Kronika e zezë

Vrasja me tetë plumba, polici hetues dëshmon se si i shkuan në shtëpi të akuzuarit

Sipas aktakuzës, më pas i akuzuari me veturën e tani të ndjerit, e merr trupin e tij e dërgon tek Lumi i Shushicës.

Published

4 years ago

on

Polici hetues i ditës së arrestimit të të akuzuarit Kamber Bulleshkaj, Enis Lluka, në cilësinë e dëshmitarit tha se e kishin pritur të akuzuarin derisa kishte ardhë nga Prishtina, për të nisur bastisjen e shtëpisë të tij.

Këtë deklarim, dëshmitari Lluka e bëri në seancën e së enjtes në Gjykatën Themelore në Pejë, raporton “Betimi për Drejtësi”.

Bulleshkaj akuzohet se në shtator të vitit 2018, e kishte privuar nga jeta me tetë predha, tani të ndjerin A.D dhe pastaj nga një urë trupin e tij e kishte gjuajtur në Lumin e Shushicës.

Për të sqaruar disa rrethana, gjyqtarja Kuka-Mekaj, e kishte parë të konsiderueshme që përsëri të ftojë ndonjë dëshmitarë të sqarojë rrethanat e asaj nate, ku për të dëshmuar kishte ftuar policin hetues Enis Lluka për t’i parashtuar pyetje lidhur me bastisjen.

Dëshmitari Lluka tha se nuk i kishte njohur as viktimën e as të akuzuarin dhe se për rastin ishte njoftuar më 14 shtator kur ishte gjetur kufoma.

‘’Pasi që është vërtetuar se i ndjeri është A.D, ne kërkojmë personat e fundit që kanë pasur kontakt me të, nga motra e A. kam marrë informacionin dhe e njëjta e ka parë veturën e parkuar tek shtëpia e Kamberit”, tha ai.

I njëjti shtoi se kanë shkuar tek shtëpia të akuzuarit më 15 shtator 2018, me Riza Mahen edhe me Veton Kelmedin.

Sipas tij, atë datë kishte dalë Kamberi dhe kishin biseduar me të se a e ka parë A. dhe i njëjti iu është përgjigj se ka 5-6 ditë se nuk e kishte parë.

Më pas, shtoi se kishte qenë iniciativa e tij që ta marrin Kamberin të japë deklaratë në polici, në stacion të Istogut.

‘’Ne atë ditë nuk kemi hyrë brenda, të gjitha veprimet e mara i kemi shkruar në raport’’, thotë dëshmitari Lluka.

Po ashtu, dëshmitari shtoi se pas asaj date kishin qenë edhe një herë në bastisje më 11 dhjetor 2018, atë ditë që është arrestuar Kamberi dhe nuk kishin qenë para kësaj date për bastisje.

I njëjti deklaroi se kishin pritur derisa i akuzuari kishte ardhur nga Prishtina dhe se nuk kishin filluar bastisjen deri sa ka ardhë ai në shtëpinë e tij.

‘’Krim-teknika gjatë bastisjes përdor një material të lëngëshëm, kur ai vendoset në sipërfaqe, shihen ku ka njolla gjaku edhe nëse është pastru. Është pre ajo pjesë dhe është marrë, ato ruhen edhe pasi bëhet ekspertiza”, deklaroi dëshmitari, kur u pyet nga gjykata për gjetjet e asaj dite në shtëpinë e të akuzuarit.

Në fillim të kësaj seance u dëgjua i akuzuari Bulleshkaj, ku i njëjti deklaroi se në natën kritike kishte qenë tek nëna e tij për darkë.

Ndërsa, gjatë ditës kritike të 14 shtatorit ai thotë se ka qenë gjatë gjithë ditës i shtrirë në shtëpinë e tij.

I pyetur se a i kujtohet kur nëna e tij të ketë deklaruar para gjykatës se në ditët e 12-14 shtatorit, nuk e kishte parë fare të birin e saj të akuzuarin Kamber, ky i fundit tha se ndonëse ka harruar, sepse tani është plakur.

Tutje ai shtoi se, të ndjerin e kishte pas shok shumë të afërt e që 3 ditë para ditës kritike apo humbjes së viktimës A.D., të dy e kishin lënë që të shkojnë në Serbi, për disa punë të tani të ndjerit dhe për nxjerrjen e dokumenteve të Serbisë, i akuzuari Kamber.

