

Lajmet
Veliu dhe deputetja e VV-së përplasen për punësimet partiake në Administratë Publike
Published
5 years agoon
By
Betim GashiMinistri i Punëve të Brendshme dhe Administratës Publike, Agim Veliu është përplasur me deputeten e Vetëvendosjes, Arbresha Kryeziu për punësimet partiake në Administratë Publike.
Kryeziu gjatë raportimit të Veliut në Komisionin për Administratë Publike, tha se një prej mangësive është politizimi dhe ndërhyrjet politike.
“Njëra prej mangësive është politizimi dhe ndërhyrjet politike. Ajo që kemi parë në vazhdimësi si punësimi është politizuar. Ata që vijnë nëpërmjet lidhjeve politike”, tha ajo.
Asaj i është përgjigjur ministri i Punëve të Brendshme, Agim Veliu, i cili tha se nuk pajtohet me deklarimet dhe konstatimet e saj.
”Por kam vërejtur se administrata publike është e përgatitur dhe e kryen punën e vet në bazë të rregullave të përcaktuara. Sa i përket ndikimeve nuk besoj që ka dikush imun, nuk jeni as ju atje ku keni pas mundësi”, tha ai.
Deputetja e VV-së, Abresha Kryeziu ka thënë se të gjitha raportet ndërkombëtare kanë vlerësuar punën e mirë të Qeverisë Kurti lidhur me Administratën Publike. Kurse Veliu e ka kritikuar për propagandë. Të dy kanë akuzuar njëri tjetrin se po lexojnë “bukur” raporte të gatshme të shkruara nga dikush tjetër.
Veliu gjatë raportimit në Komisionin për Qeverisje Lokale, Administratë Publike, Zhvillim Rajonal dhe Media, ka thënë se rregullorja për fuzionimin e punonjësve pritet të miratohet brenda tre ditësh.
Deputeti i PDK-së, kryesuesi i Komisionit, Mërgim Lushtaku ka pyetur Veliun pse ministria e tij nuk ka miratuar rregulloren për sistematizimin e vendeve të punës.
“Prej 16 ministrive vetëm ministria e mbrojtjes e ka miratuar rregulloren për sistematizimin e vendeve të punës”, tha Lushtaku.
Veliu ka thënë se rregullorja për fuzionimin e punonjësve pritet të miratohet brenda tre ditësh.
“Sa i takon çështjes së fuzionimit ne jemi në fund, këto ditë pritet aprovimi i rregullores së brendshme për sistemimin e vendeve të punës. Këto 2-3 ditë pritet të miratohet nga unë, kurse për fuzionimin e nëpunësve ende janë duke punuar në vendet e tyre sepse nevojitet miratimi i rregullores pas bashkimit të dy ministrive”, u shpreh Veliu.
Veliu ka folur edhe për plotësimin e Ligjit për zyrtarët publik ku është shprehur se kanë formaur grupin punues për hartimin e këtij ligji në përputhje me vendimin e Gjykatës Kushtetuese.
“Para disa ditëve kemi pranuar përfundimet e Kuvendit për të plotësuar Ligjin për zyrtarët publikë. Ligji për Pagat në Sektorin Publik u shpall komplet i pavlefshëm nga Gjykata Kushtetuese. Ne menjëherë kemi formuar grupin punues për hartimin e këtij ligji në përputhje me vendimin e Kushtetueses”, tha Veliu.
BE ka investuar për tri ligje të reformës administrative ka thëne Valon Ramadani. Te sistematizimi i vendeve të punës qysh e keni paraparë punën e personave me nevoja të veçanta ka pyetur ai.
Naser Shamolli nga MPB ka thënë se personat me nevoja të veçanta do të kenë përparësi përzgjedhje në vendin e punës.
Aktualitet
Masteri që hap dyert e liderëve të menaxhmentit, biznesit dhe ekonomisë – Studio në UBT
Published
26 minutes agoon
September 1, 2025By
Driton Iseni
Për të gjithë ata që kërkojnë një program të avancuar studimi, që kombinon menaxhimin, biznesin dhe ekonominë, UBT ofron programin Master në Menaxhment, Biznes dhe Ekonomi (MBE) – një prej programeve më gjithëpërfshirëse dhe inovative në Kosovë dhe rajon.
Ky program është krijuar për të përgatitur gjenerata të reja profesionistësh të aftë të drejtojnë organizata, të ndërmarrin iniciativa të reja biznesi dhe të kontribuojnë në zhvillimin ekonomik vendor dhe ndërkombëtar.
Një program gjithëpërfshirës dhe praktik
MBE ofron njohuri të thelluara në fusha si:
- ekonomia dhe financat,
- menaxhimi strategjik dhe operativ,
- marketingu dhe shitjet,
- prokurimi publik dhe logjistika,
