Lajmet

Zgjidheni sportin e duhur për veten tuaj

Pa marrë parasysh pasojat mbi shëndetin sporti i gabuar mund të ketë një ndikim negativ në fizikun tonë.

Published

3 years ago

July 31, 2022

UBT.News

Në zgjedhjen e aktiviteteve fizike është e rëndësishme të merren në konsideratë disa faktorë, që nga mosha e deri te shijet personale, që nga përgatitja deri te tipologjia e forcës së kërkuar.

Këto çështje absolutisht nuk duhen tejkaluar sepse përndryshe aktiviteti sportiv mund të kthehet në një detyrim të pakënaqshëm dhe jo në një aktivitet argëtues. Pa marrë parasysh pasojat mbi shëndetin sporti i gabuar mund të ketë një ndikim negativ në fizikun tonë.

Këshillat e mëposhtme vlejnë vetëm për ata të cilët duan të zgjedhin sportin e duhur për veten e tyre.

Ju duhet të merrni në konsideratë:

Pasionin tuaj: Fillimisht është e rëndësishme të dini se sporti i duhur është ai që ju pëlqen, përndryshe ju do të ndiheni të lodhur shumë shpejt, vetëm pas pak kohësh nga fillimi i tij. Nëse keni një pasion specifik, akoma më mirë. Në rast të kundërt, mundohuni të kuptoni se çfarë sporti mund të jetë i përshtatshëm për ju, duke sjellë në mendje aktivitetet të cilat dëshironi t’i bëni në jetën tuaj të përditshme.

Qëllimin: Qëllimi është shumë i rëndësishëm, nëse dëshironi të dobësoheni privilegjoni aktivitetet me kohëzgjatje, por me forcë mesatare, si për shembull ecjen dhe çiklizmin. Por nëse dëshironi të theksoni dhe të forconi muskujt, mbështetuni te sportet të cilat kërkojnë sforco të paktë, por intensive.

Nivelin e përgatitjes: Nëse nuk jeni marrë asnjëherë me aktivitete fizike, mos filloni me ushtrime të cilat kërkojnë sforco dhe përpjekje të tepërta. Kjo do të kishte pasoja negative si nga ana fizike ashtu edhe psikologjike. Mund të pësoni ndrydhje apo shembje. Ndërkohë që nga ana psikologjike do të ndiheni të stresuar për mosarritje të rezultateve të duhura.

Frekuencën kardiake: Përpara se të filloni të bëni ndonjë lloj aktiviteti fizik, verifikoni frekuencën maksimale të rrahjeve të zemrës. Derisa sporti të rezultojë i mirë për fizikun tuaj, është e nevojshme që të mos e kaloni pragun maksimal gjatë stërvitjes. Frekuencën kardiake mund ta matni me një aparat të posaçëm për këtë rast.

Moshën: Nëse në moshën 35-40 vjeç mund t’i dedikoheni ndonjë lloj aktiviteti, (të paktën nëse nuk vuani nga ndonjë shqetësim i veçantë) në vazhdim privilegjoni aktivitetet aerobike, ndërsa pas të 50-tave është e rastit të shmangni ushtrimet të cilat sforcojnë shtyllën kurrizore.

Gjendjen e shëndetit: Në zgjedhjen e sportit duhet të merrni në konsideratë gjendjen tuaj të shëndetit, duke privilegjuar aktivitete të cilat forcojnë dobësitë tuaja dhe shmangin ato të papërshtatshmet për fizikun. Për shembull nëse vuani nga osteoporoza shmangni notin, por nëse keni dhimbje shpine ky sport mund t’ju vijë në ndihmë.

Kujdes!: Personat që e ushtrojnë sportin në mëngjes nuk kanë të njëjtat efekte me ata që e ushtrojnë pasdite apo në mbrëmje. Sipas një studimi amerikan, nëse bëni jogging pas zgjimit para se të hani mëngjesin, do të mësoheni më lehtë me ushtrimet fizike. Marrja me sport me stomakun bosh ndihmon gjithashtu për rënien në peshë dhe për këtë mjaftojnë 30 deri në 45 minuta aktivitet fizik. Nëse nuk dëshironi të dilni pa ngrënë, mund të hani një mëngjes të lehtë, duke siguruar kështu energjinë e nevojshme. Orët më të përshtatshme janë nga ora 6 deri në orën 8 të mëngjesit, pikërisht atëherë kur kortizoli, hormoni i stresit, është në nivelin e tij më të lartë.

Vendi

Pjesëmarrja në zgjedhjet lokale në Kosovë deri në orën 15:00 arrin në 25.30 për qind

Published

6 hours ago

October 12, 2025

Driton Iseni

Zgjedhjet lokale që po mbahen sot në gjithë territorin e Kosovës po zhvillohen me një pjesëmarrje mesatare prej 25.30% deri në orën 15:00, sipas të dhënave të Komisionit Qendror të Zgjedhjeve (KQZ).

Sipas raportimeve zyrtare, nga gjithsej 2,025,105 qytetarë të regjistruar në listën e votuesve, deri në këtë orë kanë votuar 512,331 qytetarë. Deri tani janë përpunuar 94.32% të vendvotimeve, respektivisht 2,425 nga 2,571 gjithsej.

Komunat me pjesëmarrjen më të lartë janë:

Mamushë me 54.60%,
Zveçan me 49.69%,
Zubin Potok me 49.61%,
Ranillug me 48.38%,
Novobërdë me 44.04%.

