Botë

​Zelensky në Oslo: Të gjitha plantacionet bërthamore i takojnë popullit të Ukrainës

Published

1 year ago

on

Presidenti ukrainas Volodymy Zelensky ka deklaruar sot në Oslo se plantacionet bërthamore i takojnë vetëm Kievit zyrtar, pasi Departamenti Amerikan i Shtetit ka sugjeruar se kontrolli amerikan i termocentraleve të Ukrainës mund të nënkuptojë më pak sulme nga Rusia.

Zëdhënësja e DASH-it, Tammy Bruce, ka adresuar mbrëmë sugjerimin e Shtëpisë së Bardhë, se Ukraina mund të përfitojë nga marrja e “pronësisë” së Shteteve të Bashkuara të pjesëve të infrastrukturës energjetike të Ukrainës, duke nënkuptuar se Rusia mund të hezitonte të sulmonte një termocentral nëse do të operohej nga inxhinierë amerikanë, transmeton KosovaPress.

Zelensky në reagimin e tij pohoi se të gjitha plantacionet bërthamore i takojnë popullit të Ukrainës.

Ai shtoi se nuk ka diskutuar drejtpërdrejt për pronësinë e plantacioneve, por tha se “nëse (plantacionet bërthamore) nuk i takojnë Ukrainës, nuk do të funksionojnë për askënd”.

Zelensky njoftoi se Ukraina dhe zyrtarët amerikanë do të takohen në Arabinë Saudite të hënën, ndonëse do të jenë ndarë nga bisedimet mes zyrtarëve rusë dhe amerikanë. Ndërsa në lidhje me territorin e okupuar të Krimesë, ai tha se është pjesë e pandashme e Ukrainës.

Krimea njihet ndërkombëtarisht si pjesë e Ukrainës, pavarësisht pushtimit dhe aneksimit të pretenduar nga Rusia në 2014.

Po ashtu, ai shprehu se është një “dhuratë e madhe për Rusinë” që anëtarësimi i Ukrainës në NATO është hequr nga tryeza nga Uashingtoni, pas një vendimi të zyrtarëve amerikanë që përjashtuan pranimin e Kievit në aleancë.

Related Topics:
Continue Reading

Aktualitet

Shpërthimi në një minierë në Kinë lë të vdekur të paktën 90 persona

Published

5 hours ago

on

May 23, 2026

By

Të paktën 90 persona kanë humbur jetën si pasojë e një shpërthimi në një minierë qymyri në provincën Shanxi, në veri të Kinës, raportojnë mediat shtetërore kineze.

Sipas autoriteteve, shpërthimi i gazit ndodhi të premten në mbrëmje, në kohën kur brenda minierës Liushenyu ndodheshin 247 punëtorë. Mbi 100 prej tyre janë shpëtuar të gjallë, ndërsa ekipet e emergjencës po vazhdojnë kërkimet për personat e tjerë.

Kjo ngjarje po konsiderohet si aksidenti më i rëndë minerar në Kinë që nga viti 2009.

Presidenti i Kinës, Xi Jinping, kërkoi angazhim maksimal për shpëtimin e të mbijetuarve dhe trajtimin e të lënduarve. Ai po ashtu bëri thirrje për hetim të plotë të rastit dhe për përgjegjësi ndaj personave që mund të kenë ndikuar në këtë tragjedi.

Mediat shtetërore raportojnë se 27 persona po marrin trajtim mjekësor në spital. Njëri prej tyre ndodhet në gjendje kritike, ndërsa të tjerët kanë lëndime më të lehta. Dyshohet se shumica janë prekur nga gazrat toksikë të liruar pas shpërthimit.

Autoritetet kineze kanë ndaluar disa pjesëtarë të menaxhmentit të minierës, ndërsa shkaku i saktë i shpërthimit ende nuk është konfirmuar. Raportohet se niveli i monoksidit të karbonit në minierë kishte kaluar kufijtë e lejuar para aksidentit.

Continue Reading

Aktualitet

Sulm me dronë në Luhansk: katër të vrarë dhe dhjetëra fëmijë të plagosur

Published

1 day ago

on

May 22, 2026

By

Të paktën katër persona janë vrarë dhe 35 fëmijë janë plagosur pas një sulmi me dronë ukrainas në një konvikt studentor në rajonin e Luhansk, që kontrollohet nga Rusia.

Sipas autoriteteve ruse, në ndërtesë po flinin 86 adoleshentë të moshës 14 deri në 18 vjeç kur ndodhi sulmi. Zyrtarët rusë thanë se ekipet e shpëtimit po vazhdojnë kërkimet për persona të bllokuar nën rrënoja.

Ukrainë po vazhdon përpjekjet për të rimarrë kontrollin e Luhanskut, një nga rajonet që Rusi e shpalli pjesë të saj në vitin 2022.

Continue Reading

Aktualitet

Marco Rubio: Kuba paraqet “kërcënim për sigurinë kombëtare” të SHBA-së

Published

2 days ago

on

May 22, 2026

By

Sekretari amerikan i Shtetit, Marco Rubio, ka deklaruar se Kuba përbën “kërcënim për sigurinë kombëtare” të Shtetet e Bashkuara të Amerikës dhe se një marrëveshje paqësore mes palëve nuk duket shumë e mundshme.

Deklaratat e tij vijnë një ditë pasi SHBA ngriti akuza ndaj ish-presidentit kuban Raúl Castro për një incident të vitit 1996, ku u rrëzuan dy avionë dhe humbën jetën shtetas amerikanë.

Rubio tha se Uashingtoni preferon zgjidhje diplomatike, por paralajmëroi se presidenti Donald Trump ka të drejtë të mbrojë vendin nga çdo kërcënim.

Nga ana tjetër, ministri i Jashtëm i Kubës, Bruno Rodríguez, i hodhi poshtë akuzat duke i quajtur “gënjeshtra” dhe duke akuzuar SHBA-në për presion dhe “agresion të ashpër” ndaj Kubës.

Tensionet mes dy vendeve janë rritur, ndërsa Kuba po përballet edhe me krizë karburanti, mungesa ushqimesh dhe ndërprerje të energjisë.

Continue Reading

Aktualitet

Republikanët shtyjnë votimin për kufizimin e Trumpit ndaj Iranit

Published

2 days ago

on

May 22, 2026

By

Udhëheqësit republikanë në Dhomën e Përfaqësuesve të SHBA-së shtynë votimin për një rezolutë që do të kufizonte kompetencat e presidentit Donald Trump për veprime ushtarake ndaj Iranit, pasi rrezikonin ta humbnin votën për shkak të mungesës së mbështetjes së mjaftueshme.

Rezoluta, e propozuar nga kongresmeni demokrat Gregory Meeks, synon që presidenti të mos ndërmarrë aksione ushtarake kundër Iranit pa miratimin e Kongresit.

Demokratët akuzuan republikanët për “lojë politike”, duke thënë se rezoluta do të kalonte me mbështetje dypartiake. Ndërkohë, Senati amerikan ka avancuar një masë të ngjashme gjatë kësaj jave.

Trump, nga ana tjetër, deklaroi se veprimet e SHBA-së ndaj Iranit janë “shumë popullore”, duke argumentuar se lidhen me kërcënimin nga armët bërthamore.

/CNN/

Continue Reading

Të kërkuara