Lajmet

Vendimi për shtesat në arsim konsiderohet diskriminues, nga Sindikata e Sektorit Privat paralajmërojnë inicim gjyqësor

Published

6 years ago

on

Kryetari i Sindikatës së Punëtorëve të Sektorit Privat, Jusuf Azemi ka thënë se vendimi i Qeverisë për pagesat e shtesave në arsim është përshkallëzim dhe gjest i keq.

Në një intervistë për Ekonomia Online, Azemi ka paralajmëruar inicim gjyqësor, si për çështjen e punëtorëve teknik e të sigurimit të cilët punojnë në spitale, ashtu edhe për ata që mirëmbajnë shkollat. Ai madje ka thënë se këtë kontest do të fitojnë përmes rrugëve ligjore.

“Ne kemi filluar rrugën ligjore që përmes gjyqit ta fitojmë këtë kontest. Është shumë e vërtetë që Qeveria e Kosovës ka bërë një degradim tepër të madh, një përshkallëzim të madh, sepse të paguash para shtesë për shkak të rrezikshmërisë punëtorëve të arsimit të cilët nuk janë të rrezikuar aq sa janë të rrezikuar punëtorët tanë që punojnë direkt me pacientë me Covid. Është një gjest aq sa qesharak aq edhe shumë i keq humanitar që ka bërë Qeveria e Kosovës. Meqenëse Qeveria ka ndarë mjete për punëtorët e arsimit ne kemi kërkuar që edhe punëtorët teknik që mirëmbajnë shkollat duhet të paguhen me mjete shtesë nëse jo në mënyrë të rregullt atëherë ne edhe për këta do të kërkojmë në mënyrë ligjore si për ata teknik e të sigurimit që e kemi filluar”, deklaroi ai.

Sipas Azemit, Qeveria nuk e ka menaxhuar mirë situatën kur ka vendosur për të kompensuar punëtorët e arsimit që nuk kanë qenë të rrezikuar direkt nga pandemia, siç ka ndodhur me rastin e punëtorëve teknik dhe atyre të sigurimit nëpër spitale, raporton EO.

“Përderisa paska mjete për të ndarë për njerëzit që kanë qëndruar në shtëpi gjatë kohës së pandemisë, nuk paska mjete për njerëzit që kanë qenë direkt të prekur. Ky reagim i yni ka ardhur qysh moti para një muaji që i bëjmë këto kërkesa. Qeveria nuk e ka menaxhuar situatën dhe është tepër i rëndë veprimi që kanë bërë. Jam i bindur që ata janë të vetëdijshëm po ka qenë momenti që iu ka shkuar për shtati, përndryshe punëtorët në përgjithësi gjatë kësaj pandemie që nga marsi deri me tash janë sanksionuar, degraduar e të keqtrajtuar sepse pa mëdyshje nuk ka pasur asnjë simulim. Pako emergjente ose ajo për rimëkëmbje ekonomike ka qenë një shtyerje ose një dhënie e mjeteve për kompani, por jo për punëtorë të sektorit privat”, ka thënë ai.

Tutje Azemi është shprehur se për kërkesat e tyre më nuk presin përgjigje nga Qeveria, por nga drejtësia.

“Ne më nuk presim përgjigje nga Qeveria meqë procesi ynë gjyqësor ka filluar. Në dokumente zyrtare kryeministri e ministri janë deklaruar se i takojnë këto mjete, por ata nuk po i qesin. Sipas avokatit që ne kemi angazhuar këto mjete janë të sigurta se do të jenë në llogaritë bankare të punëtorëve megjithatë do të jetë një procedurë për të cilën ne nuk kemi dashur të hyjmë, por na është imponuar”, ka theksuar ai për EO.

Related Topics:
Continue Reading

Lajmet

Bajrami: Puna e parë në Kuvend do të jetë kriminalizimi i shkeljes së Kushtetutës

Published

20 minutes ago

on

September 11, 2026

By

Deputetja e Lidhjes Demokratike të Kosovës (LDK), Hykmete Bajrami, ka deklaruar se një nga veprimet e para të Kuvendit do të jetë jetësimi i nismës së Institutit të Kosovës për Drejtësi (IKD) për kriminalizimin e shkeljes së Kushtetutës.

Pas ndërprerjes së seancës konstituive, Bajrami ka shkruar në Facebook se “është urgjencë kombëtare të shpëtohet ky shtet”.

“Puna e parë në Kuvend do të jetë jetësimi i nismës së IKD-së për kriminalizimin e shkeljes së Kushtetutës, në mënyrë që ata që e shkelin Kushtetutën, njësoj si armiqtë e këtij shteti, të përfundojnë në burg, të japin llogari dhe të mbajnë përgjegjësi për veprimet e tyre”, ka shkruar ajo.

Bajrami ka kritikuar edhe kryetarin e Lëvizjes Vetëvendosje, Albin Kurti, të cilin e ka quajtur “mashtrues” dhe e ka akuzuar se po synon ta rrënojë shtetin.

