

Magazinë
Trupi i një adoleshenteje gjendet në makinën e këngëtarit D4vda
Published
3 weeks agoon
By
UBT NewsMediat online kanë shpërndarë lajmin se në një automjet të regjistruar me emrin e këngëtarit amerikan D4vd, David Anthony Burke është zbuluar trupi i një adoleshenteje.
Sipas raportimeve, bëhet fjalë për Celeste Rivas, e cila ishte shpallur e zhdukur më shumë se një vit më parë në Kaliforni.
Celeste, vetëm 13 vjeçe në kohën e zhdukjes, ishte parë për herë të fundit në prill të vitit 2024 pranë Liqenit Elsinore.
Detaje të dala në media sugjerojnë se ajo kishte një lidhje me një person të quajtur “David”, ndërkohë që një tatuazh me mbishkrimin “Shhh…” në gishtin tregues të saj ka ngjallur dyshime për një lidhje të mundshme me artistin, i cili ka të njëjtin simbol të gdhendur në dorë.
Trupi i pajetë raportohet se është gjetur në fillim të shtatorit, në bagazhin e përparmë të një makine Tesla, e cila kishte qëndruar e braktisur për ditë të tëra në një parkim në Hollywood Hills. Policia ndërhyri pasi banorët denoncuan erë të rëndë që vinte nga automjeti.
Burime mediatike shkruajnë se autoritetet kanë konfirmuar pronësinë e mjetit, por nuk ka ende informacion zyrtar mbi përfshirjen e D4vd në këtë rast. Vetë këngëtari, sipas këtyre raportimeve, ka deklaruar se nuk ka dijeni për ngjarjen dhe është duke bashkëpunuar me hetimet.
Për momentin, autoritetet nuk kanë dhënë njoftim të detajuar mbi çështjen, lajmi ka ngjallur reagime të shumta në rrjet. /A.Z/UBT News/
Magazinë
Gene Simmons i grupit KISS përplaset me makinën në Malibu
Published
4 hours agoon
October 9, 2025By
UBT News
Gene Simmons, këngëtari i grupit KISS, u dërgua me urgjencë në spital pas një aksidenti në Malibu, pasi humbi ndjenjat gjatë ngasjes së makinës në autostradë.
Automjeti i tij përfundoi duke u përplasur me një veturë të parkuar, por fatmirësisht askush nuk u lëndua.
Pas trajtimit, Simmons është liruar e po rikuperohet në shtëpi. Bashkëshortja e tij, aktorja Shannon Tweed, tha se mjekët kohët e fundit i kishin ndryshuar medikamentet dhe ai duhet të pijë më shumë ujë, gjë që nuk është zakon për të.
Përfaqësuesi i këngëtarit konfirmoi se ai është mirë dhe ka rifilluar aktivitetet e tij normale.
Aksidenti ndodhi vetëm një muaj para se KISS të rikthehej në skenë për një koncert special “pa maska” në Las Vegas, i cili do të mbahet nga 14 deri më 16 nëntor.
Ky koncert vjen pas performancës së fundit të grupit në Madison Square Garden në New York në vitin 2023, që Simmons e kishte quajtur “performanca e fundit e KISS me grim”. /A.Z/UBT News/
Magazinë
“Ishim në krizë të thellë financiare”, Victoria Beckham flet për vështirësitë pas suksesit
Published
12 hours agoon
October 9, 2025By
UBT News
Pas suksesit të dokumentarit “Beckham” (2023), i cili u përqendrua në jetën dhe karrierën e futbollistit të njohur David Beckham, Netflix ka publikuar këtë vit një seri të re kushtuar bashkëshortes së tij – Victoria Beckham.
Projekti ndalet në rrugëtimin nga fama botërore si pjesëtare e grupit legjendar “Spice Girls”, deri te afirmimi si dizajnere e suksesshme dhe e respektuar në botën e modës. Dokumentari pasqyron vështirësitë, dështimet, paragjykimet e industrisë dhe pasiguritë personale që ajo ka përjetuar ndër vite, shkruan E! Online.
