Magazinë

Vdiq në moshën 30-vjeçare modelja ruse, Kseniya Alexandrova

Published

on

Modelja dhe prezantuesja televizive ruse, Kseniya Alexandrova, e cila mori pjesë në konkursin “Miss Universe në vitin 2017”, ka ndërruar jetë në moshën 30-vjeçare, ka raportuar USA TODAY.

Lajmin e konfirmoi agjencia e saj e modelimit, “Modus Vivendis”, përmes një postimi emocional në Instagram. Shkaku i vdekjes nuk u bë publik nga agjencia, por mediat ruse raportuan se Alexandrova humbi jetën në një aksident trafiku më 12 gusht, teksa po udhëtonte me bashkëshortin e saj.

Sipas RIA Novosti, makina e tyre u përplas ballë për ballë me një dre që kishte dalë në rrugë, dhe Alexandrova pësoi goditje fatale në kokë.

“Kseniya ishte e ndritshme, e talentuar dhe jashtëzakonisht e veçantë. Ajo dinte si të frymëzonte, të mbështeste dhe t’u jepte ngrohtësi të gjithëve përreth. Për ne, ajo do të mbetet gjithmonë simbol i bukurisë, mirësisë dhe forcës së brendshme”, shkroi agjencia “Modus Vivendis”.

Modelja ishte martuar vetëm pak muaj më parë, në mars, siç kishte njoftuar vetë në një postim në Instagram më 2 prill.

E lindur në Moskë, Alexandrova përfaqësoi qytetin e saj në konkursin “Miss Russia 2017”, ku u shpall nënkampione.

Ajo kishte diplomuar një vit më parë në Universitetin Ekonomik Plekhanov të Rusisë, ku mori një diplomë në financë.

Pasi fituesja e “Miss Russia”, Polina Popova, vendosi të përfaqësonte vendin në “Miss World”, Alexandrova mori pjesë në “Miss Universe 2017”.

“Dua që njerëzit anembanë botës të besojnë në vetvete dhe të kenë gjithmonë një ëndërr. Duhet të jemi të fortë, të mos dorëzohemi kurrë dhe të besojmë se në këtë botë gjithçka është e mundur”, tha ajo në një intervistë gjatë garës.

Organizata “Miss Universe” ka publikuar një homazh në rrjete sociale më 14 gusht, duke shprehur “ngushëllimet më të sinqerta për familjen, miqtë dhe të gjithë ata që u prekën nga drita e ‘Miss Universe Russia 2017’”.

“Hiri, bukuria dhe shpirti i saj lanë gjurmë të pashlyeshme në familjen e ‘Miss Universe’ dhe më gjerë. Qoftë kujtimi i saj frymëzim për mirësinë, forcën dhe dashurinë tek të gjithë ata që patën fatin ta njihnin”, thuhet në homazhin në fjalë.

Përveç suksesit si modele, Alexandrova kishte vazhduar edhe studimet. Në një postim në nëntor 2022, kishte treguar se punonte si terapiste e psikodramës.

Kulturë

Sean ‘Diddy’ Combs rikthehet në gjykatë për të kërkuar një gjykim të ri

Published

on

Personazhi Sean “Diddy” Combs dhe avokatët e tij u rikthyen në gjykatën federale të New York për t’i kërkuar një gjyqtari të anulojë dënimet e tij, ku akuzohet për prostitucion ose edhe të lejojë të zhvillohet një gjyq i ri.

Gjyqtari Arun Subramanian shtyu seancën dëgjimore dhe nuk vendosi menjëherë për kërkesën e mbrojtjes.

Producenti amerikan i muzikës, i cili u akuzua për drejtimin e një operacioni të gjerë të trafikimit seksual, është burgosur që nga arrestimi i tij shtatorin e kaluar dhe i njëjti u dënua në korrik për dy akuza për prostitucion.

Avokatët e Combs argumentojnë se dënimet e tij ishin një keqpërdorim i Aktit Mann , një ligj federal që u miratua për të luftuar trafikimin e qenieve njerëzore dhe shfrytëzimin seksual të grave.

Reperi përballet deri në 10 vjet burg për secilën akuzë të ngritur./S.K/BBC News/.

 

Continue Reading

Kulturë

Ylli amerikan Luke Combs tregon se si e bëri Britaninë të dashurohej me muzikën country

Published

on

Ylli amerikan i muzikës country, Luke Combs, ka folur ekskluzivisht për BBC News rreth arsyes pse muzika country po përjeton momentin e saj dhe se si ndryshojnë fansat e tij britanikë në shije muzike.

Sipas tij muzika country po arrin nivele të reja në Mbretërinë e Bashkuar dhe tani është zhanri me rritjen më të shpejtë midis dëgjuesve britanikë, duke arritur tre miliardë transmetime vetëm vitin e kaluar.

Combs tha se po krenohet kur sheh se ka më shumë se 25 milionë dëgjues mujorë në Spotify dhe 7.5 milionë ndjekës në Instagram.

Për Combs, interesi në rritje varet nga tërheqja universale i këtij lloji muzike.

“Unë thjesht mendoj se muzika country është një vend ku të gjithë mund të shkojnë dhe të shijojnë”, thotë këngëtari 35-vjeçar i nominuar për çmimin Grammy.

“Kur fillova, nuk kishte shumë artistë që vinin në Mbretërinë e Bashkuar dhe bënin turne në klube ose arena dhe punonin shumë. Kështu që kjo ishte ajo që ne gjithmonë përpiqeshim të bënim. Ishte sikur, nëse investojmë kohën dhe energjinë tonë për të ardhur këtu, fansat këtu do ta vlerësojnë këtë.”, vazhdoi ai.

Combs, i njohur për hite si “When It Rains It Pours”, ka udhëtuar për në Londër, ndërsa Grand Ole Opry i famshëm i muzikës country zhvendoset nga Nashville, Tennessee, për një shfaqje të veçantë të vetme në Royal Albert Hall./S.K/BBC News/

 

 

 

Continue Reading

Magazinë

Rihanna sjell fotografi të vajzës së saj pas lindjes Rocki Irish Mayers

Published

on

Superylli i popit Rihanna ka lindur fëmijën e saj të tretë, një vajzë, me partnerin e saj A$AP Rocky.

Rocki Irish Mayers quhet vajza e Rihanna-s e cila lindi më 13 shtator 2025.

Çifti, të cilët kanë edhe dy djem, Riot dhe RZA, njoftoi shtatzëninë e fundit të Rihannës në Met Gala të këtij viti.

Tifozët janë gëzuar për njoftimin e lindjes në mediat sociale, me postimin që grumbulloi më shumë se 5 milionë pëlqime në dy orë.

Disa javë më parë, Rihanna festoi gjithashtu 20 vjet që nga publikimi i albumit të saj të parë.

Ky lajm u prit nga ndjekësit me urime dhe kërkesa për projektin e saj të ardhshëm sepse ka kaluar pak më pak se një dekadë që nga albumi i saj më i fundit, Anti.

Gjatë kësaj kohe, Rihanna ka nisur biznese të shumta, duke përfshirë linjën e saj të njohur të kozmetikës Fenty Beauty dhe një kompani të brendshmesh.

Pasuria neto e 37-vjeçares është vlerësuar nga Forbes në mbi një miliard dollarë./S.K/BBC/Vogue

Continue Reading

Magazinë

Egli Tako flet për ofendimet që mori pasi këndoi, Mora fjalë “e zhveshur”

Published

on

Këngëtarja nga Shqipëria, Egli Tako ka thyer heshtjen lidhur me ofendimet që ka marrë pasi ka kënduar “Mora fjalë” të Shkurte Fejzës gjatë një koncerti në Kosovë.

Në paraqitjen e saj ajo tha se meqë ishte e “zhveshur” me rroba skenike, për ta nderuar këngën, mori flamurin kombëtar dhe u mbulua me të.

“Për t’i dhënë këngës pak atë peshën dhe rëndësinë që ka dhe të mos dilja me dekolte të hapura, mora flamurin e Shqipërisë dhe u mbuloba, por kot nuk thonë hip se të vrava, zbrit se të vrava”, tha artistja teksa fliste për kritikat e shumta që mori./S.K/EO/

Continue Reading

Të kërkuara