Sport

Tucheli kundërshton reformat në Champions, kërkon cilësi jo sasi

Published

5 years ago

April 27, 2021

Betim Gashi

Trajneri i Chelseat, Thomas Tuchel, ka filluar një sulm të ashpër për formatin e ri të Ligës së Kampionëve, duke thënë se trajnerët dhe lojtarët nuk ishin këshilluar për planet për të shtuar më shumë ndeshje në një orar tashmë të ngjeshur në këtë garë.

UEFA javën e kaluar miratoi ndryshimet në garën e saj kryesore të klubeve, që do të hyjnë në fuqi nga viti 2024.

Numri i ekipeve që marrin pjesë në fazën e grupeve të Championsit do të rritet nga 32 në 36, me secilën skuadër që i ka të garantuara të paktën dhjetë ndeshje. Chelsea ishte një nga 12 klubet që u regjistruan në projektin e Superligës, që do të sillte një ngarkesë edhe më të madhe të lojtarëve, me minimum 18 ndeshje përgjatë sezonit të rregullt për të gjitha klubet e përfshira.

Chelsea dhe pesë klubet e tjera të Premier Leagues, që ishin regjistruar në ligën e izoluar, shpejt u tërhoqën, pas një reagimi të ashpër nga tifozët, lojtarët dhe autoritetet. Tucheli mirëpriti kthesën e Chelseat për Superligën, por duke folur para gjysmëfinales së Ligës së Kampionëve kundër Real Madridit, pati ankesa për formatin e ri të kësaj gare.

“Nuk jam i sigurt nëse më pëlqen, sepse mund të shoh vetëm më shumë ndeshje nga këto reforma. Më shumë ndeshje në orarin që kemi dhe nuk mund të them se jam i ngazëllyer. Të gjitha këto diskutime në lidhje me Superligën na bënë të harrojmë se kemi një format të ri të Championsit shumë shpejt”, tha Tucheli. “Nuk besoj se për këto reforma është pyetur ndonjë trajner apo lojtar. Personalisht mua nuk më ka pyetur askush. Ne kemi kaq shumë formate të reja me Ligën e Kombeve dhe Kampionatin Botëror për klube që vijnë së shpejti. Më shumë ekipe në Kampionatin Evropian në verë. Kjo nuk është më cilësore, por vetëm më shumë ndeshje”.

Edhe mesfushori i Manchester Cityt, Ilkay Gundogan, ka thënë fjalë të mëdha kundër ndryshimeve në Ligën e Kampionëve, duke thënë se formati aktual e bëri garën më të popullarizuar të klubeve në botë.

“Gjithnjë e më shumë lojëra, a nuk mendon askush për ne lojtarët?”, shkroi Gundogan në “Twitter”. “Formati i ri i Championsit është vetëm më e vogla nga dy të këqijat në krahasim me Superligën”.

Manchester City luan me Paris Saint-Germainin në gjysmëfinalen tjetër, të mërkurën mbrëma.

UEFA kishte rënë dakord ta ndryshonte formatin aktual të 32 skuadrave të ndara në tetë grupe me presionin e shumë prej klubeve të mëdha pas projektit të Superligës.

UEFA kishte kërcënuar klubet e përfshira në Superligë me largim nga Championsi, por Tucheli këmbënguli se Chelsea dhe Madridi kishin fituar të drejtën për të mbetur në garë.

“Ne meritojmë të jemi në gjysmëfinale, ashtu si Real Madridi që e meriton të jetë në gjysmëfinale”, shtoi Tucheli. “Ne nuk e meritojmë për shkak të ndikimit politik, ose për shkak të madhësisë, fanellave apo logos sonë. Ne e meritojmë, sepse kemi bërë një rrugë të gjatë për të arritur deri këtu”.

Related Topics:Chelsea Champions League UBTSPORT Thomas Tuchel

Up Next

Ronaldo kërkon largimin nga Juventus, nuk dëshiron të luaj në Ligën e Evropës

Don't Miss

Chelsea-Real Madrid, formacionet e mundshme

Sport

Atmosferë e zjarrtë në Prizren, Kosova sfidon Sllovakinë

Published

2 days ago

February 27, 2026

UBTNews

Sot, Kombëtarja e Kosovës në basketboll luan ndeshjen e dytë parakualifikuese për FIBA EuroBasket 2029.

Kosova do të përballet me Sllovakinë dhe pritet një atmosferë e zjarrtë.

Ndeshja zhvillohet në Palestrën sportive “Sezai Surroi” në Prizren, me fillim nga ora 19:00.

Tifozët do të kenë mundësinë të mbështesin nga afër lojtarët që mbajnë mbi supe më shumë se një fanellë, duke përfaqësuar ëndrrën e një kombi, sakrificën dhe besimin e çdo tifozi. Forca Dardanë!

Sport

Real Madrid përballet me Manchester City, shorti i Champions premton spektakël

Published

2 days ago

February 27, 2026

UBTNews

Real Madrid përballet me Manchester City, shorti i Champions premton spektakël

Në Nyon është tërhequr shorti për raundin e 16-të të Champions League, ku sfida më e pritur është ajo mes Real Madrid dhe Manchester City.

