

Lajmet
Zhvillimet më të fundit në Ukrainë
Fomin raporton se bisedimet e paqes në Stamboll sollën përparim.
Published
3 years agoon
By
UBT newsKëtu gjeni zhvillimet më të fundit në luftën në Ukrainë:
Rusia do të ‘zvogëlojë’ sulmet në Kiev
Rusia do të ndalojë përpjekjet e dështuara për të rrethuar Kievin, duke njoftuar se do të reduktojë “radikalisht” aktivitetin ushtarak rreth kryeqytetit ukrainas.
Moska thotë se sulmet në qytetin verior të Chernihiv gjithashtu do të lehtësohen, pas përparimit “domethënës” në bisedimet e paqes të mbajtura në Stamboll.
Zelensky: Forcat ukrainase do të vazhdojnë mbrojtjen
Presidenti Volodymyr Zelensky mirëpret me kujdes sinjalet “pozitive” nga Moska, duke thënë se forcat ukrainase “nuk do t’i ulin” përpjekjet mbrojtëse.
Pentagoni paralajmëron se Rusia po “ripozicionon” trupat që nuk tërhiqen. “Rusia ka dështuar në objektivin e saj për të kapur Kievin” thotë një zëdhënës, por “kjo nuk do të thotë se kërcënimi ndaj Kievit ka mbaruar”.
Bisedimet e Stambollit
Zëvendësministri rus i mbrojtjes, Alexander Fomin raportoi se bisedimet e paqes në Stamboll sollën përparim në çështjen e “neutralitetit dhe statusit jo-bërthamor” të Ukrainës, dy nga kërkesat kryesore të Rusisë.
Ukraina thotë se do të heqë dorë nga “çdo aleancë ushtarako-politike”, por do të bëjë thirrje për garantues ndërkombëtarë për të mbrojtur sigurinë e saj. Negociatori i Kievit, David Arakhamia thotë se është bërë mjaft përparim për të justifikuar një takim të presidentëve rus dhe ukrainas.
12 persona humbin jetën në Mykolaiv
Dymbëdhjetë persona humbën jetën dhe 34 u plagosën kur një sulm me raketa ruse godet një ndërtesë të qeverisë rajonale në Mykolaiv.
Putin bllokon evakuimin e Mariupolit
Presidenti rus Vladimir Putin thotë se “nacionalistët” në qytetin e Mariupolit duhet të dorëzohen përpara se të zgjidhet “situata e vështirë humanitare”, duke penguar në mënyrë efektive një mision të propozuar ndihmash ndërkombëtare. Zyrtarët ushtarakë të Mariupol thonë se “më shumë se 70” staf dhe pacientë janë marrë me forcë nga një maternitet në qytet.
Vendet e BE-së dëbojnë diplomatët
Vendet e BE-së, Belgjika, Holanda, Irlanda dhe Republika Çeke dëbojnë dhjetëra diplomatë rusë të dyshuar për spiunazh.
Paralajmërim për ushqimin
Shefi i Programit Botëror të Ushqimit, David Beasley thotë se konflikti ka shkaktuar mungesa ushqimore dhe rritje të çmimeve “përtej çdo gjëje që kemi parë që nga Lufta e Dytë Botërore”.
Lavrov në Kinë
Ministri i Jashtëm rus Sergei Lavrov ka shkuar në Kinë në vizitën e tij të parë me aleatin kryesor që kur Moska filloi pushtimin e saj në Ukrainë muajin e kaluar./UBTNews/
Lajmet
Fryrja e organizmit nga grumbullimi i lëngjeve, si të humbni peshën e tepërt?
Published
10 hours agoon
April 26, 2025
Trupi i njeriut përbëhet nga 55 deri në 75 përqind ujë. Por akumulimi i tepërt i ujit në trup mund të shkaktojë fryrje, dhimbje dhe shtim në peshë.
Akumulimi i ujit është një nga shkaktarët e shtimit në peshë, megjithatë kontributon për shtimin në peshë me të paktën 2 deri në 5 kilogramë.
Akumulimi i ujit ndodh si pasojë e disa faktorëve.
Disa prej tyre janë konsumi i madh i kripës, mungesa e proteinave, mungesa e aktivitetit fizik dhe ndryshimet hormonale, faktorë më të lartë rreziku janë problemet me zemrën, veshkat dhe marrja e ilaçeve kundër dhimbjeve, kontraceptivëve dhe ilaçeve për zemrën.
Ju listojmë më poshtë disa nga mënyrat më të mira për të humbur peshën e shkaktuar nga akumulimi i lëngjeve në trup.
Si të humbni peshën e krijuar nga akumulimi i lëngjeve?
Aktiviteti Fizik
Mungesa e aktivitetit është një nga faktorët të akumulimit të lëngjeve, nëse kryeni aktivitet, indet e këmbëve dhe kyçeve do të lëshojnë lëngjet e mbledhura.
Kujdes me kripën