- ndërmarrësia dhe inovacioni,
- promovimi i investimeve dhe zhvillimi ekonomik.
Duke u bazuar në kombinimin e teorisë me praktikën, programi u mundëson studentëve të zhvillojnë aftësi analitike, kritike dhe krijuese për të zgjidhur probleme reale të tregut dhe të organizatave.
Misioni dhe vizioni i programit
Misioni i MBE-së është në harmoni të plotë me vizionin e UBT-së: të ofrojë një edukim cilësor, bashkëkohor dhe gjithëpërfshirës, që vë studentin në qendër. Ky program synon të formojë udhëheqës të rinj, të përgatitur për të marrë përgjegjësi në biznes, industri, sektorin publik dhe akademi.
Studentët do të mësojnë në një ambient modern me laboratorë të pajisur me teknologjinë më të fundit, duke kombinuar ligjëratat teorike me punën praktike, kërkimin shkencor dhe projektet reale të biznesit.
Orientimet e programit
Në semestrin e tretë, studentët kanë mundësinë të zgjedhin orientimin e tyre profesional:
- Financa, Banka dhe Kontabilitet – fokus në raportim financiar, analiza, auditim dhe tregje ndërkombëtare.
- Marketing dhe Shitje – nga marketingu digjital deri te strategjitë e avancuara të shitjes dhe sjellja e konsumatorit.
- Menaxhment, Ndërmarrësi dhe Inovacion – krijimi i bizneseve të reja, menaxhimi i inovacionit dhe zhvillimi ndërkombëtar.
- Logjistika dhe Menaxhimi i Prokurimit – zinxhiri i furnizimit, prokurimi elektronik dhe praktikat moderne të logjistikës.
Këto orientime e bëjnë programin fleksibil dhe të përshtatur për tregun e punës, duke u dhënë studentëve mundësinë të specializohen sipas interesave dhe objektivave të tyre të karrierës.
Përputhje me standardet ndërkombëtare
Programi është hartuar duke respektuar Kornizën Kombëtare dhe Evropiane të Kualifikimeve, gjë që siguron se diplomat e studentëve njihen dhe vlerësohen edhe në nivel ndërkombëtar.
Pas diplomimit, studentët e MBE-së do të jenë të përgatitur jo vetëm për tregun vendor të punës, por edhe për të vazhduar studimet në nivel doktorature ose për të ndjekur karrierë akademike dhe kërkimore.
Objektivat kryesore të programit
Formimi i kompetencave të avancuara në fushën e menaxhimit, biznesit dhe ekonomisë.
Aftësi analitike për mbledhjen dhe interpretimin e të dhënave.
Qasje kritike dhe profesionale për zgjidhjen e problemeve komplekse.
Përdorimi i teknologjisë moderne në menaxhimin organizativ.
Aftësia për të zhvilluar strategji të suksesshme biznesi dhe lidership inovativ.
Aktualitet
Arrestohen dy persona tё dyshuar për vjedhje në Pejë
Published
42 minutes agoon
September 1, 2025By
UBTnews
Policia në Pejë, të shtunën ka pranuar informacion se nё rrugën “Emrush Miftari” nё Pejё, ёshtё vjedhur njё biçikletё nё vlerё prej pesё mijё (5000) euro.
Sipas njoftimit, pas njё pune intensive hetuesit e këtij stacioni kanё arritur ta arrestojnë njё person tё dyshuar, ku pas intervistimit, i dyshuari, me urdhёr tё prokurorit tё Shtetit, ёshtё dёrguar nё mbajtje pёr 48 orё.
Po ashtu dje, policia ka pranuar njё informacion se nё rrugën ‘Ramё Lajqi’ nё Pejё, ёshtё vjedhur njё motoçikletё nё vlerё prej katёr mijё (4000) euro.
“Pas njё pune intensive hetuesit e këtij stacioni kanё arritur ta arrestojnë njё person tё dyshuar (i mitur), ku pas intervistimit nga hetuesit, nё prezencёn e avokatit mbrojtёs dhe punëtorit të Qёndrёs pёr Punё Sociale, i dyshuari me urdhёr tё prokurorit tё Shtetit, ёshtё liruar nё procedurё tё rregullt. Biçikleta dhe motoçikleta u janë kthyer pronarëve legjitimë”, thuhet në komunikatë.
Aktualitet
Shkollat më inovative në Kosovë, UBT International Smart Schools nisin vitin e ri shkollor 2025/26
Published
46 minutes agoon
September 1, 2025By
Driton Iseni
Me emocione, buzëqeshje dhe energji pozitive, UBT International Smart Schools kanë nisur sot vitin e ri shkollor 2025/26. Në Parkun Shkencor, Inovativ dhe Teknologjik të UBT-së, qindra nxënës të rinj dhe aktual u mirëpritën nga mësuesit, prindërit dhe drejtuesit e shkollës, duke shënuar fillimin e një kapitulli të ri të mbushur me dije, risi dhe përvoja të paharrueshme arsimore.
