Lajmet nga UBT

UBT vazhdon rritjen e partneriteteve akademike e shkencore: Nënshkruan marrëveshje bashkëpunimi me Universitetin “KirikKale” nga Turqia

Published

on

Rektori i UBT-së, Prof. Dr. Edmond Hajrizi, ka nënshkruar një marrëveshje bashkëpunimi me Universitetin “KirikKale” nga Turqia. Kjo marrëveshje është nënshkruar si rezultat i gatishmërisë së dy palëve për projekte të përbashkëta kërkimore e akademike, si dhe gatishmërisë së të dy institucioneve për shkëmbimin e përvojave të tyre më të mira shkencore dhe teknologjike.

Kjo marrëveshje u ka hapur rrugë stafit dhe studentëve të të dyja universiteteve të jenë pjesë e programeve të shkëmbimeve, duke krijuar kështu mundësi të reja për zhvillimin e tyre akademik, profesional dhe kulturor.

Rektori Hajrizi ka theksuar rëndësinë e shkëmbimeve ndërkombëtare për pasurimin e përvojës së studentëve dhe për përmirësimin e cilësisë së arsimit në të dy institucionet. Ai nënvizoi se marrëveshja do të sjellë përfitime të ndërsjella, duke hapur rrugë për projekte të përbashkëta kërkimore, forume dhe konferenca.

Universiteti “KirikKale” është i njohur për infrastrukturën e avancuar kërkimore, sidomos në shkencat sociale dhe ato mjekësore. Ky bashkëpunim pritet të forcojë lidhjet akademike midis Kosovës dhe Turqisë, duke kontribuar në zhvillimin e arsimit të lartë në të dy vendet.

Aktualitet

Masteri që hap dyert e liderëve të menaxhmentit, biznesit dhe ekonomisë – Studio në UBT

Published

on

Për të gjithë ata që kërkojnë një program të avancuar studimi, që kombinon menaxhimin, biznesin dhe ekonominë, UBT ofron programin Master në Menaxhment, Biznes dhe Ekonomi (MBE) – një prej programeve më gjithëpërfshirëse dhe inovative në Kosovë dhe rajon.

Ky program është krijuar për të përgatitur gjenerata të reja profesionistësh të aftë të drejtojnë organizata, të ndërmarrin iniciativa të reja biznesi dhe të kontribuojnë në zhvillimin ekonomik vendor dhe ndërkombëtar.

Një program gjithëpërfshirës dhe praktik

MBE ofron njohuri të thelluara në fusha si:

  • ekonomia dhe financat,
  • menaxhimi strategjik dhe operativ,
  • marketingu dhe shitjet,
  • prokurimi publik dhe logjistika,
  • ndërmarrësia dhe inovacioni,
  • promovimi i investimeve dhe zhvillimi ekonomik.

Duke u bazuar në kombinimin e teorisë me praktikën, programi u mundëson studentëve të zhvillojnë aftësi analitike, kritike dhe krijuese për të zgjidhur probleme reale të tregut dhe të organizatave.

Misioni dhe vizioni i programit

Misioni i MBE-së është në harmoni të plotë me vizionin e UBT-së: të ofrojë një edukim cilësor, bashkëkohor dhe gjithëpërfshirës, që vë studentin në qendër. Ky program synon të formojë udhëheqës të rinj, të përgatitur për të marrë përgjegjësi në biznes, industri, sektorin publik dhe akademi.

Studentët do të mësojnë në një ambient modern me laboratorë të pajisur me teknologjinë më të fundit, duke kombinuar ligjëratat teorike me punën praktike, kërkimin shkencor dhe projektet reale të biznesit.

Orientimet e programit

Në semestrin e tretë, studentët kanë mundësinë të zgjedhin orientimin e tyre profesional:

  • Financa, Banka dhe Kontabilitet – fokus në raportim financiar, analiza, auditim dhe tregje ndërkombëtare.
  • Marketing dhe Shitje – nga marketingu digjital deri te strategjitë e avancuara të shitjes dhe sjellja e konsumatorit.
  • Menaxhment, Ndërmarrësi dhe Inovacion – krijimi i bizneseve të reja, menaxhimi i inovacionit dhe zhvillimi ndërkombëtar.
  • Logjistika dhe Menaxhimi i Prokurimit – zinxhiri i furnizimit, prokurimi elektronik dhe praktikat moderne të logjistikës.

Këto orientime e bëjnë programin fleksibil dhe të përshtatur për tregun e punës, duke u dhënë studentëve mundësinë të specializohen sipas interesave dhe objektivave të tyre të karrierës.

