Sport

Vazhdojnë problemet për Barcelonën, lëndohet Fati

Fati ka pësuar një lëndim në gju.

Published

5 years ago

October 27, 2021

Betim Gashi

Sulmuesi i Barcelonës, Ansu Fati nuk do të paraqitet në ndeshjen e sotme të La Ligas kundër Rayo Vallecano, pasi që ka pësuar një lëndim në gju.

Tinejxheri spanjoll, i cili veçse ka nënshkruar një kontratë të re shumëvjeçare në “Camp Nou”, ishte zëvendësuar në humbjen e Barcelonës në “El Clasico” nga Real Madridi, pasi që kishte pësuar një goditje në gju.

Ronald Koeman ka treguar në konferencën për media para ndeshjes me Rayo Vallecano që Fati mund të mos paraqitet në ndeshjen e sotme.

Në fakt, ai nuk ishte vërejtur në grumbullimin e lojtarëve për ndeshjen ndaj Vallecanos, dhe gjiganti katalunas e ka konfirmuar që Fati nuk do të paraqitet sot në stadiumin “Vallecas”.

“Ansu Fati ka dhimbje në gjurin e tij të djathtë. Ai nuk do të jetë i gatshëm për grumbullim dhe rikuperimi i tij do të tregojë datën se kur do të kthehet ai”, tha Koeman.

Po ashtu, në ndeshjen e sotme Koeman do të jetë pa Ousmane Dembele, Martin Braithwaite, Pedri, Frenkie de Jong dhe Ronald Araujo.

Related Topics:barcelona Ansu Fati "Camp Nou:"El Clasico"

Up Next

Tuchel lavdëron paraqitjen e Saul

Don't Miss

Uzuni shënon sërish dy gola

Sport

Briken Calja shkëlqen në Taranto, shpallet kampion dhe thyen rekorde

Published

1 hour ago

September 1, 2026

UBTNews

Reprezentuesi i Shqipërisë, Briken Calja, është shpallur kampion i Lojërave Mesdhetare “Taranto 2026”, pas një paraqitjeje të jashtëzakonshme në peshëngritje.

Sportisti i Team Albania dominoi garën në kategorinë deri në 75 kilogramë, duke treguar formë të shkëlqyer.

Në stilin e shkëputjes, Calja realizoi tri prova të suksesshme, duke ngritur 147, 152 dhe 154 kilogramë. Me rezultatin maksimal prej 154 kilogramësh, ai fitoi medaljen e artë dhe njëkohësisht vendosi tri rekorde mesdhetare.

Edhe në stilin e shtytjes, Calja vazhdoi me paraqitje mbresëlënëse. Ai ngriti 184 kilogramë, duke vendosur rekordin mesdhetar në këtë stil dhe duke fituar medaljen e bronztë.

Kjo është një tjetër paraqitje e madhe e peshëngritësit shqiptar, i cili i ka dhuruar Shqipërisë një medalje të artë në “Taranto 2026”.

Me suksesin e Caljas, Shqipëria numëron tashmë gjashtë medalje në këto Lojëra: dy të arta, një të argjendtë dhe tri të bronzta.

D.L

Lajmet

Islam Selmani i artë, medalja e 7-të për Kosovën

Published

2 hours ago

September 1, 2026

UBTNews

Islam Selmani ka shkëlqyer në Lojërat Mesdhetare “Taranto 2026”, duke fituar medaljen e artë dhe duke i sjellë Kosovës medaljen e shtatë në këto Lojëra.

Karateisti kosovar triumfoi në finale dhe u shpall kampion, duke shkruar një faqe të rëndësishme për karatenë e Kosovës.

Kjo është medalja e parë e artë për Kosovën në karate në “Taranto 2026” dhe medalja e shtatë e delegacionit kosovar.

Një paraqitje fantastike e Islam Selmanit, i cili tashmë është kampion i Lojërave Mesdhetare.

D.L

Sport

Briken Calja i artë në “Taranto 2026”, Shqipëria fiton medaljen e dytë të artë

Published

4 hours ago

September 1, 2026

UBTNews

Briken Calja i ka sjellë Shqipërisë medalje të artë në Lojërat Mesdhetare “Taranto 2026”.

Peshëngritësi shqiptar garoi të martën paradite në kategorinë deri në 75 kilogramë, duke shkëlqyer në stilin e shkëputjes.

Calja fitoi medaljen e artë në shkëputje, pasi ngriti me sukses peshën maksimale prej 154 kilogramësh.

Në stilin e shtytjes, shqiptari u rendit i treti, duke fituar medaljen e bronztë me një peshë maksimale prej 184 kilogramësh.

Me këtë sukses, Calja ka kontribuar në një paraqitje të mirë të Shqipërisë në “Taranto 2026”, ku deri tani ka fituar dy medalje të arta, një të argjendtë dhe dy të bronzta.

Foto: euronews

D.L

Sport

Sigurohet medalja e shtatë për Kosovën, Islam Selmani në finale

Published

5 hours ago

September 1, 2026

UBTNews

Islam Selmani ka siguruar medaljen e shtatë për Kosovën në Lojërat Mesdhetare “Taranto 2026”, duke shkruar njëkohësisht histori për karatenë kosovare.

Karateisti ynë ka triumfuar në gjysmëfinale dhe është kualifikuar në finale, duke i siguruar Kosovës medaljen e parë në karate në këto Lojëra Mesdhetare.

Selmani tani do të luftojë për medaljen e artë, me synimin për ta kurorëzuar paraqitjen e tij me titullin e kampionit.

D.L