

Shëndeti
Ushqimet që shmangin enjtjen dhe skuqjen e syve
Një ndër sëmundjet që shkakton inflamacion dhe sekrecione të syve është edhe sëmundja e konjuktivitit.
Published
2 years agoon
By
UBT newsMe siguri herët kur keni ndjerë djegie të syve i mbani mend jo vetëm prej dhimbjes, por edhe prej skuqjes së tyre.
Një ndër sëmundjet që shkakton inflamacion dhe sekrecione të syve është edhe sëmundja e konjuktivitit.
Konjuktiviti prek të gjithë zonën e syve dhe qepallave dhe mund të vijë si pasojë e alergjive, zakonisht në pranverë apo baktereve.
Ky shqetësim zakonisht largohet për 7-10 ditë, por nëse nuk trajtohet siç duhet mund të jetë shumë i rrezikshëm për shikimin.
Në mënyrë që skuqja, kruajtja dhe përlotja të pushojë AgroWeb.org ju rekomandon regjimin e duhur ushqimor për shëndetin e syve.
Dieta alkaline kundër konjuktivitit
Kur organizmi ynë vuan nga ndonjë inflamacion është gjithnjë si pasojë e ndonjë mungese mineralesh.
Për këtë arsye kura duhet të fillojë nga marrja e një burimi të pasur me përbërës që rregullojnë pehashin e brendëshëm të trupit.
AgroWeb.org ju këshillon një listë ushqimesh që duhet të konsumoni në ndihmë të këtij problemi.
- Limon
- Avokado
- Banane
- Shalqi
- Hurdhër
- Fruta të thata dhe fara
- Spec i kuq
Kombinojini këto ushqime në dietën tuaj të përditëshme për të pasur një shëndet më të mirë të syve.
Vitamina natyrale kundër konjuktivitit
Disa lloje vitaminash janë shumë efikase në trajtimin e këtij problemi.
AgroWeb.org j’ua liston si më poshtë të gjitha ato:
- Vitamina A që mund t’a merrni nga ushqime të pasura me karroten dhe betakarroten.
- Vitaminat e grupit B të cilat ndihmojnë në përmirësimin e shëndetit të syve.
- Vitamina E parandalon dëmet e shkaktuara nga radikalet e lira tek shikimi.
- Vitamina C përforcon sistemin imunitar dhe ju ndihmon në përthithjen më të mirë të vitaminës A dhe E.
Trajtime të tjera
Bimët medicinale me veti qetësuese janë një kompresë shumë e mirë për të larguar këtë problem.
Kamomili është një ndër këto bimë që ka veti antinflamatore që ndihmojnë në mbajtjen e syrit në vlerat e tij optimale.
Kompresat me kamomil do të qetësojnë sytë dhe do të përshpejtojnë shërimin e tyre.
Nëse jeni prekur nga alergjitë apo konjuktiviti bëjini këto kompresa dy ose tre herë në ditë.
Një mënyrë tjetër është të vendosni disa napa të buta dhe të ftohta rreth syve për të parandaluar dhimbjen dhe kruajtjen.
Higjena e përditshme
Zanafilla e kurimit të kojuktivitetit sigurisht është një higjenë e mirë e përditëshme.
AgroWeb.org ju rekomadon disa mënyra të thjeshta si të kujdeseni për sytë tuaj.
Përdorni gjithnjë një pershqir të veçantë për të fshirë sytë tuaj.
Mos i prekni sytë kurrë me duar të pista.
Mundohuni të mos i kruani sytë me duar gjatë ditës.
Kujdesuni gjithnjë me ilaçet e duar pasi keni përdorur lente kontakti apo lente të zakonshme.
Në rastet kur keni probleme të shpeshta të syve këshillohuni patjetër me një mjek okulist për të marrë kujdesin e nevojshëm./AgroWeb.org
Shëndeti
Çdo ditë bëni këtë gabim derisa i lani dhëmbët, prandaj ju bëhen të verdhë!
Published
21 hours agoon
April 24, 2025
Higjiena orale dhe dentare është shumë me rëndësi për shëndetin e përgjithshëm.
Ka gabime te larja e dhëmbëve të cilat me siguri i bëni çdo ditë dhe nuk keni haber që po e rrezikoni shëndetin e dhëmbëve tuaj.
Të gjithë e dimë që dhëmbët është e nevojshme t’i lani së paku dy minuta dhe së paku dy herë në ditë. Atë që e bëjmë gabimisht është kur i lajmë dhëmbët në shpejtësi, prandaj në ta ende ekzistojnë mbetje të ushqimit, gjë që mundësojnë zhvillimin e baktereve në gavrën e gojës.
Gurëzit e dhëmbëve, kariesi, inflamacioni janë disa nga problemet me të cilat përballen dhe luftojnë ata që nuk kujdesen në mënyrë të drejtë për higjienën e gavrës së gojës. Shumica gabojnë edhe me sasinë e pastës së dhëmbëve të cilën e vënë në brushë.
Nuk është e nevojshme të vihet pasta në gjithë sipërfaqen e brushës, sepse mund t’i dëmtoni dhëmbët dhe ata me kalimin e kohës marrin ngjyrë të verdhë.
Zmalti në dhëmbë dëmtohet, njerëzit i lajnë dhëmbët me brushë me qëllim t’ua kthejnë bardhësinë dhe shkëlqimin, mirëpo ata bëhen gjithnjë e më të errët.
Prodhuesit e pastave të dhëmbëve rekomandojnë larjen me brushë me sasinë e pastës së madhësisë së kokrrës së bizeles, mirëpo njerëzit shpesh e injorojnë këtë informacion dhe e mbushin brushën me pastë.
Kini parasysh këtë këshillë herën tjetër kur i lani dhëmbët!
Shëndeti
Sheqeri po dëmton seriozisht shëndetin tuaj, ja çfarë duhet të dini!
Published
1 day agoon
April 24, 2025
Konsumimi i tepërt i sheqerit është kthyer në një ndër rreziqet më të mëdha për shëndetin publik, sipas studimeve më të fundit të publikuara nga organizatat ndërkombëtare të shëndetit.
Ndonëse sheqeri është pjesë e pandashme e dietës moderne, efektet anësore mund të jenë më të rënda sesa mendohej më parë.
Sipas ekspertëve të shëndetit, konsumimi i rregullt i produkteve të pasura me sheqer lidhet ngushtë me një sërë sëmundjesh kronike si diabeti i tipit 2, obeziteti, sëmundjet kardiovaskulare dhe madje edhe probleme me kujtesën dhe përqendrimin.
Mjekët paralajmërojnë se sheqeri “i fshehur” në produktet e përpunuara është burim rreziku, përdoruesit nuk janë të vetëdijshëm për sasinë që konsumojnë.
“Është koha të fillojmë të shohim etiketat e produkteve me më shumë kujdes,” thotë dietologe Dr. Elira Gashi. “Një jogurt i zakonshëm apo një pije energjike mund të përmbajë më shumë sheqer sesa një kanaçe me pije të gazuar.”
Autoritetet shëndetësore po kërkojnë ndërhyrje më të forta nga qeveritë për të kufizuar përmbajtjen e sheqerit në ushqime dhe për të informuar më mirë publikun rreth pasojave të konsumit të tij të tepërt.
Shëndeti
Këto ushqime nuk duhet t’i hani gjatë ditëve të nxehta
Published
1 day agoon
April 24, 2025
Gjatë sezonit veror është e rëndësishme shmangia e disa ushqimeve, që jo vetëm ndikojnë keq, por edhe mund të bëhen shkaktarë për infeksione.
Nuk duhet të konsumoni ushqimet pikante dhe ato që nuk janë vegjetariane. Ushqimet pikante rrisin temperaturën e trupit duke qenë se rritet norma e metabolizmit. Vera nuk është koha më e mirë për të konsumuar mish, peshk apo të gjitha llojet e ushqimeve të detit.
Nëse konsumoni shumë mish do të djersisni më shumë e do keni probleme me tretjen.
Është e rëndësishme të shmangni ushqimet e gatshme apo të fast-food-eve që janë të pasura me yndyrë dhe vaj. Nuk duhet të konsumoni salcat, se përmbajnë sasi të lartë të një lënde që ndikon në shtimin në peshë. Ushqimet mund t’i konsumoni në gjendjen natyrale e nuk keni pse t’u shtoni salcë.
Duhet të tregoni një kujdes shumë të madh edhe ndaj ushqimeve të mbetura nga vaktet e kaluara. Sapo mbarohet ushqimi, pjesën që ngelet duhet ta ruani në ambient të ftohtë ose të ngrohtë, në varësi të llojit. Ushqimi i lënë jashtë mund të kthehet në problem, sepse hyn në një zonë problematike të temperaturës.
Nëse ushqimi lihet jashtë për më shumë se 4 orë, duhet hedhur menjëherë në kosh të plehrave.
Shëndeti
A përplaseni me objekte e mavijoseni lehtë? Mund t’ju mungojë një nga këto lëndë ushqyese
Published
2 days agoon
April 23, 2025
Edhe pse mavijosja është pjesë e jetës, një dietë e pasur me vitamina dhe minerale mund të ndihmojë në reduktimin e tyre
A ju duket se mavijoseni shpejt edhe pas goditjeve të lehta, ndërsa të tjerët mezi vënë re një ndryshim në lëkurë incidenteve të ngjashme?
Mavijosja e lehtë është një sinjal se trupit i mungojnë lëndët ushqyese që forcojnë enët e gjakut dhe lëkurën.
Edhe pse disa njerëz janë natyrshëm më të prirë ndaj mavijosjeve për shkak të gjenetikës ose llojit të lëkurës, ushqimi luan rol kyç në shpejtësinë e rikuperimit nga lëndimet e vogla. Ato ndodhin kur enët e vogla të gjakut nën sipërfaqen e lëkurës dëmtohen, duke bërë që një sasi e vogël gjaku të rrjedhë në indet përreth. Tek ata që mavijosen lehtë, ky proces intensifikohet dhe lëkura ka nevojë për më shumë kohë për t’u rikuperuar.
Mavijosja e lehtë mund të tregojë mungesë të lëndëve ushqyese, qarkullim të dobët apo edhe dehidrim.
Nëse vëreni mavijosje të shpeshta edhe pas ndikimeve të lehta, merrni parasysh rritjen e marrjes së vitaminave dhe mineraleve të mëposhtme.
Ushqyes që ndihmojnë në parandalimin e mavijosjeve
Vitamina C – Ndihmon në krijimin e kolagjenit, që mbështet strukturën e enëve të gjakut e lëkurës. Mungesa e saj mund të dobësojë enët e gjakut.
Burime të mira: agrumet, luleshtrydhet, specat, kivi dhe brokoli.
Vitamina K – Esenciale për koagulimin e gjakut, ndihmon në ndalimin e shpejtë të gjakderdhjes. Njerëzit me nivele të ulëta të vitaminës K janë më të prirur ndaj mavijosjes.
Burime të mira: perimet me gjethe jeshile si lakra jeshile, spinaqi.
Bioflavonoidet – Antioksidantë bimor që forcojnë kapilarët në kombinim me vitaminën C.
Burime të mira: agrumet, manaferrat, qepët dhe çaji jeshil.
Hekuri – Është thelbësor për formimin e rruazave të kuqe të gjakut dhe transportin e oksigjenit. Mungesa e hekurit mund të shkaktojë zbehje dhe të rrisë tendencën për të mavijosur lehtë.
Burime të mira: mish i kuq pa dhjamë, shpendët, peshku, fasulja, spinaqi dhe drithërat e fortifikuara.
Zinku – I rëndësishëm për riparimin e indeve dhe shërimin e plagëve. Mungesa e zinkut mund të ngadalësojë rikuperimin e lëkurës.
Burime të mira: mishi, butakët, bishtajoret, farat dhe arra.
Proteinat – Ato janë të nevojshme për të forcuar e riparuar indet, duke përfshirë lëkurën. Marrja e ulët e proteinave mund të çojë në enët e brishta të gjakut.
Burime të mira: vezët, pula, peshku, tofu, fasulet dhe kos grek.
Kur të bisedoni me mjekun?
Nëse vëreni se mavijosjet shfaqen shpesh ose janë të theksuara, konsultohuni me mjekun, pasi formimi i tepërt tregon probleme shëndetësore si çrregullime të koagulimit të gjakut, sëmundje të mëlçisë ose efekte anësore të disa ilaçeve.

Shefi i lartë ushtarak i Rusisë vritet nga shpërthimi i makinës në Moskë

Studentët e Medias dhe Komunikimit në UBT vizitojnë Këshillin e Mediave të Shkruara për të thelluar njohuritë mbi etikën dhe vetërregullimin në media

Sveçla: Aksioni në Kaçanik po vazhdon, ka arrestime të reja

KEK-u njofton se ka përfunduar me sukses riparimin e njësisë B1: Gjendja është stabile

Vazhdojnë regjistrimet në UBT International Smart Schools – Shkollat më inovative të mesme në vend

I dërguari i SHBA-së, Witkoff në Moskë për të diskutuar marrëveshjen e paqes në Ukrainë

Duda Balje: Nuk ndryshojmë qëndrim për koalicion me Vetëvendosjen

Murati: Propozimi për Albulena Haxhiun nuk do të ndryshojë, zgjedhjet janë opsioni i fundit

Krasniqi: Nëse nuk ka zgjidhje, zgjedhjet mund të mbahen në maj ose qershor
Të kërkuara
-
Bota3 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet2 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore