Universi i UBT

UBT shënoi Ditën e Tokës

Lajmet nga UBT

Në UBT arrijnë paisjet e 5G, të parët në rajon

Publikuar

nga

UBT është bërë institucioni i parë në rajon që ka marrë licencën dhe tani instalon paisjet 5G. Pajisjet e teknologjisë së fundit që mundësojnë shtirjen e rrjetit 5G, për herë të parë në rajonin tonë, arritën të premten në Parkun Shkencor dhe Inovativ të UBT-së.

“Në UBT sot nuk ka pyetje të lehta, as gërmime sipërfaqësore në fushën e dijes, shkencës e teknologjisë. Ne shkojmë përtej kësaj, hulumtojmë më thellë dhe bëjmë pyetje të mëdha që ndërlidhen me të ardhmen, me intelegjencën artificiale si sfiduese e kohës, ku rol qendror do të ketë rrjeti 5G që do ta lansojmë së shpejti”, u shpreh rektori i UBT-së, prof.dr Edmond Hajrizi me këtë rast.

Ndryshe, UBT po implementon suksesshëm marrëveshjen me kompanisë finlandeze të telekomunikacionit “Nokia”, për vendosjen e rrjetin 5G, që mundëson shtrirjen e gjeneratës së pestë të teknologjisë së rrjeteve celulare pa tela që njihet si e ardhmja e internetit.

Marrëveshja do t’i sigurojë UBT-së lidhjen wireless 5G SA, që do të mundësojë zhvillimin e kërkimit dhe testimit të bazuar në 5G, për një numër rastesh përdorimi të drejtuara nga teknologjitë përkatëse Internet of Things (IoT) dhe AI, si pjesë e përpjekjeve për të nxitur kërkime dhe inovacione.

UBT po mbështetë të rinjtë dhe të rejat në ambiciet e tyre për të krijuar një shoqëri të dijes, duke punuar me institucione publike e private për të vendosur infrastruktura e nevojshme që mbështetë kërkimin, zhvillimin dhe inovacionin.

Vazhdo të lexosh

Lajmet nga UBT

UBT vlerëson punën dhe arritjet e Distria Krasniqi, Nora Gjakova dhe selektorit Driton Kuka në Lojërat Olimpike në Tokio

Publikuar

nga

Përfaqësimi dinjitoz i Kosovës në arenën ndërkombëtare përmes sportit, më konkretisht xhudos, ka bërë që rektori i UBT-së të vlerësojë jashtëzakonisht shumë punën dhe angazhimin e selektorit të reprezentacionit të Kosovës në xhudo, Driton Kuka.

Rektori Hajrizi ka thënë se një personalitet si Driton Kuka është një vlerë e shtuar e vendit tonë, që po i ndihmon Kosovës të prezantohet vazhdimisht në mënyrën më të mirë të mundshme në arenën ndërkombëtare.

“Majlinda Kelmendi, Distria Krasniqi, Nora Gjakova e xhudistë të tjerë të suksesshëm kanë arritur që me mësimet e trajnerit tashmë të njohur edhe botërisht, Driton Kuka, të korrin suksese edhe në olimpiada, dhe të shfaqin një imazh pozitiv për Kosovën në gjithë botën”, tha fillimisht rektori Hajrizi.

Sipas rektorit Hajrizi, UBT këta personalitete i çmon shumë dhe i mbanë afër sepse qëndrojnë në të njëjtën vijë të përfaqësimit dinjitoz të Kosovës në arenën ndërkombëtare, UBT përmes arsimit, shkencës e inovacionit, ndërkaq Driton Kuka me xhudistët përmes sportit.

“Personalitetet si Driton Kuka janë një vlerë e madhe për vendin tonë që duhet t’i ruajmë dhe kultivojmë vazhdimisht, pasi që ata janë gjithmonë të etur për të korrur suksese. UBT është në të njëjtën linjë me ta, duke përfaqësuar vendin nëpër botë me anë të shkencës, teknologjisë dhe inovacionit, dhe lidhjet me njerëzit që përfaqësojnë vendin denjësisht vazhdimisht UBT i kultivon, madje këtë e ka dëshmuar vite më parë duke e nderuar trajnerin Driton Kuka me çmimin më të lartë të institucionit tonë “Excellence Leadership Award”, ka thënë rektori i UBT-së, prof.dr Edmond Hajrizi.

Muajin e kaluar, përpara se të nisen për kampanjën në Lojërat Olimpike “Tokio 2020”, rektori i UBT-së, prof.dr Edmond Hajrizi ka mirëpritur kampionen botërore dhe olimpike në xhudo, Majlinda Kelmendi, dhe selektorin e reprezentacionit të Kosovës në xhudo, Driton Kuka, në ambientet e Parkut Shkencor Inovativ të UBT-së, në Lipjan, nga ku i njoftoi nga afër me punën dhe arritjet e UBT-së, laboratorët dhe qendrat sportive, bibliotekën e UBT-së, shtrirjen e rrjetit 5G, spitalin, laboratorin e mekatronikës, stomatologjinë dhe sportin.

Vazhdo të lexosh

Lajmet nga UBT

Thellohet bashkëpunimi mes UBT-së dhe Riga Technical University

Publikuar

nga

Bashkëpunimi i shkëlqyeshëm mes UBT-së dhe Riga Technical University, në Letoni, përkatësisht Fakultetit Inxhinieri Ndërtimore dhe Infrastrukturë në UBT, ka bërë që përfaqësuesit e Fakultetit të Ndërtimit të këtij institucioni të vizitojnë UBT-në.

