Aktualitet

Zelanda e Re krijon një qendër për të luftuar ekstremizmin e dhunshëm

Published

on

Zelanda e Re hapi të premten Qendrën e Kërkimit të Ekselencës për Parandalimin dhe Kundërshtimin e Ekstremizmit të Dhunshëm.

Në një deklaratë, kryeministrja, Jacinda Ardern, tha se qeveria e saj po zbaton të gjitha rekomandimet e Komisionit Mbretëror të Hetimit për sulmin terrorist të 2019 në xhamitë në Christchurch.

Ne kemi siguruar që Qendra e Përsosmërisë, do të shkojë edhe më tej se rekomandimi i Komisionit për të krijuar një program për të financuar kërkime të pavarura specifike të Zelandës së Re mbi shkaqet dhe masat për të parandaluar ekstremizmin e dhunshëm dhe terrorizmin“, tha Ardern.

Qeveria kishte formuar një hetim të komisionit mbretëror për të zbuluar nëse kishte ndonjë dështim nga agjencitë qeveritare në sulmin në xhamitë e Christchurch.

Raporti prej 792 faqesh, i cili u deshën rreth 18 muaj për t’u përpiluar, kishte identifikuar mangësi në sistemin e licencimit të armëve të zjarrit, si dhe “përqendrim jo të duhur të burimeve” nga ana e agjencive të sigurisë.

Ai kishte bërë një listë rekomandimesh, duke përfshirë ndryshime në mënyrën e menaxhimit të armëve të zjarrit, krijimin e një agjencie të re kombëtare të inteligjencës dhe sigurisë dhe një propozim për policinë që të identifikojë më mirë dhe t’u përgjigjet krimeve të urrejtjes.

Brenton Tarrant, një supremacist i bardhë australian, vrau 51 njerëz dhe plagosi 40 të tjerë në Xhaminë Al Noor dhe Qendrën Islamike Linwood më 15 mars 2019.

Ai u dënua me burgim të përjetshëm këtë gusht pa mundësinë e lirimit me kusht, në të parën vendim të tillë të dhënë ndonjëherë në vendin ishullor.

Pas tragjedisë së 15 marsit ishte e qartë për të gjithë Zelandezët e Re se ne duhej të bënim gjithçka që ishte në fuqinë tonë për të ndaluar që kjo të ndodhte përsëri. Unë besoj se kjo Qendër do të na ndihmojë të jemi një Aotearoa Zelanda e Re më elastike, gjithëpërfshirëse dhe më e sigurt“, tha Ardern. /UBTNews/

Bota

Von der Leyen: Evropa duhet të forcojë mbrojtjen, të pranojë Ukrainën në BE

Published

on

By

Presidentja e Komisionit Evropian, Ursula von der Leyen, ka theksuar se Evropa duhet të mbrojë pavarësinë e saj duke rritur shpenzimet për mbrojtjen dhe duke integruar Ukrainën në Bashkimin Evropian.

Ajo ka përmendur katër detyrat kryesore që BE-ja duhet të realizojë për të arritur këto synime, duke përfshirë forcimin e kapacitetit të mbrojtjes, rritjen e inovacionit për rritjen ekonomike, zgjerimin e BE-së dhe forcimin e demokracisë për të mbrojtur shtetet anëtare nga kërcënimet e brendshme dhe të jashtme.

Sipas von der Leyen, një nga arritjet më të mëdha është angazhimi për të ofruar deri në 800 miliardë euro fonde për mbrojtjen, një veprim që, siç tha ajo, ishte i pamundur vetëm pak vite më parë.

Fakti që tani po ofrojmë deri në 800 miliardë euro fonde për mbrojtjen ishte i pamundur vetëm pak vite më parë,” theksoi Presidentja e Komisionit Evropian. “Po e bëjmë këtë sepse duam të mbrojmë paqen me të gjitha forcat tona.

Von der Leyen paralajmëroi gjithashtu se një rend i ri ndërkombëtar do të shfaqet deri në fund të kësaj dekade, dhe se Evropa duhet të luajë një rol aktiv në formësimin e këtij rendi të ri për të shmangur pasojat e tij për kontinentin dhe për botën.

Ajo theksoi se zgjerimi i BE-së është një detyrë kyçe, duke e konsideruar anëtarësimin e Ukrainës, Moldavisë, vendeve të Ballkanit Perëndimor dhe Gjeorgjisë si një hap të rëndësishëm për forcimin e Bashkimit Evropian.

Jam thellësisht e bindur se historia tani po na thërret. Ashtu si në vitin 1989, kur era e ndryshimit përfshiu Evropën,” përfundoi von der Leyen, duke sugjeruar se momenti aktual është një mundësi për ndryshime thelbësore në rajon.

Continue Reading

Bota

Meloni vizitë në Kazakistan, nënshkruhen marrëveshje në vlerën 4 miliardë euro

Published

on

By

Italia dhe Kazakistani kanë nënshkruar një sërë marrëveshjesh me vlerë 4 miliardë euro gjatë një vizite të kryeministres italiane Giorgia Meloni në Astana.

Marrëveshjet ishin në një sërë sektorësh, duke përfshirë naftën dhe gazin, energjinë e rinovueshme dhe menaxhimin e ujit.

Meloni tha se nuk e konsideronte vizitën e saj “thjesht një formalitet, por thelbësor”.

Italia ishte vendi i parë i BE-së që vendosi të investonte në marrëdhëniet me Azinë Qendrore dhe shtetet anëtare të saj individuale, duke krijuar një format të qëndrueshëm për shkëmbimin e ideve”, vazhdoi Meloni.

Kryeministrja italiane shtoi se Samiti BE-Azi Qendrore i mbajtur në prill kishte rritur marrëdhëniet midis rajoneve.

Continue Reading

Bota

Kina: SHBA të shmangë tensionet dhe të ndalojnë shitjen e armëve Tajvanit

Published

on

By

Çështja e Tajvanit është në thelb të interesave themelore të Kinës dhe është vija e parë e kuqe që nuk duhet të kalohet në marrëdhëniet Kinë-SHBA, deklaroi zëdhënësi i Ministrisë së Jashtme kineze, Lin Jian.

Jiang komentoi mbi disa raporte të mediave ndërkombëtare se Uashingtoni synon të rrisë shitjet e armëve në Taipei përtej 18,3 miliardë dollarëve të arritur gjatë mandatit të parë të presidentit Donald Trump.

Pekini kundërshton fuqimisht shitjet e armëve amerikane në rajonin e Tajvanit pasi kjo çon në një përshkallëzim”, theksoi ai.

Shtetet e Bashkuata të Amerikës duhet të shmangin faktorët e rinj të tensionit me ne”, theksoi Jiang./atsh

Continue Reading

Bota

Kina do të rifillojë importet e produkteve të detit nga Japonia

Published

on

By

Kina ka rënë dakord të fillojë procedurat për të rifilluar importet e produkteve të detit nga Japonia, tha një zyrtar japonez të premten, sipas raporteve të mediave lokale.

Të dy vendet kanë rënë dakord për ‘kërkesat teknike për rifillimin e eksporteve të produkteve të detit’ drejt Kinës“, citoi Agjencia e Lajmeve Kyodo Sekretarin e Përgjithshëm të Kabinetit, Yoshimasa Hayashi.

Sipas saj, pritet që Kina të lëshojë gjithashtu një njoftim për lehtësimin e ndalimit të përgjithshëm, i cili është në fuqi që nga viti 2023.

Kina vendosi një ndalim të plotë të importeve të produkteve të detit nga Japonia menjëherë pasi filloi lëshimi i ujit radioaktiv të trajtuar nga centrali bërthamor i dëmtuar në Fukushima, në gusht të vitit 2023.

Ndalimi u vendos për të mbrojtur shëndetin e konsumatorëve dhe për të parandaluar ndotjen e mundshme, shkruan Anadolu.

Në shtatorin e kaluar, Kina ra dakord të rifillojë importet e produkteve të detit nga Japonia me kusht që vende të treta, përfshirë edhe vetë Kinën, të marrin pjesë në monitorimin e shkarkimit të ujit të trajtuar radioaktiv nga centrali i Fukushima-s në det./kosovapress

Continue Reading

Të kërkuara