“Ky vend nuk është ndërtuar që një mashtrues, i cili erdhi në pushtet me premtimin e bashkimit kombëtar, ta rrënojë shtetin për të cilin njerëzit kanë dhënë jetën, kanë dhënë gjymtyrët dhe mbajnë ende plagët në trup!”, ka deklaruar Bajrami./A.K/

Continue Reading

Lajmet

Kuvendi vazhdon në orën 14:00 seancën konstituive, në rend dite zgjedhja e nënkryetarëve

Published

22 minutes ago

on

September 11, 2026

By

Kuvendi i Kosovës do të vazhdojë sot në orën 14:00 seancën konstituive, ndërsa në rend dite është pika për zgjedhjen e nënkryetarëve të Kuvendit.

Vazhdimi i seancës ishte ndërprerë të premten, pasi deputetët e Partisë Demokratike të Kosovës lëshuan sallën, pas dështimit të zgjedhjes së Vlora Çitakut për nënkryetare.

Deputetët e Lëvizjes Vetëvendosje abstenuan gjatë votimit për Çitakun, duke bërë që ajo të mos i merrte votat e nevojshme.

Kryetarja e Kuvendit, Albulena Haxhiu, i bëri thirrje PDK-së që të paraqiste një propozim tjetër, por partia nuk e bëri një gjë të tillë.

Pas ndërprerjes së seancës, kryetari i PDK-së, Bedri Hamza, deklaroi se deputetët e kësaj partie nuk do të marrin pjesë në seancat e Kuvendit dhe paralajmëroi se çështjen do ta dërgojnë në Gjykatën Kushtetuese.

Sot pritet të shihet nëse do të ketë një marrëveshje për përmbylljen e procesit të konstituimit të Kuvendit./A.K/

Continue Reading

Lajmet

Kuvendi dështon sërish të përmbyllë seancën konstituive, PDK lëshon sallën

Published

26 minutes ago

on

September 11, 2026

By

Seanca konstituive e Kuvendit të Kosovës ka dështuar të përmbyllet edhe në vazhdimin e sotëm, pasi procesi mbeti te zgjedhja e nënkryetarëve të Kuvendit.

Në votimin e veçantë për nënkryetarët, Ardian Gola nga Lëvizja Vetëvendosje u zgjodh në këtë pozitë me 101 vota.

Ndërkaq, kandidatja e PDK-së, Vlora Çitaku, nuk arriti të marrë votat e nevojshme për nënkryetare. Deputetët e LVV-së abstenuan gjatë votimit për kandidaturën e saj.

Pas këtij votimi, deputetët e PDK-së lëshuan sallën e Kuvendit, ndërsa kryetarja Albulena Haxhiu ndërpreu punimet e seancës.

Haxhiu tha se për vazhdimin e radhës së seancës deputetët do të njoftohen me kohë. Me këtë, Kuvendi ende nuk ka arritur ta përmbyllë procesin e konstituimit.

Seanca e sotme vjen në kuadër të përpjekjeve për përmbylljen e seancës konstituive dhe funksionalizimin e plotë të Kuvendit të Kosovës./A.K/

Continue Reading

Lajmet

Profesorët e UBT-së, Marigona Bekteshi Ferati dhe Mirsad Ferati publikojnë artikull shkencor në revistën e indeksuar në Scopus dhe Web of Science

Published

51 minutes ago

on

September 11, 2026

By

Kontributi i stafit akademik të UBT-së në kërkimin shkencor dhe në publikimet ndërkombëtare është pasuruar me një tjetër rezultat të rëndësishëm. Prof. Dr. Marigona Bekteshi Ferati në bashkëautorësi me Prof. Mirsad Ferati kanë publikuar artikullin shkencor me titull “Ethical Imagination from Actor Training to Applied Theatre: Participatory, Horizontal and Relational Studio Practices at the Stella Adler Academy”, në revistën ndërkombëtare Applied Theatre Research: Socially Engaged Performance, të botuar nga Intellect.

Revista është një publikim ndërkombëtar, peer-reviewed, që fokusohet në kërkimet dhe praktikat bashkëkohore në teatrin e aplikuar dhe performancën e angazhuar shoqërore.

Publikimi i artikullit në këtë revistë përfaqëson një arritje të rëndësishme akademike, duke dëshmuar angazhimin e profesorëve të UBT-së në zhvillimin e kërkimit shkencor dhe në adresimin e temave bashkëkohore në fushën e artit, teatrit dhe performancës.

Artikulli trajton imagjinatën etike në procesin e formimit të aktorit dhe kalimin nga trajnimi tradicional i aktorit drejt praktikave të teatrit të aplikuar, duke u fokusuar në praktikat pjesëmarrëse, horizontale dhe relacionale të zhvilluara në studion e Stella Adler Academy. Përmes kësaj qasjeje, autorët shqyrtojnë mënyrat se si procesi i trajnimit artistik mund të krijojë hapësira për bashkëpunim, dialog, reflektim dhe angazhim të ndërsjellë.

Continue Reading

Të kërkuara