Magazinë

Yjet dënojnë vendimin e Trumpit për dëbimin e migrantëve nga SHBA-ja

Published

9 months ago

on

Kim Kardashian, biznesmenja miliardere dhe ylli televiziv, ka reaguar ashpër kundër aksioneve të fundit të Shërbimit të Imigracionit dhe Doganave të SHBA-së (ICE), duke i cilësuar si “çnjerëzore”.

Ajo ka thënë se “njerëzit punëtorë po ndahen nga familjet e tyre në mënyrë të padrejtë”, ka raportuar Forbes.

“Si dikush që ka jetuar gjithë jetën në Los Angeles, kam parë sa thellë janë të rrënjosur imigrantët në këtë qytet. Nuk mund ta kthejmë kokën mënjanë kur frika dhe padrejtësia ua pamundësojnë njerëzve të jetojnë të sigurt dhe të lirë”, ka thënë Kardashian përmes një postimi në llogarinë e saj në rrjetin socva Longoria  ka reaguar ashpër me një video katër-minutëshe që ka postuar ne rrjetin social TikTok, ku i quajti bastisjet e ICE-së “çnjerëzore” dhe kritikoi mungesën e procesit të rregullt për imigrantët që “janë të ndershëm dhe paguajnë taksa”.

Eva Longoria ka thënë se po i jep mbështetje të plotë protestuesve që po ngrihen kundër këtyre aksioneve.

Reperja Doechii u bë virale me fjalimin në ceremoninë e ndarjes së çmimeve “BET Awards”, ku ka kritikuar presidentin Donald Trump për vendimin e tij për të dërguar Gardën Kombëtare për të shuar protestat në Los Angeles.

“Trump po përdor forcat ushtarake për të ndalur një protestë, dhe dua të reflektoni se çfarë lloj qeverie duket të jetë kjo, kur sa herë që ne ushtrojmë të drejtën tonë demokratike për të protestuar, ushtria dërgohet kundër nesh”, ka thënë ajo.

Finneas, muzikanti dhe vëllai i Billie Eilish, ka treguar se ishte sulmuar me gaz lotsjellës gjatë një proteste në Los Angeles dhe akuzoi autoritetet për nxitje të dhunës.

Mark Ruffalo, i njohur për qëndrimin kritik ndaj Trump, ka postuar duke e quajtur “mashtrues”,  agjentët e imigracionit “forca raciste që fshihen pas maskave për turp a frikë nga drejtësia dhe shkelin të drejtën për gjykim të ndershëm”.

Edhe figura tjera publike si aktori Pedro Pascal, këngëtarja Kacey Musgraves, regjisorja Ava DuVernay dhe modelja Chrissy Teigen janë bashkuar me valën e kritikave ndaj aksioneve të ICE-së.

Protestat kundër ICE-së shpërthyen fillimisht në Los Angeles fundjavën e kaluar dhe u përhapën shpejt në qytete të tjera si New York, Philadelphia, Chicago dhe më tej.

Aksionet e ICE-së dhe arrestimet e imigrantëve kanë ndezur tensione të forta, ndërsa Trump ka hyrë në konflikt të drejtpërdrejtë me autoritetet e Kalifornisë, përfshirë guvernatorin Gavin Newsom dhe kryetaren e Bashkisë së Los Angelesit, Karen Bass, për vendimin e tij për të dërguar Gardën Kombëtare dhe trupat e Marinës për të qetësuar protestat.

Trump ka përmendur nenin 10 të Kodit të Shërbimeve të Armatosura të SHBA-së, i cili i jep presidentit autoritetin për të vendosur trupa në rast “pushtimi apo rreziku nga ndonjë rebelim kundër autoritetit të qeverisë së Shteteve të Bashkuara”.

“Ky është një president që nuk do të jetë i lidhur as nga ligji, as nga Kushtetuta, duke vazhduar një sulm të bashkërenduar ndaj traditave amerikane”, ka thënë Guvernatori Newsmon përmes një deklarate televizive, duke e kundërshtuar ashpër këtë veprim.

Ndërkohë, Khaby Lame, krijuesi i përmbajtjeve, i cili është më i ndjekuri në TikTok, u ndalua nga autoritetet e imigracionit në Las Vegas të premten, konfirmoi Departamenti i Sigurisë Kombëtare për Forbes.

