Sport

UEFA: Xhaka, lideri i Zvicrës në Euro 2020

Published

5 years ago

on

UEFA beson se Granit Xhaka do të jetë lojtari kyç në kërkimet e Zvicrës për lavdi në Kampionatin Evropian 2020, që nis në fund të javës së ardhshme, më 11 qershor.

Në profilet që shtëpia e futbollit evropian ua ka bërë ekipeve kombëtare, pjesëmarrje në turneun e verës, Xhaka vlerësohet si lideri që do ta shpjerë Zvicrën larg në Euro 2020, raporton Gazeta Express.

UEFA e përshkruan mesfushorin kosovar të Arsenalit si lojtarin kyç të ekipit helvetik dhe ia thur këto lavde:

“Lojtari kyç: Granit Xhaka

Me ndërhyrje të forta dhe vizion të shkëlqyeshëm, Xhaka është ngjitësi i cili e bën bashkë këtë ekip të Zvicrës. Fakti se Zvicra e dorëzoi një epërsi prej 3:0 kundër Danimarkës pasi ai u zëvendësua në minutën e 79-të për të barazuar në një ndeshje kualifikuese në mars 2019, tregon shumë”.

Zvicra është pjesë e Grupit A bashkë me Italinë, Turqinë dhe Uellsin.

Xhaka është kapiten i Zvicrës që prej shtatorit të vitit 2020, pas pensionimit të mbrojtësit Stephan Lichtsteiner. Xhaka, i lindur në Basel nga prindër shqiptar që kishin ikur nga okupimi serb në vitet 90-ta, është shqiptari i parë që emërohet kapiten i Zvicrës.

28-vjeçari beson se kombëtarja helvetike e udhëhequr nga ai dhe Xherdan Shaqiri mund të shkojë deri në gjysmëfinale në këtë Euro.

“Të gjithë ne jemi më të pjekur tani, në cdo aspekt, dhe kemi të ardhme si ekip. Thelbi i këtij ekipi ka vite që punon së bashku. Atmosfera është e mirë”, kishte thënë Xhaka ditë më parë.

Xhaka i ka bërë 92 paraqitje për Zvicrën në të gjitha garat, duke i shënuar 12 gola.

Related Topics:
Continue Reading

Lajmet

Ministri Gashani vlerëson sukseset e kick-boksierëve kosovarë në garat ndërkombëtare

Published

2 hours ago

on

May 21, 2026

By

Ministri i Sportit dhe Rinisë, Blerim Gashani, ka zhvilluar një takim me drejtuesit e Federatës së Kick Boksit të Kosovës, të udhëhequr nga kryetari Fatmir Makolli, si dhe me sportistët që përfaqësuan Kosovën në kampionatin botëror në Turqi.

Gjatë takimit u prezantuan aktivitetet, planet dhe programi i federatës, ndërsa u diskutua edhe për organizimin e garave dhe zhvillimin e mëtejmë të këtij sporti në vend.

Një vëmendje e veçantë iu kushtua rezultateve të arritura në “Turkish WAKO World Cup”, ku Kosova fitoi një medalje të artë dhe dy të bronzta.

Nga ministria u theksua se këto rezultate dëshmojnë nivelin e lartë të përgatitjes dhe potencialin e sportistëve kosovarë në arenën ndërkombëtare.

Në takim u diskutua gjithashtu për vazhdimin e mbështetjes institucionale ndaj federatës dhe sportistëve, me synim avancimin e mëtejmë të kick boksit dhe përmirësimin e kushteve për zhvillimin e tij në vend.

Continue Reading

Lajmet

Ferizaj dhe Dukagjini përballen sonte në finalen e Kupës së Kosovës

Published

2 hours ago

on

May 21, 2026

By

Sonte në stadiumin “Fadil Vokrri” në Prishtinë zhvillohet finalja e Kupës së Kosovës, ku Ferizaj dhe Dukagjini do të luftojnë për trofeun e madh, me fillim nga ora 20:00.

Të dy skuadrat kanë qenë befasi e këtij edicioni, duke arritur deri në finale dhe duke e bërë këtë përballje një nga më të veçantat e sezonit.

Si për Ferizajn ashtu edhe për Dukagjinin, kjo është mundësia e parë në histori për të fituar Kupën, ndaj pritet një ndeshje me shumë rivalitet dhe emocion.

Skuadra fituese siguron gjithashtu pjesëmarrjen në rrethin e dytë kualifikues të Ligës së Konferencës.

Finalen do ta gjykojë Genc Nuza, me ndihmësit Fatlum Berisha dhe Bujar Selimaj, ndërsa gjyqtar i katërt do të jetë Bardh Ajeti. Në VAR është caktuar Burim Jahmurataj, me AVAR Besnik Morinën.

Continue Reading

Sport

Bayern Munich në garë për John Stones, mbrojtësi anglez drejt largimit si lojtar i lirë

Published

2 hours ago

on

May 21, 2026

By

Mbrojtësi anglez John Stones pritet të jetë lojtar i lirë këtë verë, pasi Manchester City ka vendosur të mos i ofrojë kontratë të re në fund të sezonit.

Sipas “Daily Mail”, Bayern Munich po shqyrton mundësinë e transferimit të 31-vjeçarit, ndërsa interesim për të kanë shfaqur edhe disa klube nga Italia dhe Liga Premier. Gazetari Fabrizio Romano raporton se Stones është ofruar te Bayern Munichu, si dhe te disa klube të tjera evropiane, teksa e ardhmja e tij mbetet ende e hapur.

Stones, i cili ka 87 paraqitje me kombëtaren e Anglisë, ishte përmendur edhe më herët si objektiv i Bayernit, por situata ndryshoi pas vendimit të Manchester Cityt për të mos i rinovuar kontratën.

Bayern Munich synon të përforcojë mbrojtjen gjatë afatit kalimtar veror, ndërsa mbetet për t’u parë nëse drejtuesit e klubit gjerman do ta konsiderojnë anglezin si përforcimin e duhur për sezonin e ardhshëm.

Continue Reading

Sport

Aston Villa fiton Ligën e Evropës

Published

4 hours ago

on

May 21, 2026

By

Aston Villa është fituese e Ligës së Evropës pasi në finale mposhti Freiburgun me rezultat bindës 3-0.

Skuadra angleze e nisi më mirë ndeshjen dhe krijoi raste të shumta që në minutat e para, me Morgan Rogers që ishte vazhdimisht rrezik për mbrojtjen kundërshtare. Freiburg pati rastin e tij më të mirë në minutën e 17-të, por nuk arriti të shënojë, dhe ky moment u konsiderua vendimtar për rrjedhën e lojës.

Goli i parë erdhi në minutën e 41-të kur Youri Tielemans shënoi pas asistimit të Morgan Rogers. Në fund të pjesës së parë, Emiliano Buendia dyfishoi epërsinë me një gol të bukur, duke çuar Aston Villën në pushim me avantazh 2-0.

Në pjesën e dytë, Freiburg tentoi të rikthehej në lojë, por Aston Villa e mbylli përfundimisht ndeshjen në minutën e 58-të, kur Morgan Rogers realizoi golin e tretë pas asistimit të Buendias.

Me këtë fitore, Aston Villa e mbyll sezonin evropian me trofe, duke treguar dominim në finale, ndërsa Freiburg nuk arriti të përballojë ritmin dhe cilësinë e kundërshtarit.

Ky është trofeu i parë i Ligës së Evropës për Aston Villën pas 44 vitesh, ndërsa trajneri Unai Emery e fiton këtë kompeticion për herë të pestë në karrierën e tij.

Continue Reading

Të kërkuara