Në këtë ceremoni të mbajtur në ambientet moderne të kampusit, nxënësit, prindërit dhe stafi patën mundësinë të njihen më afër me hapësirat inovative dhe programet e ofruara në drejtimet:
- Gjimnazi TIK
- Gjimnazi Natyror
- Gjimnazi Gjuhësor
- Asistent Dentar
- Bashkëpunëtor Profesional i Infermierisë
- Teknik i Farmacisë
- Teknik i Laboratorit Mjekësor
- Teknik i Optikës – Opticient
Themeluesi dhe Presidenti i UBT-së, Prof. Dr. Edmond Hajrizi, përshëndeti nxënësit dhe prindërit duke theksuar përkushtimin e institucionit për të ofruar një arsim të standardeve ndërkombëtare.
“Është kënaqësi e veçantë të shohim energjinë dhe entuziazmin e qindra nxënësve që sot nisin rrugëtimin e tyre në Shkollat e UBT-së. Ne ofrojmë jo vetëm një ambient modern, por edhe një përvojë arsimore që i përgatit ata për jetën, për sfidat profesionale dhe për të ardhmen. Ky vit i ri është një mundësi për të mësuar më shumë, për të krijuar më shumë dhe për të ndërtuar një të ardhme të ndritur”, u shpreh Rektori Hajrizi.
Drejtoresha e UBT International Smart Schools, Hajrije Devetaku – Gojani, theksoi rëndësinë e bashkëpunimit të vazhdueshëm mes prindërve, nxënësve dhe stafit mësimor.
“Synimi ynë është të krijojmë një mjedis ku çdo nxënës ndihet i mbështetur dhe i motivuar. Në këtë vit të ri, ne do të punojmë së bashku për të zhvilluar aftësi, dije dhe vlera që do të shoqërojnë nxënësit gjatë gjithë jetës së tyre”, tha Devetaku – Gojani.
Ceremonia u shoqërua me një atmosferë festive dhe me pritshmëri të larta për një vit të suksesshëm, teksa nxënësit u drejtuan në klasat e tyre për orën e parë të mësimit.
UBT International Smart Schools edhe këtë vit riafirmojnë vizionin e tyre si institucionet më inovative në Kosovë, duke ofruar një arsim të cilësisë së lartë dhe duke përgatitur gjeneratat e reja për sfidat e së ardhmes.
Lajmet
Osmani: Ekipi ligjor i Presidencës po bën analizë lidhur me procesin e konstituimit të Kuvendit
Published
54 minutes agoon
September 1, 2025By
UBTnews
Presidentja e Kosovës, Vjosa Osmani, ka pritur sot në takim, në cilësinë e tij, të kryetarit të sapozgjedhur të Kuvendit të Kosovës, Dimal Basha.
Në këtë takim, Kryetari Basha e ka prezantuar qëndrimin e tij lidhur me konstituimin e Kuvendit të Republikës së Kosovës. Sipas një komunikatës së Zyrës së Presidencës, Vjosa Osmani e ka informuar kryetarin Basha se ekipi ligjor i Presidencës është duke bërë analizën lidhur me procesin e konstituimit të Kuvendit të Kosovës.
“Presidentja ka potencuar se, sikurse gjithmonë, do të veprojë në përputhje të plotë me Kushtetutën dhe ligjet në fuqi, duke garantuar stabilitetin institucional dhe respektimin e vullnetit të qytetarëve të Kosovës”, shkruan Osmani.
Të shtunën, Kuvendi i Kosovës ka dështuar të zgjedhë nënkryetarin nga komuniteti serb. Asnjëri nga deputetë e komuniteti serb nuk mori shumicën e nevojshme për t’u zgjedhur nënkryetar i Kuvendit, megjithatë kryetari Dimal Basha ka mbyllur seancën konstituive.
Ndërsa, partitë opiztare, kanë konsideruar se nuk është konstituar Kuvendi.

Senne Lammens portieri më i ri i Manchester United

Masteri që hap dyert e liderëve të menaxhmentit, biznesit dhe ekonomisë – Studio në UBT

Pse shtatori është muaji i përsosur për pushime?

Arrestohen dy persona tё dyshuar për vjedhje në Pejë

Shkollat më inovative në Kosovë, UBT International Smart Schools nisin vitin e ri shkollor 2025/26

Osmani: Ekipi ligjor i Presidencës po bën analizë lidhur me procesin e konstituimit të Kuvendit

Gërvalla në Slloveni, merr pjesë në Forumin Strategjik të Bledit 2025

Çfarë ndodh në trupin tuaj kur konsumoni shumë ushqime të kriposura?

Zoë Kravitz kritikon serialin “Friends”: Disa shaka duhet të mbeten në vitet e 90-ta
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA