Lajmet

Vendimi për shtesat e lehonave dhe fëmijëve – i mangët pa masa shtesë

Lehonat që kanë qenë të papuna në 12 muajt e fundit do të mbështeten me 170 euro në muaj.

Published

4 years ago

September 28, 2021

Betim Gashi

Vendimi për shtesa për lehonat dhe fëmijët nuk është i rregulluar mirë thonë nga shoqëria civile. Sipas tyre ky vendim është ndihmë e mirë financiare, por pa masa shtesë është i mangët.

Leonida Molliqaj, drejtore ekzekutive në Qendrën për Informim, Kritikë dhe Aksion (QIKA), tha se politikat për pagesat për lehona është një ndihmë e mirë për familjet e reja, por nuk i fuqizon gratë në shoqëri. Sipas, Molliqajt për kësi lloj vendimesh duhet të ketë edhe masa shtesë në mënyrë që t’iu rregullohet mirëqenia grave në një periudhë afatgjate.

“Politikat për pagesat për lehona është një ndihmë e mirë për familjet e reja në Kosovë, por mënyra sesi është prezantua nga Qeveria është problematike si qasje për shkak se Qeveria ka pretenduar se me anë të kësaj politike po fuqizon gratë, QIKA si organizatë e ka kundërshtuar këtë formë të Qeverisë. Na konsiderojmë që ndarja e pagesës vetëm për gratë që lindin është problematike pasi i ngujon edhe më tutje në shtëpi dhe i detyron edhe më shumë me u përball me punë të papaguar. Politikat e tilla pa masa shtesë si p.sh ndërtimi i çerdheve, plani konkret për punësimin grave, për shkollimin e grave, është i mangët, dhe është politikë që e rrit natalitetin që nënkupton politikë që e përdorë gruan si riprodhim”, deklaroi ajo.

Ajo thotë se vendimi i Qeverisë mund të ndikojë që gratë të mos përfshihen në tregun e punës.

Tutje, Molliqaj thotë se duhet të bëhet pushimi prindëror, që të dy prindërit të kenë të drejtën të shfrytëzojnë pushimin për t’u përkujdesur për fëmijën.

“Ne besojmë që duhet të kemi pushim prindëror dhe jo të lehonisë. Ndihmesat financiare duhet të jenë të barabarta, dhe pagesat duhet të jenë për familjen… E vetmja formë për t’i nxjerr gratë prej varfërisë është punësimi. Kjo politikë nuk ka plan afatgjatë është politikë e përkohshme. Edhe nëse do të kishte më shumë të holla do të përfundonte si ndihmë, çfarë më pas ato vazhdojnë të qëndrojnë të shpija. Na po kërkojmë politika të punësimit. Përgjithësi gratë janë të papuna, një numër i vogël është të punësuara. Në vend që të kishte më shumë masa p.sh për hapjen e çerdheve që me ia ndihmuar grave. Në përgjithësi na e dimë që kur pushimi i lehonisë nuk ndahet në mënyrë të barabartë me burrin është pengesë për punësim”, deklaroi ajo.

Sipas vendimit të Qeverisë, lehonat që kanë qenë të papuna në 12 muajt e fundit do të mbështeten me 170 euro në muaj për 6 muaj radhazi, ndërsa lehonat që figurojnë të punësuara në ndonjërin prej muajve në 12 muajt e fundit, do të mbështeten me 170 euro në muaj për 3 muaj radhazi

Në anën tjetër ekonomisti Imer Raçi, në një prononcim për Ekonomia Online, tha se janë shumë problematika që ka hasur sa i përket shtesave të fëmijëve, duke u nisur nga pamundësia për të aplikuar për shtesa edhe baballarët, e deri tek shpenzimet e mirëmbajtjes.

“Aplikimi për shtesat e fëmijëve ka hasur në shumë probleme pasi që ju ka mundësuar aplikimi vetëm nënave dhe jo baballarëve. Ne dimë që përqindja e grave të punësuara në Kosovë është 9% ndërsa e grave të papunësuara është 99%. Kjo është një shifër e lartë e grave të papunësuara, e pastaj ato duhet të hapin llogari bankare që hapja e tyre menjëherë krijon shpenzime të mirëmbajtjes dhe ato nuk janë të ulëta në Kosovë”, deklaroi ai.

Tutje, ai tha se vendimi penalizon gratë që nuk janë të punësuara, pasi ka shumë banka që nuk u lejohet të hapin llogari bankare nëse nuk kanë kontratë të punës.

“Gjysma e shtesave shkon për mirëmbajtje bankare dhe përveç asaj, kjo e ka edhe një mangësi se në bankë nuk të hapin llogari pa kontratë të punës dhe vështirësi tjetër është se nëse shuma është 10 euro që është shumë simbolike ajo duhet të tërhiqet brenda bankave e që menjëherë krijon shpenzime tjera shtesë”, shtoi ai.

Sipas tij, nuk është një diskriminim në këtë ndarje të shtesave, por që do të ishte lehtësim nëse të dy prindërit do të mund të aplikonin.

“Nuk do e quaja diskriminim, sepse gratë problemin kryesor e kanë tek punësimi dhe kjo ka ndodhur prej fillimit ku nuk i kanë arsimuar, ndërsa tek aplikimi i shtesave vetëm për nënat nuk do doja ta quaja një diskriminim por ndoshta një lehtësi më e madhe do ishte nëse edhe baballarët ta merrnin këtë shtesë. Kjo shtesë sado që është e vogël dhe simbolike është një program pozitiv në atë aspektin si planprogram dhe ka qëllimin e ndihmës financiare, dhe është shumë e vogël, por duke shpresuar që në të ardhmen të ketë rritje”, përfundoi ai.

Nga 1 janari 2022, aplikimi do të hapet edhe për fëmijët që kanë lindur në vitin 2018 e tutje, dhe njësoj do të zgjerohen grupmoshat e fëmijëve që përfitojnë, çdo 6 muaj, derisa të mbulohen të gjitha moshat nën 16 vjeç. Për fëmijët 0-24 muaj, shtesat do të jenë 20 euro/muaj, kurse nga 24 muaj deri në 16 vjeç, nga 10 euro/muaj.

Aktualitet

Rektori i UBT-së, Prof. Dr. Edmond Hajrizi pranohet anëtar në Akademinë Evropiane të Shkencave (EurASc)

Published

18 hours ago

August 1, 2025

Driton Iseni

Themeluesi dhe Presidenti i UBT-së, Rektori, Prof. Dr. Edmond Hajrizi, është pranuar si anëtar në Akademinë Evropiane të Shkencave (European Academy of Sciences – EurASc).

European Academy of Sciences (EurASc) është një nga akademitë më prestigjioze në Evropë, që bashkon shkencëtarë dhe studiues të shquar nga e gjithë bota, me qëllim promovimin e ekselencës shkencore dhe teknologjike për të adresuar sfidat më të mëdha globale. Anëtarët e saj janë emra të njohur që kanë dhënë kontribute të mëdha në fushat përkatëse, përfshirë shumë fitues të çmimeve ndërkombëtare dhe nobelistë.

Ky është një vlerësim i rëndësishëm ndërkombëtar që njeh kontributin e jashtëzakonshëm të Prof. Hajrizit në fushën e arsimit të lartë, kërkimit shkencor, inovacionit dhe politikëbërjes në nivel rajonal dhe evropian.

“Pjesëmarrja ime si anëtar në Akademinë Evropiane të Shkencave është një vlerësim personal, por mbi të gjitha është një njohje për punën dhe përkushtimin afatgjatë të UBT-së në ndërtimin e një ekosistemi akademik dhe shkencor në përputhje me standardet evropiane. Ky është një hap i rëndësishëm drejt fuqizimit të rolit të Kosovës në hartën ndërkombëtare të dijes dhe inovacionit”, tha Rektori Hajrizi.

Akademia Evropiane e Shkencave (EurASc), në publikimin e saj në rrjetet sociale, ka vlerësuar lart kontributin e Prof. Dr. Edmond Hajrizi për përvojën e tij mbi dydekadëshe në ndërthurjen e akademisë me ekosistemet e inovacionit dhe zhvillimit ekonomik.

Nën udhëheqjen e tij strategjike dhe vizionare, UBT është konsoliduar si një nga institucionet më të avancuara të arsimit të lartë në Evropën Juglindore, duke u shndërruar në një qendër të rëndësishme për zhvillimin e inovacionit, teknologjisë dhe sipërmarrjes.

Si pjesë e angazhimeve të tij profesionale, Prof. Hajrizi ka udhëhequr me sukses dhjetëra projekte të financuara nga Bashkimi Evropian, si dhe ka kontribuar si këshilltar për institucione prestigjioze ndërkombëtare, duke promovuar transformimin digjital, prodhimin inteligjent dhe arsimin e orientuar drejt së ardhmes.

Ky pranim përfaqëson jo vetëm një sukses personal për Rektorin Hajrizi, por një arritje të rëndësishme për UBT-në dhe Kosovën në tërësi. Ai dëshmon se përkushtimi ndaj inovacionit, cilësisë akademike dhe vizionit global mund të sjellë njohje ndërkombëtare dhe ta vendosë Kosovën në hartën e qendrave të rëndësishme të dijes dhe teknologjisë.

Lajmet

Liga e Kampionëve 2025-2026, 29 klube të kualifikuara

Published

19 hours ago

August 1, 2025

UBT News

Ka ende kohë deri në fillimin e sezonit të ri të Ligës së Kampionëve, megjithatë vështirë se ka ndonjë garë që gjeneron aq shumë pritje sa ky kompeticion. Edhe para se faza e ligës të fillojë më 16 shtator, ka disa data të rëndësishme në axhendë.

UEFA ka planifikuar tashmë shortin për fazën e ligës. Ai do të zhvillohet më 28 gusht në Nyon. Siç ndodhi vitin e kaluar, një program kompjuterik do ta kryejë procesin, pasi një short manual në formatin revolucionar do të ishte përtej mundësive.