Premiera u mbajt dje në Londër, ndërsa dokumentari është i disponueshëm në Netflix. Victoria u martua me David Beckham më 1999, në kohën kur ishte nënë e djalit të parë, Brooklyn, vetëm 18 muajsh kur “Spice Girls” dhanë performancën e fundit në përbërjen origjinale, në vitin 2000. Pas ndarjes së grupit, ajo ka pranuar se ndiente pasiguri për të ardhmen e saj:
“Familja ime ishte e përsosur, por jeta dukej e ngadaltë. Ndihesha e vetmuar dhe mendoja: ‘Zot, a do të më ftojë më dikush në ndonjë projekt apo udhëtim?’ Thjesht nuk dija çfarë të bëja më,” ka treguar ajo.
David, pranoi se asokohe nuk e kishte kuptuar sa e vështirë ishte për bashkëshorten e tij. Victoria foli për presionin publik mbi pamjen fizike, duke kujtuar momentin kur u peshuar në mënyrë publike vetëm gjashtë muaj pas lindjes së djalit.
“Sot mund të qeshim me atë, por në atë kohë isha shumë e re dhe më lëndoi vërtet,” rrëfen ajo.
Ajo shtoi se ky presion ndikoi në vetëbesimin e saj: “Fillova të mos e pëlqeja më veten. Më quanin ‘Porky Posh’ ose ‘Skinny Posh’. Si pasojë, fillova të kontrolloja peshën time në mënyrë të pashëndetshme.”
Victoria pranoi se luftoi me çrregullime në ushqyerje: “Kur ke çrregullim në ushqyerje, bëhesh mjeshtër në fshehje. Kurrë nuk kam qenë e sinqertë për këtë as me prindërit. Dhe kur njerëzit të përsërisin vazhdimisht që nuk je e mjaftueshme, ajo të dëmton shumë.”
Pas zhvendosjes në Spanjë më 2003, e ndiente nevojën të qëndronte në qendër të vëmendjes, në mes të thashethemeve për jetën e çiftit.
“Ndihesha e paplotë, e trishtuar, sikur isha mbetur e ngrirë në kohë. E vlerësoja atë që kisha, por më duhej një qëllim,” kujton ajo.
Më 2008, Victoria themeloi markën e modës, por fillimi nuk ishte i lehtë. Redaktorja legjendare e Vogue, Anna Wintour, pranoi se për vite nuk kishte besuar në projektin e refuzonte ftesat për të marrë pjesë në sfilata. Vetëm në shtator 2013, ajo vendosi të shfaqej për herë të parë.
“E njihja si një Spice Girl. Shumë të famshëm që hyjnë në modë nuk janë dizajnerë të vërtetë. Por Victoria na bëri të ndryshonim mendim,” u shpreh Wintour në dokumentar. Deri në vitin 2016, biznesi i saj po përballej me humbje të mëdha financiare.
“Ishim miliona në humbje. Nuk dija çfarë të bëja,” kujton Victoria.
David pranoi se ajo periudhë ishte e vështirë edhe për të:
“Ne gjithmonë kemi qenë dakord të mbështesim njëri-tjetrin, por situata e saj financiare më shqetësoi shumë. Nuk ishte e qëndrueshme.”
Në vitin 2017, David Belhassen investoi në markën e saj e ndihmoi në ringritjen e kompanisë, edhe pse fillimisht ishte skeptik:
“Ishte një katastrofë. Nuk kishin bërë kurrë fitim. Madje shpenzonin rreth 80 mijë euro në vit vetëm për bimë zyre,” tha ai.
Victoria pranoi se kishte qenë “jashtëzakonisht e shthurur me paratë”: “Lejova që të ndodhte. Njerëzit kishin frikë të më thoshin ‘jo’.”
Sipas Fashion Network, më 2022 marka doli përfundimisht nga humbjet, duke shënuar kthesë të madhe në karrierën e një gruaje që nuk u dorëzua përballë skepticizmit të botës së modës. Dokumentari “Victoria Beckham” është tani i disponueshëm në Netflix. /A.Z/UBT News/
Magazinë
“Wayward” mbërrin në Netflix, seriali misterioz që po ndan kritikët dhe shikuesit
Published
1 day agoon
October 8, 2025By
UBT News
Pas premierës së tij në Festivalin Ndërkombëtar të Filmit në Toronto dhe debutimit në Netflix, seriali i ri misterioz “Wayward” ka arritur vendin e parë në listën globale të shikueshmërisë të platformës.
Publikuar më 25 shtator 2025, seriali ka tërhequr menjëherë vëmendjen e adhuruesve të trillerëve dhe serialeve misterioze.
Opinionet e kritikëve dhe shikuesve janë të ndara: kritikët i kanë dhënë vlerësim prej 78%, ndërsa shikuesit vetëm 49% në Rotten Tomatoes.
Pavarësisht kësaj, “Wayward” regjistroi 8.2 milionë shikime vetëm në javën e parë, duke u ngjitur në krye të listës së serialeve më të ndjekura në gjuhën angleze në mbarë botën në Netflix.
Seriali, krijuar nga aktorja dhe komediania kanadeze Mae Martin, zhvillohet në vitin 2003 në qytetin imagjinar Tall Pines, Vermont.
Historia ndjek një grup personazhesh që zbulojnë ngjarje të pazakonta, jo vetëm në qytet, por edhe në shkollën lokale me konvikt për adoleshentë me probleme, ku drejtoreshë është Evelyn Wade, e luajtur nga Toni Collette.
Ndërsa misteri shpaloset, personazhet përballen me situata të çuditshme dhe intrigë që shpesh kalon në territore të dyshimta, duke përfshirë elemente sektare dhe institucionalizim. /A.Z/UBT News/
Magazinë
Tetë vjet më parë i’a dhuroi veshkën, Selena Gomez nuk e ftoi shoqen në dasmë
Published
1 day agoon
October 8, 2025By
UBT News
Francia Raisa, aktorja që i dhuroi një veshkë Selena Gomez në vitin 2017 dhe i shpëtoi jetën, ka vendosur të flasë pas shumë vitesh heshtjeje për raportin e saj me këngëtaren.
Në një intervistë të fundit, 37-vjeçarja i quajti “thashetheme” zërat që flasin për një grindje mes saj dhe Gomez, duke theksuar se marrëdhënia e tyre është keqinterpretuar nga mediat.
“Ka shumë thashetheme që qarkullojnë, por nuk dua të merrem me budallallëqe”, tha Raisa, duke hedhur poshtë lajmet se raportet mes tyre janë prishur për shkak të stilit të jetesës së Gomez pas transplantit.
Aktorja foli edhe për dasmën e këngëtares me Blanco, në të cilën, sipas raportimeve, nuk mori pjesë. Megjithatë, ajo shprehu publikisht gëzimin e saj për këtë hap të rëndësishëm në jetën e shoqes.
“E di që do të martohet dhe jam shumë e lumtur për të. Selena ka jetën e saj, është tashmë miliardere dhe unë jam mirënjohëse që munda ta ndihmoj kur i duhej më shumë,” – u shpreh Raisa.
Kur u pyet për donacionet e organeve, aktorja nënvizoi se dhurimi i një organi duhet parë si një akt human që synon shpëtimin e një jete, e jo domosdoshmërisht si një garanci për një lidhje të përjetshme me përfituesin.
Francia Raisa i dhuroi një veshkë Selena Gomez në vitin 2017, pasi këngëtarja u diagnostikua me lupus – një sëmundje autoimune që mund të dëmtojë organet e brendshme. /A.Z/UBT News/

Gene Simmons i grupit KISS përplaset me makinën në Malibu

Shëndeti nuk njeh moshë, këshilla për të moshuarit mbi 80

Google planifikon investim prej 5 miliardë eurosh në Belgjikë

Rektori Hajrizi i ftuar të flasë në Konferencën Rajonale Vjetore të RCF-së në Budva

FSK merr medaljen e argjendtë në garën “Cambrian Patrol” në Britani

Studentët mund të aplikojnë për mbështetje në eKosova deri në fund të këtij muaji

Aksident trafiku në kryeqytet

Simptomat që mund të tregojnë se konsumoni shumë yndyrna të ngopura

AUV: Ndalohet importimi i kafshëve të gjalla nga Mali i Zi
Të kërkuara
-
Vendi2 months ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni3 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Vendi1 month ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Lajmet3 months ago
UBT sjell për herë të parë në Kosovë ekspozitën kushtuar vizionarit dhe inxhinierit Karl Gega