Aktualitet

Vuçiq akuzohet për tradhti të madhe kombëtare në Ohër, i kërkohet dorëheqja

Dorëheqja është kërkuar nga lëvizja Otadžbina.

Publikuar

Një grup aktivistësh politikë nga Kosova i kanë kërkuar Aleksandar Vuciqit të jap dorëheqje nga pozita e presidentit të Serbisë për shkak të sic thanë, “tradhtisë së madhe kombëtare” që ai bëri në Ohër, të shtunën.

“Otadžbina”, lëvizja që tubon një grup politikanësh serbë që dikur kishin goxha pushtet në Kosovë, sidomos në veri, thanë se pranimi i planit evropian është heqje dorë e Vuciqit dhe pushtetit në Beograd, nga Kosova.

“Vuçiq pranoi të zbatohet në praktikë plani franko-gjerman, që në të vërtetë do të thotë se Serbia hoqi dorë nga krahina e saj jugore”, thuhet në një kumtesë të “Lëvizjes Popullore të Serbëve të Kosovës e Metohisë”. “Serbia pranoi tërësinë territorialë, pavarësinë dhe sovrantietin e të vetëshpallurës republikë e Kosovës e po ashtu u obligua ta njohë stemën, himnin, pasaportat dhe ta hap ambasadën e saj në Prishtinë, e separatistët në Beograd”.

Pos për tradhti të madhe kombëtare, “Otadžbina”, akuzoi Vuçqin edhe për gënjeshtra e mashtrim të serbëve në Serbi e në Kosovë.

“Aleksandar Vuciq hoqi dorë nga Kosova e Metohia dhe për t’i mashtruar qytetarët për këtë, ai flet për ‘Bashkësinë e Komunave serbe’, e cila në fakt e në përmbajtje, do të thotë hiq më shumë se një autonomi kulturore e serbëve në kuadër të Kosovës së pavarur”.

Ndër liderët kryesore të “Otadžbina” janë politikani i dikurshëm me shumë ndikim në veri të Kosovës, Marko Jakshiq dhe ish kryetari i Zubin Potokut, Slavisha Ristiq/Klankosova.tv/

Aktualitet

Safet Gjici dënohet me 2 vjet burgim për “shpërdorim detyre”

Gjykata ka ndryshuar akuzën ndaj Gjicit nga korrupsion në shpërdorim detyre.

Publikuar

nga

Ish-kryetari i bashkisë së Kukësit, Safet Gjici është dënuar me 3 vite burg, ndërsa nga gjykimi i shkurtuar dënimi i ulet në dy vite.

Gjykata ka ndryshuar akuzën ndaj Gjicit nga korrupsion në shpërdorim detyre. Ndërkohë për Alma Kaçin, gjykata ka dhënë dënimin me 1 vit burg, duke e shpallur fajtore atë për prostitucion.

Safet Gjici sipas SPAK ka përfituar favore seksuale nga Kaci, duke i premtuar kësaj të fundit një projekt për qentë, ndërsa kjo e fundit ja ka ofruar favoret, përderisa kryen marrëdhënie seksuale orale në zyrën e punës së kryebashkiakut.

Para shpalljes së vendimit, Safet Gjici kërkoi pafajësi, duke pretenduar se nuk ka shkelur asnjë ligj, ndërsa i përlotur i kërkoi falje familjes dhe qytetarëve të Kukësit. Ai akuzoi Abedin Orucin se e sulmoi që të zaptonte pronat e bashkisë.

“Unë kam marrë dënimin më të madh, është dënimi moral. Iu kërkoi falje familjarëve të mi dhe qytetarëve të Kukësit”, tha Gjici, i cili akuzoi Oruçin se i publikoi videon intime.

Vazhdo të lexosh

Aktualitet

​Haxhiu kujton dëshmoren Elfete Humolli në 34-vjetorin e rënies: Ishte mishërim i ëndrrës për liri

Haxhiu tha se Elfete Humolli ishte mishërimi i të rinjve e të rejave të viteve ‘90 që ishin rritur me ëndrrën për lirinë e atdheut.

Publikuar

nga

Ministrja e Drejtësisë, Albulena Haxhiu, ka përkujtuar dëshmoren Elfete Humolli në 34-vjetorin e rënies së saj, përderisa po protestonte për shkak të pozitës së vështirë të shqiptarëve në ish-Jugosllavi.

Në llogarinë e saj në Facebook, Haxhiu tha se Elfete Humolli ishte mishërimi i të rinjve e të rejave të viteve ‘90 që ishin rritur me ëndrrën për lirinë e atdheut.

