UBT vazhdon të dëshmojë përkushtimin e tij ndaj ekselencës akademike dhe promovimit të studentëve në arenën ndërkombëtare, pasi punimi shkencor i studenteve Tringa Muhadri nga Fakulteti i Stomatologjisë dhe Ornela Lezi nga Fakulteti i Teknikës Dentare është pranuar për prezantim në edicionin e 12-të të International Student Congress (ISC MedUni Graz), i cili do të mbahet nga 3 deri më 6 qershor 2026 në Graz, Austri.

Punimi me titull “Digital vs Conventional Impressions: Accuracy, Patient Comfort, and Comparison – Paper Review”, i realizuar nën mentorimin akademik të Prof. Asst. Genc Demjaha dhe Dr. Spec. Krenare Mehmeti, ka marrë vlerësim pozitiv nga Këshilli Organizativ i kongresit, duke u përzgjedhur për prezantim në një platformë prestigjioze ndërkombëtare që mbledh studentë, hulumtues dhe profesionistë të rinj nga fusha të ndryshme të shkencave shëndetësore.

Për të katërtin vit radhazi, studentët e UBT-së po marrin pjesë dhe prezantojnë punimet e tyre shkencore në International Student Congress në Graz, duke dëshmuar vazhdimësinë e suksesit dhe përfaqësimit dinjitoz në një nga platformat më prestigjioze akademike ndërkombëtare. Ky sukses përfaqëson jo vetëm një arritje të rëndësishme për studentet, por edhe një dëshmi të cilësisë akademike dhe përgatitjes profesionale që ofrojnë Fakulteti i Stomatologjisë dhe Fakulteti i Teknikës Dentare në UBT.

Përmes këtij punimi, studentet do të prezantojnë analiza mbi krahasimin ndërmjet metodave digjitale dhe konvencionale të impresioneve dentare, duke trajtuar elemente kyçe si saktësia, komoditeti i pacientit dhe përparësitë e teknologjive moderne në praktikën stomatologjike.

ISC MedUni Graz konsiderohet një nga platformat më të rëndësishme ndërkombëtare për studentët e shkencave shëndetësore, me fokus në promovimin e bashkëpunimit ndërdisiplinor, shkëmbimin e njohurive shkencore, ndërtimin e rrjeteve profesionale dhe avancimin e dialogut akademik global.

Pjesëmarrja e studenteve të UBT-së në këtë kongres prestigjioz konfirmon edhe një herë orientimin ndërkombëtar të institucionit dhe angazhimin e tij për të krijuar mundësi konkrete për studentët që të kontribuojnë në zhvillimin shkencor dhe profesional përtej kufijve vendorë.

Ky përfaqësim dinjitoz në Graz është një tjetër dëshmi se UBT po vazhdon të ndërtojë gjenerata profesionistësh dhe hulumtuesish të aftë për të konkurruar dhe kontribuar në skenën globale akademike.

Në kuadër të përkushtimit të vazhdueshëm të UBT-së për të ofruar arsim cilësor, praktik dhe të orientuar drejt tregut të punës, studentët e nivelit Bachelor dhe Master të programit Inxhinieria e Agrikulturës dhe Mjedisit zhvilluan një vizitë studimore në dy nga ndërmarrjet e njohura të sektorit të bletarisë, “API ROI” dhe “APIMODERNA”.

Kjo vizitë praktike u realizua si pjesë e aktiviteteve akademike që synojnë avancimin profesional të studentëve përmes ndërthurjes së dijes teorike me përvojën direkte në industri, duke i ekspozuar ata ndaj proceseve reale të prodhimit, menaxhimit dhe kontrollit të cilësisë në një sektor me rëndësi të veçantë për zhvillimin e qëndrueshëm agrikulturor dhe ekonomik.

Gjatë kësaj eksperience, studentët patën mundësinë të njihen nga afër me teknologjitë moderne të përdorura në industrinë e bletarisë, proceset e përpunimit të produkteve të bletës, standardet e sigurisë ushqimore, si dhe praktikat e kontrollit të cilësisë që garantojnë produkte konkurruese në treg.

Përmes prezantimeve profesionale dhe diskutimeve me ekspertë të fushës, studentët u informuan mbi rëndësinë e inovacionit në agrikulturë, menaxhimin e qëndrueshëm të resurseve natyrore dhe potencialin që sektori i bletarisë ka në zhvillimin ekonomik dhe ambiental.

Vizita në “API ROI” dhe “APIMODERNA” shërbeu si një platformë e rëndësishme për studentët që të kuptojnë më mirë sfidat dhe mundësitë e sektorit, duke zhvilluar kompetenca praktike që janë thelbësore për karrierën e tyre profesionale në fushën e agrikulturës, mjedisit dhe agro-biznesit.

Programi Inxhinieria e Agrikulturës dhe Mjedisit në UBT vazhdon të dëshmojë përkushtimin e tij në përgatitjen e profesionistëve të rinj përmes metodave bashkëkohore të mësimdhënies, bashkëpunimit me industri relevante dhe organizimit të aktiviteteve praktike që i bëjnë studentët më të gatshëm për tregun vendor dhe ndërkombëtar të punës.

Dekani i Fakultetit të Shkencave të Sportit në UBT, Assoc. Prof. Dr. Agron Thaqi, mori pjesë në konferencën shkencore të organizuar nga Universiteti “Aleksandër Xhuvani” në Elbasan.

Gjatë kësaj vizite, ai zhvilloi një takim me rektoren e universitetit, ku u diskutuan mundësitë e zgjerimit të bashkëpunimit ndërinstitucional në të ardhmen, me fokus në projekte të përbashkëta, shkëmbime akademike dhe organizimin e aktiviteteve shkencore.

Me këtë rast, u bë edhe një ftesë zyrtare për pjesëmarrje në konferencën vjetore të UBT-së, ndërsa u theksua bashkëpunimi ekzistues në kuadër të projektit ndërkombëtar SHAPE, ku të dy institucionet janë partnere.

Ky angazhim përfaqëson një hap të rëndësishëm drejt forcimit të lidhjeve akademike dhe avancimit të arsimit të lartë në nivel rajonal.

Gjimnazi TIK i UBT International Smart Schools po shënon një interesim të jashtëzakonshëm nga nxënësit në nivel vendi, duke u konfirmuar si një ndër drejtimet më të kërkuara në Kosovë. Numri rekord i të interesuarve për regjistrime të hershme këtë vit reflekton orientimin e gjeneratave të reja drejt teknologjisë, inovacionit dhe profesioneve të së ardhmes.

Ky program unik dallon për qasjen e tij moderne të bazuar në modelin Classroom 3.0 dhe në konceptin STEAM (Shkencë, Teknologji, Inxhinieri, Art dhe Matematikë), duke ofruar një kombinim të balancuar ndërmjet njohurive teorike dhe praktikës profesionale.

Nxënësit zhvillojnë aftësi konkrete përmes laboratorëve inovativë, projekteve praktike dhe përdorimit të teknologjive të avancuara si realiteti virtual dhe i shtuar (AVR), përmes platformave si EON Reality.

Plani mësimor i Gjimnazit TIK është i strukturuar në mënyrë progresive përgjatë tri viteve të shkollimit, duke përfshirë një gamë të gjerë lëndësh të përgjithshme dhe profesionale. Krahas bazës në gjuhë, matematikë dhe shkenca, një pjesë e rëndësishme e programit fokusohet në zhvillimin e aftësive teknologjike dhe digjitale.

Nxënësit kanë mundësi të mësojnë dhe të punojnë në fusha si programimi, zhvillimi i uebit, inteligjenca artificiale, robotika, elektronika, modelimi dhe printimi 3D, dizajni grafik dhe animacioni, si dhe zhvillimi i lojërave interaktive. Përmes këtyre përmbajtjeve, ata përgatiten për të kuptuar dhe ndërtuar teknologjitë që po formësojnë botën moderne.

Një aspekt i rëndësishëm i këtij drejtimi është zhvillimi i kompetencave praktike dhe profesionale, ku nxënësit mësojnë të analizojnë probleme reale, të krijojnë zgjidhje digjitale, të zhvillojnë aplikacione, të dizajnojnë uebfaqe dhe të punojnë me baza të të dhënave.

Gjimnazi TIK në UBT International Smart Schoolsështë një ekosistem i plotë zhvillimi për të rinjtë. Përmes aktiviteteve shtesë si klube të programimit, robotikës, gjuhëve të huaja dhe sportit, nxënësit kanë mundësi të zhvillojnë aftësi të gjithanshme dhe të ndërtojnë rrugën e tyre drejt karrierës.

Për më tepër, shkolla është e integruar në një rrjet ndërkombëtar bashkëpunimesh dhe programesh, duke u bazuar në praktikat më të mira evropiane dhe globale të edukimit. Kjo u mundëson nxënësve të përfitojnë një edukim që është në hap me zhvillimet e fundit në teknologji dhe industri.

Interesimi i lartë për këtë drejtim dëshmon qartë se Gjimnazi TIK në UBT International Smart Schools është duke u shndërruar në një nga zgjedhjet kryesore për nxënësit që synojnë të ndërtojnë një të ardhme të sigurt dhe të suksesshme në fushën e teknologjisë.

Vendet janë të limituara në këtë drejtim, andaj ju ftojmë të siguroni të ardhmen përmes regjistrimit të hershëm!