Përputhje me standardet ndërkombëtare

Programi është hartuar duke respektuar Kornizën Kombëtare dhe Evropiane të Kualifikimeve, gjë që siguron se diplomat e studentëve njihen dhe vlerësohen edhe në nivel ndërkombëtar.

Pas diplomimit, studentët e MBE-së do të jenë të përgatitur jo vetëm për tregun vendor të punës, por edhe për të vazhduar studimet në nivel doktorature ose për të ndjekur karrierë akademike dhe kërkimore.

Objektivat kryesore të programit

Formimi i kompetencave të avancuara në fushën e menaxhimit, biznesit dhe ekonomisë.

Aftësi analitike për mbledhjen dhe interpretimin e të dhënave.

Qasje kritike dhe profesionale për zgjidhjen e problemeve komplekse.

Përdorimi i teknologjisë moderne në menaxhimin organizativ.

Aftësia për të zhvilluar strategji të suksesshme biznesi dhe lidership inovativ.

APLIKO TANI ONLINE!

Continue Reading

Aktualitet

Shkollat më inovative në Kosovë, UBT International Smart Schools nisin vitin e ri shkollor 2025/26

Published

on

Me emocione, buzëqeshje dhe energji pozitive, UBT International Smart Schools kanë nisur sot vitin e ri shkollor 2025/26. Në Parkun Shkencor, Inovativ dhe Teknologjik të UBT-së, qindra nxënës të rinj dhe aktual u mirëpritën nga mësuesit, prindërit dhe drejtuesit e shkollës, duke shënuar fillimin e një kapitulli të ri të mbushur me dije, risi dhe përvoja të paharrueshme arsimore.

Në këtë ceremoni të mbajtur në ambientet moderne të kampusit, nxënësit, prindërit dhe stafi patën mundësinë të njihen më afër me hapësirat inovative dhe programet e ofruara në drejtimet:

  • Gjimnazi TIK
  • Gjimnazi Natyror
  • Gjimnazi Gjuhësor
  • Asistent Dentar
  • Bashkëpunëtor Profesional i Infermierisë
  • Teknik i Farmacisë
  • Teknik i Laboratorit Mjekësor
  • Teknik i Optikës – Opticient

Themeluesi dhe Presidenti i UBT-së, Prof. Dr. Edmond Hajrizi, përshëndeti nxënësit dhe prindërit duke theksuar përkushtimin e institucionit për të ofruar një arsim të standardeve ndërkombëtare.

“Është kënaqësi e veçantë të shohim energjinë dhe entuziazmin e qindra nxënësve që sot nisin rrugëtimin e tyre në Shkollat e UBT-së. Ne ofrojmë jo vetëm një ambient modern, por edhe një përvojë arsimore që i përgatit ata për jetën, për sfidat profesionale dhe për të ardhmen. Ky vit i ri është një mundësi për të mësuar më shumë, për të krijuar më shumë dhe për të ndërtuar një të ardhme të ndritur”, u shpreh Rektori Hajrizi.

Drejtoresha e UBT International Smart Schools, Hajrije Devetaku – Gojani, theksoi rëndësinë e bashkëpunimit të vazhdueshëm mes prindërve, nxënësve dhe stafit mësimor.

“Synimi ynë është të krijojmë një mjedis ku çdo nxënës ndihet i mbështetur dhe i motivuar. Në këtë vit të ri, ne do të punojmë së bashku për të zhvilluar aftësi, dije dhe vlera që do të shoqërojnë nxënësit gjatë gjithë jetës së tyre”, tha Devetaku – Gojani.

Ceremonia u shoqërua me një atmosferë festive dhe me pritshmëri të larta për një vit të suksesshëm, teksa nxënësit u drejtuan në klasat e tyre për orën e parë të mësimit.

UBT International Smart Schools edhe këtë vit riafirmojnë vizionin e tyre si institucionet më inovative në Kosovë, duke ofruar një arsim të cilësisë së lartë dhe duke përgatitur gjeneratat e reja për sfidat e së ardhmes.

Continue Reading

Aktualitet

Një karrierë në gazetari, PR dhe media digjitale – UBT ofron programin Master në Gjuhë, Media dhe Komunikim

Published

on

UBT ofron programin Master në Gjuhë, Media dhe Komunikim, një drejtim që po shihet gjithnjë e më shumë si domosdoshmëri në një kohë kur informacioni, media digjitale dhe komunikimi publik po përcaktojnë rrjedhën e zhvillimeve shoqërore, politike dhe ekonomike.

Ky program synon të përgatisë profesionistë të kualifikuar që do të luajnë rol vendimtar në formësimin e opinionit publik dhe në menaxhimin strategjik të informacionit, duke ofruar një kombinim të fortë mes teorisë, praktikës dhe përvojës ndërkombëtare.

Ky program ndërthur në mënyrë unike teorinë dhe praktikën, duke i mundësuar studentëve të fitojnë njohuri të avancuara dhe përvojë konkrete përmes punës praktike dhe bashkëpunimit me industrinë.

Çfarë ofron programi?

Masteri në Gjuhë, Media dhe Komunikim u hap rrugën studentëve për një karrierë të suksesshme në:

  • Gazetari dhe media digjitale
  • Marrëdhënie me publikun dhe komunikim strategjik
  • Menaxhim dhe prodhim mediatik
  • Krijimin e përmbajtjes dhe komunikim publik

Në fokus qëndron përgatitja gjithëpërfshirëse e studentëve për të qenë konkurrues në tregun vendor dhe ndërkombëtar, duke i pajisur ata me shkathtësi analitike, gjuhësore, teknike dhe kreative.

Një program me standarde bashkëkohore

UBT ka hartuar kurrikulën e këtij programi duke u bazuar në praktikat më të mira ndërkombëtare dhe nevojat aktuale të tregut të punës në Kosovë dhe rajon. Përmes këtij programi, studentët:

  • zhvillojnë mendim kritik dhe etikë profesionale,
  • aftësohen për interpretimin dhe menaxhimin e informacionit,
  • fitojnë përvojë në kërkime shkencore dhe praktika profesionale,
  • krijojnë mundësi për mobilitet akademik ndërkombëtar.

Një kontribut i drejtpërdrejtë për shoqërinë

Programi synon të kultivojë një brez të ri profesionistësh që do të kontribuojnë jo vetëm në institucionet publike dhe korporatat private, por edhe në zhvillimin e përgjithshëm të shoqërisë kosovare, duke forcuar kapacitetet në fushën e informacionit, mediave dhe komunikimit strategjik.

Shtyllat kryesore të programit:

  • Mësimdhënie cilësore dhe ndërvepruese
  • Kërkime shkencore dhe inovative
  • Shërbime komunitare dhe përfshirje aktive

UBT i ofron studentëve një mjedis të avancuar akademik, me infrastrukturë moderne, ligjërues me përvojë kombëtare e ndërkombëtare, si dhe mundësi praktike në bashkëpunim me mediat, institucionet dhe organizatat vendore e globale.

Aplikimet janë të hapura online: APLIKO TANI ONLINE!

Continue Reading

Aktualitet

5 specializime në programin Muzika Moderne në UBT – edhe pak vende të lira për regjistrim

Published

on

Kanë mbetur edhe pak vende të lira në programin në Muzikë Moderne, Prodhim Digjital dhe Menaxhment, në UBT, një program që ndërthur artin muzikor me teknologjinë digjitale dhe menaxhimin profesional.

Ky program ofron një mundësi unike për studentët që synojnë të zhvillojnë aftësi praktike dhe të përgatiten për sfidat e tregut muzikor kombëtar dhe ndërkombëtar.

Programi përfshin 5 specializime, duke i hapur studentëve rrugën drejt një karriere të suksesshme si:

  • 𝐌𝐞𝐧𝐚𝐱𝐡𝐦𝐞𝐧𝐭 𝐌𝐮𝐳𝐢𝐤𝐨𝐫
  • 𝐏𝐞𝐫𝐟𝐨𝐫𝐦𝐚𝐧𝐜𝐞̈ 𝐧𝐞̈ 𝐈𝐧𝐬𝐭𝐫𝐮𝐦𝐞𝐧𝐭
  • 𝐀𝐮𝐝𝐢𝐨 𝐏𝐫𝐨𝐝𝐮𝐤𝐬𝐢𝐨𝐧
  • 𝐊𝐞̈𝐧𝐠𝐞̈𝐬𝐡𝐤𝐫𝐢𝐦
  • 𝐏𝐞𝐫𝐟𝐨𝐫𝐦𝐚𝐧𝐜𝐞̈ 𝐕𝐨𝐤𝐚𝐥𝐞

Studentët do të kenë mundësinë të punojnë me teknologjitë më të fundit digjitale, softuerët më inovativë për prodhimin muzikor, si dhe të përfitojnë nga mentorimi i profesionistëve të njohur në fushën e muzikës dhe menaxhimit.

APLIKO ONLINE!

Ky program vjen si një nga ofertat më të mira të UBT-së, duke i dhënë studentëve një avantazh të madh në tregun e punës dhe duke i përgatitur ata të jenë liderë të industrisë muzikore, kombëtare dhe ndërkombëtare.

Continue Reading

Të kërkuara