

Lajmet
WSJ: Abramovich dhe negociatorët ukrainas dyshohet se mund të jenë helmuar
Kjo sipas gazetës Wall Street Journal dhe asaj investigative Bellingcat.
Published
3 years agoon
By
UBT newsMiliarderi rus Roman Abramovich dhe disa nga negociatorët ukrainas të paqes pësuan simptoma të helmimit të dyshuar në fillim të këtij muaji pas një takimi në Kiev, raportuan të hënën Wall Street Journal dhe gazeta investigative Bellingcat, duke cituar njerëz të njohur me çështjen.
Abramovich, i cili pranoi një kërkesë të Ukrainës për të ndihmuar në negocimin për të përfunduar pushtimin rus të Ukrainës dhe të paktën dy anëtarë të lartë të ekipit ukrainas u prekën, thuhet në raportin e WSJ.
Zyrtarët ukrainas mohuan të dhënat e raportit. I pyetur për helmimin e dyshuar, negociatori ukrainas Mykhailo Podolyak tha se “ka shumë spekulime, teori të ndryshme konspirative”. Rustem Umerov, një tjetër anëtar i ekipit negociator, u bëri thirrje njerëzve të mos i besojnë “informacioneve të paverifikuara”.
Ministri i Jashtëm ukrainas, Dmytro Kuleba, më vonë mbajti një qëndrim të ngjashëm, duke thënë në një intervistë në televizionin kombëtar se “të gjithë janë të etur për lajme dhe sensacione”. Megjithatë, ai shtoi gjithashtu me hidhërim, “Unë këshilloj këdo që shkon për negociata me Rusinë të mos hajë ose pijë asgjë, (dhe) mundësisht të shmangë prekjen e sipërfaqeve”.
Një zyrtar amerikan tha se inteligjenca sugjeroi një arsye “mjedisore” për “sëmundjen” e Abramovich dhe negociatorëve, “p.sh., jo helmim”. Zyrtari foli në kushte anonimiteti dhe nuk dha më shumë detaje.
Sipas raportit të WSJ, Abramovich dhe negociatorët shfaqën simptoma që përfshinin skuqje të syve, lot të vazhdueshëm dhe lëkurë e qëruar në fytyrat dhe duart e tyre.
Abramovich dhe negociatorët ukrainas, përfshirë ligjvënësin Umerov, janë përmirësuar që atëherë dhe jeta e tyre nuk është në rrezik, raportoi WSJ.
Një person i njohur me çështjen e konfirmoi incidentin për Reuters, por tha se Abramovich nuk e kishte lejuar këtë që ta ndalonte atë të punonte.
Bellingcat tha se ekspertët që ekzaminuan incidentin arritën në përfundimin se “helmimi me një armë kimike të papërcaktuar” ishte shkaku më i mundshëm.
Duke cituar ekspertët, Bellingcat tha se doza dhe lloji i toksinës së përdorur nuk ishte i mjaftueshëm për të qenë kërcënues për jetën, “dhe me shumë kishte gjasa për qëllim të trembte viktimat në vend që të shkaktonte dëme të përhershme. Viktimat thanë se nuk ishin në dijeni se kush mund të kishte kishte interes për një sulm”.
Tre burrat që përjetuan simptomat kishin konsumuar vetëm ujë dhe çokollatë në orët e para, tha Bellingcat. Një anëtar i katërt i ekipit, i cili gjithashtu konsumoi këto artikuj, nuk pati simptoma, sipas tyre.
Forcat ruse pushtuan Ukrainën më 24 shkurt në atë që Presidenti Vladimir Putin e quan një “operacion special ushtarak” për çmilitarizimin dhe denazifikimin e Ukrainës. Ukraina dhe Perëndimi thonë se Putini filloi një luftë të paprovokuar agresioni.
Kremlini ka thënë se Abramovich ka luajtur një rol të hershëm në bisedimet e paqes midis Rusisë dhe Ukrainës, por procesi tani ishte në duart e ekipeve negociuese të të dy palëve. Të dy palët do të takohen sot në Stamboll për bisedimet e para ballë për ballë të paqes në më shumë se dy javë.
Perëndimi ka vendosur sanksione të rënda ndaj miliarderëve rusë si Abramovich, kompanive ruse dhe zyrtarëve rusë, në një përpjekje për të detyruar Putinin të tërhiqet nga Ukraina./UBTNews/

Kryetari i Lëvizjes Vetëvendosje (LVV), njëherësh kryeministër në detyrë i Kosovës, Albin Kurti, i ka shkruar një letër kreut të Lidhjes Demokratike të Kosovës (LDK), më 5 maj, përmes së cilës e ka ftuar për marrëveshje politike mes dy partive.
Kurti e ka ftuar Lumir Abdixhikun që LVV-ja dhe LDK-ja të bëjnë koalicion qeverisës, i cili do t’i hapte rrugë zhbllokimit të Kuvendit të Kosovës dhe formimit të Qeverisë së re të Kosovës.
Letra, të cilën Radio Evropa e Lirë e ka siguruar, u bë publike pas dështimit të përpjekjes së njëmbëdhjetë për konstituimin e Kuvendit.
Disa orë pas dërgimit të letrës nga Kurti, Abdixhiku ka thënë se partia e tij do t’i përgjigjet asaj zyrtarisht.
Duke folur para gazetarëve, ai ka thënë se letrën nuk e ka parë ende, por se do të kthejë përgjigje “me kohë”.
Ai i ka kërkuar anëtarëve të partisë së tij që “gjendjen e tanishme ta trajtojnë pa arrogancë shumë”.
Në letrën e tij, Kurti ka shkruar se është “i interesuar dhe i vullnetshëm për marrëveshje politike me LDK-në”.
Kurti i ka thënë Abdixhikut se “koalicionet bëhen pikërisht ndërmjet atyre që kanë dallime”, teksa ka shkruar se ka bindjen që “votuesit e LDK-së sot e preferojnë më së shumti koalicionin me LVV”.
“Edhe votuesit e LVV e preferojnë po ashtu më së shumti koalicionin me LDK. Pse të mos e bëjmë“, është shprehur Kurti në letrën drejtuar Abdixhikut.
Kreu i LVV-së, në letër, nuk e ka përjashtuar as gatishmërinë e partisë së tij për shkuarje në zgjedhje të reja, por ka thënë se edhe ato do të çonin drejt një koalicioni mes LVV-së dhe LDK-së.
“Pse ta bëjmë atëherë më vonë, kur mund ta bëjmë tash?“, e ka pyetur Kurti, Abdxhikun.
Sociologu dhe analisti politik nga Prishtina, Artan Muhaxhiri, tha në një intervistë për Radion Evropa e Lirë se mënyra e formulimit të letrës së kreut të Lëvizjes Vetëvendosje (LVV), Albin Kurti, drejtuar Lidhjes Demokratike të Kosovës (LDK), “është jashtëzakonisht dinake”.
Sipas tij, kjo letër është më shumë një veprim formal, me synimin për të përmirësuar imazhin bashkëpunues në opinionin publik, sesa që ka një peshë reale dhe konkrete./REL/
Lajmet
Arsyeja e vërtetë pse “Spice Girls” u ribashkuan pa Victoria Beckham
Published
20 hours agoon
May 5, 2025
Victoria Beckham u shfaq për herë të fundit si pjesë e “Spice Girls”, në skenën e ceremonisë së mbylljes së Lojërave Olimpike të Londrës, në vitin 2012. Që nga ajo kohë dëshira më e madhe e të gjithëve ka qenë të shohin sërish grupin të performojë së bashku.
Nga ana tjetër, duket se edhe vetë vajzat e grupit muzikor duan të ribashkohen e madje kanë bërë përpjekje për t’u shfaqur në skenë, ndërsa grupi punon shumë për të organizuar një tjetër turne ribashkimi, ende mungon një emër në program: Victoria Beckham, ajo që konsiderohet më e famshmja.
Cila është arsyeja që ajo u la jashtë projektit aktual të grupit, i cili shpreson të korr sukses me një seri koncertesh anembanë botës vitin e ardhshëm?
“Arsyeja mund të përmblidhet në dy fjalë të thjeshta: Simon Fuller”, raporton Daily Mail.
Pas dekadash tensioni dhe armiqësie, katër anëtaret e tjera të “Spice Girls”. Mel B, Mel C, Geri Horner dhe Emma Bunton, po punojnë me ish-menaxherin Simon Fuller, 64 vjeç. I gjithë organizimi po bëhet me shpresën se katërshja do të jetë në gjendje të nisë turne fitimprurës që shënon 30-vjetorin e këngës së tyre debutuese të vitit 1996, “Wannabe”, vitin e ardhshëm.
Ndërsa pjesa tjetër ia ka dalë t’i lërë pas mosmarrëveshjet, Victoria dhe bashkëshorti, David Beckham, mbajnë ende mëri me menaxherin e grupit muzikor. Në fakt, marrëdhëniet midis tyre u përkeqësuan aq shumë sa dyshja ndërprenë kontratat me “Simon’s XIX Entertainment” në vitin 2018.
“Bashkëpunimi i Spice Girls me Fuller do të thotë se nuk ka absolutisht asnjë shans që Victoria të jetë e përfshirë”, tha një burim pranë grupit.
Prishja e partneritetit Beckham-Fuller
Më 2018 ishte e qartë (dhe ndodhi) se David Beckham dhe menaxheri Fuller ndaheshin, pas 15 vitesh bashkëpunimi, vazhdon raporti. David dhe Victoria shpenzuan 38 milionë paund për të blerë 33% të aksioneve të Fuller në bizneset e futbollistit për të fituar kontrollin e plotë të “Beckham Brand Holdings”.
Burimet pohuan në atë kohë se kishte probleme midis tyre, gjë e cila solli dhe fundin e partneritetit.
Victoria ndoqi shembullin e bashkëshortit dhe i dha fund bashkëpunimit me Fuller në gusht 2019. Ai ende zotëron aksione në kompaninë e saj të modës, por marrëdhënia e ngushtë që kishte me familjen Beckham nuk ekziston më. Në fakt, thuhet se dyshja zgjodhën menaxherin e Justin Bieber dhe Ariana Grande-s, Scooter Braun, kur djali i tyre Cruz donte të bëhej yll i muzikës pop, duke e refuzuar Fuller-in pavarësisht karrierës së tij të shkëlqyer.
Pra, pavarësisht përpjekjeve, Victoria nuk do të jetë pjesë e turneut, si pasojë e konflikteve me menaxherin e grupit muzikor “Spice Girls”.
Lajmet
Deputetët mblidhen për të njëmbëdhjetën herë për konstituimin e Kuvendit
Published
21 hours agoon
May 5, 2025By
UBTnews
Deputetët e Kuvendit të Kosovës mblidhen sot në përpjekjen e njëmbëdhjetë për ta konstituar përbërjen e re të dalë nga zgjedhjet parlamentare të shkurtit.
Deri më tani, deputetët kanë kaluar vetëm dy pika të agjendës së seancës konstituive: raportin e Komisionit të përkohshëm për verifikimin e mandateve dhe atë të betimit të deputetëve.
Por, procesi ka ngecur te pika e tretë: zgjedhja e kryeparlamentarit.
Propozimi për kryeparlamentar është e drejtë ekskluzive e fitueses së zgjedhjeve, Lëvizjes Vetëvendosje (LVV), por në gjashtë votime, kandidatja e saj, Albulena Haxhiu, nuk ka arritur t’i marrë votat e nevojshme, përkatësisht 61.
Më 3 maj, deputetët, për të dytën herë me radhë, refuzuan që të formohet një komision për votim të fshehtë për kreun e ri të organit ligjvënës, i cili u propozua nga kryesuesi i seancës konstituive, Avni Dehari, gjatë përpjekjes së nëntë për konstituim të Kuvendit.