Klubet do të ndahen në katër vazo me nga tetë ekipe secila sipas koeficientit të klubit të tyre, me Paris Saint-Germain, si fitues të Ligës së Kampionëve, që tashmë janë të vendosur në vazon e parë. Bayern (i 2-ti), Leverkusen (i 7-ti) dhe Dortmund (i 8-ti) nga Bundesliga janë midis tetë ekipeve të para. Një ekip nga vazoja e parë duhet të luajë kundër një ekipi tjetër nga vazoja e parë dhe klubeve të dyta secila nga vazot e dyta, të treta dhe të katërta në fazën e ligës.

Liga e Kampionëve 2025/26: Cilat klube janë gati për shortin?

Anglia : Liverpool , Arsenal , Manchester City, Chelsea, Tottenham, Newcastle

Spanjë : Barcelona , Real Madrid , Atlético Madrid, Athletic Club, Villarreal

Italia : Napoli, Inter, Atalanta, Juventus

Gjermani : Bayern Munich, Bayer Leverkusen, Eintracht Frankfurt , Dortmund

Francë : Paris Saint-Germain, Marseille, Monaco

Holanda : PSV, Ajax

Portugalia : Sporting CP

Belgjikë : Union Saint-Gilloise

Turqi : Galatasaray

Republika Çeke : Slavia Pragë

Greqi : Olimpiakosi

29 klube janë kualifikuar tashmë për shortin e fazës së ligës. Anglia dhe Spanja kanë siguruar secila nga një vend shtesë përmes renditjes vjetore të UEFA-s, kështu që Newcastle dhe Villarreal do të përfaqësohen. Tottenham është kualifikuar si fitues i Europa League, që do të thotë se Premier League do të ketë gjashtë klube.

Liga e Kampionëve 2025/26: Si do të luhen vendet e mbetura?

Vendet e mbetura do të përcaktohen përmes fazës kualifikuese dhe eliminatoreve.

Raundi i 1-rë kualifikues: 8/9 dhe 15/16 korrik 2025

Raundi i dytë kualifikues: 22/23 dhe 29/30 korrik 2025

Raundi i 3-të kualifikues: 5/6 dhe 12 gusht 2025

Playoff-et: 19/20 dhe 26/27. Gusht 2025

Raundi i parë kualifikues është tashmë në kulmin e tij. Megjithatë, vetëm klubet nga ligat më të ulëta do të garojnë atje. Megjithatë, në raundin e dytë kualifikues do të marrin pjesë klube të njohura si FC Copenhagen dhe RB Salzburg.

Vendimi se cilat klube do të avancojnë në fazën e ligës do të merret më 26 dhe 27 gusht me ndeshjet e kthimit të fazës eliminatore.

Lajmet

Laporta për Yamalin: Ka personalitet të fortë si Messi, është i rrallë

Published

20 hours ago

August 1, 2025

UBT News

Presidenti i Barcelonës, Joan Laporta, ka bërë një deklaratë të fuqishme në lidhje me talentin e jashtëzakonshëm të Lamine Yamal, duke e krahasuar atë me Lionel Messin jo vetëm për cilësitë teknike, por edhe për karakterin e tij të veçantë.

Në një prononcim për mediat, Laporta u shpreh: “Lamine Yamal ka një personalitet shumë të fortë, njësoj siç kishte edhe Messi në kohën e tij. Ai nuk është thjesht një lojtar i talentuar, por është i rrallë, një prej atyre futbollistëve që lindin rrallëherë.”

Presidenti katalanas vazhdoi me vlerësimet duke theksuar nivelin elitar në të cilin tashmë ndodhet adoleshenti spanjoll:

“Yamal është një gjeni i vërtetë i futbollit. Ka arritur një nivel shumë të lartë për moshën që ka dhe kjo e bën edhe më të jashtëzakonshëm. Ne te Barcelona jemi shumë krenarë që kemi një lojtar si ai në radhët tona.”

Lamine Yamal, vetëm 18 vjeç, ka shpërthyer me paraqitjet e tij për Barçën dhe përfaqësuesen e Spanjës, duke u bërë një ndër emrat më premtues në futbollin botëror. Krahasimi me Messin nga vetë presidenti Laporta vetëm sa e forcon imazhin e tij si trashëgimtar potencial i legjendës argjentinase në “Camp Nou”.

Lajmet

Drita prezanton përforcimin e ri

Published

21 hours ago

August 1, 2025

UBT News

Drita ka bërë një goditje të rëndësishme në merkato duke siguruar shërbimet e sulmuesit të njohur Kristal Abazaj. Lojtari me përvojë të madhe dhe cilësi të spikatura do të jetë tashmë pjesë e repartit ofensiv, duke i shtuar më shumë forcë dhe alternativë skuadrës nga Gjilani.

Pas një pune të përkushtuar dhe negociatash të suksesshme, drejtori sportiv Valon Zymberi arriti të finalizojë marrëveshjen me Abazajn, i cili ka firmosur një kontratë dyvjeçare me klubin.

Abazaj pritet të jetë një armë e fuqishme në dispozicion të trajnerit Ramadani, duke sjellë me vete jo vetëm eksperiencë, por edhe potencial për të bërë diferencën në fushë.