Duket se shumë yje të njohur kërkuan të luanin në “Wicked”, pasi konkurenca për rolet kryesore ishte e ashpër. Siç e dimë, rolet kryesore: Elphabës, Glindës dhe Fiyeros shkuan për Cynthia Erivo, Ariana Grande dhe Jonathan Bailey. E duke qenë se Wicked është një nga muzikalet më të dashura të kohëve të fundit, ndaj konkurrenca ishte patjetër e fortë.

Filmi ka qenë në qendër të diskutimit për kaq shumë kohë, sa që besohej se yjet origjinale të Broadway-t, Idina Menzel dhe Kristin Chenoweth, do të riktheheshin në rolet e tyre për filmin.

Por, kush mori pjesë në audicione nga personazhet mjaft të njohur e të suksesshëm në mbarë botën? UBT News ju sjell listën e personazheve që fatkeqësisht janë refuzuar.

Roli i Elphaba: Lady Gaga

Emri i Gagas ishte lidhur me rolin e Elphabas kur filmi Wicked nisi të diskutohet, nën drejtimin e regjisorit Stephen Daldry. Kur drejtimi i filmit kaloi në duar të John M. Chu, roli i Elphabës i’u dha Cynthia Erivo.

Roli i Glindas: Amanda Seyfried 

Seyfried, e njohur për rolet në Les Miserables dhe Mamma Mia!, ishte e “etur” për rolin e Galindës. Gjatë xhirimeve të rolit fitues të çmimit “Emmy” në “The Dropout”, ajo po merte pjesë në audicione për Glindën, madje tha se e donte aq shumë rolin saqë dedikoi të gjithë fundjavën për audicionin, duke e quajtur këtë një sakrificë të madhe.

Dove Cameron

Pas interpretimit të vajzës së Kristin Chenoweth në një version të “Hairspray”, Cameron dukej si zgjedhja e duhur për Glindën e Chenoweth. Ai e ka mbështetur për këtë rol, edhe pse arriti larg në audicion, Cameron se fitoi rolin, por ishte e lumtur që Ariana Grande e mori atë.

Renee Rapp

Ylli i Mean Girls, Renee Rapp, ka marrë pjesë në audicion për rolin e Glindës. Megjithatë, ajo ishte e gëzuar që roli i shkoi Ariana Grandes, duke thënë: “Ariana do të jetë… mund të shprehem? Do të jetë thjesht e mrekullueshme.”

Roli i Fiyeron: Shawn Mendes

Pavarësisht se duket e pabesueshme, Mendes e kërkoi këtë rol. Megjithatë, roli i Fiyeros shkoi për Jonathan Bailey.

Nick & Joe Jonas

Dy nga vëllezërit Jonas morën pjesë në audicion për rolin e Fiyeros. Edhe pse Nick ka eksperiencë të madhe në skenën muzikore dhe ka luajtur në “Broadway” si fëmijë, vëllezërit u konsideruan për këtë rol, por ai u dha Jonathan Bailey.

Këto audicione tregojnë konkurencë për rolet në një prodhim filmik të pritur, dhe është e qartë se talente të njohura kërkonin të ishin pjesë e Wicked në ekranin e madh.

Edhe pse Netflix publikon përmbajtje të reja pothuajse çdo ditë, shumë njerëz shpesh nuk kanë ide se çfarë të shikojnë. Pra, pavarësisht nga të gjitha seritë e reja, një nga viti 2016 rrëmbeu vëmendjen e shikuesve.

Bëhet fjalë për serialin “Marcella” të skenaristit britanik Hans Rosenfeldt, në të cilin Anna Friel luan rolin kryesor të Marcella Backland – një detektive policie që punon në Londër.

Marcella e gjen shpejt veten në telashe në kryeqytet pasi trupi i një fëmije të zhdukur zbulohet brenda një muri, por tre sezone më vonë, protagonistja kryesore vazhdon të përballet me situata të sikletshme.

Në serial luajnë edhe Ray Panthaki, Nicholas Pinnock, Jamie Bamber, Nina Sosanya, Jack Doolan dhe Harry Lloyd.kirye.

Sezoni i parë i serialit ka një vlerësim prej 7.3 në IMDb dhe 73 për qind në Rotten Tomatoes, ndonëse sezoni i parë doli në vitin 2016, duket se “Marcella” vazhdon të fitojë shikues dhe ditët e fundit është rekomanduar në rrjet.

Në grupin në Facebook “Netflix Bangers”, i cili ka më shumë se tre milionë anëtarë, “Marcella” ishte një nga rekomandimet më të spikatura, dhe ata shkruan se janë “të varur nga ky serial” dhe se është një nga më të mirët në botë.

Mali i Zi ka njoftuar zyrtarisht se po rikthehet në Eurovision. Transmetuesi i tyre kombëtar, RTCG, konfirmoi në faqen zyrtare se ata kthehen pas një pauze dyvjeçare.

Gjithashtu, është njoftuar se do të mbajë një finale kombëtare për të zgjedhur artistin e vitit 2025 të quajtur ‘Montesong 2024’.

Ata deklarojnë se po rikthehen në Eurovision “për zhvillimin dhe përmirësimin e krijimtarisë muzikore në vend”, përzgjedhja kombëtare do të ndjekë sistemin e mëparshëm të votimit në Eurovision, kështu që 50 për qind e pikëve jepen nga një “juri ekspertësh e përbërë nga krijues eminentë të muzikës dhe medias” dhe 50 për qind nga publiku.

Televizioni prezantoi sërish rregullat e aplikimit për ‘Montesong 2024’. Autorët, pra kantautorët nuk duhet të jenë shtetas të Malit të Zi, por interpretuesit e këngëve të tyre duhet. Mali i Zi bëri debutimin e tij në konkurs në 2007, një vit pas pavarësisë, ata kanë bërë tri herë pauza nga Eurovision Song Contest.

Përfaqësuesja e tyre e fundit ishte Vladana Vuçiniq në Torino me këngën “Breathe”, e cila nuk arriti të kualifikohej në finale.

Këngëtari i ndjerë anglez, Liam Payne, dyshohet se ishte duke u munduar të ikte nga hoteli përmes ballkonit të dhomës në të cilën e kishin futur stafi i hotelit për shkak te sjelljeve të këqija që pati nisur t’i bënte pak çaste para vdekjes.

Mediumi amerikan TMZ ka shkruar se i ka parë pamjet e kamerave të sigurisë të hotelit “CasaSur” në Buenos Aires, të cilat ishin filmuar para se të vdiste ylli.

Pamjet, sipas TMZ-së, shfaqin Paynen duke bërë sjellje të papërshtatshme nëpër hollin e hotelit dhe tre nëpunës të hotelit e marrin këngëtarin që ta rikthenin në dhomën e tij. Payne, i cili ishte 31 vjeç kur vdiq më 16 tetor, kishte probleme me nëpunësit e hotelit, të cilët sipas TMZ-së, ishin duke e shtyrë me forcë të rikthehej në dhomën e tij.

Këngëtari në të kaluarën pati treguar se nuk i pëlqen të kalonte kohë i mbyllur nëpër dhoma të hoteleve, tek kujtonte se i është dashur ta bënte këtë kur ishte pjesë e grupit e “One Direction”. Në pamjet në fjalë, shihet një nëpunës i hotelit duke marrë një çelës për ta mbyllur në dhomë yllin.