Lame, 25 vjeç, i lindur në Senegal dhe i rritur në Itali, është shtetas italian. Sipas DHS, atij iu dha mundësia të largohej vullnetarisht nga SHBA dhe ai zgjodhi ta bëjë këtë.

Vendndodhja e saktë e Lame nuk dihet, por të mërkurën në mëngjes ai kishte postuar disa video nga São Paulo, Brazil. Lame ka mbi 162 milionë ndjekës në TikTok dhe renditet ndër 10 krijuesit më të paguar në vitin 2024, me të ardhura mbi 20 milionë dollarë, sipas vlerësimeve të Forbes.

Ndërkohë, Bo Loudon, një influencues pro-Trump dhe mik i djalit të presidentit, Barron Trump, ka pohuar në platformën X se kishte raportuar Lame tek autoritetet si “imigrant i paligjshëm”.

Related Topics:
Continue Reading

Magazinë

Bryan Larkin tregon përvojën e rëndë gjatë xhirimeve të “Jailbroken”

Published

10 hours ago

on

March 9, 2026

By

Aktori skocez Bryan Larkin thotë se përvoja intensive gjatë xhirimeve të filmit të tij më të ri nuk është diçka që do të dëshironte ta përjetonte në jetën reale.
Filmi i ri Jailbroken është xhiruar tërësisht brenda një qelie burgu. Larkin thotë se presioni psikologjik i këtij projekti e bën atë “ndoshta filmin më të mirë kundër burgut që mund të ekzistojë”.
Aktori 52-vjeçar, i rritur në East Kilbride në Scotland, luan rolin e Joe-s, një i burgosur i dhunshëm i cili, vetëm pak ditë para lirimit nga burgu, merr një telefonatë tronditëse ku mëson se ish-bashkëshortja dhe djali i tij janë rrëmbyer.
I armatosur vetëm me një telefon të kontrabanduar në qeli, ai futet në një garë me kohën për t’i shpëtuar, ndërsa është ende i mbyllur brenda burgut.
Filmi pati premierën botërore në Glasgow Film Festival të enjten në mbrëmje.
Në film luan edhe aktori veteran skocez David Hayman, i cili interpreton rolin e një gardiani burgu sadist.
Megjithatë, Larkin thotë se synimi i tij ishte të tregonte edhe anën njerëzore të personazhit.
“Do të shihni një njeri të dhunshëm dhe toksik,” tha ai. “Por edhe njerëzit më të prishur kanë diçka që e duan.”
Në rastin e Joe-s, motivimi i tij është të shpëtojë “një djalë që nuk ka asnjë kujtim për të”.
Për t’u futur në rol, Larkin punoi me regjisorin Vasily Chuprina dhe skenaristin Raymond Friel për tre muaj para fillimit të xhirimeve.
Së bashku ata u përpoqën të theksonin dobësitë e fshehura të personazhit Joe.
Por sapo nisën xhirimet, realiteti i setit të ngushtë filloi të ndikonte në gjendjen psikologjike të aktorit.
“Ka pasur momente kur ndihesha sikur ajo qeli ishte shtëpia ime,” tha Larkin.
Ai pranon se hapësira e mbyllur e bëri të vështirë të dilte nga karakteri, duke e bërë të ndihej territorial ndaj kujtdo që hynte në set.
Duke e vendosur publikun brenda një qelie me një njeri të dëshpëruar, filmi përpiqet të zhveshë aksionin tradicional dhe të fokusohet te psikologjia njerëzore dhe pasojat e një jete kriminale.
Larkin shpreson që udhëtimi i rëndë emocional i filmit të lërë një ndikim të fortë tek shikuesit.
“Nëse po mendon të bësh diçka që mund të të çojë në burg, shiko ‘Jailbroken’ para se ta bësh,” paralajmëroi ai.
Marrë dhe përshtatur nga BBC

Continue Reading

Magazinë

A po ndryshon Hollywood-i? Aktoret mbi 60 vjeç po fitojnë gjithnjë e më shumë Oscar

Published

11 hours ago

on

March 9, 2026

By

Tradicionalisht, Academy Awards kanë favorizuar aktoret më të reja por statistikat tregojnë se kjo po ndryshon gradualisht. Pyetja që shtrohet është nëse diskriminimi ndaj moshës për gratë në industrinë e filmit po zbehet.
Kur Michelle Yeoh fitoi çmimin Aktorja më e mirë për filmin Everything Everywhere All at Once në vitin 2023, në moshën 60-vjeçare, ajo dha një mesazh të fuqishëm.
“Zonja, mos lejoni askënd t’ju thotë se keni kaluar kulmin tuaj. Mos u dorëzoni kurrë,” tha ajo gjatë fjalimit të saj.
Deklarata e saj reflekton një realitet të gjatë në Hollywood vetëm shtatë gra mbi 60 vjeç kanë fituar ndonjëherë Oscar për aktoren më të mirë. Vetëm një fituese ka qenë mbi 80 vjeç Jessica Tandy dhe vetëm një tjetër mbi 70 vjeç – Katharine Hepburn.
Historikisht, votuesit e Akademisë kanë preferuar aktoret në të 20-at dhe 30-at e tyre.
Për shembull, vetëm një aktor mashkull ka fituar Oscar për aktorin më të mirë nën moshën 30 vjeç -Adrien Brody – ndërsa 32 aktore e kanë fituar këtë çmim në të njëjtën moshë.
Yjet e epokës së artë të Hollywood-it, si Bette Davis, Ingrid Bergman dhe Vivien Leigh, fituan Oscar në të 20-at e tyre.
Megjithatë, sipas analizës së BBC-së, mosha mesatare e të nominuarave për aktoren më të mirë është rritur vazhdimisht:                  
27 vjeç në vitet 1940
37 vjeç në vitet 1970
40 vjeç në vitet 2000
47 vjeç në vitet 2020
Sipas studiueses Stacy L Smith nga USC Annenberg Inclusion Initiative, filmat “prestigjiozë” që synojnë çmime tani u japin aktoreve një karrierë më të gjatë.
“Dikur bëja shaka se për të punuar si aktore e moshuar në Hollywood duhej të quheshe Judi, Maggie ose Meryl,” thotë ajo, duke iu referuar yjeve si Judi Dench, Maggie Smith dhe Meryl Streep.
“Sot kjo nuk është më e vërtetë.”
Sipas Elizabeth Kaiden nga The Writers Lab, tani po krijohen më shumë filma të ndërtuar posaçërisht për aktore me përvojë.
“Po shohim gjithnjë e më shumë histori për gra komplekse me përvojë jete,” thotë ajo.
Një faktor tjetër i rëndësishëm është rritja e numrit të grave regjisore. Në vitet e fundit, regjisore si Chloé Zhao dhe Jane Campion kanë fituar Oscar për regji.
Filmi Nomadland i Zhao-s kishte në rol kryesor Frances McDormand në të 60-at e saj.
Ndërsa regjisorja franceze Justine Triet fitoi Oscar për skenarin e filmit Anatomy of a Fall, ku luante aktorja gjermane Sandra Hüller.
Edhe filmi The Substance i regjisores Coralie Fargeat kishte në rol kryesor Demi Moore.
Ekspertët thonë se prania më e madhe e grave pas kamerës  si regjisore dhe skenariste ka rritur numrin e roleve për gra mbi 40 vjeç.
Kjo po e ndryshon gradualisht industrinë e filmit dhe mund të jetë një shenjë se diskriminimi ndaj moshës për aktoret në Hollywood po dobësohet, edhe pse ende nuk është zhdukur plotësisht.
 Marrë dhe përshtatur nga BBC

Continue Reading

Magazinë

Të shtëna me armë drejt shtëpisë së Rihanna-s në Beverly Hills, arrestohet një grua

Published

12 hours ago

on

March 9, 2026

By

Shtëpia në Beverly Hills e superyllit të muzikës pop, Rihanna, është qëlluar me armë zjarri, kanë bërë të ditur autoritetet.
Oficerët e Los Angeles Police Department reaguan ndaj raportimeve për të shtëna rreth orës 13:15 me kohën lokale të dielën. Një e dyshuar është gjetur dhe është marrë në paraburgim.
Një zyrtar policor i tha partnerit amerikan të BBC-së, CBS News, se shtëpia e shënjestruar i përkiste Rihanna-s dhe se në vendngjarje u gjetën gëzhoja të një arme automatike.
Sipas policisë, askush nuk u lëndua nga incidenti. Një burim i zbatimit të ligjit i tha Los Angeles Times se këngëtarja ndodhej brenda në rezidencë në momentin kur ndodhën të shtënat.
Autoritetet thonë se e dyshuara, një grua rreth të 30-ave, u ndal me makinë jashtë shtëpisë dhe qëlloi shtatë herë para se të largohej me shpejtësi nga vendi i ngjarjes.
Makina e saj u gjet rreth 12 km larg nga shtëpia e artistes, ku edhe u arrestua. Identiteti i saj ende nuk është bërë publik.
BBC ka kontaktuar përfaqësuesit e Rihanna-s për një koment zyrtar lidhur me incidentin.
Marrë dhe përshtatur nga BBC

Continue Reading

Magazinë

11 projekte arkitekturore që do të formësojnë botën në 2026

Published

3 days ago

on

March 6, 2026

By

Për arkitekturën amerikane, viti 2025 mund të mbahet mend për vdekjet e ikonave Frank Gehry, Robert A. M. Stern dhe Ricardo Scofidio, mjeshtër i High Line në Nju Jork. Më e mundshme, megjithatë, është që ai të mbahet mend si një vit i dominuar nga Donald Trump preferenca e tij për klasikën dhe përçmimi i brutalizmit; shembja e kontestuar e Krahut Lindor të Shtëpisë së Bardhë, përplasjet e tij me projektuesin e sallës së balove që e zëvendësonte atë, dhe vendimi i administratës së tij për të përjashtuar arkitekturën nga lista e gradave “profesionale”.

Shumë nga këto çështje kanë vënë presidencën në konflikt të drejtpërdrejtë me organizatën më të madhe profesionale të industrisë, American Institute of Architects (AIA). Nuk është për t’u habitur që, përballë kërcënimit të një vështrimi të brendshëm kombëtar, organizata njoftoi se do t’i japë Medaljen e Artë të AIA-së këtë vit një jo-amerikani, Shigeru Ban nga Japonia, për herë të parë në këtë dekadë.

Në nivel global, ka pasur shumë arsye për festë. Liu Jiakun nga Kina fitoi Çmimin Pritzker, i quajtur “Nobel i arkitekturës”, për ndërtesat e tij të thjeshta akademike dhe kulturore. Një zhvillim i banesave sociale në Londër dhe një kishë betoni e thjeshtë në Ishujt Kanarie të Spanjës, ndërkohë, fituan dy nga çmimet më të mëdha të profesionit, duke mundur konkurencën më të shfaqur.

Por viti 2026 mund të formësohet nga ndërtesa më të mëdha dhe “blockbuster”. Mes tyre janë muze të pritur prej kohësh, qiellgërvishtëse rekord dhe një bazilikë katolike që po ndërtohet për gati 150 vjet. Ja 11 projekte arkitekturore në SHBA dhe jashtë saj ,që pritet të jenë më të diskutuarat e vitit:

Sagrada Familia, Barcelonë, Spanjë

Rreth 144 vjet pas fillimit të saj, projekti më i gjatë ndërtimor në botë po i afrohet përfundimit. Pjesa më komplekse, skulpturat, detajet dekorative dhe shkallët kryesore mund të zgjasin deri në vitet 2030, por këtë vit pritet të përfundojë Kulla e Jezusit të Krishtit, 564 këmbë e lartë, spira e 18-të dhe finale e bazilikës (17 të tjera i dedikohen 12 apostujve, katër Ungjillorëve dhe Virgjëreshës Mari).

Kompleksiteti i dizajnit të Antoni Gaudì, një përzierje surreale e Gotikës, Art Nouveau dhe formave të frymëzuara nga natyra, shpjegon pjesërisht kohëzgjatjen e jashtëzakonshme të ndërtimit. Por mungesa e fondeve, burokracia dhe pandemia Covid-19 gjithashtu kontribuan. Një sfidë tjetër ishte shkatërrimi i vizatimeve dhe modeleve të Gaudì në vitin 1936 gjatë Luftës Civile Spanjolle. A do të miratonte Gaudì formën përfundimtare? Nuk do të dihet kurrë, por siç ai dikur tha: “Klienti im nuk ka nxitim”, duke iu referuar Zotit.

520 Fifth Avenue, Nju Jork, SHBA

Shijet e Nju Jorkut në qiellgërvishtëse po ndryshojnë. Epoka e fasadave të qelqit po lë vend për kullat më madhështore që kujtojnë të kaluarën arkitekturore amerikane. Kulla 520 Fifth Avenue, 1,002 këmbë e lartë, i referohet stilit Beaux-Arts të epokës së Gilded Age, me harqe terrakote dhe ritmin e fasadës i frymëzuar nga pallatet historike përreth.

