Kulturë

“Vdekja na e rrëmbeu para kohe Buqen, por kujtimet dhe veprat e saj janë të pashlyeshme”

Varrimi Burbuqe Berishës do të bëhet sot në orën 15:00.

Published

5 years ago

on

Teatrit Kombëtar në Prishtinë hapi dyert e tij edhe sot për regjisoren Burbuqe Berisha, por kësaj radhe jo për ndonjë vepër teatrale të saj, por për t’i dhënë asaj lamtumirën e fundit dhe për të nderuar jetën dhe veprën e regjisores. Homazhe tek arkivoli i saj sot bënë krerë të lartë institucional e figura të shumta nga kultura dhe arti.

Kryeministri i Kosovës, Albin Kurti i shoqëruar nga ministri i Kulturës, Rinisë dhe Sportit (MKRS), Hajrulla Çeku dhe kandidati i Lëvizjes Vetëvendosje (LVV), Arben Vitia bënë homazhe për regjisoren, Burbuqe Berisha.

Kurti pasi bëri homazhe tek arkivoli i regjisores të ndjerë tha se krijimtaria artistike e Burbuqe Berishës është kujtimi i pashlyeshëm që do të ngelet trashëgimi për brezat e ardhshëm.

“Angazhimi i saj e puna e saj për teatrin dhe filmin tek ne lë gjurmë të shkëlqyera në kulturën tonë, veprimtaria dhe krijimtaria artistike e Burbuqe Berishën pa dyshim që e bënë edhe kujtimin tonë për të, të pashlyeshëm por njëkohësisht ajo ngelet edhe si trashëgimit për brezat e ardhshëm e artdashësve që do vijnë pas saj. Unë kam pasur fatin që shpesh ta takoj e pa numër herë edhe të rrimë bashkë dhe të diskutojmë bashkë për artin dhe kulturën për filmat tek ne dhe në botë dhe ajo nuk ka qenë vetëm një artiste e talentuar por gjithashtu edhe një artiste e angazhuar që ka ndihmuar të tjerët dhe me debatet që ka marr pjesë e siguri që ka kontribuar edhe tek artistët tjerë të gjeneratës së saj por edhe ata që ishin pararendës dhe që vijnë pas saj. E kujtojmë me nderime dhe mall Burbuqe Berishën që vdekja na e rrëmbeu para kohe mirëpo asnjëherë nuk do mund të na i marr mbresat e fuqishme që ka tek ne me jetën dhe veprën e saj”, tha Kurti.

Ministri i Kulturës, Rinisë dhe Sportit, Hajrulla Çeku tha se komuniteti artistik ka humbur një punëtore të madhe, ndërsa shoqëria ka humbur një qytetare aktive dhe të zellshme.

Çeku u shpreh se Burbuqe Berisha frymën e saj të fundit e dha duke punuar për kulturën.

“Komuniteti artistik i Kosovës ka humbur një punëtore të madhe dhe të palodhshme ndërsa shoqëria kosovare ka humbur një qytetare aktive dhe të zellshme që asnjëherë nuk është ndal së punuari dhe së prodhuari në art dhe kulturë, dhe në momentin kur po jepte frymën e fundit Burbuqe Berisha ishte duke punuar, ishte duke na ndihmuar me regjinë e koncertit të parë të Operës së Kosovës, ishte pra në ambientet e ministrisë së Kulturës. Ishte moment i trishtë ne do e kujtojmë jetën dhe veprën e saj si ministri e Kulturës do bëjmë çmos që jetën dhe veprën e saj të përcillet brezave të ardhshëm dhe do të bëjmë krejt çka është në dispozicion që artistët e mëdhenj siç ishte Burbuqja ta kenë vendin e merituar në historinë artistike. Burbuqe Berisha ka lënë prapa një krijimtari shumë të pasur edhe filmike edhe teatrore ka qenë një urë lidhëse në mes artistëve të filmit dhe teatrit”, tha Çeku.

Homazhe tek arkivoli i regjisore, Burbuqe Berisha bëri edhe ish-ministrja e Kulturës, Vlora Dumoshi e cila tha se vdekja e Buqes është humbje e madhe për komunitetin kulturor dhe gjithë Kosovën.

“Buqen e kam pasur mike qysh në kohën e rinisë Buqja ka qenë një person i jashtëzakonshëm për neve edhe komunitetin kulturor dhe gjithë Kosovën është humbje shumë e madhe ka dhënë një kontribut të jashtëzakonshëm në fushën e kulturës në fushën e edukimit të gjeneratave të studentëve sepse ka ligjëruar, andaj kjo vdekje ka qenë e papritur sidomos për neve miket e saja. Uroj që puna e saj të kujtohet e gjithsesi do e kujtojmë edhe Buqen dhe do e kemi në shpirtin tonë. Unë i ngushëlloj familjarët për këtë humbje të madhe sepse ka qenë shtyllë e familjes përveç kontributit të saj në kulturë, në arsim Buqja ka pasur edhe një histori familjare e bija e një të burgosuri politik të cilët nuk e kanë pasur jetën e lehtë por Buqja ka qenë ajo që ka luftuar”, tha Dumoshi.

Regjisorja e njohur kosovare, Burbuqe Berisha ka ndërruar jetë dje, ndërsa varrimi saj do të bëhet sot në orën 15:00.

Related Topics:
Continue Reading

Lajmet

Koncerti “Americana” festoi miqësinë Kosovë–SHBA, Ambasada amerikane falënderon Filharmoninë

Published

1 hour ago

on

July 10, 2026

By

Ambasada e Shteteve të Bashkuara në Prishtinë ka shprehur mirënjohjen për Orkestrën e Filharmonisë së Kosovës dhe të gjithë ata që kontribuuan në realizimin e koncertit “Americana”, i mbajtur të mërkurën mbrëma në Sheshin “Skënderbeu” në Prishtinë.

Përmes një postimi në rrjetet sociale, Ambasada e SHBA-së e cilësoi koncertin si një mbrëmje të veçantë kushtuar muzikës, kulturës dhe miqësisë, në kuadër të shënimit të 250-vjetorit të Pavarësisë së Shteteve të Bashkuara të Amerikës.

“Çfarë performance që shijuam! Falënderime të përzemërta për Orkestrën e Filharmonisë së Kosovës për interpretimin e jashtëzakonshëm dhe për të gjithë ata që e bënë ‘Americana’ një mbrëmje kaq të paharrueshme, duke festuar 250-vjetorin e Amerikës dhe partneritetin tonë të qëndrueshëm. Një mbrëmje vërtet e paharrueshme me muzikë, kulturë dhe miqësi!”, thuhet në reagimin e Ambasadës.

Koncerti “Americana”, nën dirigjimin e maestros Toshio Yanagisawa, solli para publikut vepra të njohura të kompozitorëve amerikanë, përfshirë George Gershwin dhe Leonard Bernstein, duke mbledhur qindra qytetarë në qendër të Prishtinës për një mbrëmje festive që shënoi lidhjet e ngushta ndërmjet Kosovës dhe Shteteve të Bashkuara të Amerikës./A.K/

Continue Reading

Lajmet

Orkestra “Amadeus” hap me sukses festivalin ndërkombëtar “Musica Orbis” në Pragë

Published

4 hours ago

on

July 10, 2026

By

Orkestra e Fëmijëve dhe të Rinjve “Amadeus” ka shënuar një paraqitje të suksesshme në koncertin hapës të festivalit garues ndërkombëtar “Musica Orbis”, i cili po mbahet në Pragë të Çekisë.

Ceremonia solemne e hapjes u zhvillua në sallën Mayakovski të Teatrit Vinohrady, ku orkestra hapi festivalin me interpretimin e veprës shqiptare “Malësorja”, e cila u mirëprit me ovacione dhe duartrokitje nga publiku.

Në këtë ngjarje mori pjesë edhe Ambasadorja e Republikës së Kosovës në Çeki, Albesjana Iberhysaj, e cila në fjalën e saj vlerësoi rëndësinë e pjesëmarrjes së orkestrës në një festival ndërkombëtar dhe rolin e saj në promovimin e Kosovës në arenën kulturore botërore.

Organizatorët dhe anëtarët e orkestrës shprehën mirënjohje për Ambasadën e Kosovës në Çeki për mbështetjen dhe angazhimin gjatë qëndrimit të tyre në Pragë, si dhe falënderuan publikun për përkrahjen e vazhdueshme.

Orkestra “Amadeus” do ta përfaqësojë Kosovën edhe në garën ndërkombëtare të orkestrave në kuadër të festivalit “Musica Orbis 2026”./A.K/

Continue Reading

Lajmet

Kurti viziton Galerinë Kombëtare: Arti është udhërrëfyes i shoqërisë

Published

4 hours ago

on

July 10, 2026

By

Kryeministri në detyrë i Kosovës, Albin Kurti, ka vizituar Galerinë Kombëtare të Kosovës, duke theksuar rëndësinë e artit pamor dhe institucioneve kulturore në ruajtjen e trashëgimisë shpirtërore dhe zhvillimin e jetës publike.

Përmes një postimi në rrjetet sociale, Kurti ndau përshtypjet e tij nga ekspozitat e fundit, duke vlerësuar Galerinë Kombëtare si një hapësirë të rëndësishme për promovimin e artistëve vendorë dhe ndërkombëtarë, si dhe për ndërtimin e identitetit kulturor të vendit.

“Arti nuk është vetëm reflektim i shoqërisë, por edhe udhërrëfyes i saj. Mbështetja për institucionet tona kulturore dhe krijuesit tanë mbetet prioritet, pasi përmes tyre prezantojmë vlerat tona më të mira para botës”, ka shkruar Kurti.

Gjatë vizitës, ai u njoftua edhe me projektet dhe sfidat e Galerisë Kombëtare, duke rikonfirmuar angazhimin e Qeverisë për rritjen e investimeve në infrastrukturën kulturore dhe për mbështetjen e artit bashkëkohor në Kosovë./A.K/

Continue Reading

Lajmet

Podujeva mirëpret për të tretin vit Festivalin Ndërkombëtar “Newborn Kosova”

Published

24 hours ago

on

July 9, 2026

By

Podujeva ka mirëpritur për të tretin vit me radhë Festivalin Ndërkombëtar “Newborn Kosova”, i cili edhe këtë vit e nisi rrugëtimin nga ky qytet, duke sjellë një atmosferë të veçantë kulturore.

Në Sheshin “Katër Dëshmorët”, qytetarët shijuan një mbrëmje të pasur me art, traditë dhe folklor, ku ansamble nga Bullgaria, Holanda, Kosta Rika dhe Greqia prezantuan vallet tradicionale, muzikën dhe veshjet karakteristike të vendeve të tyre.

Kryetari i Komunës së Podujevës, Shpejtim Bulliqi, tha se është kënaqësi që qyteti vazhdon të jetë nikoqir i një festivali me karakter ndërkombëtar, i cili promovon shkëmbimin kulturor, miqësinë dhe bashkëpunimin ndërmjet popujve.

Në shenjë mirënjohjeje për mbështetjen e vazhdueshme ndaj festivalit, organizatorët i ndanë një mirënjohje kryetarit Bulliqi. Nga ana e tij, ai u dorëzoi mirënjohje ansambleve pjesëmarrëse, duke i falënderuar për kontributin në promovimin e kulturave të tyre përmes muzikës dhe vallëzimit./A.K/

Continue Reading

Të kërkuara