Lajmet

Vdekjet nga lija e majmunit në ShBA janë të rralla, pse është e vështirë të konfirmohen ato?

Ndonjëherë ka qenë e vështirë të përcaktohet roli i lisë së majmunit në vdekje.

Published

4 years ago

on

Shtetet e Bashkuara të Amerikës regjistruan mbi 25 mijë raste të lisë së majmunit, por rastet e vdekjeve janë të rralla.

Ndër të paktat e raportuara, ndonjëherë ka qenë e vështirë të përcaktohet roli i lisë së majmunit në vdekje.

“Është njëfarë situate e vjetër që kishim me Covid: A keni vdekur nga Covid apo keni vdekur me Covid? Dhe ky është i njëjti skenar: A keni vdekur me li të majmunit apo keni vdekur nga lija e majmunit?”, tha Lori Tremmel Freeman, shefi ekzekutiv i Shoqatës Kombëtare të Zyrtarëve Shëndetësor të Qarkut dhe Qytetit.

Viktima e parë konfirmuar në ShBA për shkak të lisë së majmunit u raportua në Kontenë e Los Angelesit në muajin shtator. Një person me linë e majmunit në Houston vdiq në muajin gusht, por zyrtarët nuk e kanë përcaktuar nëse virusi shkaktoi vdekjen. Të enjten, Ohio raportoi viktimën e parë me li të majmunit, por tha se “vikima kishte edhe sëmundje të tjera shoqëruese”.

Shumë njerëz që janë infektuar me linë e majmunit në këtë shpërthim kanë gjithashtu sisteme imune të komprometuara ose probleme të tjera shëndetësore, sikurse HIV. Mund të jetë e vështirë për zyrtarët të përcaktojnë nëse një vdekje në fakt është shkaktuar nga lija e majmunit ose nëse personi ka vdekur nga probleme të tjera shëndetësore, ndërkohë që ka qenë i infektuar me linë e majmunit.

Hulumtimet nga shpërthime të tjera kanë zbuluar se vdekjet nga lija e majmunit më shpesh prekin foshnjat, gratë shtatzëna dhe njerëzit me sistem imunitar të dobësuar.

Mundësia për një sëmundje të rëndë

Në nivel global janë regjistruar më shumë se 68 mijë raste me linë e majmunit dhe 25 vdekje të konfirmuara në shpërthimin aktual, sipas Organizatës Botërore të Shëndetësisë.

Rastet e reja të lisë së majmunit në Shtetet e Bashkuara kanë rënë vazhdimisht në javët e fundit, por shqetësimi mbetet për mundësinë e sëmundjes së rëndë ose vdekjes, veçanërisht te njerëzit me imunitet të kompromentuar. Në një alarm dërguar ofruesve të kujdesit shëndetësor të enjten, CDC tha se disa njerëz me linë e majmunit kanë pasur “manifestime të rënda” të sëmundjes, shtrime të zgjatura në spital ose probleme “të konsiderueshme” shëndetësore.

Për të përcaktuar nëse lija e majmunit ka shkaktuar ose kontribuar në një vdekje, patologët mjeko-ligjorë kërkojnë të dhëna se si simptomat në mënyrë specifike mund të jenë bërë fatale./UBTNews/

Related Topics:
Continue Reading

Lajmet

Influenceri meksikan vritet gjatë transmetimit live

Published

12 minutes ago

on

August 5, 2026

By

Influenceri meksikan Cesar Gastelum, i ndjekur nga rreth 600 mijë persona në TikTok, është vrarë me armë zjarri teksa po transmetonte drejtpërdrejt pranë një restoranti në qytetin Culiacan, në veriperëndim të Meksikës.

Sipas mediave lokale, Gastelum ndodhej jashtë një lokali së bashku me disa miq, kur dy persona të maskuar, të cilët lëviznin me motoçikletë, iu afruan grupit. Në pamjet e transmetimit live shihet momenti kur njëri prej tyre nxjerr armën dhe qëllon disa herë ndaj influencerit nga një distancë shumë e afërt.

Gastelum humbi jetën në vendin e ngjarjes, ndërsa autorët u larguan menjëherë pas sulmit. Policia ka nisur hetimet për zbardhjen e rrethanave dhe identifikimin e tyre./A.K/

Continue Reading

Lajmet

Martin Garrix falënderon Kosovën pas performancës në kryeqytet

Published

25 minutes ago

on

August 5, 2026

By

DJ-i i njohur ndërkombëtar Martin Garrix ka ndarë emocionet e tij pas një fundjave të ngarkuar me performanca në Ibiza, Finlandë dhe Kosovë.

Përmes një postimi në Instagram, Garrix falënderoi familjen Lipa për mikpritjen dhe kujdesin gjatë qëndrimit në Kosovë, ndërsa vlerësoi energjinë e publikut në të gjitha skenat ku performoi.

“Fundjavë e çmendur në Ibiza, Finlandë dhe Kosovë. Faleminderit familjes Lipa për kujdesin e jashtëzakonshëm dhe faleminderit për energjinë e çmendur në të gjitha koncertet”, shkroi ai, duke e shoqëruar postimin me flamujt e vendeve ku ishte i pranishëm.

Performanca e Garrix në Kosovë u bë pjesë e një fundjave të veçantë artistike, ku një prej emrave më të mëdhenj të muzikës elektronike botërore solli atmosferën e tij para publikut kosovar./A.K/

Continue Reading

Lajmet

Një pjesë e raketës “Falcon 9” e SpaceX përplaset në Hënë

Published

35 minutes ago

on

August 5, 2026

By

Një pjesë rreth katër tonëshe e raketës “Falcon 9” të kompanisë SpaceX mendohet se është përplasur paqëllimshëm në sipërfaqen e Hënës.

Objekti, i cili ka qenë në hapësirë që nga viti i kaluar, u përplas me shpejtësi të madhe, por sipas NASA-s nuk paraqet asnjë rrezik për Tokën.

Bëhet fjalë për fazën e dytë të raketës “Falcon 9”, e cila u lansua në janar të vitit 2025 për një mision drejt Hënës. Ekspertët vlerësojnë se përplasja mund të ketë krijuar një krater rreth 18 metra të gjerë dhe katër metra të thellë.

NASA ka bërë të ditur se do të analizojë imazhet e sipërfaqes hënore para dhe pas goditjes, për të studiuar ndikimet e krijuara nga objektet artificiale në Hënë.

Zakonisht, pjesët e raketave pas përfundimit të misioneve kthehen në atmosferën e Tokës dhe digjen ose përfundojnë në oqeane. Megjithatë, në këtë rast, për shkak të energjisë më të madhe të nevojshme për misionin hënor, pjesa e raketës mbeti në hapësirë deri në përplasjen me Hënën./A.K/

Continue Reading

Lajmet

Studentja e Inxhinierisë së Ndërtimit në UBT, Diellza Vishi, mbron masterin me hulumtim shkencor në Spanjë

Published

47 minutes ago

on

August 5, 2026

By

Një tjetër histori suksesi shënohet në Fakultetin e Inxhinierisë së Ndërtimit dhe Infrastrukturës në UBT. Studentja Diellza Vishi ka përmbyllur me sukses studimet e saj të nivelit master, duke realizuar një hulumtim të rëndësishëm shkencor në kuadër të programit të mobilitetit Erasmus+.

Gjatë një semestri të kaluar në Valencia të Spanjës, pjesën eksperimentale dhe hulumtimin shkencor për temën e saj të diplomës, Diellza i ka zhvilluar në laboratorin e njohur ICITECH (Instituto de Ciencia y Tecnología del Hormigón), brenda Universitat Politècnica de València (UPV). ICITECH njihet si një nga institutet kërkimore më me zë në Evropë në fushën e materialeve ndërtimore dhe inxhinierisë strukturore.

Hulumtimi shkencor u zhvillua nën mbikëqyrjen e dy emrave të shquar të fushës: Prof. Dr. Pedro Serna Ros, ekspert me reputacion ndërkombëtar në fushën e betonit të përforcuar me fibra, si dhe Prof. Dr. Visar Krelani, Dekan i Fakultetit të Inxhinierisë së Ndërtimit dhe Infrastrukturës në UBT.

Studentja Diellza Vishi mbrojti me sukses temën me titull “Experimental Analysis of the Effect of Fiber Orientation on the Mechanical Behavior of Prismatic and Slab Elements”.

Pjesë e komisionit në mbrojtjen e diplomës ishte edhe vetë Prof. Dr. Pedro Serna Ros, i cili u kyç drejtpërdrejt nga Spanja përmes platformës Google Meet.

Ky sukses dëshmon edhe një herë cilësinë e përgatitjes akademike në UBT dhe mundësitë e mëdha që institucioni u ofron studentëve për të depërtuar në qendrat më të njohura kërkimore evropiane. /E.A/

 

 

Continue Reading

Të kërkuara