Tetë skuadrat që u kualifikuan direkt do të përballen me fituesit e play-offit, duke ofruar përballje interesante dhe të forta. Ndeshjet kryesore të raundit janë:

Real Madrid – Manchester City
Bodo/Glimt – Sporting Lisbon
Chelsea – PSG
Barcelona – Newcastle
Liverpool – Galatasaray
Tottenham – Atletico Madrid
Bayern Munich – Atalanta
Arsenal – Bayer Leverkusen

Shorti premton duela spektakolare, ndërsa përballja Real – City pritet të jetë një nga më të ndjekurat të këtij raundi.

Sport

Drita mbyll aventurën evropiane

Published

3 days ago

February 27, 2026

UBTNews

Rrugëtimi evropian i FC Drita ka marrë fund, por krenaria për paraqitjen historike mbetet e madhe. Pas një gare dinjitoze dhe me karakter deri në minutat e fundit, skuadra gjilanase u eliminua në plejofin e fazës nokaut të UEFA Europa Conference League, duke mbyllur një kapitull të rëndësishëm në skenën ndërkombëtare.

Drita shënoi dy gola edhe në ndeshjen kthyese ndaj NK Celje, por humbja 3:2 në Slloveni, e njëjta si në Prishtinë një javë më parë, nuk i mjaftoi për të siguruar kualifikimin në një të tetën e finales.

Skuadra vendase kaloi në epërsi në minutën e 18-të me golin e Svit Seshlar, ndërsa vetëm pesë minuta më vonë Darko Hrka realizoi për 2:0. Drita reagoi shpejt: Blerim Krasniqi ngushtoi shifrat në 2:1 në minutën e 26-të, duke rikthyer shpresat për mysafirët. Megjithatë, në momentet më të mira të tyre, gjilanasit pësuan sërish, me Seshlar që realizoi nga penalltia për 3:1.

Në pjesën e dytë, Drita u hodh në sulm dhe Albert Dabiqaj shënoi për 3:2 në minutën e 52-të. Pavarësisht përpjekjeve dhe rasteve të krijuara, rezultati mbeti i pandryshuar deri në fund.

Ky eliminim i jep fund një rruge të gjatë evropiane për Dritën, e cila u bë skuadra e parë nga Kosova që arriti në fazën e plejofit të kësaj gare. Në fazën e ligës, Drita përfundoi e 20-ta me tetë pikë, duke siguruar fitore të rëndësishme dhe barazime që i mundësuan avancimin historik.

Ramadani: “Jam krenar për këta futbollistë”

Trajneri i Dritës, Zekirija Ramadani, pas ndeshjes e cilësoi takimin si “të çmendur” dhe shprehu krenarinë për skuadrën e tij.

“Jam krenar që jam trajner i Dritës dhe i këtyre futbollistëve me karakter kampioni. Me punë, angazhim dhe besim kemi arritur deri këtu. Futbollistët janë më meritorët për historinë që kemi shkruar në futbollin kosovar”, deklaroi Ramadani.

Ai theksoi se rrugëtimi që nisi në korrik ka qenë maratonik, me pak pushim dhe shumë emocione, ndërsa përvojën e kundërshtarit e cilësoi si faktor vendimtar në eliminim. Sipas tij, elementet e forta të Celjes, veçanërisht goditjet standarde, u shfrytëzuan maksimalisht në të dyja ndeshjet.

Ramadani e bëri të qartë se ambicia e klubit mbetet e madhe: synimi është rikthimi në këtë fazë, por në UEFA Europa League.

“Ky sukses nuk duhet të mbahet mend gjatë, por të na shërbejë si motiv për të arritur edhe më shumë. Nëse vijmë sërish deri këtu, synimi është të jemi në Ligën e Evropës”, theksoi ai.

Tashmë, fokusi i Dritës rikthehet në garat vendore, me synimin për titullin kampion. Evropa mbyllet për këtë edicion, por emri i Dritës tashmë është shkruar me respekt në arenën ndërkombëtare.

Sport

Nga fusha në zyra, Cristiano Ronaldo bëhet aksionar i Almerías

Published

3 days ago

February 26, 2026

UBTNews

Cristiano Ronaldo ka blerë zyrtarisht 25% të aksioneve të UD Almería, duke hedhur një hap të rëndësishëm drejt pronësisë në futboll.

Klubi spanjoll aktualisht renditet i treti në LaLiga 2 dhe synon rikthimin në elitën e futbollit spanjoll. Me përfshirjen e Ronaldos në projekt, ambiciet për ngjitje në La Liga pritet të forcohen edhe më shumë.

“Ishte një ambicie për kohë të gjatë për të kontribuar në futboll përtej fushës. Jam i lumtur që bëhem pronar në UD Almería, duke blerë 25 për qind të aksioneve”, ka deklaruar portugezi.

“Almería është një klub me bazë të fortë dhe me potencial të madh për t’u rritur. Mezi pres të punoj me ekipin drejtues për ta përkrahur klubin në fazën tjetër të zhvillimit”, ka shtuar Ronaldo.