Lidhur me pyetjen se a kishte për qëllim tani i ndjeri A.D. të nxjerrte njerëz jashtë shtetit deri te kufiri, i akuzuari tha se më parë e deri më 2015, kishte bërë një gjë të tillë, kurse kohën e fundit tek 2018, ai nuk kishte dijeni.

‘’Dy javë paraprake nuk e kam taku A. sepse kishte qenë pa qejfe, mbrëmjen e datës 9 ose 10 shtator 2018, ka ardh te unë më ka thënë se ka punë në Serbi, a po vjen me më bë shoqëri, unë i kam thënë po unë vij me të bë shoqëri”, tha ai.

Tutje shtoi se më datë 11, e ka thirrë në Viber me pyet se a do të shkojnë pasi i është dashur me ndejtë gati.

“Ai më tha jo të lajmëroj nëse shkojmë, ajo ka qenë biseda e fundit me të në telefon’’, tha i akuzuari Bulleshkaj.

Tutje i akuzuari deklaroi se në Beograd, kishte qenë më 13 tetor dhe ai muhabeti i pasaportit jo kordinacia ishte kryer dhe i njëjti thotë se ka pasur qëllim të shkojë e të gjejë punë.

Më pas, kryetarja e turpit gjykues, Nushe Kuka- Mekaj, iu referua raportit i cili ka të bëjë 20 dhjetor 2018, të bisedave në Viber- gjetjen e bisedave me Armendin kushëririn e tij dhe kunatën Tinën.

Sipas atij raporti, ai kishte biseduar me kushëririn e tij për të marrë vesh se çfarë kishte ndodhur me rastin e vrasjes së të ndjerit A.D. pasi që kushëriri i tij ishte me profesionin gardian dhe kishte komunikime me hetues policor dhe të gjitha dyshimet ia kishte transmetuar të akuzuarit përmes mesazheve telefonike.

I akuzuari tha se pasi që e kishte bastisë policia më 15 shtator 2018, kushëriri i tij kishe shkuar tek ai për të biseduar se çfarë kishte ndodhur.

Tutje, gjykatësja i bëri të ditur se në një nga bisedat e zhvilluara në Viber, Kamberi kërkon nga Armendi që të thirrë policinë dhe ta pyet për rast edhe pse i thotë se kjo mund të jetë e dyshimtë.

Po ashtu, tha se i njëjti interesohet që ta thirrë personin me emirin Milot, ndërsa të akuzuarit nuk i kujtohet të ketë thënë diçka të tillë.

Në një ndër mesazhet e zhvilluara më 13 tetor 2018, gjykata e pyet se a ka pyetur kunatën për policinë se çfarë ka kërkuar policia dhe çka e kanë pyetur nënën.

“E kam pyet Tinën se ndoshta s’kam mundur me ra në kontakt me nenën se më është thyer shtëpia gjatë bastisjes, pasi nëna më ka thënë se është thyer shtëpia’’, tha i akuzuari.

Gjyqtarja pas kësaj tha se në shkresat e lëndës nuk ka shkresa se ata kishin hyrë në dhomë.

Pasi që seanca ishte kthyer përsëri në fazën e të provuarit, gjyqtarja bëri të ditur se në seancën e radhës do të vazhdohet prapë me mbrojtjen e të akuzuarit Bulleshkaj, ndërsa seancën e radhës e caktoi më 8 dhjetor të këtij viti.

Sipas aktakuzës së ngritur më 10 tetor 2019, Kamber Bulleshkaj akuzohet se më 12 shtator 2018, rreth orës 20:25 deri më 21:15, në shtëpinë e tij në fshatin Istog i Poshtëm, pikërisht në sallonin e shtëpisë së tij, për shkak të mosmarrëveshjeve të atëçastshme, në mes të pandehurit dhe tani të ndjerit A.D, me dashje e ka privuar nga jeta këtë të fundit.

Sipas aktakuzës, A.D kishte shkuar me veturën e tipit “BMW 120”, në shtëpinë e të pandehurit, me qëllim që nga i njëjti të kërkonte një armë automatike-kallashnikov, e cila synohej të përdorej në një gazmend familjar dhe që me të, të festonin në fejesën e kushëririt të tyre.