Në vazhdimin e dhjetë të seancës konstituive, Partia Demokratike e Kosovës (PDK), Lidhja Demokratike e Kosovës (LDK), Aleanca për Ardhmërinë e Kosovës (AAK) dhe Lista Serbe refuzuan sërish që të propozojnë një përfaqësues që do të siguronte mbarëvajtjen e votimit të fshehtë.
Deputetë të partive që në legjislaturën e kaluar ishin në opozitë thanë se është jokushtetuese mënyra se si LVV-ja po tenton që kryeparlamentari të votohet përmes formës së fshehtë.
Para përpjekjes së nëntë për konstituimin e Kuvendit, më 1 maj, kreu i LVV-së, Albin Kurti, ftoi në takim udhëheqësit e PDK-së dhe të LDK-së.
Kreu i PDK-së, Memli Krasniqi, pranoi ftesën, por pas takimit ai nuk njoftoi për një ujdi se si të shkohet përpara.
Partitë që po kundërshtojnë emrin e Haxhiut për kryeparlamentare i kanë kërkuar LVV-së të ndryshojë propozimin për postin, në mënyrë që procesi të zhbllokohet./REL/
Lajmet
Krimet kundër njerëzimit nuk falen, përkujtohet masakra në Studime të Vushtrrisë
Published
4 days agoon
May 2, 2025By
UBTnews
Në 26-vjetorin e masakrës serbe në Studime të Vushtrrisë u kërkua drejtësi për 116 shqiptarët e vrarë më 2 maj 1999.
Në akademinë përkujtimore, të organizuar nga Komuna e Vushtrrisë, u kërkua edhe unitet politik.
Kryeministri në detyrë, Albin Kurti, tha se strategjia gjenocidale serbe përfshiu edhe fshatrat e Vushtrrisë ku mbeten të vrarë 116 civilë. Ai theksoi se vetëm me dënim për ata që kryen këtë masakër familjarët do të gjejnë prehje, dhe paqja do të jetë e qëndrueshme.
Kryetari i Vushtrrisë, Ferit Idrizi tha se masakra e 2 majit ka lënë gjurmë të mëdha e te pashlyeshme, ndërsa kriminelët serbë që kryen këtë masakër ende nuk janë dënuar.
Në këtë akademi përkujtimore i pranishëm ishte edhe kryetari i Aleancës për Ardhmërinë e Kosovës, Ramush Haradinaj i cili tha se i paharruar është kujtimi për të gjithë të rënët për liri.
Sokol Gjata, në emër të familjarëve, kërkoi që amaneti i martirëve dhe të rënëve për liri mos të harrohet në zyrat e shtetit.
26 vjet më parë, më 2 maj të vitit 1999, forcat serbe vranë dhe masakruan 116 civilë të pafajshëm shqiptarë. Këta të fundit u nxorën nga kolona e qindra njerëzve që kishin marrë rrugë për Shqipëri. Dëshmitarët kishin deklaruar se 116 civilët u pushkatuan brenda dy orëve.

Skype po mbyllet, çfarë ndodh me llogarinë dhe të dhënat e tua?

Ndikimi negativ i kafesë tek njerëzit me migrenë

Apple prezanton emoji të rinj me iOS 18.4

Izraeli synon ta sundojë tërë Rripin e Gazës për kohë të papërcaktuar, sipas zyrtarëve

Kurti fton LDK-në për koalicion me LVV-në

BE synon ndalimin e plotë të gazit rus deri në fund të 2027

Njerëzit e zgjuar zgjedhin vetminë për një arsye shumë interesante

Përfaqësuesi i Lady Gaga-s flet pas arrestimeve në Rio

Çka e shkakton pneunominë?
Të kërkuara
-
Lajmet nga UBT3 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet4 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT1 week ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT2 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim