Shëndeti

Vdekjet nga mbidoza në ShBA arritën shifra rekorde

Totali i përkohshëm i vitit 2021 përkthehet në afërsisht një vdekje në ShBA nga mbidoza çdo 5 minuta.

Published

3 years ago

May 12, 2022

Betim Gashi

Më shumë se 107 mijë amerikanë vdiqën nga mbidoza vitin e kaluar në Shtetet e Bashkuara të Amerikës, duke vendosur një tjetër rekord tragjik në epideminë e përshkallëzuar të mbidozës në vend, vlerësuan të mërkurën Qendrat për Kontrollin dhe Parandalimin e Sëmundjeve.

Totali i përkohshëm i vitit 2021 përkthehet në afërsisht një vdekje në ShBA nga mbidoza çdo 5 minuta. Ai shënoi një rritje prej 15% nga rekordi i mëparshëm, i vendosur një vit më parë. CDC shqyrton certifikatat e vdekjes dhe më pas bën një vlerësim për të llogaritur raportimin e vonuar dhe jo të plotë.

Dr. Nora Volkow, drejtoreshë e Institutit Kombëtar për Abuzimin me Drogën, i quajti shifrat e fundit me të vërtetë befasuese.

Vdekjet nga mbidoza në ShBA janë rritur për shumicën e viteve për më shumë se dy dekada. Rritja filloi në vitet 1990 me mbidozat që përfshinin qetësuesit opioidë, të ndjekur nga valët e vdekjeve të udhëhequra nga opioidet e tjera si heroina dhe së fundmi fentanili i paligjshëm.

Vitin e kaluar, mbidozat që përfshinin fentanil dhe opioidë të tjerë sintetikë kaluan 71,000, 23% më shumë se një vit më parë. Kishte gjithashtu një rritje prej 23% të vdekjeve nga kokaina dhe një rritje prej 34% të vdekjeve nga meta dhe stimulues të tjerë.

Vdekjet nga mbidoza shpesh i atribuohen më shumë se një ilaçi. Disa njerëz marrin droga të shumta dhe fentanili i lirë është prerë gjithnjë e më shumë në barna të tjera, shpesh pa dijeninë e blerësve, thonë zyrtarët.

“Efekti neto është se ne kemi shumë më tepër njerëz, përfshirë ata që përdorin drogë herë pas here dhe madje edhe adoleshentët, të ekspozuar ndaj këtyre substancave të fuqishme që mund të shkaktojnë mbidozë dikë edhe me një ekspozim relativisht të vogël”, tha Volkow në një deklaratë.

Ekspertët thonë se pandemia COVID-19 e ka përkeqësuar problemin pasi bllokimet dhe kufizimet e tjera izoluan ata me varësi nga droga dhe e bënë më të vështirë trajtimin.

Tendencat e vdekjeve nga mbidoza janë gjeografikisht të pabarabarta. Alaska pa një rritje prej 75% në 2021, rritja më e madhe e çdo shteti. Në Hawaii, vdekjet nga mbidoza ranë me 2%./UBTNews/

Shëndeti

Ushqimet më të mira kundër fryrjes së stomakut

Published

4 days ago

May 8, 2025

Albina Zeneli

Dhimbjet e barkut, gazrat dhe fryrja e stomakut janë simptoma të një tretjeje problematike por edhe pasoja të ushqyerjes së keqe.

Ka ushqime të caktuara që shkaktojnë fryrje artificiale të stomakut por edhe gazra të vazhdueshme dhe një ndjesi parehatie të madhe.

Në shumë raste, fryrja e stomakut mund të eliminohet falë konsumit të ushqimeve dhe pijeve të caktuara të shëndetshme për tretjen.

Cilat janë ushqimet që eliminojnë fryrjen e stomakut?

Kivi – Një frut i pasur me fibër. Ekspertët thonë se ngrënia e dy frutave në ditë për katër javë me rradhë eliminon konstipacionin dhe fryrjet e stomakut.

Çaji i nenexhikut – Ky çaj është përdorur prej shekujsh për të përmirësuar tretjen e zgjidhur problemet e stomakut. Ky çaj ose suplementët e nenexhikut mund të konsumohen rregullisht për katër javë. Në këtë mënyrë përgjysmojnë simptomat e problemeve me tretjen dhe do të shfryjnë stomakun.

Bananja – Ky frut është një burim i pasur i fibrës e cila ushqen bakteret e mira në stomak dhe përmirëson tretjen. Gratë që hanë dy banana në ditë për 2 muaj me rradhë kanë një bark më të sheshtë.

Kefiri – Përmban enzimë të rëndësishme që shpërbën laktozën, një sheqernë tek qumështi që shkakton probleme me stomakun. Pirja e kefirit zgjidh problemet me tretjen dhe eliminon fryrjen dhe gazrat me të paktën 70%.

Xhenxhefili – Xhenxheri është përdorur prej mijëra vitesh për të qetësuar stomakun e përmirësuar tretjen. Ai qetëson muskujt e lejon trupin të nxjerrë gazrat më me lehtësi. Xhinxheri, një prej përbërësve kryesorë të këtij zhardhoku, ofron përfitime të shkëlqyera për stomakun dhe tretjen.

Pjepri – Ka aftësi çliruese edhe madje ndihmon në eliminimin e ujrave të tepërt nga organizmi. Ai shfryn stomakun por edhe shërben si zëvendësues natyral i elektroliteve sepse është shumë i pasur me kalium. /UBT News/

Shëndeti

Qëndrimi ulur për periudha të gjata rrit rrezikun për sëmundje kronike

Published

4 days ago

May 8, 2025

Albina Zeneli

Qëndrimi ulur për më shumë se 6 orë në ditë lidhet me rritjen e rrezikut për diabet, obezitet dhe sëmundje të zemrës, paralajmërojnë ekspertët e shëndetit.

Rekomandohet ngritja dhe lëvizja çdo 30–60 minuta.

Kur trupi është në gjendje pasive për periudha të gjata, metabolizmi ngadalësohet, muskujt e këmbëve dobësohen dhe qarkullimi i gjakut ngadalësohet, duke rritur rrezikun për mpiksje gjaku dhe tension të lartë.

Zgjidhja praktike është përdorimi i tavolinave të ngritura, pushimet aktive ose ecjet e shkurtra gjatë ditës së punës.

Edhe lëvizje të vogla, si shtrirja apo ushtrime të lehta, bëjnë ndryshim të madh në afatgjatë.

Shëndeti

Të mirat dhe “dëmet” nga konsumimi i fasuleve

Published

4 days ago

May 8, 2025

Albina Zeneli

Fasulet konsiderohen si ushqim i shëndetshëm dhe janë të pasura më shumë vitamina. Por, ato kanë edhe disa efekte jo shumë të këndshme.

Ndër dobitë e fasuleve janë përmbajtja e lartë e hekurit, kaliumit, fibrave, proteinave dhe vitaminës B, transmeton EO.

Gjithashtu fasulet kanë veti kundër kancerit, për shkak të kimikateve që përmbajnë të cilat luftojnë qelizat kancerogjene.

Ndër të tjera parandalojnë sëmundjet e zemrës, ulin kolesterolin dhe ndihmojnë në humbje peshe, për shkak se ngopin dhe nuk shëndoshin.

Të prekurit nga diabeti nuk duhet t’i ndajnë nga tryeza, për shkak se garantojnë një burim të qëndrueshëm të glukozës.

Por krahas dobive fasulet kanë edhe efekte të pakëndshme si gazrat, rritje të presionit të gjakut dhe stimulojnë shkaktimin e migrenë.

Shëndeti

Ankthi i heshtur: Si manifestohet te gratë dhe pse nuk merret seriozisht?

Published

4 days ago

May 8, 2025

Albina Zeneli

Ajo është vajza që gjithmonë mban situatat nën kontroll. Qesh, është e organizuar, e vëmendshme me të gjithë. Por ajo që nuk shohim është lodhja që ndjen nga brenda, ndjesia e përhershme e ankthit dhe tensionit që nuk shprehet me fjalë.

Shpesh, tek gratë ankthi nuk vjen me panik apo shpërthime emocionale, por me një ndjesi konstante të “mosmjaftueshmërisë”.

Perfeksionizmi, mbingarkesa me përgjegjësi dhe pritshmëritë sociale bëjnë që shumë gra ta fshehin ankthin me një buzëqeshje, madje edhe nga vetja e tyre.

Mjekët dhe rrethi shoqëror mund të mos e kuptojnë fare – sepse gratë kanë mësuar ta mbajnë veten gjithmonë “në rregull”.

Por kjo është pikërisht ajo që e bën ankthin e tyre më të rrezikshëm: fakti që nuk merret seriozisht, as kur ka nevojë urgjente për ndihmë.

Stop ankthit të heshtur!