Sport

United fillon bisedimet me trajnerin gjerman për të zëvëndësuar Ten Hagun

Erik Ten Hag është larg pritshmërive të pronarëve të Unitedit me formën e dobët të treguar deri më tani.

Published

on

Manchester United ka filluar të planifikojë për sezonin e ardhshëm. Përveç largimeve dhe përforcimeve, “Djajtë e Kuq” duket se po kërkojnë të përforcojnë edhe stolin e trajnerit.

Erik Ten Hag është larg pritshmërive të pronarëve të Unitedit me formën e dobët të treguar deri më tani dhe kështu klubi anglez është në kërkim të një emri të ri, të cilin edhe e kanë gjetur.

Bëhet fjalë për trajnerin e Bayern Munichit, Thomas Tuchel, me të cilin kanë filluar bisedimet, por janë në fazën fillestare.

Bashkëpronari i Manchester United, James Ratcliffe, thuhet se është interesuar për shërbimet e trajnerit gjerman në rast se do të marrë vendim për shkarkimin e holandezit Erik ten Hag. Mirëpo, vetë trajneri i bavarezëve ka thënë se dëshiron të fokusohet në ndeshjet e mbetura me Bayernin.

Tuchel do të largohet nga Bayerni këtë verë, pas një sezoni të pasuksesshëm, ku u emliminua nga Kupa e Gjermanisë (në raundin e dytë) dhe nuk arriti ta mbate titullin kampion në Bundesliga.

Shpresa e fundit e Bayernit për fitimin e një trofeu me shumë vlerë këtë sezon mbetet Champions League, ku në gjysmëfinale do të përballet me Real Madrid-in.

Tuchel theksoi se nuk do të ndryshojë mendje, ndërsa Bayerni ende nuk ka gjetur një trajner të ri.

“Kam një marrëveshje me klubin, e cila është komunikuar dhe finalizuar”, theksoi ai së fundmi ai./UBTNews/

Lajmet

Bayern-Chelsea, rikthehet klasikja e Ligës së Kampionëve

Published

on

Bayern Munich dhe Chelsea përballen sot në Allianz Arena në ndeshjen hapëse të fazës së ligës në Champions League, një duel që rikthen kujtimet e finales së vitit 2012, të fituar nga londinezët.

Bavarezët nën drejtimin e Vincent Kompany, e kanë nisur sezonin në formë të shkëlqyer duke shënuar mesatarisht gati katër gola për ndeshje.

Ata do të zbresin në fushë pa Alphonso Davies, Jamal Musiala, Raphaël Guerreiro dhe Hiroki Ito, por me Harry Kane si pikë referimi në sulm.

Chelsea, i rikthyer në garën më të madhe evropiane pas një sezoni mungese, synon surprizën në Mynih. Trajneri Enzo Maresca ka përforcuar skuadrën gjatë verës, por e di se shorti i vështirë e bën misionin të komplikuar.

Në pesë përballjet e fundit direkte, Bayern ka fituar katër herë, ndërsa Chelsea vetëm një dhe ndeshja nis në orën 21:00 në Mynih.

Këto janë formacionet e mundshme:

Bayern: (4-2-3-1): Neuer; Laimer, Upamecano, Tah, Stanišić; Kimmich, Pavlović; Olise, Gnabry, Díaz; Kane.

Chelsea: (4-2-3-1): Sánchez; James, Chalobah, Adarabioyo, Cucurella; Caicedo, Fernández; Estêvão, Palmer, Neto; Pedro./S.K/KP/

Continue Reading

Lajmet

​Galliani mohon rikthimin te Milani

Published

on

Ish-drejtori ekzekutiv i Milanit, Adriano Galliani, ka mohuar zërat për një rikthim te kuqezinjtë.

I pranishëm në San Siro për ndeshjen Milan-Bologna, 81-vjeçari sqaroi për AGI se kjo nuk qëndron.

“Nuk është e vërtetë. Unë jam thjesht tifoz i Milanit. Kam kaluar 31 vite aty, por me Berlusconin e shitëm klubin në vitin 2017. Shkoj në stadium vetëm për të mbështetur ekipin që dua.”, tha ai.

Galliani, aktualisht drejtor ekzekutiv i Monzës, u pa pranë Giorgio Furlanit, duke shkaktuar spekulime për një rikthim në rolin e këshilltarit të pronarit Gerry Cardinale.

Megjithatë, ai theksoi se nuk do të ketë një periudhë të dytë në drejtimin e Milanit./S.K/KP/

Continue Reading

Lajmet

UEFA kryen vizitë inspektuese në Shqipëri për Euro U21

Published

on

Në kuadër të përgatitjeve për Kampionatin Evropian U21 që do të mbahet në Shqipëri dhe Serbi, një grup pune i UEFA-s ka zhvilluar një vizitë inspektuese nga 8 deri më 12 shtator.

Zyrtarët e UEFA-s, të shoqëruar nga përfaqësues të FSHF-së, inspektuan stadiumet ku do të zhvillohen ndeshjet, si dhe terrenet stërvitore, hotelet që do të presin ekipet pjesëmarrëse.

Në total, u vizituan 28 hotele dhe 21 qendra stërvitore, të cilat do të përzgjidhen për t’u përfshirë në katalogun e “Team Base Camp” që do t’u ofrohet skuadrave finaliste.

Përshtypja e përgjithshme e inspektorëve ishte pozitive, ndërsa vizita e radhës e UEFA-s është planifikuar për marsin e vitit 2026, me qëllim monitorimin e mëtejshëm të punimeve dhe përgatitjeve.

Kujtojmë se në shkurt të këtij viti, Komiteti Ekzekutiv i UEFA-s vendosi që Shqipëria të jetë një nga vendet organizatore të Euro U21 2027.

Turneu do të zhvillohet në qershor dhe do të mbledhë 16 kombëtare të moshës deri në 21 vjeç, me futbollistë të cilët tashmë spikasin edhe në ligat elitare të Europës./S.K/KP/

Continue Reading

Lajmet

Trajneri Skaloni: Messi luajti ndeshjen e fundit në Argjentinë, por mund të kthehet

Published

on

Lionel Skaloni kujtoi me emocion fitoren 3-0 të Argjentinës ndaj Venezuelës, ndeshjen që shënoi ndeshjen e fundit garuese të Lionel Messit në shtëpi.

“E përjetuam ndeshjen si të gjithë të tjerët, duke e ditur sa emocionuese ishte, që të gjithë ishin aty për të dhe shokët e tij të ekipit. Emocionet që ndjemë atë ditë do të zgjasin përgjithmonë. Ishte një ditë e bukur, veçanërisht sepse gjithçka shkoi kaq mirë, Mesi ishte në gjendje të shijonte shënimin e golit dhe ishte me familjen e tij, gjë që në fund të fundit është ajo që ka vërtet rëndësi. Ishte një ditë spektakolare që do të mbetet në kujtimet tona.”, tha ai.

Skaloni la gjithashtu të hapur mundësinë që kampioni argjentinas të rikthehet në fushën e Argjentinës, edhe nëse nuk ka asnjë pikë në lojë:.

“Sigurisht që nuk do të jetë ndeshja e tij e fundit në Buenos Aires. Do ta shohim, sepse ai meriton të luajë përsëri këtu.”, shtoi Skaloni.

Një pasazh që nxjerr në pah jo vetëm dashurinë e Mesit për vendin e tij, por edhe admirimin e të gjithë mjedisit argjentinas për një lojtar që vazhdon të shkruajë historinë e futbollit botëror./S.K/EO/

Continue Reading

Të kërkuara