Eriks Badamsins nga zyra ndërkombëtare, Leine Maurite nga Fakulteti i Ndërtimit të Riga Technical University, si dhe Inese Dzarcane nga siguria kibernetike e këtij universiteti, janë pritur nga rektori i UBT-së, prof.dr Edmond Hajrizi dhe përgjegjësja e zyrës ndërkombëtare Lirigzona Morina.

Rektori Hajrizi ka njoftuar përfaqësuesit e Riga Technical University me të arriturat e UBT-së dhe planet e së ardhmes, duke vënë theksin te bashkëpunimet ndërkombëtare me universitete prestigjioze si pikë kyçe të zhvillimit të përbashkët.

Përfaqësuesit e Riga Technical University u takuan edhe me drejtorin për Çështje Akademike në UBT, prof.dr Muhamet Ahmeti, prodekanin e Fakultetit Inxhinieri e Ndërtimit dhe Infrastrukturë në UBT, prof.dr Visar Krelani, përfaqësuesen e Zyrës Ndërkombëtare në UBT, Erëza Mehmeti, si dhe dekanin e Fakultetit Menaxhim i Mekatronikës në UBT, dr. Bertan Karahoda.

Nga kjo vizitë, përfaqësuesit e të dyja palëve u pajtuan që të vazhdojnë bashkëpunimin dhe organizimin e Akademisë Ndërkombëtare Verore, mes UBT-së, Riga Technical University dhe Universitetit të Bergamos, mentorimin e përbashkët të temave të diplomave të nivelit master, mundësi për doktoratë për stafin e UBT-së, si dhe planifikim për specializim në nivelin master për sigurinë dhe shëndetin në punë, çështje që Kosova vazhdon të ketë ngecje e që UBT mund të jap një kontribut mjaft të madh për Kosovën në këtë aspekt.

Kujtojmë se shumë studentë të UBT-së kanë vazhduar dhe janë duke vazhduar studimet për një semestër në Riga Technical University të Letonisë, në kuadër të programi Erasmus+.

Vazhdo të lexosh

Lajmet nga UBT

Ministri i Infrastrukturës, Liburn Aliu, pjesëmarrës në hapjen e ANV të Fakultetit Arkitekturë dhe Planifikim Hapësinor në UBT

Publikuar

nga

Akademia Ndërkombëtare Verore e Fakultetit Arkitekturë dhe Planifikim Hapësinor në UBT, ka filluar aktivitetin e saj me shumë pjesëmarrës të cilët do të kenë mundësi të përfitojnë nga ekspertë dhe profesionistë të kësaj fushe, përmes ligjëratave dhe aktiviteteve interesante që do të sjellë kjo akademi verore.

Fillimisht, Akademia Ndërkombëtare Verore e Fakultetit Arkitekturë dhe Planifikim Hapësinor në UBT, ka nisur me vizitën e ministrit të Ministrisë së Mjedisit, Planifikimit Hapësinor dhe Infrastrukturës së Republikës së Kosovës, Liburn Aliu, i cili është pritur nga rektori i UBT-së, prof.dr Edmond Hajrizi, nga ku vizituan kampuset e UBT-së, si dhe realizuan një bisedë të frytshme në kuadër të “Global UBT Fest 2021”.

ANV e Fakultetit Arkitekturë dhe Planifikim Hapësinor në UBT, ka vazhduar me profesorin Bekim Çeko, i cili ka mbajtur ligjëratë për studentët dhe pjesëmarrësit e tjerë rreth dritës në arkitekturën vernakulare, ku ndër të tjera ka shpjeguar rolin dhe rëndësinë që ka drita në këtë lloj të stilit të ndërtimit, teksa profesori në UBT, Zekë Islamaj ka shtjelluar më shumë për të pranishmit rreth ndriçimit zenital në arkitekturë.

ANV e Fakultetit Arkitekturë dhe Planifikim Hapësinor në UBT, ka vazhduar aktivitetin e saj me ligjëratën e profesorit Ramë Hamzaj, i cili ka shtjelluar për pjesëmarrësit një temë shumë të rëndësishme, e që ndërlidhet me ndriçimin dhe dritën në apartamente me shumë familje.

Tutje asistentët, Blend Dema dhe Shkurte Dalipi kanë ligjëruar për studentët dhe pjesëmarrësit temën: “Tiny House in Prishtina”, duke ndarë me të pranishmit gjetje dhe informacione më të detajuara rreth kësaj teme, që ngjalli interes tek studentët pjesëmarrës, përderisa Bashkim Shala ka mbajtur një ligjëratë rreth rinovimit arkitektonik përmes ndriçimit.

Akademia Ndërkombëtare Verore e Fakultetit Arkitekturë dhe Planifikim Hapësinor në UBT, do të vazhdojë me aktivitete dhe tema të ndryshme, të cilat do t’i kontribuojnë fushës së arkitekturës dhe planifikimit hapësinor, dhe do të jenë një bazë shumë e mirë e hulumtuesve si vendas ashtu edhe ndërkombëtarë.

Vazhdo të lexosh

Të kërkuara