Lajmet

​Xhaferi: Me zvarritjen e procesit drejt BE-së nxiten proceset retrograde

Sipas tij, miratimi i ndryshimeve kushtetuese do të mundësojë hapjen e kapitujve të negociatave.

Published

on

Kryetari i Kuvendit të Maqedonisë së Veriut, Talat Xhaferi, tha se është koha e duhur që të gjitha partitë politike që në programet e tyre mbrojnë integrimet evropiane, ta demonstrojnë këtë përkushtim edhe në veprim.

Sipas tij, miratimi i ndryshimeve kushtetuese do të mundësojë hapjen e kapitujve të negociatave dhe kjo do të sjellë ritëm të përshpejtuar të reformave.

“Besoj se vonesa e mëtejshme e procesit të anëtarësimit mund të vërë në pikëpyetje reputacionin e Bashkimit si partner i besueshëm dhe vendimin e tij kryesor gjeopolitik. Ai lë hapësirë për shfaqjen e proceseve nacionaliste dhe retrograde dhe inkurajimin e palëve të treta për të forcuar interesin e tyre në rajon”, tha Talat Xhaferi, kryetar i Kuvendit.

Zëvendëskryeministri për Çështje Evropiane, Bojan Mariçiq, thekson se procesi i zgjerimit është çështje gjeostrategjike. Ai informoi se procesi i shqyrtimit është në fazën përfundimtare dhe shtoi se po bëhen përpjekje që vendi të hapë kapitullin e parë të negociatave deri në fund të dhjetorit të këtij viti.

“Besoj se nuk ka pengesa të pakapërcyeshme. Jam i bindur se Kuvendi dhe deputetët do të jenë në lartësinë e detyrës dhe do të zhvillojnë një dialog konstruktiv, me të cilin do të përmbushim shpejt dhe me efikasitet detyrimet tona dhe do t’i kapërcejmë sfidat, të gjitha sfidat që lidhen me çështjet e vështira politike, por edhe me politikat konkrete të gjyqësorit, luftën kundër korrupsionit, shtetin e së drejtës”, u shpreh Bojan Mariçiq, zëvendëskryeministër për Çështje Evropiane.

Përfaqësuesit e Asamblesë Parlamentare të Këshillit të Evropës thanë se tashmë ka dinamikë të re dhe vëmendje të madhe ndaj procesit të zgjerimit me vendet e Ballkanit Perëndimor.

Disa prej tyre ndanë se Brukseli e sheh zgjerimin si investim gjeostrategjik në paqe, siguri dhe progres.

“Mendoj se është shumë e rëndësishme që vendet e rajonit, të Ballkanit Perëndimor të kuptojnë rëndësinë e kësaj mundësie që është krijuar me dinamikën e re dhe klimën e re politike në Evropë”, theksoi Zolt Nemeth nga Asambleja Parlamentare e Këshillit të Evropës.

Këto qëndrime u thanë në Konferencën e Dialogut Ndërparlamentar për Promovimin e Integrimit Evropian në Ballkanin Perëndimor, organizuar bashkërisht nga Kuvendi dhe Asambleja Parlamentare e Këshillit të Evropës./Alsat.mk/

Lajmet

Rama: Refuzimi për ta çuar PZHK-në në shqyrtim publik mohon të drejtën e qytetarëve

Published

on

By

Kryetari i Prishtinës, Përparim Rama, ka paralajmëruar se mosvotimi i nxjerrjes në shqyrtim publik të Planit Zhvillimor Komunal (PZHK) përbën një mohim të së drejtës së qytetarëve për pjesëmarrje në vendimmarrje.

“Sot votohet për transparencë të plotë”, deklaroi Rama, duke theksuar se votimi nuk është për miratim të planit, por për ta bërë dokumentin publik dhe të hapur për koment nga qytetarët.

Sipas tij, pas një viti e gjysmë bllokimesh, procesi po vazhdon të pengohet nga ata që nuk duan transparencë dhe përfshirje qytetare.

Ndërkohë, opozita kryesore në Prishtinë, Lëvizja Vetëvendosje, ka njoftuar se nuk do të marrë pjesë në seancën e sotme, duke e cilësuar planin si të paligjshëm.

Continue Reading

Lajmet

Murati: Kosova me rritjen më të shpejtë ekonomike në Evropë në vitin 2025

Published

on

By

Ministri në detyrë i Financave, Hekuran Murati, ka deklaruar se Kosova pritet të ketë rritjen ekonomike më të shpejtë në Evropë gjatë vitit 2025, sipas parashikimeve të Fondit Monetar Ndërkombëtar (FMN).

Përmes një postimi në Facebook, sipas Muratit kjo rritje është rezultat i reformave të ndërmarra gjatë katër viteve të fundit, të cilat janë vlerësuar pozitivisht nga Banka Botërore dhe FMN-ja.

Ai përmendi takimet e fundit me zëvendëspresidentin e Bankës Botërore, Akihiko Nishio, dhe me misionin e FMN-së të udhëhequr nga David Amaglobelli, gjatë të cilave Kosova është përgëzuar për performancën ekonomike dhe maturinë fiskale.

“Rezultatet e punës së mirë 4-vjeçare mund të mos shihen menjëherë, por sigurisht që herët a vonë do të vërehen”, ka shkruar Murati, duke shtuar se megjithatë ka ende shumë punë për të bërë.

Continue Reading

Lajmet

Avokati i familjes Lika: Të përmbahemi nga hamendjet, drejtësia s’duhet të ndikohet

Published

on

By

Avokati Arianit Koci, i angazhuar nga familja e rreshterit të ndjerë Muhamet Lika, i ka bërë thirrje publikut dhe mediave që të shmangin komentet e pabazuara lidhur me rastin e vrasjes së pjesëtarit të Policisë së Kosovës në Kaçanik.

Në një deklaratë publike, Koci theksoi se deri në këtë fazë të hetimeve nuk ka asnjë cilësim zyrtar që e ndërlidh rastin me terrorizmin apo ndonjë grup me motive religjioze.

“Drejtësia nuk lejohet të ngatërrohet me hamendje. As Policia e as Prokuroria nuk kanë konstatuar ndonjë lidhje me ndonjë grup terrorist”, u shpreh ai.

Avokati shtoi se nëse gjatë hetimeve dalin të dhëna të reja, opinioni publik do të njoftohet zyrtarisht. Ai e cilësoi vrasjen si një akt makabër dhe tha se autorët do të përballen me drejtësinë.

Continue Reading

Lajmet

86 aksidente trafiku dhe mbi 2 mijë gjoba në 24 orët e fundit

Published

on

By

Policia e Kosovës ka raportuar se brenda 24 orëve të fundit janë regjistruar gjithsej 86 aksidente trafiku. Nga to, një ka rezultuar me fatalitet, 25 me lëndime trupore dhe 61 me dëme materiale.

Gjatë kësaj periudhe, janë shqiptuar gjithsej 2,241 gjoba për shkelje të rregullave në komunikacion.

Po ashtu, policia ka arrestuar 26 persona, ndërsa 15 janë dërguar në mbajtje.

Continue Reading

Të kërkuara