Sport

Tuchel lavdëron paraqitjen e Saul

Saul Niguez ka impresionuar trajnerin Tuchel me paraqitjen e tij.

Published

5 years ago

October 27, 2021

UBT news

Trajneri gjerman Thomas Tuchel ishte i lumtur me paraqitjen e mesfushorit spanjoll Saul në ndeshjen e Chelseat në Carabao Cup kundër skuadrës së Southamptonit.

Kalimin tutje në çerekfinale Chelseat ia siguroi faza e penalltive, ku penalltia vendimtare e fitores së “Bluve” u shënua nga mbrojtësi Reece James, përcjell KosovaPress.

Penalltia e James ia siguroi fitoren 4:3 skuadrës së Tuchel, pasi që për kundërshtarët ishin Theo Walcott dhe Will Smallbone të cilët dështuan që të konvertojnë me gol nga pika e bardhë.

Në këtë fitore u paraqit edhe mesfushori spanjoll Saul Niguez, i cili ka impresionuar trajnerin Thomas Tuchel me paraqitjen e tij mbrëmë.

“Ai kishte një ndeshje të mirë, një hap i madh në rrugën e drejtë për të. Unë jam i lumtur. Ne menduam që ai do të ketë probleme me intensitetin e lojës në minutën e 70’ por ai vazhdoi mirë e më mirë, kishte shanse dhe goditje drejt portës”, tha Tuchel.

“Ne menduam që ta lëmë të luaj dhe t’i japim atij minutazhë. Ishte një hap i mirë për të”, shtoi trajneri gjerman.

Që nga transferimi i tij si huazim nga Atletico Madridi te Chelsea, mesfushori spanjoll Saul Niguez ka arritur të bëjë vetëm 4 paraqitje për “Blutë” e Londrës.

Vendi

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/