Arkitektët nga Kohn Pedersen Fox (KPF) kanë marrë frymëzim nga Grand Central Terminal, New York Public Library dhe ilustrimet e Hugh Ferriss, që ndihmuan në krijimin e qytetit të Gotham-it të Batman-it.

 Fshati Olimpik Dimëror, Milano, Itali

Për disa javë në shkurt, një zonë 11.5 akra në jug-lindje të Milanos do të presë mijëra atletë të Lojërave Olimpike Dimërore 2026. Arkitektët nga Skidmore, Owings & Merrill (SOM) kanë projektuar një fshat olimpik që mund të konvertohet shpejt në një rezidencë studentore 1,700 shtrimesh pas mbylljes së lojërave. Projekti përfshin edhe restaurimin e dy ndërtesave historike në vendin e ish-depozitave hekurudhore.

Guggenheim Abu Dhabi, Abu Dhabi, Emiratet e Bashkuara Arabe

Pas vdekjes së Frank Gehry, hapja e Guggenheim Abu Dhabi merr kuptim të ri. Me forma të pjerrëta dhe të luajtshme, projekti shfaq stilin karakteristik të Gehry-t dhe frymëzimin nga barjeel (kullat e erës tradicionale në Lindjen e Mesme). Hapja zyrtare pritet të njoftohet më vonë, sipas një zëdhënësi të Guggenheim.

Tour F, Abidjan, Bregu i Fildishtë

Afrika do të presë ndërtesën më të lartë, Tour F, 1,381 këmbë e lartë. Kulla 64-katëshe e projektuar nga arkitekti libanez-ivorian Pierre Fakhoury do të tejkalojë rekordin e tanishëm, Iconic Tower në Egjipt, duke shërbyer gjithashtu si simbol stabiliteti ekonomik dhe investimi për Bregun e Fildishtë.

Shanghai Grand Opera House, Shanghai, Kinë

Arkitektët nga Snøhetta kanë ndërtuar një sallë operash me një shkallë spirale që lidh vizitorët me një shesh publik në çati. Operaja do të ofrojë performanca operistike si në traditat perëndimore ashtu edhe kineze.

Obama Presidential Center, Chicago, SHBA

Qendra për Barack Obama përfshin një kullë 225 këmbë të lartë (e njohur si “Obamalisk”), kopshte frutore, një shteg wetland dhe degë të bibliotekës publike të Chicago-s. Kulla simbolizon katër duar që bashkohen, dhe fasada përfshin fjalime të Obamës mbi të drejtat civile.

Central Bank of Iraq, Baghdad, Irak

Kjo është ndërtimi i vetëm i realizuar në Bagdad nga arkitektja e ndjerë Zaha Hadid, me një fasadë që shpaloset si fluturore shampanje, duke u shtuar në horizontin kryesisht të ulët të qytetit. Projekti simbolizon kthimin dhe stabilitetin e institucioneve financiare pas periudhave të trazirave.

Lucas Museum of Narrative Art, Los Angeles, SHBA

Muzeu i George Lucas, i kushtuar artit narrativ, hapet në Shtator. Projektuar nga arkitekti kinez Ma Yansong, ndërtesa ka formë të harkuar që duket se leviton mbi tokë dhe ofron mbi 100,000 sq ft hapësirë ekspozimi.

Melbourne Metro Tunnel, Melbourne, Australi

Rrjeti i ri hekurudhor përmban dy tunele paralelë 5.6 milje, shtrihet deri në 130 këmbë thellësi dhe përfshin pesë stacione të reja. Projekti kushton 13.48 miliardë dollarë australianë dhe shënon rregullimin më të madh të rrjetit urban në 40 vjet.

OPPO Chang An R&D Center, Dongguan, Kinë

Prodhuesi i telefonëve Oppo ka ndërtuar një qendër të madhe kërkimore dhe zhvillimi në Dongguan, me 10 ndërtesa, të përfshira në një kampus të lidhur dhe të përqendruar rreth konceptit të rrethit dhe ndërveprimit, duke ofruar shërbime për 6,000 punonjës.

Në vitin 2026, këto projekte pritet të jenë ndër më të diskutuarat dhe më ndikueset në botën e arkitekturës globale, duke kombinuar historinë, teknologjinë dhe vizionin artistik në mënyra të jashtëzakonshme.

 

Continue Reading

Të kërkuara