Në aktakuzë thuhet se pasi tani i ndjeri shkon në shtëpinë e të pandehurit, pas mosmarrëveshjeve mes tyre, i pandehuri nga arma automatike e llojit të panjohur, shtie disa herë në drejtim të tani të ndjerit, duke e goditur me tetë predha në pjesë të ndryshme të trupit, ku si pasojë e plagëve vdes në vendin e ngjarjes.

Sipas aktakuzës, më pas i akuzuari me veturën e tani të ndjerit, e merr trupin e tij e dërgon tek Lumi i Shushicës, ku e hedhë atë nga ura, e pastaj me veturë vazhdon në drejtim të Mitrovicës, ku në lagjen “Bair”, e braktisë veturën, derisa kufoma të gjendet rreth orës 15:05, në vendin e lartcekur.

Me këtë, ai akuzohet se ka kryer veprën penale të “Vrasjes”, nga neni 178 i Kodit Penal, i cili parasheh dënimin me jo më pak se pesë vjet burgim.

Related Topics:
Continue Reading

Aktualitet

Pas një lëndimi aksidental, vdes dyvjeçari në QKUK

Published

2 days ago

on

September 8, 2025

By

Një fëmijë dyvjeçar ka vdekur mbrëmë në QKUK, pas një lëndimi aksidental të ndodhur më 31 gusht të këtij viti në në Vrajakë të Rahovecit.

Lajmi u konfirmua edhe nga policia rajonale në Gjakovë, nga e cila thanë se rasti po trajtohet si “hetim i vdekjes”.

Sipas informatave të para të pranuara, thuhej se fëmija e gjinisë mashkull, i lindur në vitin 2023, ishte rrëzuar dhe kishte pësuar lëndime në kokë.

Fillimisht ai është dërguar për tretman mjekësor në spitalin rajonal të Gjakovës, e më pas është transferuar në QKUK, ku ka vazhduar trajtimin mjekësor.

“Jemi njoftuar se i njëjti ka ndërruar jetë”, ka thënë zëdhënësi i policisë rajonale për Gjakovës Sheremet Elezaj.

“Ka qenë rast i raportuar më 31 gusht si lëndim aksidental dhe është proceduar më shënim zyrtar por sot nga QKUK, jemi njoftuar se viktima ka ndërruar jetë. Rasti po trajtohet si hetim i vdekjes nën mbikqyrje të prokorurit të shtetit ndërsa trupi i pajetë është dërguar në IML për obduksion”, ka thënë drejtori i policisë në Gjakovë, Lumni Graishta.

Për këtë ngjarje të rëndë, ka folur edhe Gazmend Spahiun, drejtor i Klinikës Intensive i cili po ashtu e konfirmoi vdekjen e dyvjeçarit./S.K/EO/

Continue Reading

Kronika e zezë

Policia raporton për raste të armëmbajtjes pa leje, drogë, dhunë dhe aksidente trafiku

Published

4 days ago

on

September 5, 2025

By

Policia e Kosovës ka bërë të ditur rastet e raportuara gjatë ditës së 4 shtatorit në disa rajone të vendit. Në raportin ditor pasqyrohen ngjarje të lidhura me armëmbajtje pa leje, dhunë në familje, narkotikë, falsifikim të parasë, lëndime trupore dhe aksidente trafiku.

Në Fushë Kosovë, njësitë policore në bashkëpunim me Doganën e Kosovës kanë kontrolluar një poligon armësh, ku dyshohej për keqpërdorim të lejes për shitje. Gjatë kontrollit në objektet e kompanisë dhe në shtëpinë e të dyshuarit janë gjetur 14 leje armësh, një pushkë gjuetie pa leje, 33 fishekë, një karikator i AK-47 dhe dy fishekë të armës me gaz. Rasti është në procedurë hetimore.

“Njësitë policore në koordinim me Doganën e Kosovës, nën dyshimin e bazuar se një operator ekonomik (poligon i armëve), është duke keqpërdorur lejen për shitjen e armëve duke i shitur ato në mënyrë ilegale, ka realizuar inspektim ku gjatë kontrollit të kryer në objektet e kompanisë si dhe shtëpinë e të dyshuarit mashkull kosovar, në cilësi të provave materiale janë gjetur dhe konfiskuar: 14 leje armësh në emër të të dyshuarit, një pushkë gjuetie (pa leje), 33 fishekë të pushkës së gjuetisë, një karikator i automatikut AK-47,  dy fishekë të armës me gas. Rasti në procedurë hetimore.” thuhet në njoftim.

