Lajmet

Zhvillimet më të fundit rreth luftës në Ukrainë

Rusia ka kërcënuar Kievin me sulme shtesë.

Published

on

Këtu janë zhvillimet më të fundit në luftën në Ukrainë:

Rusia kërcënon Kievin
Një fabrikë ushtarake ukrainase jashtë Kievit është shkatërruar pjesërisht nga sulmet ruse gjatë natës, raporton AFP, pasi Moska paralajmëroi se do të intensifikojë sulmet ndaj kryeqytetit – në përgjigje të sulmeve ukrainase në tokën ruse.

Zyrtarët rusë akuzojnë Ukrainën se ka dërguar dy helikopterë përtej kufirit për të bombarduar një qytet në rajonin jugor të Bryansk të Rusisë, duke plagosur tetë persona. Ukraina i ka mohuar akuzat.

Fabrika ushtarake jashtë Kievit prodhoi raketa që dyshohet se janë përdorur për të goditur anijen luftarake të Rusisë, Moskva.

“Numri dhe shkalla e sulmeve me raketa kundër objektivave në Kiev do të rritet si përgjigje ndaj çdo sulmi terrorist apo sabotazhi të kryer nga regjimi nacionalist i Kievit në territorin rus”, thotë ministria e mbrojtjes në Moskë.

Pesë milionë ikin nga Ukraina
Më shumë se pesë milionë njerëz janë larguar nga Ukraina që nga pushtimi rus më 24 shkurt, thotë Kombet e Bashkuara.

Rusia paralajmëron Finlandën dhe Suedinë
Ministria e Jashtme e Rusisë paralajmëron për “pasoja” të paspecifikuara nëse Finlanda dhe Suedia do t’i bashkohen NATO-s.

Veprimet ushtarake të Moskës në Ukrainë kanë shkaktuar një kthesë dramatike në opinionin publik dhe politik në të dy vendet. Finlanda tha këtë javë se do të vendosë nëse do të aplikojë për anëtarësim në NATO brenda javësh dhe Suedia po diskuton gjithashtu bashkimin me aleancën.

Vriten ‘mercenarë polakë’
Ministria ruse e mbrojtjes thotë se ka vrarë deri në 30 mercenarë polakë që luftonin për forcat ukrainase në rajonin verilindor të Kharkiv.

Paralajmërim nga CIA
Dështimet e Rusisë mund ta bëjnë presidentin Vladimir Putin të përdorë një armë bërthamore taktike ose me rendiment të ulët, thotë drejtori i CIA-s, William Burns.

Ofensiva e Kharkiv
Të paktën 503 civilë janë vrarë në rajonin lindor të Ukrainës, Kharkiv, që kur Rusia nisi pushtimin e saj më 24 shkurt, tha guvernatori lokal Oleg Synegubov.

Ai shkruan në Telegram se mes të vdekurve janë 24 fëmijë./UBTNews/

Bota

Finlanda: Koncesionet territoriale ndaj Rusisë nuk do të sjellin paqe

Published

on

By

Finlanda hodhi poshtë të martën çdo koncesion territorial ndaj Rusisë si pjesë e një marrëveshjeje diplomatike për Ukrainën dhe paralajmëroi se veprime të tilla nuk do të sjellin paqe, por përkundrazi do të inkurajojnë “agresionin” e mëtejshëm rus në rajon, shkruan Anadolu.

Ministrja finlandeze e Jashtme, Elina Valtonen, tha në një konferencë vjetore të ambasadorëve në Berlin se sulmet ajrore të fundit të Rusisë mbi Ukrainën – më të ashpra që nga fillimi i luftës – tregojnë qartë se Rusia nuk është gati për një armëpushim, e lëre më për negociata.

Nëse gjatë negociatave do të sakrifikoheshin pjesë të territorit ukrainas ose elemente të sovranitetit të saj, nuk do të zgjidhnim problemin thelbësor, por përkundrazi potencialisht do të thellonim agresionin e Rusisë”, paralajmëroi ministrja.

Presidenti rus Putin po zhvillon luftë hibride në të gjithë Evropën – duke ndikuar në zgjedhje, duke ndërprerë sistemet GPS për trafikun ajror, dhe duke vendosur një flotë të errët në rajonin e Detit Baltik. Problemi me Putin nuk mund të zgjidhet në kurriz të Ukrainës”, shtoi ajo.

