Lajmet nga UBT

UBT në bashkëpunim me partnerët italianë organizon kursin për fonde dhe projekte Evropiane në Parlamentin Evropian

Published

on

UBT në bashkëpunim me partnerët italianë, organizoi një kurs të rëndësishëm për fonde dhe projekte evropiane, i cili u zhvillua në ambientet prestigjioze të Parlamentit Evropian. Ky kurs kishte për qëllim të forcojë njohuritë dhe aftësitë e pjesëmarrësve në menaxhimin dhe aplikimin e projekteve financuese që ofron Bashkimi Evropian, duke krijuar mundësi për zhvillimin e aftësive profesionale të atyre që synojnë të angazhohen në fushën e europrojekteve.

Kursi u realizua në bashkëpunim me institucione të njohura ndërkombëtare, si ITA-ICE, Flavio Boccia & Partners, ABCorporation, Nexumstp, Eurocogit, IC&Partners, Zyrën Ligjore Boccia & Partners, dhe Urdhrin Kombëtar të Kontabilistëve të Certifikuar të Italisë, me mbështetje edhe nga institucione të tjera ndërkombëtare. Ky bashkëpunim ndërkombëtar dëshmon angazhimin për avancimin e projekteve që mbështesin zhvillimin ekonomik, shoqëror dhe kulturor në rajonin e Ballkanit Perëndimor dhe më gjerë.

Një nga momentet kyçe të këtij eventi ishte mbështetja e fuqishme që mori ky kurs nga eurodeputeti Alberico Gambino, i cili theksoi rëndësinë e zhvillimit të aftësive për specialistët e rinj dhe nxitjen e bashkëpunimit ndërkombëtar, duke i hapur mundësi për ata që duan të angazhohen në zhvillimin e projekteve evropiane. Kjo ngjarje paraqiste një mundësi të jashtëzakonshme për pjesëmarrësit që të zhvillonin njohuritë dhe aftësitë e tyre në menaxhimin e fondeve dhe projekteve evropiane.

Rektori i UBT-së, Prof. Dr. Edmond Hajrizi, në fjalimin e tij, theksoi angazhimin dhe përkushtimin e UBT-së për të kontribuar në zhvillimin e projekteve që mbështesin avancimin e politikave dhe iniciativave evropiane. Ai vuri në dukje se UBT është një aktor aktiv në promovimin e zhvillimit të politikave të edukimit, kërkimit shkencor dhe inovacionit, duke siguruar që këto fusha të kenë ndikim të drejtpërdrejtë në zhvillimin e rajonit të Ballkanit Perëndimor dhe përtej tij.

Po ashtu, rektori theksoi rëndësinë e bashkëpunimit ndërmjet institucioneve evropiane, atyre italiane dhe Kosovës, për realizimin e qëllimeve të përbashkëta, si dhe mundësitë që ofron ky kurs për krijimin e lidhjeve dhe zhvillimin e projekteve që kontribuojnë në përparimin e politikave të integrimit dhe avancimin e zhvillimit ekonomik dhe shoqëror.

Pjesëmarrësit patën mundësinë të thellohen më tej në mundësitë që ofron Bashkimi Evropian për financimin e projekteve ndërkombëtare dhe të mësojnë nga ekspertët më të njohur në fushën e menaxhimit të fondeve. Ata gjithashtu patën mundësinë të përjetonin direkt ambientin e punës në Parlamentin Evropian, duke u njohur me praktikat më të mira dhe duke krijuar një lidhje të fortë me institucione të nivelit të lartë të BE-së.

Një tjetër element i rëndësishëm që u theksua gjatë këtij eventi ishte krijimi i UBT Italian Innovation Hub në UBT Smart City, një hap i rëndësishëm për zhvillimin dhe avancimin e projekteve inovative ndërkombëtare, që do të sjellin mundësi për shkëmbime të mëtejshme në nivel global. Ky hap i ri për UBT-në ka një rëndësi të madhe, pasi hap mundësi për zhvillimin e mëtejshëm të kërkimit shkencor dhe inovacionit në nivel ndërkombëtar.

Duke parë interesimin e madh për këtë tematikë, UBT dhe partnerët e saj kanë marrë vendimin për të ofruar kurse të ngjashme në Kosovë dhe në rajon, me qëllim që të avancojnë zhvillimin e kapaciteteve lokale dhe të nxisin mundësitë për bashkëpunim dhe shkëmbime ndërkombëtare, duke kontribuar kështu në forcimin e lidhjeve evropiane dhe promovimin e zhvillimit të qëndrueshëm në rajon./UBTNews/

Continue Reading

Aktualitet

‘Radio është magjike, mezi presim të japim kontributin tonë’, e ardhmja e ndritur e studentëve të Media dhe Komunikim në UBT

Published

on

Programi i studimeve në Media dhe Komunikim në UBT ofrohet në dy nivele: Bachelor dhe Master.

Ky program është i strukturuar për të ofruar një kombinim të fortë të teorisë dhe praktikës, duke përgatitur studentët për karriera në sektorin mediatik dhe të komunikimit.​

Ky program është i dizajnuar për të adresuar nevojat e tregut të punës në fushën e medias dhe komunikimit, duke ofruar një përgatitje të plotë teorike dhe praktike për studentët.

Fakulteti i Media dhe Komunikimit në UBT ofron kushte moderne për zhvillimin e aftësive praktike.

Pjesë e UBT-së është portali UBT News si dhe Radio Campus që mund ta dëgjoni në frekuencën 100.7 FM e në platformën online: UBT – Radio Campus.

Skema programore e radios është zgjeruar edhe me një emision të ri, nga ish-studentja, tashmë e punësuar si staf i rregullt në UBT, Albina Zeneli e cila e moderon n’Ritëm që fillon nga ora 13:00 deri në 15:00, nga e hëna në të premte.

Pjesë e emisionit janë edhe studentët aktual të UBT-së të cilët janë të pranishëm shpesh gjatë zhvillimit të emisionit live të cilët kanë mundësi ta shohin nga afër punën praktike. 

 

                                                                                                                                                                            

Continue Reading

Lajmet nga UBT

UBT nënshkruan marrëveshje me kompaninë Ditron Dental

Published

on

By

Në kuadër të pjesëmarrjes në panairin më të madh në Evropë të stomatologjisë dhe teknologjisë dentare IDS 2025, UBT zgjeroi partneritetet e tij strategjike duke nënshkruar një marrëveshje bashkëpunimi me Ditron Dental, një prej kompanive më inovative në fushën e komponentëve për restaurime dentare me bazë implanti.

Marrëveshja u nënshkrua nga Rektori i UBT-së, Prof. Dr. Edmond Hajrizi, dhe Presidenti i kompanisë Ditron Dental, Eyal Baruch, dhe përmes kësaj, UBT do të ofrojë këtë teknologji inovative te klinikat dentare në Kosovë.

Ky bashkëpunim hap rrugën për projekte të përbashkëta kërkimore-shkencore, shkëmbim ekspertize, trajnime për studentët dhe profesorët e Fakultetit të Stomatologjisë, si dhe integrimin e teknologjive të Ditron Dental në laboratorët dhe klinikat moderne të UBT-së.

“Kjo marrëveshje me Ditron Dental është një hap konkret drejt integrimit të teknologjisë më të lartë botërore në arsimin dhe praktikën dentare në Kosovë. Synimi ynë është të fuqizojmë kapacitetet vendore, cilësitë botërore në Kosovë, që shëndeti dhe mjekësia dentare të jetë sa më e kompletuar”, deklaroi Rektori Hajrizi.

Falë kësaj marrëveshjeje, profesionistët nga Kosova do të kenë mundësi të qasen në teknologjitë më të fundit si implantet dentare të sofistikuara, sistemet digjitale të trajtimit, skanimi 3D dhe aplikimet e inteligjencës artificiale në stomatologji.

Continue Reading

Lajmet nga UBT

Rektori Hajrizi merr pjesë në Panairin më të madh botëror të Stomatologjisë IDS 2025 në Köln

Published

on

By

UBT mori pjesë në panairin më të madh në botë për fushën e stomatologjisë dhe teknologjisë dentare, IDS 2025, i cili u zhvillua në qytetin e Köln-it në Gjermani. Ky panair prestigjioz mblodhi në një vend kompanitë më të njohura globale, prodhuesit lider të pajisjeve dhe teknologjive stomatologjike, përfaqësues të universiteteve, instituteve kërkimore dhe profesionistë nga e gjithë bota.

Rektori i UBT-së, Prof. Dr. Edmond Hajrizi zhvilloi takime të rëndësishme me kompani dhe institucione ndërkombëtare, me qëllim të krijimit të bashkëpunimeve strategjike në fushën e stomatologjisë, teknologjisë mjekësore dhe inovacionit digjital.

Gjatë qëndrimit në panair, Rektori Hajrizi nënshkroi disa marrëveshje bashkëpunimi me kompani ndërkombëtare, të cilat do të kontribuojnë në rritjen e kapaciteteve kërkimore-shkencore, si dhe në avancimin e laboratorëve dhe programeve studimore të kësaj fushe.

Në fjalën e tij, Rektori Hajrizi theksoi rëndësinë e integrimit të teknologjisë në stomatologji, duke përmendur zhvillimet më të fundit në fushat si inteligjenca artificiale, skanimi 3D, printimi i materialeve biokompatibile, kamera inteligjente për diagnozë të avancuar dhe sistemet e trajtimit digjital.

“Panairi i Köln-it është një platformë globale ku shpalosen arritjet më të reja dhe më inovative në fushën e stomatologjisë dhe teknologjisë dentare. Pata mundësinë të takohem me dhjetëra kompani dhe institucione që ofrojnë produkte dhe zgjidhje të sofistikuara, shumë prej të cilave do të jenë pjesë e bashkëpunimeve me UBT-në”, deklaroi Rektori Hajrizi.

Ai gjithashtu foli për përparimin që ka bërë Kosova në këtë fushë, duke theksuar se shumë klinika në vend tashmë janë të pajisura me teknologjitë më të fundit dhe ofrojnë shërbime të cilësisë së lartë, krahas atyre që ofrohen në vendet më të zhvilluara.

“Stomatologjia në Kosovë ka pësuar një zhvillim të ndjeshëm vitet e fundit, si në aspektin e pajisjeve ashtu edhe në nivelin profesional të mjekëve. Ky përparim ka ndikuar edhe në rritjen e turizmit dentar, ku një numër gjithnjë në rritje i qytetarëve nga diaspora dhe rajoni po vijnë për të marrë trajtime në klinikat tona”, shtoi ai.

Pjesë e diskutimeve ishin edhe mundësitë për zhvillimin e industrisë vendore të prodhimit të pajisjeve dhe materialeve dentare në Kosovë, duke u bazuar në potencialin për ndërmarrësi, digjitalizim dhe aplikimin e teknologjive të avancuara si 3D printimi dhe inteligjenca artificiale.

Panairi IDS 2025 në Köln u cilësua si një ndër ngjarjet më të rëndësishme të vitit në fushën e stomatologjisë, dhe pjesëmarrja e UBT-së në këtë aktivitet përforcon pozicionin e tij si institucioni më aktiv në zhvillimin e shkencës dhe teknologjisë në Kosovë dhe më gjerë.

Ky angazhim i UBT-së është dëshmi e vizionit të tij për të sjellë praktikat më të mira ndërkombëtare në Kosovë, duke krijuar ura bashkëpunimi me liderët globalë të industrisë dhe duke përgatitur gjenerata të reja të profesionistëve të gatshëm për tregun ndërkombëtar të punës.

Continue Reading

Aktualitet

UBT organizon konferencën ‘Inovacioni dhe Mbrojtja e Pronësisë Intelektuale’

Published

on

Në vazhdën e organizimit të eventeve në UBT, ka filluar të mbahet edhe konferenca ‘Inovacioni dhe Mbrojtja e Pronësisë Intelektuale’.

Konferenca ka filluar me një fjalim hyrës nga Rektori i UBT-së, Prof. Dr. Edmond Hajrizi.

Pjesëmarrës në këtë konferencë janë edhe Zjarrta Osmani e cila është ushtruese e detyrës së Drejtorit nga Zyra për të Drejtat e Autorit, Ligjërues Avdi Krasniqi – Zv. Drejtor i Përgjithshëm si dhe Sadie Topojani që është Udhëheqëse e Sektorit të IP në Doganë dhe Ligjëruese në UBT.

Kjo ngjarje u organizua në bashkëpunim me Zyrën për të Drejtat e Autorit dhe Doganën e Kosovës, dhe synon të ofrojë një pasqyrë të rëndësishme mbi mbrojtjen ligjore të inovacioneve, dizajneve, patentave dhe të drejtave të autorit në sektorë të ndryshëm si teknologjia, inxhinieria dhe biznesi.

Agjenda ka përfshirë edhe pika të tjera si: 
  • Prezantime nga përfaqësues të lartë të institucioneve relevante,
  • Diskutim të hapur dhe mundësi për rrjetëzim profesional,
  • Përmbyllje me përmbledhje të konkluzioneve kryesore.

/UBT News/

 

Continue Reading

Të kërkuara