Një burrë kosovar është arrestuar në Prishtinë pasi kishte ushtruar dhunë psikike ndaj bashkëshortes së tij. Me vendim të prokurorit, ai është dërguar në mbajtje.

“Është raportuar se i dyshuari mashkull kosovar ka ushtruar dhunë psiqike ndaj viktimës femër kosovare. I dyshuari është arrestuar dhe me vendim të prokurorit është dërguar në mbajtje.” thuhet në raport.

Në lagjen Lakrishtë janë deponuar në banka 532 euro që dyshohet të jenë të falsifikuara. Për rastin është njoftuar prokurori.

“Është raportuar se persona të ndryshëm dhe në kohë të ndryshme kanë deponuar 532 euro që dyshohet të jenë të falsifikuara. Lidhur me rastin është njoftuar prokurori.” thuhet në njoftim.

Në fshatin Topanicë të Kamenicës është intervistuar një burrë kosovar, të cilit iu konfiskua një armë me 14 fishekë. Ai është liruar në procedurë të rregullt.

“Në bazë të informatave të pranuara intervistuar i dyshuari mashkull kosovar dhe nga ai është konfiskuar një armë me 14 fishekë. Me vendim të prokurorit i dyshuari pas intervistimit është liruar në procedurë të rregullt. thuhet në njoftim.

Në Klinë një shofer humbi kontrollin mbi automjetin për shkak të shpejtësisë së lartë. Si pasojë u lënduan ai dhe pesë pasagjerë të tjerë, të cilët morën trajtim në Spitalin e Pejës.

“Raportohet se drejtuesi mashkull kosovar si pasojë e mospërshtatjes së shpejtësisë së lëvizjes me kushtet e rrugës, ka humbur kontrollin mbi automjetin dhe është aksidentuar, me ç’rast drejtuesi dhe pesë persona tjerë kanë pësuar lëndime trupore. Të lënduarit janë dërguar për tretman mjekësor në Spitalin e Pejës.” thuhet në raport.

Në rrugën “Ali Hasi” në Gjakovë, policia arrestoi një burrë kosovar të cilit iu gjet një cigare me rreth 0.77 gram substancë narkotike. Pas intervistimit, u lirua në procedurë të rregullt.

“Gjatë një plani operativ është arrestuar i dyshuari mashkull kosovar dhe gjatë kontrollimit i është gjetur dhe konfiskuar një cigare e mbushur me substancë narkotike rreth 0.77 gram. Me vendim të prokurorit i dyshuari pas intervistimit është liruar në procedurë të rregullt. “ thuhet në njoftim.

Në fshatin Bishtazhin ka ndodhur një aksident mes dy veturave, duke shkaktuar vetëm dëme materiale. Po ashtu, në Gjakovë është raportuar zhdukja e një gruaje, për të cilën ende nuk dihet vendndodhja.

Fsh. Bishtazhin, Gjakovë / 04.09.2025 – 10:30. Raportohet se ka ndodhur aksident trafiku në mes dy veturave. Përveç dëmeve materiale, nuk raportohet për të lënduar.

Gjakovë / 04.09.2025 – 10:30. Është raportuar se viktima femër është larguar dhe nuk dihet vendndodhja e saj. Rasti është duke u hetuar.

Në fshatin Kqiq i Madh, dy persona u arrestuan pasi sulmuan me shufra hekuri një burrë kosovar, duke i shkaktuar lëndime të rënda trupore. Ata u dërguan në mbajtje me vendim të prokurorit.

“Janë arrestuar dy të dyshuar kosovarë për shkak se  pas një mosmarrëveshje kanë sulmuar fizikisht me shufra hekuri viktimën mashkull kosovar duke i shkaktuar lëndime të rënda trupore. Viktima është dërguar për trajtim mjekësor, ndërsa të dyshuarit pas intervistimit me vendim të prokurorit janë dërguar në mbajtje. “ thuhet në njoftim.

Në Shipol, persona të panjohur hodhën një mjet shpërthyes pranë një lokali, duke shkaktuar dëme materiale. Rasti është nën hetime.