Pakësimi i sasisë së kripës është një nga mënyrat më efikase në humbjen e peshës së krijuar nga akumulimi i lëngjeve, sasia ditore e kripës nuk duhet të jetë më shumë se 2,300 miligramë, e barazvlefshme me një lugë çaji. Tregoni kujdes me konsumin e proshutave, djathrave, supave e produkteve të paketuara.
Më shumë proteinë
Proteina luan nrol kryesor në ruajtjen e ekuilibrave të lëngjeve në organizëm, sasia e rekomanduar ditore e proteinës duhet të jetë një gramë për çdo kilogramë të peshës trupore. Burime të mira të proteinës janë produktet e detit, mishi i shpendëve, mishi pa dhjamë i viçit dhe derrit, vezët dhe fasulet.
Më shumë kalium
Një mineral i përfshirë në ruajtjen e ekuilibrit të lëngjeve në trup, ai ndihmon në nxjerrjen e ujit dhe krips nga urina dhe djersa. Sasia e rekomanduar ditore e kaliumit është 4,700 miligramë. Ushqime të pasura me kalium janë barishtet, banania, patatet, avokado dhe domatet.
Më shumë magnez
Magnezi rrit prodhimin e urinës dhe uljen e sasisë së ujit të akumuluar në trup, të rriturit kanë nevojë për 310-420 miligramë magnez në ditë. Magnezi gjendet me bollëk tek barishtet si spinaqi, por edhe tek avokado, bajamet dhe fasulet e zeza.
Hidratimi
I rëndësishëm për nxjerrjen e ujit të tepërt nga organizmi, ekspertët rekomandojnë pirjen e një gote me ujë përpara çdo vakti ose ushqimi të konsumuar gjatë ditës. Përveç ujit, ju mund të konsumoni ushqime që kanë rol hidratues siç janë shalqini, selinoja, kastraveci dhe luleshtrydhet.
Lajmet
Sveçla: Aksioni në Kaçanik po vazhdon, ka arrestime të reja
Published
1 day agoon
April 25, 2025By
UBTnews
Ministri në detyrë i Punëve të Brendshme, Xhelal Sveçla deklaroi se ka arrestime të reja që lidhen me vrasjen e rreshterit, Muhamed Lika.
Ai theksoi se operacioni i Policisë së Kosovës në Kaçanik po vazhdon dhe numri i të arrestuarve nuk dihet.
“Tashmë është publike që ka arrestime të reja. Numri përfundimtar ende nuk dihet, për shkak se aksioni është duke vazhduar. Gjitha institucionet ligj-zbatuese janë të vendosura që të luftohet çfarëdo lloj ekstremizmi apo dhune, e cila dëmton institucionet dhe pjesëtarët e saj por po ashtu vetë popullin e saj”, ka thënë Sveçla.
Ai tha se Inspektorati Policor i Kosovës është duke zhvilluar hetime, derisa u pyet se personat e arrestuar kanë qenë në liri ani pse me vepra penale.
“Inspektorati Policor i Kosovës është duke zhvilluar hetime sa i përket kësaj informate, kur t’i kemi të dalurat nga këto hetime pastaj do të marrim masat e nevojshme”, shtoi ai.
Sot, në orët e hershme të mëngjesit, Policia e Kosovës me njësitë e saja relevante ka filluar një operacion policor, në komunën e Kaçanikut.
Ky informacion është konfirmuar për KosovaPress nga zëdhënësi i Policisë së Kosovës, Baki Kelani.
“Edhe në këtë rast pas përfundimit të operacionit policor, i cili po realizohet në bashkëpunim dhe koordinim me organet e drejtësisë, do të bëhen publike informacione shtesë”, tha Kelani.
Më 1 prill, Muhamed Lika ishte gjetur i plagosur rëndë në hyrje të ndërtesës së tij, në rrugën ‘Idriz Seferi’, në Kaçanik rreth orës 23:00. Ai u transportua në Qendrën e Mjekësisë në Kaçanik, por nuk arriti t’u mbijetojë plagëve.
Lajmet
KEK-u njofton se ka përfunduar me sukses riparimin e njësisë B1: Gjendja është stabile
Published
1 day agoon
April 25, 2025By
UBTnews
Korporata Energjetike e Kosovës tha se kanë përfunduar me sukses punimet për remontin e njësisë B1, të cilat kanë nisur më 23 mars dhe tha se kanë përfunduar përpara afatit të parashikuar.
“Korporata Energjetike e Kosovës njofton opinionin se, falë angazhimit të jashtëzakonshëm të stafit të TCB, punëtorëve, inxhinierëve dhe menaxhmentit, kemi përfunduar me sukses të gjitha punimet e planifikuara për remontin e njësisë B1, i cili kishte nisur më dt: 23.03.2025 dhe ka përfunduar përpara afatit të parashikuar”, njoftoi KEK.