Komunat me pjesëmarrjen më të ulët deri në orën 15:00 janë:

Rahovec me 18.05%,
Skënderaj me 18.95%,
Prizren me 19.17%,
Dragash me 19.64%,
Gjakovë me 20.75%.

Në kryeqytet, Prishtina ka regjistruar një pjesëmarrje prej 29.52%, ndërsa në qytetet e mëdha si Ferizaj (23.18%), Pejë (22.37%), Gjakovë (20.75%) dhe Prizren (19.17%), pjesëmarrja mbetet nën mesataren kombëtare.

KQZ thekson se këto të dhëna përfshijnë vetëm votimet në vendvotimet e rregullta, duke mos përfshirë votimet me kusht, votimin e personave me nevoja të veçanta dhe votimin me postë.

Vendi

Deri në orën 13:00 votuan 16.53 për qind e qytetarëve

Published

7 hours ago

October 12, 2025

Driton Iseni

Deri në këto momente në Kosovë kanë votuar 334 mijë 677 qytetarë, më saktë 16.53 për qind prej 2,025,105 sa është numri total i votuesve në të gjithë Kosovën.

Sipas Komisioni Qendror Zgjedhor, në qytetet ku ka pasur më shumë fluks të qytetarëve që kanë dal për të votuar prin kryeqyteti me 40,190 votues deri në këto orë.

Me Prizrenin, të dytin me 20,799 votues deri më tani.

Poashtu, fluks i madh i votuesve është edhe në Ferizaj, atje ku deri më tani kanë votuar 19,235.

Në Gjilan deri më tash kanë votuar 17,128, në Pejë 17,830 votues, në Podujevë 14,625 votues, Mitrovicë e Jugut 14,379 votues, dhe Fushë Kosovë 9,254 votues.

Në Zveçan nga 6,872 votues, deri në këtë orë kanë votuar 2,623 prej tyre. Në Zubin Potok kanë votuar 2,406 nga gjithsej 6,486.

Lajmet

Përfundon seanca fillestare për caktimin e paraburgimit ndaj Fatmir Shehollit

Published

2 days ago

October 10, 2025

UBTnews

Përfundon seanca fillestare për caktimin e paraburgimit ndaj Fatmir Shehollit

Sot u mbajt seanca fillestare në Gjykatën Themelore në Prishtinë ndaj Fatmir Shehollit, ku pritet të caktohet masa e paraburgimit.

Sheholli u arrestua më 9 tetor 2025 nga Policia e Kosovës në bashkëpunim të ngushtë me AKI-në dhe prokurorinë nën dyshimet se ishte i përfshirë në spiunazh.

Gjykata Themelore në Prishtinë do të lëshojë vendimin.

Sheholli është arrestuar në rajonin e Prishtinës nga hetuesit policorë të Drejtorisë për hetimin e krimit të organizuar dhe krimeve të rënda në Policinë e Kosovës. Ai fillimisht u ndalua për 48 orë dhe autoritetet kryen bastisje në vendbanimin e tij “me qëllim të sigurimit të provave të tjera materiale”.

Për arrestimin e Shehollit shkroi të enjten ministri në detyrë i Brendshëm, Xhelal Sveçla.

“Pres trajtim institucional me seriozitet të lartë të këtij rasti, i cili përbën një nga aktet më të rënda ndaj sigurisë dhe rendit kushtetues të Republikës së Kosovës”, tha ai.

Fatmir Sheholli, zyrtarisht përfaqësues i shoqërisë civile nga Instituti për Avancimin e Marrëdhënieve Ndëretnike, është përfolur në media për lidhje me Serbinë. Në vitet ’90, gjatë regjimit të Sllobodan Millosheviqit, ai ka punuar në Sigurimin Shtetëror të Serbisë (UDB)./D.B/KP

Lajmet

Pas konstituimit të Kuvendit, pritet formimi i Qeverisë së re

Published

2 days ago

October 10, 2025

UBTnews

Pas tetë muajsh bllokadë institucionale, Kuvendi i Kosovës u konstituua më 10 tetor, duke i hapur rrugë fazës së radhës, formimit të Qeverisë së re.

Presidentja e Kosovës, Vjosa Osmani pritet të mandatojë koalicionin fitues të udhëhequr nga Lëvizja Vetëvendosje, bashkë me Lëvizjen Guxo dhe Alternativën, për krijimin e kabinetit qeveritar. Sipas Kushtetutës, kandidati për kryeministër ka 15 ditë kohë për të paraqitur përbërjen e Qeverisë dhe për të kërkuar miratimin në Kuvend.

Megjithatë, Vetëvendosje, me 48 ulëse në Kuvendin prej 120 deputetësh, nuk e ka shumicën e nevojshme për të qeverisur pa partner koalicioni. Nënkryetarja e Kuvendit të Kosovës, Albulena Haxhiu tha se partia është e hapur për bashkëpunim me subjektet e tjera, përveç Listës Serbe.

Nëse brenda afateve ligjore nuk arrihet të formohet Qeveria, Presidentja Osmani ka detyrimin të ftojë partitë për konsultime. Në rast se dështon edhe përpjekja e dytë, vendi shkon në zgjedhje të reja brenda 40 ditësh.

Konstituimi i Kuvendit ndodh vetëm dy ditë para zgjedhjeve lokale të 12 tetorit./D.B/UBTNews