“Është raportuar se persona të panjohur kanë hedhur mjet shpërthyes pranë lokalit të ankuesit mashkull kosovar. Si pasojë e shpërthimit janë shkaktuar dëme materiale. Në vendin e ngjarjes kanë dalë njësitë përkatëse policore. Lidhur me rastin është njoftuar prokurori. Rasti nën hetime. “ thuhet në raport.

Në fshatin Polac të Skenderajt, gjatë një kontrolli në një veturë, policia gjeti 0.8 gram marihuanë, një mulli dhe rizlla. Dy persona u shoqëruan në polici, ndërsa rasti shkon në procedurë të rregullt.

“Janë shoqëruar në stacion policor dy meshkuj kosovarë, pasi që gjatë kontrollit në veturën me të cilën udhëtonin ata janë gjetur dhe konfiskuar 0.8 gram substancë narkotike e llojit marihuanë, një mulli dhe rizlla. Pas intervistimit, me vendim të prokurorit, rasti shkon në procedurë të rregullt. “ thuhet në njoftim.

Në rrugën “Fan Noli” në Mitrovicë, policia arrestoi një burrë kosovar për armëmbajtje pa leje. Ai është dërguar në mbajtje.

“Më 04.09.2025 lidhur me rastin është arrestuar i dyshuari mashkull kosovar dhe me vendim të prokurorit është dërguar në mbajtje.” thuhet në njoftim nga Policia e Kosovës.

Në rrugën “Mbreti Pjetër” në Zveçan ndodhi një aksident trafiku ku ishte e përfshirë një qerre me kuaj. Katër persona, dy meshkuj e dy femra, pësuan lëndime trupore. Tre prej tyre u liruan pas tretmanit mjekësor, ndërsa njëri mbetet në spital.

“Ka ndodhur një aksident trafiku ku e përfshirë ishte një qerre me kuaj. Si pasojë e aksidentit lëndime trupore kanë pësuar katër persona dy meshkuj dhe dy femra serbe. Pas marrjes së tretmanit mjekësor tre nga viktimat janë liruar në shtëpi ndërsa njëri prej tyre është hospitalizuar. “ thuhet në njoftim.

Rastet e armëmbajtjes pa leje, dhunës në familje, narkotikëve dhe aksidenteve të ndryshme mbeten ndër sfidat më të shpeshta të organeve të rendit në vend./D.B/UBTNews

Continue Reading

Kronika e zezë

Një femër raportohet e zhdukur në Gjakovë

Published

4 days ago

on

September 5, 2025

By

Një femër është raportuar si e zhdukur në Gjakovë.

Sipas raportit të Policisë së Kosovës, viktima femër është larguar dhe nuk dihet vendndodhja e saj.

Rasti është duke u hetuar.

“Gjakovë / 04.09.2025 – 10:30. Është raportuar se viktima femër është larguar dhe nuk dihet vendndodhja e saj. Rasti është duke u hetuar”, thuhet në raportin e Policisë së Kosovës./D.B/KP

Continue Reading

Bota

Një i vdekur dhe gjashtë të lënduar nga një sulm masiv me thikë në Kanada

Published

5 days ago

on

September 5, 2025

By

Të paktën një person ka vdekur dhe të paktën gjashtë të tjerë janë lënduar në një sulm masiv me thikë në Kanada.

I dyshuari vdiq gjithashtu në sulmin e sotëm në një komunitet në provincën Manitoba, sipas Policisë Mbretërore Kanadeze.

Incidenti ndodhi në Hollow Water First Nation, rreth 200 kilometra në verilindje të qytetit Winnipeg.

Tetë persona u transportuan në spitalet lokale, raporton BBC.

Pak detaje mbi incidentin janë aktualisht të disponueshme. Në një letër drejtuar banorëve të postuar në internet, kreu dhe këshilli i Hollow River shprehën ngushëllimet e tyre për ata që prekur nga kjo tragjedi.

Komuniteti Anishinaabe ka një popullsi të vogël prej disa qindra njerëzish. Sulmi ndodhi në përvjetorin e tretë të një sulmi masiv me thikë në James Smith Cree Nation dhe fshatin e afërt Weldon, në provincën Saskatchewan, në të cilin u vranë 11 persona dhe u plagosën shumë të tjerë. I dyshuari për sulmin vdiq pak pasi policia e arrestoi pas një kërkimi treditor./S.K/KP/

Continue Reading

Të kërkuara