Bota

Zbardhen negociatat Rusi-SHBA, kërkesa që Trump i bëri Putinit në telefon për Iranin

Published

on

Rusia ka shprehur gatishmërinë për të ndihmuar administratën e Presidentit amerikan Donald Trump dhe për të ndërmjetësuar bisedimet me Iranin, veçanërisht në lidhje me programin bërthamor të Republikës Islamike, por dhe për mbështetjen e Teheranit për grupet rajonale që janë kundërshtarë të SHBA-së. Sipas Bloomberg, Trump ia ka kërkuar drejtpërdrejt Presidentin Vladimir Putin përfshirjen në negociatat me Iranin. Sipas medias amerikane bisedimet kanë ndodhur në telefonatën e zhvilluar mes dy liderëve në muajin shkurt.

Më pas, zyrtarët e lartë të administratës amerikane diskutuan këtë çështje me homologët rusë gjatë një takimi në Arabinë Saudite, disa ditë më vonë.

Rusia, e cila mund të luajë rolin e ndërmjetësit, deklaron se kjo kërkesë nuk ka ardhur nga SHBA, por nga një propozim i vetë Moskës për të ndihmuar në zgjidhjen e mosmarrëveshjeve midis SHBA-së dhe Iranit.

Pavarësisht se diskutimet janë ende në fazat e tyre fillestare, nuk është ende e qartë nëse kjo do të çojë në ndonjë përparim konkret.

Zëdhënësi i Shtëpisë së Bardhë, Brian Hughes, ka deklaruar se Presidenti Trump ka bërë të qartë se Shtetet e Bashkuara nuk do të tolerojnë që Irani të zhvillojë armë bërthamore, as të mbështesë terrorizmin në Lindjen e Mesme dhe në mbarë botën. Ai theksoi se administrata do të vazhdojë të flasë me aleatët dhe kundërshtarët e SHBA-së, por gjithmonë do ta bëjë këtë nga një pozicion force për të mbrojtur sigurinë kombëtare.

Në një përgjigje ndaj pyetjeve mbi këtë çështje, zëdhënësi i Kremlinit, Dmitry Peskov, tha se Rusia beson se Shtetet e Bashkuara dhe Irani duhet të zgjidhin problemet e tyre përmes negociatave dhe se Moska është e gatshme të bëjë gjithçka që është në mundësitë e saj për të arritur një marrëveshje paqësore.

Ndërkohë, një zëdhënës i ministrisë së jashtme iraniane e cilësoi të natyrshme që shtetet e ndryshme ofrojnë ndihmën e tyre në çështje të tilla të ndjeshme, duke theksuar rëndësinë e këtyre diskutimeve. Nga ana tjetër, Rusia dhe Irani kanë forcimin e marrëdhënieve të tyre, veçanërisht në fushën e tregtisë dhe energjisë, që pas nisjes së luftës në Ukrainë nga Rusia. Irani ka ofruar mbështetje për Rusinë në formën e dronëve që përdoren në luftë, ndërsa Rusia ka ndihmuar Iranin në ndihmën teknologjike dhe financiare për zhvillimin e energjisë bërthamore.

Përpjekjet për të rivendosur marrëdhëniet midis administratës Trump dhe Kremlinit kanë qenë të shprehura që nga marrja e detyrës nga Trump. Pavarësisht tensioneve pas pushtimit të Ukrainës, Trump ka kërkuar të ndërmjetësojë për të mbyllur këtë krizë, duke shprehur interes për të bashkëpunuar me Putinin në çështje gjeopolitike dhe ekonomike. Në këtë kuadër, edhe bisedimet për Iranin janë shfaqur si një mundësi për të gjetur një pikë të përbashkët me Moskën.

Një marrëveshje mes SHBA-së dhe Iranit për çështjet bërthamore do të ishte shumë komplekse. Disa ekspertë vlerësojnë se një marrëveshje e mundshme mund të kërkojë një ndërmjetësim të kujdesshëm, ku SHBA-ja do të ofronte lehtësim të sanksioneve ndërsa Irani mund të pranojë të frenojë ambiciet e tij rajonale, përfshirë mbështetje për grupet si Hezbollah dhe Hamas.

Një tjetër aspekt i rëndësishëm është se Irani është angazhuar në një luftë të hidhur me Izraelin, aleatin kryesor të SHBA-së, një situatë që ndërlikon më tej mundësinë e një marrëveshjeje. Pavarësisht këtyre sfidave, disa analistë sugjerojnë se një mundësi për të zgjidhur dallimet ekziston, pasi të dyja palët po kërkojnë kanale komunikimi për të shmangur përshkallëzimin e tensioneve.

Bota

Polonia vendos kontrolle kufitare me Gjermaninë dhe Lituaninë

Published

on

By

Polonia rifilloi të hënën kontrollet në kufijtë me Gjermaninë dhe Lituaninë, duke ndjekur shembullin e masave të ngjashme të ndërmarra nga Gjermania më herët, me qëllim pengimin e azilkërkuesve.

Kryeministri polak, Donald Tusk, qeveria e të cilit i mbijetoi një votëbesimi në parlament së voni, i paralajmëroi këto kufizime qysh nga java e kaluar.

Presioni u rrit pasi grupet e ekstremit të djathtë në Poloni e akuzuan Gjermaninë për transportimin e migrantëve në territorin polak, pas mbërritjes së tyre në Evropën perëndimore.

Kontrollet që nisën natën e së dielës, do të zgjasin fillimisht 30 ditë, por autoritetet mund t’i zgjasin edhe më tej nëse është e nevojshme, tha Ministria e Brendshme e Polonisë.

Migrimi i paligjshëm është thjesht një krim”, tha ministri i Brendshëm polak, Tomasz Siemoniak, gjatë një konference për media.

Kufiri i Polonisë me Lituaninë, që shtrihet në 104 kilometra, do të ketë kontrolle në 13 pika kalimi. Ndërsa, kufiri me Gjermaninë, i gjatë 467 kilometra, do të ketë kontrolle në 52 pika.

Autoritetet lituaneze thanë të hënën se janë të gatshme të përballen me bllokime të mundshme të trafikut në kufirin polak.

Nëse krijohet trafik i shtuar, ne do të fillojmë ta menaxhojmë lëvizjen… për t’i minimizuar ndërprerjet dhe për t’i bërë kontrollet sa më të shpejta”, tha Antanas Montvydas, zëvendësshef i Shërbimit Shtetëror të Rojës Kufitare të Lituanisë, për radion lituaneze.

Pas marrjes së detyrës në maj, kancelari gjerman, Friedrich Merz, i cili e bëri politikën më të ashpër të migracionit shtyllë të fushatës së tij elektorale, urdhëroi rritjen e pranisë policore në kufi dhe tha se disa azilkërkues do të ndalohen të hyjnë në Gjermani.

Javën e kaluar, Merz tha se Polonia dhe Gjermania po bashkëpunojnë ngushtë për t’u siguruar që kontrollet kufitare të Gjermanisë të shkaktojnë sa më pak probleme dhe vonesa.

Mbrojtja e kufijve kundër migracionit të parregullt është një interes që Gjermania e ka, Polonia e ka dhe fqinjët tanë evropianë e ndajnë me ne”, tha të hënën Stefan Kornelius, zëdhënës i Merzit.

Ne nuk duam kontrolle të përhershme kufitare”, shtoi ai.

Bashkimi Evropian ka një zonë udhëtimi pa viza, të quajtur Schengen, e cila u mundëson qytetarëve të shumicës së vendeve anëtare të udhëtojnë lirshëm përtej kufijve.

Zvicra është gjithashtu pjesë e zonës Schengen, edhe pse nuk është anëtare e BE-së.

Sipas BE-së, shteteve anëtare u lejohet të rivendosin përkohësisht kontrolle kufitare, në rast të ndonjë kërcënimi serioz, si siguria e brendshme.

Me rregulla, kontrollet kufitare duhet të zbatohen si mjet i fundit në situata të jashtëzakonshme dhe duhet të jenë të kufizuara në kohë./REL

Continue Reading

Bota

​Trump: Jemi afër marrëveshjes për armëpushim në Gazë

Published

on

By

Presidenti i Shteteve të Bashkuara, Donald Trump deklaroi se janë afër një marrëveshjeje për Rripin e Gazës, transmeton Anadolu.

Duke folur me gazetarët në një aeroport, Trump shprehu shpresën lidhur me arritjen e një marrëveshje së shpejti në Gazë.

Mendoj se jemi afër një marrëveshjeje për Gazën“, tha Trump duke theksuar vendosmërinë e tij për të arritur armëpushim në Gazë gjatë orëve kur kryeministri izraelit Benjamin Netanyahu po udhëtonte për në Uashington.

Trump bëri vërejtjet e mëposhtme në fjalimin e tij, ku vlerësoi se një armëpushim në Gazë mund të jetë i mundur “këtë javë”.

Mendoj se ka një shans të mirë të arrijmë marrëveshje me Hamasin për shumë nga pengjet javën e ardhshme. E dini, ne kemi liruar shumicën e pengjeve, por shumë nga pengjet e mbetura do të lirohen. Mendojmë se këtë do ta bëjmë këtë javë“, tha presidenti amerikan.

Duke folur me gazetarët të premten, Trump tha: “Mendojmë se do të arrijmë armëpushim në Gaza brenda javës së ardhshme”. Në të njëjtën ditë, Hamasi dërgoi përgjigjen e tij “pozitive” ndaj propozimit të fundit për armëpushim ndërmjetësve Katarit dhe Egjiptit.

Trump sot pritet të takohet në Shtëpinë e Bardhë në orën 18:00 sipas kohës lokale të SHBA-së, me Netanyahun mbi të cilin ka ushtruar presion për armëpushim në Rripin e Gazës.

Continue Reading

Bota

Trump pret Netanyahun për të biseduar për armëpushimin në Gazë

Published

on

By

Pas 21 muajsh lufte, shpresat për një armëpushim të ri në Rripin e Gazës po rriten.

Kryeministri izraelit, Benjamin Netanyahu, zhvillon sot një takim të rëndësishëm me presidentin amerikan, Donald Trump, në Uashington.

Trump u tha më herët gazetarëve se do të jetë “shumë i prerë” me Netanyahun për përfundimin e konfliktit.

Ai tha se mendon se “do të kemi një marrëveshje” këtë javë.

Po punojmë për të arritur marrëveshjen që është diskutuar, sipas kushteve të dakorduara”, tha në anën tjetër Netanyahu.

Unë besoj se biseda me presidentin Trump mund të ndihmojë në avancimin e këtij rezultati, për të cilin të gjithë shpresojmë”, tha ai përpara se të nisej drejt SHBA-së.

Izraeli dhe Hamasi – grup i shpallur terrorist nga SHBA-ja dhe fuqi të tjera – nisën bisedimet jodirekte për një propozim të SHBA-së, i cili parasheh një armëpushim 60-ditor dhe lirimin e pengjeve, të dielën në Katar.

Megjithatë, nuk është ende e qartë nëse dallimet kryesore që kanë penguar vazhdimisht arritjen e marrëveshjes, mund të tejkalohen.

Vizita e Netanyahut në Shtëpinë e Bardhë është e treta e tij që kur Trump u rikthye në detyrë në muajin janar.

Ajo vjen pas vendimit të Trumpit për t’u bashkuar me luftën e Izraelit kundër Iranit, duke sulmuar centralet bërthamore iraniane.

Pas ndërmjetësimit të një armëpushim mes këtyre dy vendeve, Trump bëri të ditur se fokusin e ka tani në përpjekjet për të ndalur luftën mes Izraelit dhe Hamasit.

Ajo nisi pasi ky i fundit sulmoi Izraelin më 7 tetor të vitit 2023, duke vrarë mbi 1.200 njerëz dhe marrë peng qindra të tjerë.

Izraeli u përgjigj me një ofensivë të ashpër sulmesh në Rripin e Gazës, e cila, sipas autoriteteve shëndetësore atje, ka vrarë mbi 57.000 palestinezë./REL

Continue Reading

Bota

Trump kërcënon me tarifa shtesë për vendet që mbështesin BRICS-in

Published

on

By

Presidenti i SHBA-së, Donald Trump, ka paralajmëruar se vendet që mbështesin politikat e aleancës BRICS që shkojnë kundër interesave të SHBA-së do të goditen me një tarifë shtesë prej 10%.

Trump e ka kritikuar prej kohësh BRICS-in, një organizatë anëtarët e së cilës përfshijnë Kinën, Rusinë dhe Indinë, e cila është krijuar për të rritur pozicionin ndërkombëtar të vendeve dhe për të sfiduar SHBA-në dhe Evropën Perëndimore, shkruan BBC.

“Çdo vend që përputhet me politikat anti-amerikane të BRICS-it, do t’i ngarkohet një tarifë SHTESË prej 10%. Nuk do të ketë përjashtime nga kjo politikë”, shkroi Trump në mediat sociale.

Një afat për vendet që të bien dakord për një marrëveshje tarifore me SHBA-në ishte caktuar për 9 korrik, por zyrtarët amerikanë tani thonë se ato do të fillojnë më 1 gusht.

Deri më tani, SHBA-të kanë arritur marrëveshje tregtare vetëm me Mbretërinë e Bashkuar dhe Vietnamin. Megjithatë, Britania dhe Amerika ende nuk kanë arritur një marrëveshje mbi taksat për çelikun britanik të importuar nga SHBA-të.

Që nga marrja e detyrës në janar, Trump ka njoftuar një sërë taksash importi për mallrat nga vendet e tjera – duke argumentuar se ato do të nxisin prodhimin amerikan dhe do të mbrojnë vendet e punës.

Në prill, në atë që ai e quajti “Dita e Çlirimit”, ai njoftoi një valë taksash të reja për mallrat nga vendet e botës, megjithëse shpejt pezulloi planet e tij më agresive për të lejuar tre muaj bisedime deri më 9 korrik.

I pyetur nëse taksat do të ndryshonin më 9 korrik apo 1 gusht, Trump tha të dielën: “Do të jenë tarifa, tarifat do të jenë tarifa.”

Ai shtoi se midis 10 dhe 15 letra do t’u dërgoheshin vendeve të hënën duke i këshilluar ato se cila do të jetë norma e re e tarifave nëse nuk do të ishte arritur një marrëveshje.

Sekretari i Tregtisë i SHBA-së, Howard Lutnick, sqaroi se taksat do të hyjnë në fuqi më 1 gusht.

Të dielën, Sekretari i Thesarit Scott Bessent i tha CNN: “Presidenti Trump do t’u dërgojë letra disa prej partnerëve tanë tregtarë duke u thënë se nëse nuk i lëvizni gjërat përpara, atëherë më 1 gusht do të ktheheni në nivelin tuaj tarifor të 2 prillit”.

Kërcënimi i Trump ndaj vendeve që punojnë me vendet e BRICS u shfaq pasi anëtarët kritikuan politikat tarifore të SHBA-së, si dhe propozuan reforma për Fondin Monetar Ndërkombëtar (FMN) dhe mënyrën se si vlerësohen valutat kryesore.

Vitin e kaluar, lista e anëtarëve të BRICS u zgjerua përtej Brazilit, Rusisë, Indisë, Kinës dhe Afrikës së Jugut për të përfshirë Egjiptin, Etiopinë, Indonezinë, Iranin, Arabinë Saudite dhe Emiratet e Bashkuara Arabe.

Vendet në bllok përbëjnë më shumë se gjysmën e popullsisë së botës./kosovapress/

Continue Reading

Të kërkuara