Ai tha se gjatë kësaj periudhe, janë realizuar riparime dhe përmirësime të ndryshme, duke përfshirë ndërrimin e pjesëve të dëmtuara, rinovimin e sistemeve të ndryshme dhe realizimin e procedurave të domosdoshme për stabilitetin dhe efikasitetin e njësisë.
“Falë përgatitjes dhe kontrollit të kujdesshëm, si dhe angazhimit të palodhshëm të ekipit të ekspertëve të TC-B-së, njësia B1 është sinkronizuar me rrjetin elektrik në orën 22:32 të dt: 24.04.2025 dhe aktualisht gjendja e saj është stabile. Kjo arritje është një dëshmi e punës së shkëlqyer të të gjithë të përfshirëve dhe vlerësimit të lartë të performancës gjatë periudhës së remontit”, tha KEK.
Lajmet
Vazhdojnë regjistrimet në UBT International Smart Schools – Shkollat më inovative të mesme në vend
Published
1 day agoon
April 25, 2025By
UBTnews
Në UBT International Smart Schools po vazhdojnë regjistrimet për vitin e ri shkollor, në institucionin që tashmë njihet si një ndër platformat më të avancuara arsimore në Kosovë dhe rajon. Këto shkolla të mesme ofrojnë një model të veçantë të arsimit, duke kombinuar pjesën teorike me atë praktike, teknologjinë me kreativitetin, dhe edukimin me zhvillimin e lidershipit.
UBT International Smart Schools janë të parat në Kosovë dhe rajon që kanë zbatuar edukimin 4.0 – një model që përfshin përdorimin e teknologjive të avancuara, si dhe metodave moderne të mësimdhënies. Kjo qasje inovative mundëson që nxënësit të përgatiten për sfidat reale të së ardhmes dhe të dalin në tregun e punës apo arsimit të lartë me njohuri të thelluara dhe përvoja konkrete.
Përmes kurrikulave të harmonizuara me ato evropiane dhe amerikane, nxënësit zhvillojnë aftësi të avancuara akademike, teknike dhe shoqërore. Mësimi zhvillohet në ambiente moderne, të pajisura me laboratorë, pajisje teknologjike dhe hapësira të dizajnuara për të nxitur të menduarit kritik dhe bashkëpunimin.
Zgjedh programin që i përshtatet pasioneve dhe ambicieve të tua:
• Gjimnazi TIK – Për të rinjtë që duan të jenë pjesë e botës së teknologjisë dhe inovacionit.
• Gjimnazi Natyror – Për ata që kanë pasion për shkencat natyrore dhe kërkimin shkencor.
• Gjimnazi Gjuhësor – Për nxënësit që duan të përparojnë në gjuhë të huaja dhe komunikim ndërkombëtar.
• Asistent Dentar
• Bashkëpunëtor Profesional i Infermierisë
• Teknik i Farmacisë
• Teknik i Laboratorit Mjekësor
• Teknik i Optikës – Opticient
Formimi i liderëve të së nesërmes nis në UBT International Smart Schools
UBT International Smart Schools janë shkollat me synimin në zhvillimin e liderëve, inovatorëve dhe profesionistëve të së ardhmes. Me mentorim nga profesorë të kualifikuar, me praktika dhe projekte reale, si dhe me mundësi të shumta për pjesëmarrje në gara, konferenca dhe bashkëpunime ndërkombëtare, këto shkolla ofrojnë më shumë se një arsim – ofrojnë një përvojë jetësore.
Regjistrohu tani dhe bëhu pjesë e një udhëtimi edukativ që formëson të ardhmen tënde!
Për më shumë informata dhe aplikim: https://ubt.school/
046 332 233

“Ajo duket shumë e sëmurë”, Demi Lovato përballet me kritika pas humbjes së peshës

Pse Mark Zuckerberg mund të detyrohet të shesë Instagram dhe WhatsApp?

Titullar në dy ndeshjet e fundit, Broja përfundon në tribunë për takimin kundër Chelseat

Miliarderja më e re në botë! Njihuni me Lucy Guo, themeluesja e ScaleAI

Zbulohet forma e re e diabetit “tip 5”

Meditimi e largon stresin dhe ju furnizon me energji

Angelina Jolie tregon se cili rol i ndryshoi karrierën dhe e ndihmoi të përballonte pasojat e varësisë

Forconi flokët duke konsumuar këto ushqime

Karakteristikat e telefonit OnePlus
Të kërkuara
-
Bota3 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet2 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore