Sport

Në mbështetje të tenistes Naomi Osaka

Published

5 years ago

June 2, 2021

Betim Gashi

Atletë dhe sponsorë i kanë dalë në mbështetje yllit të tenisit, Naomi Osaka, pasi u largua nga French Open, për shkaqe shëndetësore.

Japonezja u largua nga turneu i grand slamit të hënën, disa ditë pasi u gjobit dhe u kërcënua me dëbim pasi refuzoi të merrte pjesë në konferenca shtypi, teksa u shpreh se ka nevojë ta mbrojë shëndetin mendor.

Mesazhe mbështetjeje vërshuan në drejtim të tenistes Osaka, e cila përmes një shkrimi në Twitter foli rreth përballjes së saj me shëndetin mendor që nga fitorja e parë në grand slam, një fitore ndaj Serena Williams në US Open 2018.

“Gjëja e parë që duhet të kemi parasysh është shëndeti i tenistes Osaka. I uroj shërim sa më të shpejtë”, tha Toshihisa Tsuchihashi, drejtori ekzekutiv i Shoqatës së Tenisit në Japoni.

Nike i del në mbrojtje tenistes Naomi Osaka

Gjiganti i veshjeve sportive – Nike, që nënshkroi një marrëveshje me tenisten Osaka në vitin 2019, e ka duartrokitur atleten e cila foli hapur për ballafaqimin me depresionin.

Zëdhënësi i qeverisë japoneze, Katsunobu Kato, tha se “do ta vëzhgonte atë në heshtje”.

Në mesin e lojtarëve japonezë kishte të atillë që siç duket nuk po iu pëlqen ky vendim i tenistes. Misaki Doi thotë se ishte e “befasuar” me vendimin e tenistes Osaka.

“Nuk mund ta imagjinojë çfarë po përjeton ajo, por shpresoj se do të heqë dorë nga ky vendim”, deklaroi Doi./UBTNews

Vendi

Akil Gjakova mbyll garën pa medalje në Abu Dhabi

Published

11 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

11 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

13 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/