Lajmet

Zeka: Zgjedhjet e shpeshta po e pengojnë zhvillimin ekonomik dhe tërheqjen e investitorëve

Published

5 years ago

on

Kryetari i Odës Ekonomike Amerikane të Kosovës (OEAK), Arian Zeka ka thënë se mbajtja e zgjedhjeve ka ndikim negativ për sa i përket rritjes ekonomike dhe tërheqjes së investimeve të huaja direkte.

Në një intervistë për Ekonomia Online, Zeka ka deklaruar investitorët dëshirojnë të presin se cila do të jetë siguria juridike për ta ose çfarë do të prodhojë koalicioni i ri qeverisës në aspektin e fuqizimit të sektorit privat dhe zhvillimit ekonomik.

“Zgjedhjet e shpeshta që janë mbajtur në vendin tonë nuk është se kanë sjellë ndonjë risi në aspektin ekonomik. Nëse zgjedhjet kanë pasur ndonjë ndikim në qeverisjen ekonomike dhe tërheqjen e investimeve të huaja, atëherë kanë pasur ndikim negativ. Nëse i analizojmë të gjitha vitet zgjedhore prej vitit 2014 kanë qenë vitet që kemi pasur normat më të ulëta të investimeve të huaja direkte edhe pse është hipotezë ndoshta e patestuar. Megjithatë investitorët dëshirojnë të presin se cila do të jetë siguria juridike për ta ose çfarë do të prodhojë koalicioni i ri qeverisës në aspektin e fuqizimit të sektorit privat dhe zhvillimit ekonomik. Zgjedhjet definitivisht kanë ndikim negativ për sa i përket rritjes ekonomike dhe tërheqjes së investimeve të huaja direkte aq më keq që në rastin tonë të njëjtat po mbahen pak më shumë se një vjet”, shtoi ai.

Zeka shtoi se ajo çfarë është parë në vitet e kaluara është se nuk ka programe të detajuara, por bëhet fjalë për ide të pastrukturuara që burojnë nga një pjesë e programit.

“Ajo çfarë në po shohim realisht dhe çfarë po dëgjojmë ndonjë copëz nga programet e partive politike së paku sa i përket zhvillimit ekonomik shpeshherë po thuhet meqenëse fushata ende nuk ka filluar zyrtarisht atëherë po pritet publikimi zyrtar i programeve të detajuara. Por ajo çfarë kemi parë edhe në vitet e kaluara është se nuk ka programe të detajuara, por bëhet fjalë për ide të pastrukturuara që burojnë nga një pjesë e programit që ka të bëjë qoftë me zhvillimin ekonomik. Nuk mund të flasim për krijim të vendeve të punës dhe për fuqizim të sektorit privat nëse nuk e adresojmë çështjen e edukimit meqenëse kjo duket të jetë brenga kryesore e ndërmarrjeve të sektorit privat”, shtoi ai.

Ai tha se duhet t’u ofrohet ndihmë bizneseve dhe punonjësve që kanë humbur vendet e tyre të punës, raporton EO.

“Tashmë po shohim një paradox çka po ndodh kur ka vendime të cilat merren e që lidhen me premtimet zgjedhore institucionet po marrin vendime, siç është rasti i marrëveshjeve me përfaqësuesit e sindikatave ose përfaqësuesit e mjeteve të tjera buxhetore në mbështetje të kategorive të caktuara sociale dhe punonjësve të caktuar të vendit, që po i lidh me premtimet zgjedhore të partive politike e sidomos atyre që kanë mundësinë të jenë bartës të funksioneve politike e koalicionit qeverisës. Ndërsa në anën tjetër bëhet fjalë për ndihëm që duhet t’iu ofrohet bizneseve punonjësve që kanë mundur të humbin vendet e tyre të punës. Këtu po shohim një kufizim që gjithçka lidhet me faktin që qeveria është në detyrë. Nëse është në detyrë qeveria edhe ka njëfarë kufizimi moral për sa i përket vendimeve që duhet të merren atëherë kjo duhet të vlejë edhe për ato që janë premtime zgjedhore. Assesi drejtuesit e tanishëm institucional këta që janë në detyrë nuk mund të marrin vendime të cilat fusin në detyrime buxhetore qeveritë e ardhshme, megjithëse ndikimet do të shtrihen përgjatë viteve në vijim”, tha Zeka.

Related Topics:
Continue Reading

Rajoni

Me shumicë votash, Vesa Shatri zgjidhet Kryetare e re e Këshillit Studentor të UBT-së

Published

1 hour ago

on

December 3, 2025

By

Këshilli Studentor i UBT-së ka zhvilluar procesin zgjedhor për përzgjedhjen e përfaqësuesve të rinj të studentëve, në një proces të drejtë, transparent dhe të monitoruar nga autoritetet akademike të institucionit. Me shumicë votash, Vesa Shatri është zgjedhur Kryetare e Këshillit Studentor të UBT-së, duke marrë besimin e studentëve për të udhëhequr strukturën përfaqësuese të tyre.

Në përbërjen e re të kryesisë, janë zgjedhur këta përfaqësues:

  • Kryetare: Vesa Shatri
  • Nënkryetare: Eliona Kastrati
  • Sekretar: Mal Shehu
  • Këshilli Akademik: Ema Spahija
  • Komisioni për Ankesa: Elena Jashanica
  • Komisioni i Cilësisë: Odesa Mala
  • Komisioni Disiplinor: Rizgjim Sejdiu
  • Komisioni i Etikës: Arianit Hasani

Procesi zgjedhor u mbikëqyr nga përfaqësues të lartë të UBT-së, përfshirë Prorektorin e UBT-së, Prof. Dr. Binak Beqaj, sekretarin e institucionit, Prof. Dr. Artan Tahiri, këshilltarin në Zyrën e Rektorit, Prof. Dr. Elmi Kelmendi, koordinatoren për Çështje Akademike në UBT, Mirlinda Jashanica, si dhe Ismije Pllana, nga zyra e sekretarit.

Zgjedhja e kryesisë së re vjen me synimin që përfaqësimi i studentëve të jetë sa më efektiv, gjithëpërfshirës dhe i orientuar drejt përmirësimit të vazhdueshëm të jetës akademike e studentore në UBT. Përfaqësuesit e rinj do të angazhohen për të qenë zëri i studentëve, për të adresuar kërkesat e tyre dhe për të bashkëpunuar ngushtë me menaxhmentin e institucionit.

Në fjalën e saj, Kryetarja e re, Vesa Shatri, falënderoi studentët për besimin dhe theksoi angazhimin e saj për të mbrojtur interesat e tyre dhe për të ndërtuar ura komunikimi të qëndrueshme mes studentëve dhe strukturave drejtuese të UBT-së.

Continue Reading

Lajmet

BE-ja i kërkon KPK-së zbatimin e plotë të reformave: Shteti ligjor, parakusht i domosdoshëm për integrim

Published

2 hours ago

on

December 3, 2025

By

Zyra e Bashkimit Evropian ka njoftuar se në takimin e zhvilluar me Këshillin Prokurorial të Kosovës, u është bërë thirrje të gjithë anëtarëve të tij t’i zbatojnë plotësisht reformat e KPK-së.

Në njoftimin e lëshuar nga kjo zyrë, thuhet se shteti ligjor është parakusht thelbësor për Bashkimin Evropian.

“Zyra e BE-së në Kosovë u bëri thirrje sot të gjithë anëtarëve të tij që të zbatojnë plotësisht dhe së bashku reformën e KPK-së, të sigurojnë ligjshmërinë e vendimeve të tyre, të veprojnë me integritet dhe të mbrojnë besimin e publikut në sistemin e drejtësisë”, thuhet në njoftim.

Pas shkarkimit të u.d. së kryeprokurorit Besim Kelmendi dhe përplasjeve brenda KPK-së, Zyra e BE-së dje ka kërkuar takim urgjent me të gjithë anëtarët.

Ndërsa tri organizata të shoqërisë civile kanë paralajmëruar për rritje të rrezikut të kundërligjshmërisë në KPK.

Për këtë arsye ato kanë kërkuar ndërhyrjen e gjykatës./EO

Continue Reading

Lajmet

​Certifikohet NISMA

Published

4 hours ago

on

December 3, 2025

By

Komisioni Qendror i Zgjedhjeve ka certifikuar sot subjektin politik Nisma Socialdemokrate, për pjesëmarrje në zgjedhjet e parakohshme parlamentare të 28 dhjetorit.

Drejtori i Zyrës për Regjistrim, Certifikim dhe Kontrollin Financiar të Subjekteve Politike, Besnik Buzhala tha se Nisma ka përmbushur të gjitha kriteret sipas ligjit për zgjedhje dhe ka paguar taksën për certifikim.

“Periudha e certifikimeve politike ka përfunduar me 30 nëntor. Subjekti politik NISMA ka përmbushur kriteret për certifikim duke dorëzuar listën e nënshkrimeve dhe mbështetësve dhe ka paguar taksën për certifikim. Nuk ka gjoba nga PZAP, KQZ dhe Zyra”, tha Buzhala.

Më 2 dhjetor 2025, KQZ mori vendim për certifikimin e 22 subjekteve politike, 16 parti politike; tri koalicione, dy iniciativa qytetare dhe një kandidat i pavarur për pjesëmarrje në zgjedhjet e dhjetorit, ndërsa nuk e ka certifikuar Listën Serbe./KP

Continue Reading

Lajmet

Lista Serbe fton konferencë për media pas moscertifikimit nga KQZ

Published

4 hours ago

on

December 3, 2025

By

Lista Serbe, ka njoftuar se sot më 03.12.2025, në ora 15:00, në selinë e partisë do të mbajnë konferencë për media.

Sipas njoftimit, drejtuesit do të flasin për vendimin nga KQZ-ja i cili siç pretendojnë ata ka penguar pjesëmarrjen e subjektit në zgjedhjet e parakohshme parlamentare të 28 dhjetorit 2025, transmeton KosovaPress.

“Udhëheqja e Listës Serbe do të mbajë një konferencë të jashtëzakonshme për media, ku do të flasë për vendimin joligjor për të penguar pjesëmarrjen e Listës Serbe në zgjedhjet e parakohshme parlamentare më 28 dhjetor 2025” thuhet në njoftimin e partisë.

Ndërsa dje gjatë mbledhjes së dytë lidhur me përgatitjet për procesin zgjedhor, KQZ-së nuk ka certifikuar Listën Serbe për zgjedhjet e parakohshme parlamentare të 28 dhjetorit.

KQZ votoi certifikimin ndaras për partitë politike, meqë rast Lista Serbe me 2 vota për, 2 kundër dhe 7 abstenime nuk u certifikua./KP

Continue Reading

Të kërkuara