjencave tregon se mbrëmë vonë është shkaktuar një zjarr edhe në afërsi të KEK-ut.

“Gjatë ditës së djeshme u paraqit rreziku në zonën e navigimit ajror nga AShNA ku radarët ose zona e radarëve ose kontrollit ajror ishte e rrezikuar nga një zjarr sipërfaqësor, zjarr i hapur. Gjithashtu e fundit që e mora si informacion nga sistemi i komunikimit të qendrave operative të Agjencisë së Menaxhimit Emergjent të cilave ju raportojnë komunat përkatëse ose njësitë profesionale të zjarrfikësve të shpëtimit, ishte zjarri në afërsi të sipërfaqes së KEK-ut ku ishin tentativat në orët e vona të mbrëmjes të djeshme për ta lokalizuar dhe eliminuar rrezikun për shtrirjen e mëtutjeshme të zjarrit në afërsi të KEK-ut”, përfundon ai.

Dje e sot në Prishtinë kanë qenë 14 raste të zjarreve fushore, gjashtë në objekte dhe dy zjarre në sipërfaqe pyjore. Ndërkaq në Podujevë janë shkaktuar dy zjarre fushore dhe dy pyjore./UBTNews/

Lajmet

Osmani pranoi letrat kredenciale nga ambasadori i ri i Hungarisë në Kosovë

Published

on

By

Presidentja Vjosa Osmani ka pranuar sot letrat kredenciale nga ambasadori i ri i Hungarisë në Prishtinë Laszlo Istvan Dux.

Gjatë ceremonisë, presidentja Osmani i uroi mirëseardhje ambasadorit Dux, duke theksuar faktin se Hungaria ka qenë ndër vendet e para që e ka njohur pavarësinë e Kosovës.

Osmani vlerësoi marrëdhëniet ndërmjet dy shteteve dhe shprehu përkushtimin për zgjerimin e mëtejshëm të bashkëpunimit në fusha me interes të përbashkët, veçanërisht në arsim dhe ekonomi, raporton KosovaPress.

Continue Reading

Lajmet

Punëtorët e “Pastrimit” në ditën e nëntë të grevës

Published

on

By

Punëtorët e ndërmarrjes “Pastrimi” kanë hyrë në ditën e nëntë të grevës para Komunës së Prishtinës, duke kërkuar pagesën e borxhit prej 2.7 milionë euro që komuna i detyrohet ndërmarrjes.

Pavarësisht ndryshimeve klimatike, ata qëndrojnë në tenda ditë e natë dhe paralajmërojnë se nuk do të tërhiqen pa u realizuar kërkesat.

Nënkryetari i Sindikatës, Shpend Qosa, në një intervistë për Ekonomia Online tha se janë në pritje të një takimi vendimtar me zyrtarët komunalë, ndërsa theksoi se kërkesat kryesore janë sigurimi i naftës, pagave dhe stabilizimi i kompanisë.

Sot kemi hyrë në ditë e nëntë të grevës, ne e kemi pasur një takim me zyrtarët komunal jemi në shqyrtim të kërkesave tona edhe sot jemi në pritje të një takimi. Deri sa të gjejmë një zgjidhje për kërkesat tona. Diçka konkrete nuk kemi që do të arrijmë një zgjedhje ne vazhdojmë punën dhe dalim në punë. Ato kërkesa tona që i kemi në takim kemi folur, edhe komuna ka dhënë disa zgjidhje të saj të cilat i kemi shqyrtuar. Sot i presim në takim për të arrijmë një marrëveshje, realisht kërkesat tona janë me pasur naftë paga dhe me stabilizuar gjendja e kompanisë. Punëtorët pagat i kanë marr”, ka thënë Qosa.

Punëtori Blerim Hajdini, i cili punon prej 16 vitesh në këtë ndërmarrje, tha se greva nuk do të ndalet pa u plotësuar kërkesat.

Ai shprehu shqetësimin për pagat e ulëta dhe borxhet personale, duke theksuar se paga mujore prej 425 euro është e pamjaftueshme për të përballuar jetesën.

Jemi në grevë deri të na plotësohet kërkesat tona dhe kushtet tona nuk e kemi ndërmend ta ndalim grevën. Unë punoj që 16 vite këtu të gjithë kanë kredi të majme, unë i kam 15 euro kredi nuk mund t’ia dal assesi për arsye se paga është shumë vogël, e kemi 425 euro në kontratë. Kërkesa jonë është të na kthej borxhin 100 për qind dhe ta ndërpresin privatin menjëherë”, shtoi ai.

Continue Reading

Lajmet

Ministria e Shëndetësisë paralajmëron 100 inspektorë të rinj për luftën kundër duhanit

Published

on

By

Ministria e Shëndetësisë po planifikon t’i punësojë edhe 100 inspektorë me qëllim të rritjes së kontrollit të përdorimit të duhanit në Kosovë, kështu tha ministri në detyrë i Shëndetësisë, Arben Vitia gjatë një konference për media në prag të Ditës Botërore Kundër Duhanit.

Ministri i Shëndetësisë, Arben Vitia tha se është lajm i mirë që në Kosovë ka rënie të përdorimit të duhanit për shkak të politikave të ndërmarra, por shtoi se ende duhet punë.

Vitia theksoi se miratimi dhe zbatimi i udhëzimit administrativ për vërejtjet e kombinuara shëndetësore në pakot e duhanit ka dhënë rezultatet e tij.

Në Kosovë sipas STEPS përdorimi i duhanit është në rënie krahasuar me vitin 2011 apo hulumtimin paraprak, që natyrisht kjo është një lajm i mirë, ky është trend inkurajues që dëshmon efektivitetin e politikave të deritanishme, por një trend i pamjaftueshëm për qëllimet që ia kemi bërë vetes,” tha ai.

Ministri në detyrë i Shëndetësisë, Arben Vitia tha se me Ministrinë e Financave po shohin mundësinë t’i shtojnë kapacitetet inspektuese edhe për 100 inspektorë me qëllim të rritjes më të madhe të kontrollit të duhanit.

Rritja e akcizës në 65 euro për kilogram sipas vendimit të qeverisë së Kosovës është tjetër sinjal që politikat fiskale po japin efekt… Kemi fuqizuar edhe kapacitetin inspektues përmes rekrutimit të rreth 30 inspektorëve të rinj që kanë ndihmuar në zbatim të ligjit, por natyrisht kjo akoma nuk është e mjaftueshme dhe vazhdon të mbetet sfidë serioze, prandaj kohëve të fundit në bashkëpunim me ministrinë e Financave po përgatisim një plan për angazhimin e rreth 100 vetave shtesë që ky ligj të zbatohet në përpikëri në të gjitha vendet ku nuk duhet të pihet duhani,” theksoi Vitia.

 

Continue Reading

Lajmet

PDK-ja dorëzoi zyrtarisht në ZRRE kundërshtimin për daljen e bizneseve në tregun e lirë

Published

on

By

Partia Demokratike e Kosovës (PDK) ka dorëzuar sot në mënyrë zyrtare kundërshtimin e saj ndaj vendimit të Zyrës së Rregullatorit për Energji (ZRRE) për daljen e bizneseve në tregun e lirë, duke e cilësuar këtë vendim si të paligjshëm dhe të papërballueshëm për qytetarët.

Në një konferencë për media, deputeti i PDK-së, Abelard Tahiri, bëri të ditur se partia ka ndërmarrë hapa ligjorë për ta sfiduar këtë vendim brenda afateve të përcaktuara.

Ngritja e çmimit e ka bërë të pamundur përballimin e kësaj kostoje të lartë nga rritja e çmimeve që do të pasojë nga vendimet e paligjshme të ZRRE-së. Ne sot, duke ndjekur hapat ligjorë, e kemi dorëzuar kundërshtimin tonë administratës në ZRRE. Jemi të bindur që qëndrimet e tyre do të jenë të njëjta. Ne do të presim 15 ditë për ta anuluar këtë. Nëse brenda 15 ditëve ata nuk e anulojnë, ne do ta procedojmë në departament,” tha Tahiri.

Continue Reading

Të kërkuara