Valtonen argumentoi se shtetet perëndimore duhet të ruajnë mbështetjen e fortë për Ukrainën, të kufizojnë strategjikisht ambiciet e Rusisë dhe të ngushtojnë opsionet e Moskës duke vendosur sanksione më të rrepta tregtare dhe ekonomike dhe duke aplikuar takse mbi të gjitha eksportet ruse në tregun e brendshëm të BE-së./D.B/KP

Continue Reading

Lajmet

Ambasada e Gjermanisë bën thirrje për respektimin e pavarësisë së Gjykatës Kushtetuese

Published

on

By

Ambasada e Gjermanisë në Kosovë ka reaguar lidhur me akuzat e fundit të zyrtarëve shtetëror mbi Gjykatën Kushtetuese.

Gjykata Kushtetuese së fundmi reagoi përmes një reagimi publik duke thënë se përpjekjet për ndërhyrje në këtë gjykatë cënojnë ndarjen e pushtetit duke potencuar se pavarësia e këtij institucioni është gurthemel i shtetit të Kosovës.

Ambasada e Gjermanisë thotë se pavarësia e drejtësisë është gurthemel i sundimit të ligjit, duke i bërë thirrje akterëve politikë dhe institucional të respektojnë pavarësinë e Gjykatës Kushtetuese dhe sistemit gjyqësor.

Duke pasur parasysh zhvillimet e fundit, Ambasada e Gjermanisë dëshiron të bëjë këtë deklaratë:Ambasada e Gjermanisë në Prishtinë thekson rëndësinë e pavarësisë së drejtësisë si gurthemel i sundimit të ligjit. Ne i bëjmë thirrje të gjithë aktorëve politikë dhe institucioneve në Kosovë që të respektojnë pavarësinë e Gjykatës Kushtetuese dhe të gjithë sistemit gjyqësor dhe të heqin dorë nga çdo ndërhyrje, përfshirë edhe sulmet personale“, ka shkruar Ambasada e Gjermanisë.

Kujtojmë se këto reagime erdhën pas vendosjes së masës së përkohshme të Gjykatës Kushtetuese lidhur me konstituimin e Kuvendit të Kosovës.

Masa e përkohshme u vendos nga Gjykata Kushtetuese deri me 30 shtator pas ankesës së Listës Serbe pas dështimit të Kuvendit të Kosovës për të zgjedhur nënkryetarin e pestë të legjislativit nga ana e komunitetit serb./D.B/KP

Continue Reading

Lajmet

Serbia arreston një kosovar në Merdare

Published

on

By

Në pikën kufitare në Merdare, autoritetet serbe kanë arrestuar një shtetas të Kosovës, H. H. (i lindur në vitin 1948), mbi pretendimet e tyre se ka kryer krime lufte ndaj civilëve.

Sipas MPB-së serbe, ai dyshohet se në qershor të vitit 1999, në qytetin e Podujevës, në bashkëkryerje me disa persona të tjerë të armatosur, ka privuar nga jeta civilë të nacionalitetit serb, gjatë periudhës së pasluftës në Kosovë.

Të njëjtit i është caktuar masa e ndalimit për 48 orë dhe pritet që me kallëzim penal të dërgohet në Prokurorinë për Krime Lufte në Beograd./D.B/EO

Continue Reading

Aktualitet

Profesori i UBT-së, Hamëz Rama, ligjëroi në Hardh Talk në kuadër të Hardh Fest në Rahovec

Published

on

Në kuadër të Festivalit tradicional “Hardh Fest”, që është kthyer në një ndër ngjarjet e  rëndësishme kulturore në vend, u mbajt aktiviteti Hardh Talk, ku këtë vit ligjwroi profesori i UBT-së, Prof. Ass. Dr. Hamëz Rama.

Ligjërata e tij, me temën “A mund të jetë vera pasaporta e re për zhvillimin ekonomik dhe imazhin ndërkombëtar të Kosovës?”, ngjalli interesim të madh tek publiku i pranishëm. Rama theksoi se vera, dhe në veçanti ajo e Rahovecit, mund të shërbejë si një element identitar dhe si një instrument i fuqishëm ekonomik, duke promovuar vendin në tregjet ndërkombëtare.

Në këtë aktivitet mori pjesë edhe Rektori i UBT-së, Prof. Dr. Edmond Hajrizi. Ngjarja, e cila u zhvillua në ambientet tradicionale të Bodrumit të Vjetër në Rahovec, mblodhi së bashku ekspertë të industrisë, akademikë dhe përfaqësues institucionesh, duke hapur një debat të gjerë mbi rolin e industrisë së verës në zhvillimin ekonomik dhe turizmin në Kosovë.

Continue Reading

Të kërkuara