“Ishte vetëm 16 vjet kur u vra në fshatin e saj të lindjes, nga forcat agresore serbe. Ajo ishte pjesëmarrëse në shumë demostrata e protesta për të shprehur vullnetin e saj për lirinë e Kosovës dhe kundër Serbisë pushtuese, por në protestën e 30 shkurtit 1990 u qëllua me automatik nga forcat ushtarake policore të Serbisë”, tha Haxhiu.

“Vdekja e Elfetes, ngjalli revoltë të madhe dhe mobilizim të madh për popullin, e në shenjë respekti për të, për dashurinë dhe guximin e saj, varrimi i saj ishte masiv dhe u shëndrrua në demonstrate”, shtoi Haxhiu.

Vazhdo të lexosh

Aktualitet

​Kosova dhe Kanadaja zhvillojnë konsultime politike në Otava

Në njoftim thuhet se gjatë takimit u vlerësuan lartë marrëdhëniet e konsoliduara mes Republikës së Kosovës dhe Kanadasë.

Publikuar

nga

Zëvendësministrja e Punëve të Jashtme dhe Diasporës, Liza Gashi po qëndron për vizitë zyrtare në Kanada, ku gjatë takimeve bilaterale, bashkërisht me Drejtorin e Përgjithshëm për Byronë e Çështjeve të Arktikut, Euroazisë dhe Evropës, Robert Sincliar, drejtuan konsultimet politike mes delegacioneve të të dyja vendeve.

Në njoftim thuhet se gjatë takimit u vlerësuan lartë marrëdhëniet e konsoliduara mes Republikës së Kosovës dhe Kanadasë, u diskutua për bashkëpunimin bilateral, rajonal dhe zhvillimin ndërkombëtar, çështjet e sigurisë rajonale, ato të ekonomisë dhe tregtisë, si dhe bashkëpunimi kulturor mes dy vendeve.

Zëvendësministrja Gashi theksoi përkushtimin e Republikës së Kosovës për të qëndruar krah shteteve demokratike, duke krijuar njëherit mundësi të reja për qytetarët e vendit si dhe për të kontribuar në paqen globale.

Palët nga të dyja vendet u pajtuan që të vazhdojnë bashkëpunimin e afërt dhe në shërbim të fuqizimit më tej të marrëdhënieve bilaterale. Ndërsa në një takim ndaras me Sekretarin Parlamentar të Ministrisë së Jashtme të Kanadasë, z. Robert Oliphant, u theksua rëndësia dhe roli i diplomacisë parlamentare për të ndërtuar më tej bashkëpunimin e qëndrueshëm ndërmjet Kosovës dhe Kanadasë, si dhe tema të tjera me interes të ndërsjelltë.

Në kuadër të konsultimeve politike, zëvendësministrja Gashi u takua edhe me zëvendësministrin për Politika Strategjike dhe Çështjet Globale të Kanadasë, Alexandre Lévêque, me të cilin ka diskutuar për tema me interes të përbashkët, gjendjen e sigurisë dhe realitetin aktual në Europë dhe Ballkanin Perëndimor.

Në njoftim gjithashtu thuhet se Gashi do të zhvillojë takime të tjera, ku do të pritet edhe nga deputetë, senatorë dhe udhëheqës të komisioneve parlamentare në kuadër të Parlamentit dhe Senatit Kanadez.

Vazhdo të lexosh

Aktualitet

Përjashtohen nga Kuvendi i Shqipërisë 19 deputetë të PD-së

Ligjvënësit e opozitës bllokuan foltoren, shkaktuan kaos në sallë me anë të pajisjeve zhurmuese duke cenuar dhe penguar zhvillimin e rregullt të seancës.

Publikuar

nga

Sekretariati i Etikës në Kuvendin e Shqipërisë ka vendosur përjashtimin me 10 ditë të 18 deputetëve të PD-së nga seancat plenare dhe me 20 ditë të deputetit Ervin Salianji.

Partia Socialiste ka kërkuar më herët përjashtimin e 19 deputetëve të PD-së të cilët bllokuan punimet e Kuvendit të Shqipërisë dhe Komisionit të Posaçëm të Reformës Zgjedhore, shkruan euronews.al.

Në shkresën drejtuar Sekretariatit të Etikës thuhej se ligjvënësit e opozitës bllokuan foltoren, shkaktuan kaos në sallë me anë të pajisjeve zhurmuese duke cenuar dhe penguar zhvillimin e rregullt të seancës.

Gjithashtu ata bllokuan dhe punimet e Komisionit të Posaçëm të Reformës Zgjedhore i planifikuar për t’u mbajtur fizikisht ditën e premte, duke i detyruar anëtarët e komisionit të vijonin punimet online.

Vazhdo të lexosh

Të kërkuara